Контакт

Македонија

Заживува филигранството во Охрид

Објавено пред

Заживува филигранството во Охрид. Стариот добар занает по кој надалеку бил познат овој крај, конечно се враќа.Приказната за прекрасниот накит од сребро денес ја раскажуваат двајца млади луѓе, кои со голема љубов го научија занаетот. Со вештите раце изработуваат уникатен накит.

Во најразлични форми,сите ситни, минијатурни, кои потоа се спојуваат излегува прстен, брош, манжетна за кошула, белезица, обетки или синџирче со стотици ситни делчиња.
Најважно во филигранството, покрај умешноста и фантазијата на мајсторотот, е неговата трпеливост. За да се состават сите делчиња, требаат денови.

,,Нема лесен занает но кога се работи со љубов значи кога ќе седнеме седум осум саати поминува времето многу брзо. Ни сами не сме свесни кога поминало времето бидејки работиме интензивно и со љубов”, вели Митко Укоески, кујунџија.

Немаат семејна кујунџиска традиција, но имаат чувство за префинетост и љубов кон занаетот кој воедно е врвна уметност.Младите филигранисти се единствени, кои накитот го комбинираат со македонски рубини.

,,Имаме сто отсто македонски производ, рачно изработен од кој голем дел го изработуваме со македонски рубин. Имаме соработка со сертифициран производител за брусење на македонски рубин во нашата земја”, додава Укоески.

Со охридски филигран се китат бројни светски личности, актери, пејачи меѓу нив е и поранешната прва дама на американската дипломатија Медлин Олбрајт. Денес на уникатните творби работени по теркот на традиционално изворно филигранство се воодушевуваат туристите.

,,Ова е сепак нешто што е рачна изработка нешто што може да дојдат и да го видат како тоа токму на лице место се прави и има интерес, дури и млади кои сакаат да дојдат да видат како се прави филигран”, вели Маријана Пипилева, изработувач на филигран.

Последниот врвен кујунџија во Охрид беше Вангел Деребан, легендата на македонското кујунџиство или човекот со „златни раце“, кој почина пред пет години. Тогаш замре овој занает но овие млади вредни луѓе, надежни мајстори од пред две години станаа продолжувачи и чувари на древната традиција.

Текстот „Заживува филигранството во Охрид“ е дел од проектот ,, Охрид во духот на етно- традицијата“ поддржан од Општина Охрид преку Секторот за туризам и локален економски развој.

Македонија

Конте: Одлуката на ЕУ за Северна Македонија и Албанија е историска грешка

Објавено пред

Италијанскиот премиер, Џузепе Конте, изјави дека одлуката на Европската Унија да не го отвори пристапниот процес за Северна Македонија и за Албанија ќе биде запаметена како историска грешка.

„Им кажав на колегите дека ова е средба со историја. Тој регион потпаднал под Отоманската Империја во 1400 година. По Втората светска војна, овие две држави потпаднаа под комунистичкиот блок. Нивната желба е да се приклучат кон Европа“, рече Конте.

Италијанскиот премиер рече дека се надева оти очајот нема да доведе до најдлабока болка.

Прикажи повеќе...

Македонија

(Видео) Пендаровски свика лидерска: Не е време за разочарување, туку за обединување

Објавено пред

По одлуката на Советот на Европската Унија да не даде датум за почеток на преговорите за членство на нашата држава во Унијата, се обрати претседателот Стево Пендаровски. Тој, меѓу другото, свика лидерска средба в недела и рече дека сега не е време за разочарување, апатија или калкулации за добивање ситни дневнополитички поени. Според него, сега е време за повторно обединување за, како што вели, она што ни е најважно во Република Северна Македонија – нашата иднина и иднината на генерациите што доаѓаат.

„За жал, заклучоците на Советот не се во согласност со нашите оправдани очекувања и сигурно не се во рамките на претходните најави на самата Унија. Разбирливо е што во овие моменти кај многумина постои чувство на разочараност, меѓутоа, емоциите настрана, мораме трезвено да се соочиме со новата реалност. Ниту една политичка одлука не е за вечни времиња ниту еден развој на настаните не е конечен. Неоспорно е дека ги исполнивме сите предуслови за почеток на преговорите и тоа беше констатирано на претходната средба на Советот во јуни кога, без други забелешки, беше заклучено дека од технички причини поврзани со временскиот лимит, по штотуку завршените евроизбори, одлуката ќе биде донесена на самитот во октомври.

Идејата за обединета Европа е право на сите Европејци и тоа никој не може да им го одземе. Ние сме европска држава и имаме право да бидеме дел од заедничкиот европски дом. Нашата држава има многу искрени пријатели и сојузници во Европа. Во овие моменти кога некои од нас се преиспитуваат, сакам јавно да кажам дека ние во Европа немаме непријатели, постојат само држави што имаат свои специфични национални интереси што ги штитат и во тоа нема ништо спорно. Сведоци сме дека огромното мнозинство држави се бореа и се борат за нашите интереси, како што се борат за сопствените национални интереси.

Членството во НАТО ќе се реализира набргу, а членството во ЕУ, знаеме одамна, нема да биде задача само на една влада, на еден парламент или на еден претседател.

Убеден сум дека ако го ѝ сакаме доброто на сопствената земја, единствениот исправен пристап, имајќи ги предвид новите околности, е да бидеме уште порешителни во трансформацијата на нашето општество. Токму затоа, во името на нашата иднина, ги повикав раководствата на најголемите политичките партии за момент да ги остават настрана своите легитимни партиски интереси и сите заедно да ја реафирмираме нашата визија за иднината на земјата.

За таа цел упатив покани за лидерска средба до претседателите на најголемите парламентарни политички партии и од власта и од опозицијата. Убеден сум дека токму сега е време да покажеме единство за нашата стратешка ориентација, без разлика на легитимните политички разлики по многу прашања“, истакна претседателот Пендаровски.

Прикажи повеќе...

Македонија

Хан: Одговорноста за овој неуспех не е на Северна Македонија, туку на ЕУ

Објавено пред

Јоханес Хан

Еврокомесарот за проширување, Јоханес Хан, вели дека одговорноста за одлуката да не им се додели датум за преговори на Северна Македонија и на Албанија не е на овие две држави, туку на Европската Унија.

„И само да биде јасно: одговорноста за овој неуспех не е на Северна Македонија и Албанија, кои се надеваа со право на позитивна одлука. Тие испорачаа! Одговорноста е на ЕУ, која не успеа да испорача поради внатрешните проблеми. Ова му наштетува на кредибилитетот на Унијата не само во регионот на Западен Балкан туку и пошироко“, напиша Хан на „Твитер“.

Претходно, Хан наведе дека недобивањето датум може да има негативни последици, вклучително и ризик од дестабилизација во регионот на Западен Балкан.

„Лидерите на ЕУ не успеаја да ја исполнат својата посветеност за отворање преговори за пристапување со Северна Македонија и Албанија. Ова е екстремно разочарување. Европската Унија сега треба да разјасни колку е сериозна нејзината заложба за интеграцијата“, напиша Хан.

Прикажи повеќе...

Најново

Македонија34 минути

Конте: Одлуката на ЕУ за Северна Македонија и Албанија е историска грешка

Италијанскиот премиер, Џузепе Конте, изјави дека одлуката на Европската Унија да не го отвори пристапниот процес за Северна Македонија и...

Македонија37 минути

(Видео) Пендаровски свика лидерска: Не е време за разочарување, туку за обединување

По одлуката на Советот на Европската Унија да не даде датум за почеток на преговорите за членство на нашата држава...

Јоханес Хан Јоханес Хан
Македонија47 минути

Хан: Одговорноста за овој неуспех не е на Северна Македонија, туку на ЕУ

Еврокомесарот за проширување, Јоханес Хан, вели дека одговорноста за одлуката да не им се додели датум за преговори на Северна...

Македонија1 час

Мицкоски: Предвремени парламентарни избори за да се надмине кризата

Одлуката за недобивање датум е пораз, но не пораз на народот, туку на политиките на Заев и оваа власт, навлезена...

Македонија2 часа

Димитров: ЕУ јасно да каже дали е отворена за европска иднина на Западен Балкан

Министерот за надворешни работи, Никола Димитров, преку својот налог на „Tвитер“ побара од Европската Унија да биде директна со земјите...

Европа3 часа

Пучдемон им се предаде на белгиските власти

Поранешниот лидер на Каталонија, Карлес Пучдемон, им се предаде денеска на белгиските правосудни органи кога Шпанија издаде нов налог за...

Топ4 часа

Воз удри во автомобил во Прилеп, повредени четири лица

Четири лица се повредени во железничка несреќа што се случила во близина на меѓуградската автобуска станица во Прилеп. Според информациите на...

Свет5 часа

Трамп во нова трговска офанзива, воведе царини на многубројни европски производи

Дополнителни царини во вредност од 7,5 милијарди американски долари за низа европски производи денеска воведоа САД, што претставува нова трговска...

Свет6 часа

Eксплозии и пукање во Сирија еден ден по договорот за прекин на огнот

Експлозии на гранати и пукање во областа на градот Рас ел-Ајн во североисточна Сирија на само еден ден по договорот...

Европа7 часа

(Видео) Барселона во пламен, протестите излегоа од контрола

Илјадници луѓе синоќа излегоа на протест на улиците на Барселона, четврти ден по ред. Како што пренесуваат локалните медиуми, на...

Свет18 часа

Турција ги прекинува воените операции во Сирија

Американскиот потпретседател Мајк Пенс изјави дека постигнал договор со турскиот претседател Реџеп Таип Ердоган за прекин на огнот во северна...

Регион20 часа

Рама: Направивме сè што побараа од нас

Го направивме тоа што го бараа, изјави албанскиот премиер Еди Рама., по состанокот со комесарот на ЕУ за соседска политика...

Македонија21 час

Францускиот сенат го ратификуваше Протоколот за членство во НАТО

Францускиот Сенат го усвои предлог-законот за ратификација на Протоколот за членство на Република Северна Македонија во НАТО. Предлог-законот беше усвоен...

Свет22 часа

Лајен: Длабоко жалам, но најверојатно и денеска нема одлука за проширување

Нема сигнал дека на состанокот на лидерите на ЕУ во Брисел ќе биде постигната одлука за процесот на проширување на...

Регион23 часа

(Видео) Борисов: Македонија е колку Софија, каков ризик може да биде?

Бугарскиот премиер Бојко Борисов пред почетокот на самитот на лидерите на ЕУ рече дека Македонија и Албанија треба да добијат...

Македонија23 часа

(Видео) Пакети со хигиенски влошки ќе се донираат на сиромашни жени и девојчиња

Пакети со хигиенски влошки, кои граѓаните ги донираа денеска на собирен пункт во „Веро Центар“, ќе бидат поделени на жени...

Македонија1 ден

(Видео) Манчевски: Регистарот на населението ќе помогне за прочистување на Избирачкиот список

Регистарот на населението ќе биде алатка што ќе го помогне спроведувањето на пописот, а податоците од Регистарот ќе бидат искористени...

Македонија1 ден

Сивиот дом замина во историјата, децата од „Ранка Милановиќ“ сместени во групни домови

Во двата мали групни дома отворени денеска се згрижени децата што досега престојуваа во поранешната установа „Ранка Милановиќ“. Од денеска...

Топ1 ден

Скопјанец со пиштол на дијаболи сакал да ограби златарници во Охрид

Дваесет и тригодишен скопјанец со пиштол на дијаболи влегол во златарници во Охрид сакајќи да ги ограби. Според информациите на...

Македонија1 ден

(Видео) „Екогерила“: Масовна сеча на шума на Шара за да се градат хидроцентрали

Се опустошува шумата на Шар Планина, масовно се сечат дрвјата за да се градат хидроцентрали, апармираат невладините организации од Тетовскиот...

Досие