Контакт

Македонија

(Видео) Заев: Почнува комплетна санација на колекторскиот систем во охридско-струшкиот регион

Објавено пред

Премиерот Зоран Заев објави дека после една година поготовки, почнуваат работите на санација на колекторскиот систем во охридско-струшкиот регион за прочистување од наслагите и корењата од дрвјата и рехабилитација на цевководот на колекторот. За оваа намена се обезбедени 4,2 милиони евра од Буџетот.

Тој кажа дека дополнително ќе се поправат или ќе бидат заменети сите редуктори на сите 18 препумпни станици, ќе се санира целиот систем за прочистување на отпадните води во пречистителната станица и ќе се изврши комплетно чистење на атмосферската и канализационата мрежа во должина од околу 300 километри во Охрид и Струга.

„Лошата изведба во некои делови, како и негрижата и неодржувањето на сите сегменти на колекторскиот систем за прочистување на отпадните води создадоа сериозна еколошка опасност за Охридското Езеро и за приодните убавини и реткости во неговото опкружување.Од стручната анализа на една јапонска компанија во 2014 година, направена со роботизирана технологија, констатирано е дека на неколку места колекторот речиси и да не постои заради лошата изведба и неодржувањето на бетонскиот цевковод. Во поголем дел колекторот е запушен или слабо пропустлив заради насобрани наслаги од отпад и заради корења на дрвја, исто како и атмосферската и канализационата мрежа. Од 18 препумпни станици само една или две работат повремено, а самата пречистителна станица е речиси без функција бидејќи не се сервисирале и не се заменувале дотрајаните делови“, рече Заев.

Тој обвини дека сознанијата за последиците од оваа состојба биле познати со години наназад, но ништо не било преземено.

Дејан Николовски, советник на Заев, истакна дека наместо да работат, компаниите во чија надлежност било и одржувањето и функционирањето на колекторскиот систем во охридско-струшкиот регион само го трупале долгот којшто достигнал 1,2 милијарди денари, не ги наплаќале долговите кои достигнале висина од 850 милиони денари и ги пренаменувале парите на други дејности само не во функција на редовно и одржливо работење на системот што ги чисти отпадните води што завршуваат во езерото и во реката Црн Дрим.

„Најлоша констатација е дека се немало сенс да се санира катастрофалната состојба со колекторскиот систем, да се издвојат 4,23 милиони потребни за да се решат овие проблеми. Користени се за разни намени, за фасади и споменици, но не и за решавање на овој проблем“, рече Николовски.



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија

Заев: Ако Мицкоски се грижеше за здравјето на граѓаните, немаше да ги крши мерките

Објавено пред

Ако Мицкоски се грижеше за здравјето на граѓаните, немаше да ги крши здравствените мерки, вели лидерот на СДСМ, Зоран Заев, откако лидерот на ВМРО-ДПМНЕ, Христијан Мицкоски, призна дека вчера бил на ручек во кафеана во затворениот дел од објектот.

Заев вели дека ако само ако сите ги почитуваме мерките и забраните, ќе можеме да се заштитиме од пандемијата.

„Ако ние политичарите не се придржуваме на одлуките и забраните, ако ние даваме погрешен и срамен пример пред граѓаните, тогаш не треба ни да се занимаваме со политика. Не му е првпат на лидерот на опозицијата да покажува, ем со зборови, ем на дело, незрело и неодговорно однесување во врска со пандемијата. Не му е првпат на лидерот на ВМРО-ДПМНЕ да не ги почитува мерките и дрско да лаже и да ја манипулира јавноста во врска со тоа. Но, неговите лаги се плитки, на неговите лаги им се куси нозете“, напиша Заев на „Фејсбук“.

Како што никој не веруваше во приказната за мали деца за „отсјајот во теретаната“, додава тој, така сега никој не верува во приказната дека лидерот на опозицијата не бил информиран доволно за новите протоколи.

„Па, како е можно да не бил информиран, кога министерот за внатрешни работи постојано кажува дека редовно го информира својот шеф за сите одлуки и мерки на Владата? Како е можно Мицкоски да не знаел дека неговата „средба со познаници во една скопска кафеана“ е арогантно кршење на правилата за заштита на здравјето?“, прашува Заев.

Лидерот на СДСМ напиша дека граѓаните со право го осудувале незрелото, лицемерно, непринципиелно и неодговорно однесување на политичарите како Мицкоски.

„Граѓаните знаат дека неговото извинување е лажно. За неговото грубо кршење на здравствените мерки тој ја обвинува власта, небаре власта го однесе во кафеана во време на забрана. Наместо искрено да се извини и да ги повика граѓаните да ги почитуваат мерките што тој ги прекрши, се одлучил власта да му биде виновна.

За политичари кои дрско, арогантно и безобразно кршат здравствени протоколи, не треба да има место во политиката. Политичари кои дење лицемерно глумат дека се загрижени за здравјето на граѓаните, а навечер ги кршат здравствените мерки, привилегирани политичари кои мислат дека вежбалниците и кафеаните треба да бидат отворени само за нив, ќе добијат силно НЕ од граѓаните“, напиша Заев.

Прикажи повеќе...

Политика

Филиповска-Грашкоска: Инспекторите извршиле 12.799 контроли, уредбите и протоколите мора да се почитуваат или следи соодветна санкција

Објавено пред

Инспекторите од Државниот пазарен инспекторат имаат реализирано најголем број, односно 11.504 контроли, што е и разбирливо, ако се земе  предвид дека нивните надлежности во овој период се и најобемни, особено во деновите по започнувањето со работа на кафетериите и угостителските објекти, за кои беа усвоени посебни протоколи, но контроли на други трговски објекти на големо и мало, аптеки, бензински станици, обложувалници, банки и пошти, изјави претседателката на Инспекцискиот совет, Магдалена Филиповска-Грашкоска, на денешната редовна прес-конференција.

„Државниот пазарен инспекторат беше особено активен. Само во првиот ден по воведувањето на протоколите за угостителите, на 28 мај, се направени 676 контроли и поради утврдени недоследности во почитувањето на протоколите, првиот ден се изречени само усни укажувања и опомени. Поради многу пропусти во првиот ден, важно е да се истакне дека се премина на подрастично санкционирање на прекршувањата и изминатите неколку дена предложено е поведување на повеќе од 25 кривични пријави за флагрантно кршење на Законот и протоколите.

Воедно се затекнати и нерегистрирани угостителски објекти во Скопје, Тетово, Гостивар, Дебар, Струга и Куманово. Вчера сите бевме сведоци за флагрантното кршење на протоколот од еден угостителски објект во Скопје, кој работеше во затворен простор и каде беше затекнат претседател на опозициска партија, ДПИ постапува по овој случај и ќе биде преземена соодветна санкција“, кажа претседателката на Инспекцискиот совет.

Директорот на Државниот пазарен инспекторат, Стојко Пауновски, се надоврза на актуелната ситуација со почитување или непочитување на протоколите за отворање и работа на кафетериите и угостителските објекти, при што истакна дека инспекторите ја извршуваат својата работа потполно професионално и неселективно, во насока на заштитата на јавното здравје, а секое прекршување соодветно се санкционира.

„Одреден број на угостители и трговци го прекршуваат добриот тек на почитување на мерките. Од минатиот четврток до сега поднесени се 28 кривични пријави, како и 38 прекршочни пријави, а затекнати се и 47 нерегистрирани даночни обврзници од областа на угостителството. Апелирам инспекторите да бидат оставени ревносно да ја вршат својата работа, да не ги вплеткуваме во политички игри. Институциите се формирани од државата и тие се институции на државата, инспекторите треба да се остават професионално и неселективно да ја работат својата работа“, потенцираше директорот на пазарниот инспекторат, Пауновски.

Претседателката на Инспекцискиот совет посочи дека Државниот инспекторат за труд, во горенаведениот период реализираше вкупно 504 контроли кај работодавачи.

„Фокусот во изминатите неколку дена беше ставен на компании од Штип, но и во Тетово, каде се појавија определени кластери на заболени. За периодот од 27 мај до 3 јуни од страна на овој инспекторат донесени се 4 решенија и 20 укажувања за работодавачите кои не постапиле по препораките на Владата“, рече Филиповска- Грашкоска.

Таа додаде дека Агенцијата за храна и ветеринарство во периодот од овие седум дена спроведе вкупно 229 надзори. При тоа изречени се вкупно 13 решенија заради лоши општи хигиенски услови во објектите и неспроведување на дезинфекција и чистење во работни простории, санитарни јазли, неселективност во текот на складирање на прехранбените производи по видови (одвоено чување на производите по вид и категорија), неводење записи за дезинфекција и следење на температурата на складирање на производите, како и вкупно 17 казнени мерки едукации поради тоа што не се воспоставени и имплементирани процедури за добра хигиенска пракса, засновани на HACCP принципите и неводење на записи за истите.

„Државниот инспекторат за транспорт во периодот од 27 мај до 3 јуни, направи вкупно 290 надзори. Констатирано е дека меѓуопштинскиот сообраќај сè уште е намален за околу 90%, но со релаксација на мерките за движење полека се враќаат одредени меѓуградски линии во функција. Транспортниот инспекторат забележа вкупно 7 прекршувања на уредбите и протоколите и тоа 3 прекршувања кај посебен меѓуопштински линиски превоз кој се врши за вработените во правни лица во Општина Штип и уште 4 прекршувања кај посебен меѓуопштински линиски превоз кој се врши за вработените во правни лица во Брвеница“, кажа Филиповска-Грашкоска.

Државниот здравствен и санитарен инспекторат, спроведе вкупно 225 надзори во субјекти во нивна надлежност, односно во приватни и јавни здравствени установи, домови за стари лица и други правни субјекти во нивна надлежност, а во врска со почитување на протоколите за заштита на медицинскиот персонал за прием и постапување со инфицирани пациенти од коронавирусот Ковид-19. Исто така, во овој период издадени се 55 дозволи на транспортери професионални возачи, со кои дозволи се овозможува непречено спроведување на транспортот во услови на епидемија од коронавирус. Агенцијата за лекови и медицински средства МАЛМЕД во периодот од овие седум дена изврши вкупно 47 контроли. При тоа е констатирано дека нема специфични отстапувања.

„Сакам да потенцирам дека инспекторите ќе бидат строги во контролите на сите објекти и дека мора да се почитуваат протоколите, инаку следува соодветна санкција за сите кои ќе се осмелат да ги прекршат. Нашата задача е системот да продолжи да функционира и во новите услови, а притоа здравјето на граѓаните да не биде загрозено“, заврши претседателката на Инспекцискиот совет, Магдалена Филиповска-Грашкоска.

Прикажи повеќе...

Македонија

(Видео) Ѓорѓиевски: Русковска да го повика Заев и да го вештачи неговиот телефон

Објавено пред

Вилма Русковска го штити Зоран Заев, кој е главата на криминалниот октопод во Република Македонија, обвини на денешната прес-конференција Орце Ѓорѓиевски од ВМРО-ДПМНЕ.

Како што нагласи тој, во случајот „Рекет“ неколку пати било посочено дека во телефонот на Заев има комуникација којашто е важна за расветлување на целиот случај, но, сепак, телефонот не бил одземен за вештачење.

„Што сака Русковска да сокрие? Дали во телефонот на Зоран Заев има кореспонденција и комуникација која директно укажува на него како капо ди тути капи на целата рекетарска шема во Македонија?“, праша претставникот на ВМРО-ДПМНЕ кој нагласи дека ЈО молчи во однос на вмешаноста на Заев и на секое негово спомнување ја свртува работата во друг правец.

Ѓорѓиевски рече дека ова се прашања на кои истрагата мора да се насочи, ако не сега, тогаш со воспоставувањето на правната држава во Македонија, кое според него, ќе се случи со доаѓањето на ВМРО-ДПМНЕ на власт.

Прикажи повеќе...

Најново

Македонија32 минути

Заев: Ако Мицкоски се грижеше за здравјето на граѓаните, немаше да ги крши мерките

Ако Мицкоски се грижеше за здравјето на граѓаните, немаше да ги крши здравствените мерки, вели лидерот на СДСМ, Зоран Заев,...

Регион1 час

Во Словенија има само девет активни случаи на коронавирус

Во Словенија во последните 24 часа се тестирани 828 лица и не се потврдени нови случаи на коронавирус, објави словенечката...

Македонија1 час

Отфрлена кривичната пријава против кумановскиот градоначалник за непочитување на мерките за заштита

Кумановското основно јавно обвинителство донесе решение за отфрлање на кривичната пријава против градоначалникот на Куманово, Максим Димитриевски, и раководителот на...

Македонија2 часа

Двајца починати и 120 нови случаи на коронавирус во Македонија

Две лица починаа од коронавирус во последните 24 часа во Македонија, а регистрирани се 120 нови случаи, што е една...

Топ2 часа

Пукање на улицата Џон Кенеди во Чаир, полицијата го истражува случајот

Истрели од огнено оружје се слушале утрово во скопски Чаир, што ги вознемирило жителите, кои подоцна настанот го пријавиле во...

Македонија3 часа

Поради полицискиот час се поместуваат термините за аплицирање за лични документи

Граѓаните кои имаат закажано термини за аплицирање за лични документи во деновите кога во дел од општините на сила ќе...

Регион5 часа

(Видео) Нереди на протест во Атина за смртта на Џорџ Флојд – употребени молотови коктели и солзавец

Грчката полиција употребила солзавец за да ги растера демонстрантите кои фрлале молотови коктели за време на протестот што се одржа...

Свет6 часа

СЗО продолжува со тестирање на лекот против маларија кај пациенти со Ковид-19

Светската здравствена организација ќе продолжи со тестирање на хидроксихлорокинот како потенцијален лек против коронавирусот, изјави директорот на СЗО, Тедрос Аданом...

Свет6 часа

(Видео) Чувар прободел 37 деца и тројца возрасни во градинка во Кина

Најмалку 40 лица се повредени во напад со нож на југот на Кина, јавуваат кинеските државни медиуми. АП наведува дека...

Свет6 часа

Џорџ Флојд имал коронавирус

Обдукцијата покажала дека убиениот Афроамериканец Џорџ Флојд бил позитивен на коронавирус, објави Си-ен-ен. Главниот медицински инспектор Ендру Бејкер изјавил дека...

Македонија7 часа

Мицкоски призна дека бил во кафеaна, не знаел дека е забрането да се седи внатре

Откако Државниот пазарен инспекторат вчера објави дека инспекторите биле спречени да извршат надзор во кафеана во Дебар маало, а после...

Македонија17 часа

(Видео) Инспектори биле спречени да направат надзор во кафеана, внатре бил лидер на политичка партија

Вработени во угостителски објект на Боемската улица во Дебар Маало не им дозволиле на инспекторите од Пазарниот инспекторат да извршат...

Македонија18 часа

Филипче: Се надевам дека, конечно, и на последните скептици ќе им стане јасно дека вирусот не е шега

Се надевам дека, конечно, и на последните скептици ќе им стане јасно дека вирусот не е шега. Вирусот нема да...

Македонија19 часа

Владата донесе одлука за повторно воведување полициски час

Владата ја прифати препораката на Комисијата за заразни болести за повторно воведување полициски час за време на претстојниот продолжен викенд...

Топ23 часа

Приведени седум полицајци во Куклица, правеле забава без да ги почитуваат мерките

Седум полициски службеници, кои не биле на должност, биле приведени затоа што правеле забава, без да ги почитуваат мерките против...

Македонија23 часа

И со негативен тест задолжителен е 14-дневен карантин по влез во земјата

Министерството за внатрешни работи соопшти дека при влез на наши граѓани во земјата, како и на странци, но само со...

Економија1 ден

Граѓаните на интернет ќе треба да проверат дали се меѓу корисниците на домашната платежна картичка

Граѓаните кои ќе бидат корисници на домашната платежна картичка нема потреба да аплицираат или да се пријават за да ја...

Македонија1 ден

Османи во Штип: Во компаниите ќе има ковид-координатори кои ќе го следат спроведувањето на мерките

Вицепремиерот задолжен за европски прашања, Бујар Османи, во улога на главен координатор на кризните штабови за одбрана од Ковид-19, оствари...

Македонија1 ден

Четворица починати и 101 случај на новозаразени од Ковид-19

Во последните 24 часа се направени 974 тестирања, а регистрирани се 101 нови случаи на Ковид-19, информираат од Минитерството за...

Свет1 ден

Тајна снимка на СЗО откри како Кина го прикрила коронавирусот

Снимки од интерни состаноци во Светската здравствена организација покажале дека СЗО едвај ги добила најпотребните информации од Кина на почетокот...

Досие