Контакт

Македонија

Заев: Сакам да им порачам на критичарите – пријателството и соработката со Бугарија се искрени

Објавено пред

Немајте дилема – пријателството меѓу Македонија и Бугарија е искрено. Заедно ќе го славиме и чествуваме нашето минато и на темелите на тоа минато ќе продолжиме да ја градиме нашата заедничка иднина. Заедно ќе бидеме како едно семејство во заедништво со сојузниците од Европската Унија и НАТО, порача премиерот Зоран Заев на социјалната мрежа ,,Фејсбук”. Тој во статус објавен утринава ја коментираше дебата која што се отвори деновиве во Бугарија околу односите на двете земји.

,,Гледам во пријателска Бугарија се отвори јавна дебата и се постави дури и прашањето за тоа дали ние двете земји и двата народи градиме искрено пријателство и соработка.Сакам да им порачам на сите граѓани, дури и на критичарите во Македонија и во Бугарија, да немаат дилема дека пријателството и соработката се искрени.

Ние повеќе од една година чествуваме заеднички делови од историјата меѓу двата народи, неколку пати заедно одбележуваме историски настани. Јас сум првиот премиер на Македонија што во Бугарија (Благоевград) се поклони пред споменикот на Гоце Делчев при заедничкото одбележување на празникот. Претходно мојот пријател, господинот Борисов, беше прв бугарски премиер кој се поклони пред гробот на Гоце Делчев во Македонија (Скопје) при заедничкото одбележување на празникот. Заедно двајцата претседатели на влади се поклонивме и пред споменикот на Цар Самоил во Софија. Заедно во Рим, во Ватикан оваа година ги славевме Светите браќа Кирил и Методиј, заедничките сесловенски просветители. Премиерот Борисов дојде во Скопје специјално да се поклони пред споменикот на Холокаустот на Евреите”, вели Заев.

Тој во статусот им се обраќа на гражаните на Република Бугарија. ,,Драги пријатели и браќа од Бугарија, верувајте, искрено градиме пријателство кое неколку децении наназад беше изгубено. Тоа беше загуба за двете земји. Ние повторно го најдовме нашиот пријател и брат. Да не дозволиме да се враќаме назад. Тоа ни е обврска пред нашите деца. Некогаш можеби не сме доволно внимателни ние политичарите, некогаш правиме и грешки, но ве уверувам дека тоа е само невнимание, затоа што искрено сакаме соработка и пријателство како што тоа го потпишавме во договорот за добрососедство и пријателство.

Зарем можеме да заборавиме како премиерот Борисов и министерката Захариева се бореа за Македонија во Министерскиот Совет на ЕУ и во Советот на Европа, за Македонија да добие датум за почеток на преговори со ЕУ? Се бореа како што се борат за својата земја.Зарем можеме да се правиме слепи и глуви кога гледаме и слушаме се што Бугарија направи и успеа во тоа да и помогне на Македонија за добивање на поканата за членство во НАТО? Зарем цела Европа не виде како Бугарија помага за Македонија и Западниот Балкан да се приближат кон Европската Унија?

Никогаш нема да го заборавиме тоа пријателство кое е докажано на дело. Ние сме благодарни и многу го почитуваме тоа. Затоа заедно ќе го славиме и чествуваме нашето минато и на темелите на тоа минато ќе продолжиме да ја градиме нашата заедничка иднина. Заедно ќе бидеме како едно семејство во заедништво со сојузниците од Европската Унија и НАТО”, порачува премиерот Заев.

Препукувања меѓу власта и опозицијата во Бугарија предизвика премиерот Зоран Заев, по неговата изјава за време на празникот Илинден кога заедно со бугарскиот премиер, Бојко Борисов, положија цвеќе пред споменикот на Гоце Делчев во Благоевград.

Министерката за надворешни работи, Екатерина Захариева, одговори на повиците на претседателката на бугарската опозициска партија БСП, Корнелија Нинова, која побара од Борисов да реагира на изјавата дадена од Заев во која тој вели дека Илинденското востание е македонско.

Захариева возврати дека нема да прифати совети од партијата која ги предаде коските на Гоце Делчев на Титова Југославија. „Во врска со прозивките на Нинова до премиерот итно да ги одбрани бугарските национални интереси од премиерот на Македонија, Зоран Заев, кој ги тестираше кревките темели на доброто соседство. Да, Илинденското востание географски може да се рече дека е македонско и тракијско, но историски е бугарско. Госпоѓо Нинова бидете мирни, Владата ги штити нашите национални интереси“, порача таа.



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија

147 новозаразени и шестмина починати во изминатите 24 часа

Објавено пред

Министерството за здравство информира дека во последните 24 часа се направени 1296 тестирања, а регистрирани се 147 нови случаи на ковид-19 во: Скопје-64, Куманово-8, Штип-6, Прилеп-3, Тетово-16, Струга-7, Велес-5, Битола-4, Охрид-5, Гостивар-9, Струмица-1, Крива Паланка-1, Кочани-1, Пробиштип-1, Кратово-1, Свети Николе-7, Кичево-4, Ресен-4.

Денеска Институтот за јавно здравје регистрира 111 оздравени пациенти од: Скопеј-56, Штип-7, Тетово-36, Велес-2, Битола-3, Гостивар-1, Гевгелија-2, Струмица-1, Свети Николе-1, Ресен-2.

Починати се 6 лица, тројца пациенти од Скопје, еден од Куманово, еден пациент од Штип и еден од Берово.

На Клиниката за инфективни болести и фебрилни состојби почина пациент од Скопје (63г). Во ГОБ „8 септември“ починати се двајца пациенти од Скопје (59г) и (63г) и еден пациент од Штип (36г). Во болницата во Штип е починат пациент од Берово (69г), во Куманово пациент (78г).

Вкупната бројка на ковид дијагностицирани во нашата земја од почетокот на епидемијата изнесува 6932, бројката на оздравени пациенти е 2987, на починати е 334, а во моментов бројот на активни случаи во земјата изнесува 3611. Од вчерашните тестирања два се контролни, во моментов дистрибуцијата по градови е следна:
• Скопје 3343, активни 1987
• Куманово 793, активни 240
• Дебар 103, активни 51
• Штип 371, активни 158
• Прилеп 277, активни 51
• Тетово 758, активни 385
• Струга 252, активни 154
• Велес 194, активни 43
• Битола 61, активни 22
• Охрид 195, активни 166
• Кавадарци 21, активни 15
• Гостивар 151, активни 91
• Гевгелија 12, активни 3 (*2 лица од ПЕ Гевгелија се жители на Богданци)
• Струмица 17, активни 9
• Крива Паланка 16, активни 10
• Радовиш 4, активни 0
• Крушево 7, активни 4
• Кочани 74, активни 21
• Пробиштип 25, активни 16
• Демир Хисар 2, активни 1
• Македонски Брод 6, активни 4
• Пехчево 6, активни 3
• Берово 3, активни 0
• Валандово 6, активни 2
• Виница 3, активни 0
• Делчево 1, активни 0
• Кратово 5, активни 2
• Свети Николе 41, активни 36
• Кичево 44, активни 38
• Ресен 120, активни 93
• Неготино 21, активни 6 (* 10 лица од ПЕ Неготино се жители на Демир Капија)

Направените 1296 теста се преку: ИЈЗ –585, Авицена –99, Биотек –75, МАНУ -158, Жан Митрев (Филип Втори) -209, Судска медицина-1, Систина со PCR метода -133, ЦЈЗ Битола-36. Досега во земјата се направени вкупно 66.133 тестирања на ковид -19. Денеска нема тестирања во рамките на скринингот.

На Инфективната клиника во изминативе 24 часа примени се 6 пациенти. Вкупно се хоспитализирани 84 пациенти. На кислородна поддршка се 53 пациенти, нема пациенти на механичка вентилација.

Во болницата во Козле се хоспитализирани 37 возрасни пациенти позитивни на ковид-19 и 5 деца позитивни и суспектни на вирусот.

Во ГОБ „8 Септември“ примени се 16 нови, вкупно хоспитализирани се 120 пациенти. На респираторна машина се 6 пациенти.

Во болницата во Битола се хоспитализирани 36, а во болницата во Штип се хоспитализирани 42 пациенти. На инфективните одделенија во Тетово, Охрид, Велес, Куманово, Прилеп и Гостивар се хоспитализирани 95 пациенти – позитивни и сомнителни на ковид-19.

Активни случаи по општини Скопје денеска (по завршување на епидемиолошките анкети, може да има измена во дистрибуцијата по општини во Скопје)
• Чаир – 409
• Аеродром – 150
• Бутел – 162
• Гази Баба – 189
• Центар – 143
• Карпош – 163
• Сарај – 149
• Кисела Вода – 109
• Ѓорче Петров – 114
• Студеничани – 110
• Шуто Оризари – 86
• Арачиново – 50
• Илинден – 32
• Петровец – 16
• Чучер Сандево – 18
• Сопиште – 14
• Зелениково-6
• Странец – 2
• Нераспределен- 65

Прикажи повеќе...

Македонија

(Видео) Трипуновски: Надлежните една недела молчат за скандалот со труење на луѓе во скопска сендвичарница

Објавено пред

Агенцијата за храна и ветеринарство, Институтот за јавно здравје, Центарот за јавно здравје Скопје и ДЗСИ скоро една недела молчат во однос на скандалот со труње на луѓе со храна од една скопска сендвичарница, изјави дополнителниот заменик министер за земјоделство, Цветан Трипуновски и додаде дека тоа е показател оти системот на институции за безбедност на храна во земјата не функционира.

„Шест дена му треба на Центарот за јавно здравје Скопје да ја извести Агецијата за храна и веретинарство дека една сендвичарница во градот е извор на зараза и труење на десетици наши сограѓани“, посочи Трипуновски и истакна дека тоа е спротивно и на законските одредби.

Изјава, 04.07.2020

Системот на институции за безбедност на храна и заштита на здравјето на луѓето од заразни болести во Репубилика Македонија не функционира. Агенцијата за храна и ветеринарство, Институтот за јавно здравје, Центарот за јавно здравје Скопје и ДЗСИ скоро една недела молчат во однос на скандалот со труње на луѓе со храна од една скопска сендвичара.Шест дена му треба на Центарот за јавно здравје Скопје да ја извести Агецијата за храна и веретинарство дека една сендвичара во градот е извор на зараза и труење на десетици наши сограѓани.Спротивно на член 23 од законот за заштита на населението од заразни болести однсно лабараториите се должни веднаш а најдоцна во рок од 48 часа од утврдување на секоја излоација на причинител да пријават до надлежен Центар за јавно здравје, министерство за здравство, Агенијата за храна и ветеринарство и Државниот санитарен и здравствен инспекторат. Јавно прашувам, зошто затаи системот за безбедност на храна и притоа институциите не постапуаат согласно нивните надлежности. Зошто скопската сендвичара не беше ведна веднаш затворена д агенцијата за храна и ветеринарство и од државниот здравствен и санитарен инспекторат и продолжи со работа по земањето мостри од храна но не и брисеви од работните површини за утврдување на вистинската причина за труење кај граѓаните.

Posted by Цветан Трипуновски on Сабота, 04 јули 2020

„Дури вчера 3 јули, 5 дена од првите лица кои што се пожалија на труење од Агенцијата за храна и ветеринарство известија дека излегле на терен. Срамота и класична неработа. Молчењето на инстиуциите и бавниот начин на работа е одлика или на неспособност или на свесно прикривање на субјеките од чии прозиводи се затруле голем број на граѓани. И за едното и за другото одговорност треба да има“, повика дополнителниот заменик министер за земјоделство.

Трипуновски воедно јавно запраша, зошто затаил системот за безбедност на храна и притоа институциите не постапиле согласно нивните надлежности.

„Зошто скопската сендвичарница не беше веднаш затворена од Агенцијата за храна и ветеринарство и од државниот здравствен и санитарен инспекторат и продолжи со работа по земањето мостри од храна, но не и брисеви од работните површини за утврдување на вистинската причина за труењето кај граѓаните“, додаде тој.

Прикажи повеќе...

Македонија

(Видео) Николоски во Прилеп го повика Заев на дуел

Објавено пред

„Сакам да се извинам за доцнењето но основна причина за доцнењето е она што го зборуваме во текот н целата кампања а тоа е нерешената инфраструктура и кон Прилеп, и кон Пелагонискиот регион, и кон Битола. Имено знаете дека експресниот пат кој што се градеше од Градско до Прилеп е стопирано од моментот на постојното патно решение има неколку семафори кои што навистина го прават патувањето невозможно.Мотив плус веднаш после победата на изборите на 15 јули да работиме за брза реализација на нашето клучно ветување за следните четири години, автопатско поврзување на Велес, Градско, Прилеп, Битола до грчка граница“, изјави Александар Николоски, потретседател на ВМРО-ДПМНЕ и Носител на изборна единица 4.

Тој најави дека ќе има средба со културните работници во Прилеп, што е значајно бидеќи планираат да изградат нов објект за театарот.

„Има навистина квалитетен театар во Прилеп, и има навистина добра публика и заслужуваат да имаат современ објект кој што објект ќе може да ги прими сите љубители на уметноста.Понатаму, старата чаршија која во изминатиот период се повеќе е затворена, а се повеќе дуќани се празни заради економската ситуација, целосна ревитализација во периодот кој што доаѓа.

Секако тука остануваат клучните ветувања поврзани со земјоделието, пред се со откупот на тутунот. Споменам ќе повторам на првата седница на влада изгласување на закон со кој што ќе се забрани кило тутун да се увезе во Македонија пред целосно да се откупи домашниот тутун. Во исто време, пред недела дена споменав, но еве недела дена помина и немам никаков одговор да го поставам повторно прашањето директорот на тутунскиот комбинат поставен од владата, тутунскиот комбинат целосно во сопственост на државата зема нето 3.5000 евра плата, бруто 5.500 евра плата. Како е тоа возможно во услови кога земјоделците и тутунарите едвај врзуваат крај со крај.Тоа е нешто за што мора да има одговорност, пред се морална, а ако има основи секако и за кривична“, рече Николоски.

„И последната работа која што сакам да ја спомена, со денови го правам овој апел се надевам дека од тука од Прилеп ќе бидам послушан, имено една од основните ветувања од нашата програма е враќање на владеењето на правото, како еден од најзначајните проекти е проектот за испитување на потекло на имот и капитал на сите носители на јавна функција во изминатите 30 години.Јавно го повикувам Зоран Заев да излезе во јавност и да каже дали е во состојба да го докаже потеклото на сопствениот капитал и капиталот на неговото семејство кое во изминатите 18 години колку што тој е вкупно на функција стана најбогато семејство во Македонија. Значи, јавно го повикувам да ја направи таа работа да излезе да каже дали може да го докаже потеклото на капиталот.

И последна работа, поврзана со медиумите, во изминатата недела имавме две покани од две национални телевизии за соочување за дуел на кои требаше да споредиме што имаме да понудиме во Четвртата изборна единица, но Заев два пати избега, го повикувам на кој сака медиум, во кое и да сака време да излеземе да ги споредиме нашата програма, онаа на СДСМ и да видиме дали граѓаните ќе дадат доверба за промени. Јас сум убеден дека промените ќе се случат на 15-ти јули со една масовна излезност“, додаде тој.

Прикажи повеќе...

Најново

Македонија7 минути

147 новозаразени и шестмина починати во изминатите 24 часа

Министерството за здравство информира дека во последните 24 часа се направени 1296 тестирања, а регистрирани се 147 нови случаи на...

Македонија3 часа

Сафет Бишевац позитивен на коронавирус

Сафет Бишевац, кандидат за пратеник од листата на ВМРО-ДПМНЕ, на Фејсбук објави дека е позитивен на коронавирус. Тој вели дека...

Регион4 часа

Расте бројот на заразени туристи во Грција, на Скијатос слетала Србинка позитивна на коронавирус

По случајот со семејство од Белград кое било „депортирано“ од Грција, откако било утврдено дека мажот е позитивен на коронавирус,...

Македонија4 часа

Болницата „8 Септември“ тврди: Ова е ковид болница, нема листа на чекање за итни операции

Болницата „8 Септември“ во Скопје соопшти дека не постои листа на чекање за итни хируршки интервенции. „ЈЗУ ГОБ „8 Септември“...

Европа4 часа

Истрага против поранешниот француски премиер и министри поради Ковид-19

Францускиот специјален суд нареди да започне истрага против поранешниот премиер Едуард Филип и двајца министри за здравство во врска со...

Спорт5 часа

Поддршка за Ѓоковиќ од центарот на Загреб (Фото)

Голем транспарент со поддршка за Новак Ѓоковиќ се појави во центарот на хрватската престолнина Загреб. „Имаме право да дишеме. Стоп...

Регион5 часа

На Косово 114 новозаболени од коронавирус – жариште има на подножјето на Шар Планина

Националниот институт за јавно здравје во Приштина објави дека во Косово се регистрирани 114 нови случаи на Ковид 19, пишува...

Свет8 часа

Русија ќе подготви 70 милиони дози вакцини за Ковид-19, привичните тестови се успешни

Две недели откако започнаа клиничките тестирања врз група волонтери на руската вакцина против Ковид-19, нема никакви негативни ефекти, со што...

Свет9 часа

За коронавирус тестирани 10 милиони луѓе во Кина

Градските власти во Пекинг објавија дека 10,4 милиони луѓе, или околу половина од жителите на кинеската престолнина,се тестирани за присуство...

Свет9 часа

Четири лица загинаа, а 97 се повредени во експлозијата во Турција

Четири лица загинаа, а 97 од 186 вработени се повредени при експлозијата во фабрика за пиротехника во Турција. Фабриката е...

Свет9 часа

Првите резултати од лекот против Ковид-19 се очекуваат за две недели

Светската здравствена организација ги очекува во следните две недели првичните резултати од клиничкото тестирање на лекови кои би можеле да...

Регион20 часа

Се запали авион со 164 патници и членови на екипаж, принудно слета во Грција

Авион на ирската компанија „Рајанер“ со 164 патници и членови на екипаж принудно слета на аеродромот во Солун, бидејќи во...

Свет20 часа

Тенгел: Наместо да се смеетe на шведскиот модел, научете нешто од нас

Наместо да се смеете на нашиот модел на борба против Ковид-19, подобро би било да научите нешто од нашето искуство,...

Свет21 час

СЗО: Засега Ковид-19 нема мутација што го прави посилен

Вирусот Ковид-19 досега нема мутации што ќе го направат посилен или ќе доведат до потешка болест, вели главниот епидемиолог на...

Топ1 ден

Во Охридското Езеро се удави 49-годишен маж

Во водите на Охридското Езеро денеска околу 14.30 часот е пронајдено безживотно тело на плажа на кејот Македонија. На местото...

Македонија1 ден

Регистрирани 165 новозаразени – починаа 7, а оздравеа 128 лица

Министерството за здравство информира дека во последните 24 часа се направени 1454 тестирања, а регистрирани се 165 нови случаи на...

Европа1 ден

Во ЕУ дозволен прв лек против Ковид-19

Европската комисија издаде условна дозвола за ставање во промет на лекот ремдесивир, кој стана првиот медикамент за лекување на Ковид-19...

Македонија1 ден

Јовановски поднесува кривични пријави за триесеттина лица, бара вклучување на меѓународните институции

Осудениот во случајот „Рекет“ Бојан Јовановски  продолжи со поднесување кривични пријави во скопското обвинителство поврзани со предметите „Рекет“ и „Меѓународен...

Топ1 ден

Вработен во МВР станал и советник во Општина Арачиново – внатрешна контрола го разгледува случајот

Одделот за внатрешна контрола, криминалистички истраги и професионални стандарди поднесе иницијатива за поведување постапка за утврдување дициплинска одговорност против Ф.Х....

Свет1 ден

(Видео) Најмалку 41 повреден во експлозија во фабрика за огномети во Турција

Најмалку 41 лице е повредено по експлозијата во фабрика за огномети во северозападната турска провинција Сакарија, пренесува „Хуриет дејли њуз“....

Досие