Контакт

Македонија

Заев на Форум со граѓански организации: Приклучите се во овие историски моменти да ја обезбедиме иднината на државата

Објавено пред

Премиерот Зоран Заев и министерот за информатичко општество и администрација, Дамјан Манчевски, имаа обраќања на тематскиот форум: „Една година влада – осврт на граѓанските организации кон досегашните постигнувања и идни очекувања“, што се одржа вчеравечер, заедно со претставници на Цивика мобилитас, во којашто членуваат околу двесте грантисти, како и пред претставници на донаторите на проектот, Швајцарската агенција за развој и соработка на Шведскиот институт за јавна администрација.

„Вие активно учествувате во реформските промени со коишто ја поставивме и ја движиме Република Македонија стабилно на патот на Европската Унија на НАТО. Вашето теренско (грас-рут) искуство, долгогодишната работа, анализите за клучни состојби во државата и од директен интерес за граѓаните на Република Македонија помогнаа кога го создадовме реформскиот план 3-6-9. А еве и овде ќе се обврзам, иако соработката со голем дел од вас e интензивна, дека граѓанскиот сектор останува активен дел и од практикувањето на политиките на Владата, и од носењето промени на сите нивоа“, рече Заев.

Тој оцени дека во општеството веќе е постигната свест, дека невладиниот сектор и граѓанските организации се една од најважните алки меѓу граѓаните и системот. „Власта никако не би смеела да се подразбира како моќ, туку како дадена доверба од граѓаните и должност кон граѓаните“, додаде премиерот Заев и посочи на направеното развластување кон граѓаните и кон општините.

„Да, Владата е политичка како што предвидува нашиот политички систем, но фокусот мора да биде кон граѓанските интереси. Затоа, ги вклучивме мерките од ‘Документот на граѓанските организации за итни демократски реформи’, познат како ‘Блупринт’, низ серијата консултации со претставници од граѓанскиот сектор. Посветени сме многу на проектот Отворено владино партнерство 2018-2020 и на консултативни средби со граѓанското општество за сите важни прашања за граѓаните од областа на секојдневниот живот, во унапредување на институционалните услуги, но и за клучните стратешки државни интереси“, рече Заев.

Тој сподели информации и за разговорите што течат околу спорот што ги сопира нашите евро-атлантски интеграции. „Република Македонија никогаш не била поблиску до изнаоѓање достоинствено решение на спорот со Република Грција коешто истовремено ќе го зачува и зајакне нашиот идентитет. Постои можност за такво решение за коешто последниот збор ќе го имаат граѓаните на Македонија на референдум. Јас сум подготвен за нашата држава повторно да покажам лидерство за заедничко добро на сите граѓани, за напредок и за развој на држава, сочувувајќи го дигнитетот, идентитетот и суверенитетот на нашите граѓани и нашата држава. И ве повикувам да учествувате, да се приклучите во овие историски моменти. Потребно ми е и мене како премиер и на Владата да продолжиме со активната, двонасочна отвореност и соработка и да дадете поддршка како граѓанско општество за економски развој и просперитет на Република Македонија. Вашата проактивност во нудење решенија е клучна. Можни се, достижни се и датум за ЕУ и покана за НАТО. Ако во тоа успееме, повторно, тоа ќе биде заеднички успех“ , рече премиерот.

Министерот за информатичко општество и администрација, Дамјан Манчевски, се осврна на реформите што во изминатата година се направени во медиумската сфера и во јавната администрација.

„Измените во Законот за аудио и аудиовизуелни медиумски услуги, што се резултат на долга дебата во којашто беа вклучени сите засегнати страни, во моментов е дел од собраниска процедура. Клучна е улогата на медиумските работници кои мора го кренат класот и да придонесат кон конечно усвојување на законот, што е и нивен предлог. Владата ги поддржува реформите во медиумската сфера, коишто произлегуваат од медиумските здруженија, граѓанските организации, новинарите и сите засегнати страни, а се надеваме дека во овие заложби ќе се вклучи и опозицијата, за да може законот да помине во Собранието“, рече Манчевски.

Во делот на јавната администрација, министерот Манчевски посочи на дигитализацијата на услугите, што овозможува брзи, ефикасни, поевтини услуги за граѓаните. „Преку порталот за е-услуги, со воспоставувањето централизиран шалтерски систем и една точка за услуги, со дигитализацијата на повеќе од 50 услуги коишто се најчесто барани од граѓаните, ние ги носиме услугите до граѓаните. Најважен за граѓаните е квалитетот на услугите што ги добиваат, а ние ќе целиме кон ефикасна администрација“, додаде Манчевски.

На средбата се обрати и Стефан Томаџан, заменик-амбасадор на Швајцарија во земјава кој ги поздрави активностите на Владата на Македонија во вклучувањето на граѓанското општество во градењето политики. Тој рече дека тоа е швајцарски модел за успешно граѓанско општество што дава резултати, а присуството на премиерот Заев и на министерот Манчевски на Форумот е потврда за определбите на оваа Влада да гради успешно граѓанско општество.

Претставниците на граѓанските организации се интересираа за повеќе актуелни прашања во државата. Во дебатата тие добија уверување од премиерот Заев и од министерот Манчевски дека оваа Влада е подготвена финансиски да ги поддржи граѓанските организации со средства од буџетот. При тоа, премиерот Заев ги повика организациите самите да посочат модел на успешни европски пракси, како државата да одвојува пари за невладиниот сектор, но да не се меша во распределбата, за да се задржи независноста на граѓанскиот сектор. Претседателот на Владата, Заев, најави и дека претставници на граѓанскиот сектор ќе учествуваат во подготовката и имплементацијата на планот 18, како што беа земени предвид нивните сугестии во планот 3-6-9. Исто така, премиерот Заев и министерот Манчевски рекоа дека не можат да се мешаат во изборите на кадри во регулаторните тела, судството, но дека повикуваат на правична застапеност согласно со родовите прашања, на лицата со посебни потреби, на граѓаните Роми. Опфатени беа и теми од образованието, за децата, екологијата, при што премиерот Зоран Заев најави очекувања дека среднорочните и долгорочните мерки во заштитита на животната средина ќе дадат резултати, во интерес и на децата и учениците и на сите граѓани.

Македонија

Ахмети од Куманово: На 30 септември колку повеќе да излеземе, толку посилни ќе бидеме

Објавено пред

Од

Демократската унија за интеграција во текот на денешниот ден одржа средба со граѓаните во Куманово, каде ги информираше граѓаните во врска со важноста од гласањето на 30 септември што воедно е и историски датум за Македонија, бидејќи како никогаш порано ова земја е близу членството во НАТО.

Претседателот на ДУИ, Али Ахмети рече дека на 30 септември се гласа за стабилност, за мир, се гласа за безбедност како основен предуслов за економски развој и напредок.

,,Нема економија, нема инвестиции без одржлив мир и безбедност. На 30 септември се гласа за подобри меѓуетнички односи, на 30 септември се гласа и за генерациите што ќе се родат, затоа што план Б нема, единствената алтернатива е овој проект на 30 септември да се гласа и да биде успешен. На 30 септември се гласа за концепт, ќе бидеме со западен или источен концепт или филозофија. Колку повеќе ќе излеземе на 30 септември, толку посилни ќе бидеме, нема враќање назад, тие што мислат дека има враќање назад, само сонуваат дека ќе одиме напред”, рече претседателот на ДУИ, Али Ахмети.

Централниот штаб на ДУИ следната активност во рамките на кампањата за референдумот што ќе се одржи на 30 септември ќе ја одржи во село Семениште и во Општина Сарај.

Прикажи повеќе...

Македонија

Мицкоски до Заев: Победи го стравот, наместо на фингиран ајде на вистински ТВ дуел

Објавено пред

Од

Претседателот на ВМРО-ДПМНЕ ,Христијан Мицкоски оствари средба со граѓаните и членовите на Општинскиот Комитет на ВМРО-ДПМНЕ Неготино. Тој истакна дека ВМРО-ДПМНЕ е партија која ќе ги штити националните и државните интереси на Република Македонија и нејзините граѓани потенцирајќи дека партијата својот легитимитет го црпи од народот. Тој додаде дека владата на Заев прифатила уставни амандмани напишани од грчката страна и истите ги крие од јавноста.

,, Премиерот и министрите говорат за уставни амандамни кои ниту ги соопштија на јавноста, ниту со некого се консултираа, што укажува дека повторно нешто кријат отворајќи ја дилемата дали има нешто повеќе од тоа што го читаме во капитулантскиот договор, а се крие во уставните амандамни”, истакна Мицкоски.

Пред присутните, Мицкоски додаде дека голем број на граѓани не се согласуваат со штетните и катастрофални политики на СДСМ и Зоран Заев, а тоа може да се види и преку празните плоштади и покрај скапата кампања која е платена од џебот на граѓаните.

Мицкоски му порача на Заев да не бега од ТВ дуел со него и да собере храброст и сила да излезе пред граѓаните и на дебата да ги соочат ставовите и вистината за референдумот, но и за сите криминални тендери, корупција и хаос кој што се случува во државата, а за која што одговорен е СДСМ и Заев.

,,Стравот е кај него и никако не може да го победи и да излезе на ТВ дуел со мене, па за да можеме заедно пред граѓаните на нашата татковина да зборуваме за тоа зошто овој договор е капитулантски , но ќе зборуваме и за сите оние криминали, за сите оние лукративности, за сите оние лаги, за сето она коа што беше ветувано а не беше реализирано и во 2016 година, но и сега во 2017. Затоа му реков победи го стравот еднаш во животот твој и ајде да излеземе заедно на дебата, на телевизија каде што ќе ги немаш сите оние скапо платени советници и сите оние скапо платени телевизиски реклами да те штитат, јас и ти, очи во очи, гради во гради да дебатираме за вистинската вистина за Македонија, па народот нека одлучи дали ти си бил во право или јас сум бил во право кога сум бил чесен, принципиелен и искрен со моите сограѓани”, изјави Мицкоски.

Тој на Заев му порача да ги остави оние монтирани дебати што ги закажува неделава што следи на еден национален медиум, каде Заев и заедно со двајцата негови потпретседатели Шекеринска и Османи ќе глуми ТВ дуел и ќе дебатира за розевата манипулативна слика, така фингирајќи дебата.

Прикажи повеќе...

Македонија

(Видео) Заев од Богданци: Вашингтон и целиот свет оддаваат признание на нашата државност, јазик и идентитет

Објавено пред

Од

,,Од Вашингтон дојдов во Богданци. Добивме поддршка и од претседателот Трамп, за покажаното лидерство, за градењето пријателство, за односот фокусиран кон иднината. Стигна и порака од францускиот претседател Макрон, ни ја гарантира иднината во НАТО и ЕУ. Дојдоа во Македонија канцеларката Меркел, канцеларот Курц, Могерини.Ова е исто така признание на нашата државност, јазик и идентитет, рече претседателот на СДСМ и премиер”, Зоран Заев на денешната трибина во Богданци.

Tој додаде дека целиот свет и дава поддршка на Република Македонија, а прашањето со референдумот е дали ќе бидеме дел од светот или сами во светот.

Премиерот Заев рече дека ја разбира мачнотијата од географската одредница, но укажа дека со договорот од Преспа се потврдуваат македонскиот јазик и идентитет.

,,Го потврдивме нашиот јазик и идентитет. Имаме држава признаена од цел свет, македонски народ признаен од цел свет, којшто говори јазик признаен од цел свет. Во Европскиот Парламент како македонски премиер зборував на македински јазик. Тоа е потврда на нашиот јазик и идентитет. Со овој договор ги остваруваме вековните аспирации на нашите претци”, рече Заев.

Тој додаде дека ги охрабрува сите да гласаат на референдумот.

,,Сите деца ќе влезат во НАТО и во ЕУ, но некои луѓе ќе се горди на себе како постапиле, некои ќе жалат, а некои ќе се срамат. Требало да се прават уставни измени. Тие ќе бидат еден амандман и како што е наведено во договорот, ќе се внесе географската одредница, со повикување на документите од АСНОМ за македонската државност, со водење грижа за дијадпората како секаде во Европа и без иредентизам и територијални претензии. Со успешен референдум, ова е работа на Собранието”, дополни претседателот на СДСМ и премиер Заев.

,,Ова е одлука на нашата генерација. Шансата може да ни се повтори за 50 години. На 30. септември не се седи дома, на 30. септември се гласа се испишува историја, се гласа За европска Македонија”, повика Заев на трибината во Богданци.

Прикажи повеќе...

Најново

Култура8 часа

(Галерија) Почна ,,Браќа Манаки” – Клаудија Кардинале продефилира на црвениот тепих

Со перформанс во режија на Срѓан Јаниќијевиќ беше отворен 39 интернационален фестивал на филмска камера „Браќа Манаки“ во Битола. На...

Европа11 час

Почна Октоберфест во Минхен, се очекуваат шест милиони посетители

Градоначалникот на Минхен, Дитер Рајтен го отвори 185. фестивал на пивото – Октоберфест, еден од најпознатите и најголемите фестивали во...

Македонија14 часа

(Видео) Шилегов: Од Лисиче до Центар со воз се стигнува за 4 минути, од таму продолжете со велосипед

Европската недела на мобилност 2018 во Скопје заврши со комбинирање на железнички и превоз со велосипед. Активисти од здружението „Прв...

Свет15 часа

(Видео) Над 20 мртви при вооружен напад за време на воена парада во Иран

Дваесет и четири лица се убиени, а 53 повредени во утринскиот напад на вооружени луѓе за време на воена парада...

Македонија16 часа

(Видео) Платите на хирурзите покачени за 5.300 денари, повисоки плати и во школите и во градинките

На вработените во градинките, училиштата и болниците септемвриската плата ќе им биде зголемена за пет отсто. Зголемената плата ќе им...

Македонија17 часа

Следува период на пост-демократија во која главниот збор не е на избирачите, рече Иванов на предавање во САД

Претседателот на Република Македонија, Ѓорге Иванов, на почетокот на работната посета на САД, одржа предавање на Државниот универзитет Вејн во...

Топ18 часа

Холанѓанец пронајден мртов во вила во Трпејца

Во вила во охридското село Трпејца, во текот на вчерашниот ден починат бил пронајден 79-годишен Холанѓанец. Како што информираат од...

Македонија19 часа

(Видео) Макрон со обраќање до македонските граѓани: Ниеден договор не е совршен, но се работи за иднината на земјата

Францускиот претседател, Емануел Макрон, во пресрет на референдумот закажан за 30. септември преку видео-обраќање упати порака до македонсите граѓани, при...

Крвав четврток1 ден

Го извадив пиштолот и кажав стој полиција, сведочеше телохранителот на Оливер Спасовски за 27 април

Сашо Тасевски, директорот на БЈБ, телохранител на тогашниот министер за внатрешни работи, Оливер Спасовски, доцна вечерва сведочеше во кривичниот суд...

Крвав четврток1 ден

Ги видов пратениците Мукоски и Василевски како ги вадат гредите од вратите на Собранието, сведочеше собраниски обебзбедувач

На продолжението од судењето за настаните од 27 април сведочеше собранискиот обезбедувач Владимир Стојков. Тој потврди дека кога чул врева,...

Македонија2 дена

Претепаниот скопјанец: Ме намести пријател, тие ме чекаа во заседа

Брутално претепаниот скопјанец за „Макфакс“ вели дека бил нападнат од познат лихвар во Скопје бидејќи зел на заем 200 евра,...

Топ2 дена

(Видео) Кавадарчанец прободел жена со нож во стомакот кога му рекла дека е бремена

Полицијата вчера уапси кавадарчанец во Струмица под сомнение за обид за убиство како и за повеќе кражби во станови во...

Македонија2 дена

Обвинителството ќе проверува дали е запоставувано детето во станот со пелени во „Скопјанка“

Основното јавно обвинителство Скопје ќе утврдува дали родителите го запоставиле детето коешто живее со бабата во станот во „Скопјанка“, којшто...

Македонија2 дена

Мухиќ: Владата не им објасни на граѓаните кои уставни промени ќе се случат по референдумот

Независниот пратеник Ферид Мухиќ не сакаше за ,,Макфакс” да каже дали ќе излезе на претстојниот референдум за промена на името,...

Македонија2 дена

Фрчат казни за адвокати во кривичниот суд, тројца казнети со 1000 евра

Поради неприсуство на тројца адвокати, Судот го одложи денешното рочиште за предметот на специјалното јавно обвинителство со кодно име „Топлик“....

Македонија2 дена

Се разболе обвинетиот Митко Пецов – Фатиме побара да биде приведен

Одложено е рочиштето за предметот ,,Насилство”. Обвинетиот Митко Пецов се разболел и не присуствуваше на седницата, обвинителката на СЈО Фатиме...

Македонија2 дена

Претепаното момче во Аеродром има потрес на мозокот и скршеници

Лицето кое вчера беше брутално претепано во Аеродром добило скршеници во пределот на носот и вилицата, имало исеченици по глава...

Македонија2 дена

Јавното обвинителство формираше комисија за следење на противправности во врска со референдумот

Јавниот обвинител на Република Македонија формираше комисија за следење на евентуални противправности при организирањето и спроведувањето на референдумот на 30...

Свет2 дена

Повторно пукање во САД, петмина повредени, меѓу кои и дете

Пет лица се повредени, меѓу кои и осум годишно девојче во пукотници во Сиракуза, во државата Њујорк, соопшти полицијата. Инцидентот...

Македонија2 дена

1000 евра казна за вештак кој не дошол на судење за предмет на СЈО

1000 евра треба да плати вештакот Павлина Стојанова, а 2000 евра Друштвото за вештачење „Форензик експертс ДОО“ оти не се појавиле...

Досие