Контакт

Македонија

Заев на Форум со граѓански организации: Приклучите се во овие историски моменти да ја обезбедиме иднината на државата

Објавено пред

Премиерот Зоран Заев и министерот за информатичко општество и администрација, Дамјан Манчевски, имаа обраќања на тематскиот форум: „Една година влада – осврт на граѓанските организации кон досегашните постигнувања и идни очекувања“, што се одржа вчеравечер, заедно со претставници на Цивика мобилитас, во којашто членуваат околу двесте грантисти, како и пред претставници на донаторите на проектот, Швајцарската агенција за развој и соработка на Шведскиот институт за јавна администрација.

„Вие активно учествувате во реформските промени со коишто ја поставивме и ја движиме Република Македонија стабилно на патот на Европската Унија на НАТО. Вашето теренско (грас-рут) искуство, долгогодишната работа, анализите за клучни состојби во државата и од директен интерес за граѓаните на Република Македонија помогнаа кога го создадовме реформскиот план 3-6-9. А еве и овде ќе се обврзам, иако соработката со голем дел од вас e интензивна, дека граѓанскиот сектор останува активен дел и од практикувањето на политиките на Владата, и од носењето промени на сите нивоа“, рече Заев.

Тој оцени дека во општеството веќе е постигната свест, дека невладиниот сектор и граѓанските организации се една од најважните алки меѓу граѓаните и системот. „Власта никако не би смеела да се подразбира како моќ, туку како дадена доверба од граѓаните и должност кон граѓаните“, додаде премиерот Заев и посочи на направеното развластување кон граѓаните и кон општините.

„Да, Владата е политичка како што предвидува нашиот политички систем, но фокусот мора да биде кон граѓанските интереси. Затоа, ги вклучивме мерките од ‘Документот на граѓанските организации за итни демократски реформи’, познат како ‘Блупринт’, низ серијата консултации со претставници од граѓанскиот сектор. Посветени сме многу на проектот Отворено владино партнерство 2018-2020 и на консултативни средби со граѓанското општество за сите важни прашања за граѓаните од областа на секојдневниот живот, во унапредување на институционалните услуги, но и за клучните стратешки државни интереси“, рече Заев.

Тој сподели информации и за разговорите што течат околу спорот што ги сопира нашите евро-атлантски интеграции. „Република Македонија никогаш не била поблиску до изнаоѓање достоинствено решение на спорот со Република Грција коешто истовремено ќе го зачува и зајакне нашиот идентитет. Постои можност за такво решение за коешто последниот збор ќе го имаат граѓаните на Македонија на референдум. Јас сум подготвен за нашата држава повторно да покажам лидерство за заедничко добро на сите граѓани, за напредок и за развој на држава, сочувувајќи го дигнитетот, идентитетот и суверенитетот на нашите граѓани и нашата држава. И ве повикувам да учествувате, да се приклучите во овие историски моменти. Потребно ми е и мене како премиер и на Владата да продолжиме со активната, двонасочна отвореност и соработка и да дадете поддршка како граѓанско општество за економски развој и просперитет на Република Македонија. Вашата проактивност во нудење решенија е клучна. Можни се, достижни се и датум за ЕУ и покана за НАТО. Ако во тоа успееме, повторно, тоа ќе биде заеднички успех“ , рече премиерот.

Министерот за информатичко општество и администрација, Дамјан Манчевски, се осврна на реформите што во изминатата година се направени во медиумската сфера и во јавната администрација.

„Измените во Законот за аудио и аудиовизуелни медиумски услуги, што се резултат на долга дебата во којашто беа вклучени сите засегнати страни, во моментов е дел од собраниска процедура. Клучна е улогата на медиумските работници кои мора го кренат класот и да придонесат кон конечно усвојување на законот, што е и нивен предлог. Владата ги поддржува реформите во медиумската сфера, коишто произлегуваат од медиумските здруженија, граѓанските организации, новинарите и сите засегнати страни, а се надеваме дека во овие заложби ќе се вклучи и опозицијата, за да може законот да помине во Собранието“, рече Манчевски.

Во делот на јавната администрација, министерот Манчевски посочи на дигитализацијата на услугите, што овозможува брзи, ефикасни, поевтини услуги за граѓаните. „Преку порталот за е-услуги, со воспоставувањето централизиран шалтерски систем и една точка за услуги, со дигитализацијата на повеќе од 50 услуги коишто се најчесто барани од граѓаните, ние ги носиме услугите до граѓаните. Најважен за граѓаните е квалитетот на услугите што ги добиваат, а ние ќе целиме кон ефикасна администрација“, додаде Манчевски.

На средбата се обрати и Стефан Томаџан, заменик-амбасадор на Швајцарија во земјава кој ги поздрави активностите на Владата на Македонија во вклучувањето на граѓанското општество во градењето политики. Тој рече дека тоа е швајцарски модел за успешно граѓанско општество што дава резултати, а присуството на премиерот Заев и на министерот Манчевски на Форумот е потврда за определбите на оваа Влада да гради успешно граѓанско општество.

Претставниците на граѓанските организации се интересираа за повеќе актуелни прашања во државата. Во дебатата тие добија уверување од премиерот Заев и од министерот Манчевски дека оваа Влада е подготвена финансиски да ги поддржи граѓанските организации со средства од буџетот. При тоа, премиерот Заев ги повика организациите самите да посочат модел на успешни европски пракси, како државата да одвојува пари за невладиниот сектор, но да не се меша во распределбата, за да се задржи независноста на граѓанскиот сектор. Претседателот на Владата, Заев, најави и дека претставници на граѓанскиот сектор ќе учествуваат во подготовката и имплементацијата на планот 18, како што беа земени предвид нивните сугестии во планот 3-6-9. Исто така, премиерот Заев и министерот Манчевски рекоа дека не можат да се мешаат во изборите на кадри во регулаторните тела, судството, но дека повикуваат на правична застапеност согласно со родовите прашања, на лицата со посебни потреби, на граѓаните Роми. Опфатени беа и теми од образованието, за децата, екологијата, при што премиерот Зоран Заев најави очекувања дека среднорочните и долгорочните мерки во заштитита на животната средина ќе дадат резултати, во интерес и на децата и учениците и на сите граѓани.

Македонија

Oд Македонија и Филипините биле објавувани теории на заговор поврзани со коронавирусот, соопшти „Фејсбук“

Објавено пред

Еден од најголемите дезинформатори за коронавирусот на Фејсбук е забранет од платформата поради користење т.н. Трол-фарми од Македонија и Филипините, соопшти Фејсбук, пренесува „Ен-Би-Си-Њуз“.

Издавачот „Natural News“ беше една од најплодните „туркачи“ на вирусното видео за заговор „Plandemic“, кое лажно тврдеше дека коронавирусот е дел од владин заговор за контрола на населението преку вакцини и тврдеше дека со носење маска се зголемува ризик од зараза со новиот коронавирус.

Фејсбук соопшти дека пронашле странски тролови кои постојано објавувале содржини од „Natural News“, веб-страница за борба против вакцинирање, која често објавува лажни теории на заговор за коронавирусот за 5G и Бил Гејтс. Тие, исто така, објавија содржини од сестринските веб-страници на – „NewsTarget“ и „Brighteon“, во обид вештачки да ја зголемат својота посетеност.

„Ги отстранивме овие страници за спам и несоодветно однесување, а не за содржините што ги објавија. Тие ги доведоа во заблуда луѓето за популарноста на своите објавувања и се потпираа на „фарми за содржини“ во Северна Македонија и Филипините“, се вели во соопштението на Фејсбук.

Официјалната страница на „Natural News“ на Фејсбук беше забранета од Фејсбук минатата година, но страницата ја избегна забраната објавувајќи содржини во групите за дезинформации брендирани во „Amazing Cures“ и „GMO Dangers“, во кои имаше стотици илјади следбеници. По откривањето на манипулациите со странска платформа на Фејсбук, компанијата им забрани на сите корисници да објавуваат линкови до „Natural News “ и нејзините сестрински страници во целост на страницата на 19 мај.

Natural News е веб-страница во сопственост и управувана од Мајк Адамс, продавач на додатоци во исхраната, познати и под името „Здравствениот ренџер (The Health Ranger)“.

Минатата година, веб-страницата објавуваше статии за карцином на интернет. Написот во април, „Индустријата за рак не бара лек; тие се премногу зафатени со правење пари “, што ја промовираше неоснованата теорија на заговор дека„ Биг Фарма“ крие познат лек за рак за да ги задржи луѓето болни, имаше 5,4 милиони споделувања, коментари и реакции, претежно на Фејсбук, според податоците собрани преку BuzzSumo, компанија за анализи на социјални медиуми.

Во текот на своето 25-годишно работење, Natural News беше домаќин на илјадници објави кои промовираат лажни лекувања и шират теории на заговор.

Адамс не одговори на барањето за коментар, но се осврна на забраната на неговата веб-страница, нарекувајќи ја „палење дигитална книга“, а ги повикува читателите да се жалат на „Фејсбук“ и да поднесат тужба за граѓански права во Министерството за правда.

Avaaz, активистичка организација која води кампања против дезинформација на интернет, објави студија во која тврди дека „Natural News“ достигнале нови височини по првичната забрана минатата година со создавање неформални подгрупи што ширеле низ мрежата на социјалните медиуми здравствени дезинформации.

Прикажи повеќе...

Македонија

На 264 лица издадени им се решенија за изолација

Објавено пред

Во текот на изминатото деноноќие,  на 264 лица им се издадени решенија за изолација, а 52 лица потпишале изјави за самоизолација.

Како што информираат од МВР од страна на полициски службеници извршени се контроли кај лица во изолација и самоизолација и евидентирани се по едно лице кое не ја почитувале мерката за изолација и самоизолација.

Исто така, по однос на мерката за не носење лична заштита на лице регистрирани се 562 прекршоци.

Прикажи повеќе...

Македонија

СДСМ посочува на одговорност кај министерот Чулев за зголемувањето на бројот на новозаразени

Објавено пред

Наместо да работи на почитување на мерките од страна на граѓаните и санкционирање на прекршувањата, министерот за внатрешни работи, Наќе Чулев, во време на епидемија со коронавирусот, се однесува неодговорно и несериозно, а приоритет му е одбрана на неговиот шеф Мицкоски за случајот со теретаната, а не заштита на јавното здравје, велат од СДСМ преку соопштение.

Од владејачката партија нагласуваат дека изјавата на Чулев оти граѓаните не треба да бидат казнувани заради непочитување на мерките и задолженијата придонела за масовно непочитување на мерките од страна на граѓаните.

„Полицијата предводена од Чулев не презеде ништо ни кога се прекршуваа забраните за собири, кога масовно се прекршуваа забраните за движење, а и самиот Чулев организираше јавни собири без почитување на мерките. Сега, за жал, стигнува сметката за неказнувањето и неработата на Чулев преку зголемувањето на бројот на заразени со коронавирус во земјата. Ова е само уште еден доказ за несовесното и незрело однесување на Чулев и ВМРО-ДПМНЕ кои на овој начин дејствуваат против јавното здравје. Чулев по налог на Мицкоски не само што не помага, туку и одмага во борбата против коронавирусот“, велат од СДСМ.

Од партијата додаваат дека изборите се решение за незрелото, неодговорно и несериозно однесување на Христијан Мицкоски и неговите кадри во техничката влада. Од СДСМ порачуваат дека на државата и се потребни институции со полн капацитет кои ефикасно ќе се справат со последиците од актуелната пандемија, но и ќе бидат подготвени за новиот бран кој по сите најави се очекува наесен.

Прикажи повеќе...

Најново

Македонија11 минута

Oд Македонија и Филипините биле објавувани теории на заговор поврзани со коронавирусот, соопшти „Фејсбук“

Еден од најголемите дезинформатори за коронавирусот на Фејсбук е забранет од платформата поради користење т.н. Трол-фарми од Македонија и Филипините,...

Македонија1 час

Денеска ќе се одлучува за укинување или воведување нова вонредна состојба

Денеска во Кабинетот на претседателот на државата, Стево Пендаровски, во „Вила Водно“, ќе се одржи седница на Советот за безбедност....

Свет13 часа

Трамп и официјално соопшти: САД ги прекинуваат сите врски со СЗО

Американскиот претседател Доналд Трамп на прес-конференција во Белата куќа објави дека Соединетите држави ги прекинуваат сите врски со СЗО. Тој...

Македонија16 часа

Над половина од новозаразените во Скопје се од Сарај, Бутел и Чаир

Шест лица од денешните 26 случаи на Ковид-19 регистрирани во главниот град се од општина Сарај, покажуваат статистиките на Министерството...

Регион18 часа

Вратите за македонските туристи во Грција отворени од 15 јуни, тестови за корона ќе се прават по случаен избор

Грција од 15 јуни ќе ги отвори своите врати за туристи од 29 земји, објави денеска министерот за туризам, Хари...

Македонија19 часа

(Видео) Пауновски: Некои угостители ги понижуваа инспекторите, се однесуваат како да нема вирус

Одредени угостители со понижување се однесувале кон инспекторите од Пазарниот инспекторат велејќи им: „Едуцирајте нè и напуштете го локалот“, посочи...

Македонија20 часа

Филипче: Да знаевме дека нема да се почитуваат мерките, немаше да дадеме препорака за отворање на кафеаните

По објавата на фотографиите од скопски кафеани, каде што, наместо почитување на препораките, се правеле забави, без одржување дистанца, без...

Македонија21 час

(Видео) Филипче: Мерките не се почитуваат, можен е карантин во некои општини

Новозаболените од коронавирусот се резултат на непочитувањето на мерките, вели министерот за здравство, Венко Филипче, кој рече дека има информации...

Македонија21 час

Загинувањето на планинарите на Кајмакчалан било несреќа, отфрлена кривичната пријава

Основното јавно обвинителство Скопје донесе решение за отфрлање кривична пријава против водичот на планинарската тура, во која пред 2 години...

Македонија21 час

Потврдени 52 нови случаја на заразени, починаа 4 лица

Денеска, потврдени се 52 нови случаја на Ковид-19, оздравени се 30 пациенти, а починати се 4 лица, информира Министерството за...

Македонија21 час

Се бара казна од 10.000 евра за поранешната директорка на кожната клиника

Скопското Обвинителство денеска до надлежниот суд поднесе предлог за издавање казнен налог против поранешната директорка на ЈЗУ Клиника за дерматовенерологија,...

Економија22 часа

(Видео) ФИТР објави повик за финансиска помош, фирмите со добивка ќе треба да ги вратат парите

Речиси 150 домашни микро, мали и средни компании имаат можност да добијат поддршка за брзо приспособување на последиците од Ковид-19...

Македонија22 часа

(Видео) Американски и грчки воени авиони летаа над нашата земја

Два авиона на американското воено воздухопловство, придружувани од четири воени авиона на Грција, околу 11 часот извршија прелет над територијата...

Македонија22 часа

Бугарија го укинува задолжителниот карантин за патниците од Македонија од 1 јуни

Бугарија планира од 1 јуни да го укине задолжителниот 14-дневен карантин за патниците од Македонија и од повеќето земји на...

Свет23 часа

Нов Зеланд има само еден активен случај на коронавирус

Седум дена по ред Нов Зеланд не потврди ниту еден нов случај на коронавирус. Здравствените власти соопштија дека во моментот...

Свет1 ден

(Видео) Немири во Минеаполис поради смртта на црнецот, запалена полициската станица, прогласена вонредна состојба

Демонстрантите влегоа во полициската станица во Минеаполис, предизвикаа пожари и уништија сè што им се нјаде на патот во текот...

Регион1 ден

Хрватска го објави протоколот за свадби – најмногу 150 гости, на подиумот да се држи растојание од два метра

Хрватскиот завод за јавно здравје објави детаљни препораки за одржување свадби, кои од неодамна повторно се дозволени во Хрватска. Некои...

Свет1 ден

Кина се закани со напад на Тајван

Кина ќе го нападне Тајван ако нема друг начин да се спречи неговата независност, предупреди еден од главните кинески генерали,...

Европа1 ден

Идејата за имунитет на стадото во Британија не успеа

Речиси седум проценти од луѓето во британската покраина Англија биле инфицирани со коронавирус, покажале резултатите од тестот на антитела на...

Свет1 ден

Итна седница на ОН за спорниот закон за безбедност за Хонгконг што го донесе Кина

САД и Велика Британија побараа седница на Советот за бесбедност на ОН за спорниот закон за безбедност, кој Кина го...

Досие