Контакт

Македонија

„Зелена алтернатива“: ЛДП си прави маркетинг со заложбата за декриминализација на канабисот

Објавено пред

Граѓанското здружение „Зелена алтернатива“  реагира по објавата на Либерално-демократската партија дека ја поддржува декриминализацијата на канабисот бидејќи од Здружението сметаат дека тие не се сериозни во намерата да помогнат во законската регулатива, кокетираат со јавноста, а на тој начин си поигруваат со чувствата на болните и сите оние на кои им се потребни лековитите својства на оваа билка и секојдневно очекуваат да се озакони нејзиното користење. Тие во своето отворено писмо до лидерот на ЛДП, Горан Милевски, велат дека иако партијата потенцира дека го консултирала невладиниот сектор, од нив не е побарано мислење иако имаат петгодишно искуство на оваа тема.

„Поттикнати од постот за легализација на марихуаната на фејсбук-страницата на вашата партија, во кој наведувате дека како партија се залагате за легализација на марихуаната, како и нејзино слободно користење на утврдени јавни простори и одгледување за свои потреби, се чувствуваме принудени да ви се обратиме директно вам, како претседател на Вашата партија. ‘Зелена алтернатива’ е граѓанско здружение коешто пред своето официјално основање, функционираше неколку години неофицијално на терен, работејќи директно со болни лица, помагајќи им да научат како сами да го дозираат канабисот и неговите екстракти спрема своите потреби и работеше на ширењето на знаењето за канабисот и неговите лековити својства, како и придобивките од истиот во полето на индустријата, екологијата и другите намени на ова благородно растение. По неколку години, во септември 2014 год. и официјално се формираше ‘Зелена алтернатива’, непрофитна организација, формирана како здружение на граѓани со избран претседател, Филип Достовски. Целта на оформувањето на ‘Зелена алтернатива’ беше да се продолжи со работата на терен, но истовремено да се почне и официјална соработка со странски и македонски институции со цел да се поттикне стручната и професионалната јавност да направи позитивни промени во областа на канабисот и здравјето на луѓето преку организирање советувања, семинари, дебати и јавни настани и со истото да се вклучи и граѓанскиот сектор во процесот на креирање и промовирање  нови здравствени трендови во Македонија“, пишува во реакцијата на „Зелена алтернатива“ .

Тие ја потесетуваат јавноста дека  досега здружението самостојно организирало пет семинари, главно на тема „Демистификација на канабисот” и една јавна дебата „Коноп: 1000 зошто, 1001 затоа” на кои можеле да се чујат предавања од еминетни странски научници и доктори на тема канабис.

„ На овие настани се овозможи директна комуникација, советувања и размена на мислења помеѓу јавноста и предавачите. Во септември 2016 година, во соработка со Македонската агенција за лекови ‘Малмед’ и со Министерството за здравство, здружението ‘Зелена алтернатива’ го организираше и симпозиумот на тема: ‘Легализација на медицинскиот канабис во Македонија’, кој воедно и претставуваше обука за македонските доктори за тоа што е канабис, што се екстракти од канабис и како се користат во медицината. Како гости на досегашните настани организирани од ‘Зелена алтернатива’ се наоѓаат бројни еминентни научници и доктори, врвни експерти од областа на канабисот, како човекот кој првпат стандардизирал канабис екстракт во светот специфичен за третирање на одреден вид  болести д-р Пол Хорнби – Канада, молекуларниот биолог и специјалист за канцер д-р Роберт Џ. Меламед –САД, откривачот на анандамидот и еден од откривачите на ендоканабиноидниот систем д-р Лумир Ондреј Хануш – Израел, еден од водечките доктори на клиничките студии за Sativex и автор на многу наулни студии и трудови д-р Итан Русо – САД, докторот по фармакологија и специјалист за етноботанички растенија д-р Хозе Карлос Боусо – Шпанија, како и лекарите практичари кои директно работат со пациенти, д-р Џек Д. МекКју – САД, д-р Хавиер Педраза – Шпанија, д-р Илија Резник – Израел, д-р Јонас Вандерзван – Канада, стручњакот за меѓународно право и регулацијата на дрогите и контролираните супстанци, поранешен шеф на оделот за контрола на дроги при Обединетите нации (UNODC) Павел Пахта – Чешка, меѓу многу други. Покрај научниците и доктори, на семинарите и настаните организирани од ‘Зелена алтернатива’ учествуваа и бројни активисти за канабисот од светот и Балканот, меѓу кои и еден од најпознатите активисти од областа на канабисот и пропонент на медицинскиот канабис, Рик Симпсон, како и останати активисти од Словенија, Хрватска и Србија.“

Како една од последните активности на здружението „Зелена алтернатива” бил организирн настанот „Вечерно училиште со Зелена алтернатива” а на овој настан присутните лица, лица на кои им е потребен канабисот и оние кои сакаат да го користат, имале можност да научат како да одгледаат канабис за свои лични потреби и како со истиот понатаму да произведат екстракти за своја лична употреба, како и дозирањето на истите спрема своите потреби.



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија

Пелените во станот во „Скопјанка“ стоеле од јануари, кога починала 90-годишната жена

Објавено пред

Деведесетгодишната станарка на „Скопјанка“ која користела пелени, починала во јануари годинава. Поради остар мирис од насобраните пелени во станот број 11 синоќа беше евакуиран првиот влез од зградата на булеварот „Кузман Јосифовски- Питу“. Станарите шест часа не можеа да се вратат дома.

Деведесетгодишната жена живеела со 65 годишна ќерка, која е подвижна и не користи пелени за вршење нужда. Тим од Меѓуопштинскиот центар за социјална работа – Скопје и денес е во станот со пелени за да се утврди дали и каква помош им треба на станарите.

„Тимот уште синоќа утврди дека деведесетгодишната жена која користела пелени, починала во јануари. Сега работиме на тоа да утврдиме зошто пелените толку време останале во станот во кој деведесетгодишната жена живела со 65 – годишна ќерка. Се работи за материјално и станбено обезбедена жена, односно корисник е на пензија и има стан, не е загрозена категорија, а и самата има ќерка која пак има обврска да се грижи за неа. Сега кај неа е нов тим од центарот за социјална работа кој ќе разговара и со 65 годишната жена, а на незината ќерка пак ќе и објасни дека има обврска да се грижи за мајката“, изјави за „Макфакс“ Наташа Станојевиќ, директорка на Меѓуопштинскиот центар за социјална работа – Скопје.

Директорката Станојевиќ најави дека центарот ќе продолжи да го следи случајот и ќе интервенира доколку утврди несоодветна грижа за 65 – годишната жена.

Од Министерството за труд велат дека согласно со Законот за социјална заштита, Центарот за социјална работа нема надлежност да постапува бидејки ќерката има обврска да се грижи за мајката, за нејзината здравствена состојба и одржувањето на личната и хигиената во станот​.

Вчера околу 18 часот станари од „Скопјанка“ се пожалиле на остар мирис од кој ги печеле очите. На терен излезе противпожарната бригада на Скопје, полиција и армијата кои со гас – макси ги евакуираа станарите, а по шест часа открија дека остриот мирис се шири од станот број 11 во првиот влез. По дезинфекција на станот на станарите после полноќ им беше дозволено да се врата дома, а градоначалникот на Скопје Петре Шилегов најави дека ќе се направи дезинфекција на целата зградата.

 

 

Прикажи повеќе...

Македонија

Пратеници на ВМРО-ДПМНЕ преку Фејсбук најавуваат дека нема да гласаат за уставни измени

Објавено пред

Десетина пратеници од опозициската ВМРО-ДПМНЕ преку своите Фејсбук профили најавуваат дека нема да гласаат за уставни измени. Дел од пратениците, меѓу кои Влатко Ѓорчев, Ане Лашкоска, Лилјана Затуроска, Павлина Честојнова, Зоран Илиоски, Дафина Стојановска, Димитар Стевананџија, Лилјана Кузмановска, Трајче Димков, Никола Мицевски и Васил Пишев, повикувајќи се на поддршка од граѓаните, напишаа дека немаат намера да поддржат промена на името на државата.

„Нема да гласам за уставните измени за промена на уставното име на Република Македонија. Македонија е мојот идеал и вечна љубов. Тоа е емоција и кауза што не поминува. Јасен е ставот на народот, гласачите и членството против најавените измени за промена на уставното име на Република Македонија. И народот, и гласачите, и членството. Очигледни се притисоците и недемократските постапки на власта на СДСМ во кампањата за референдумот, кои секојдневно се се засилуваат, особено во локалните средини. Сето тоа дополнително го компромитира и проблематизира резултатот и демократскиот карактер на престојниот референдум. Секако дека Македонија треба да биде членка на ЕУ и НАТО. Македонија тоа одамна го заслужува, а ВМРО-ДПМНЕ беше првата партија во независна Македонија која ги промовираше евро-атлантските интеграции. Членството на Македонија во НАТО и ЕУ, заедно со стратешкото партнерство со САД, остануваат приоритет на нашата надворешна политика“, напиша Ѓорчев.

„Јас Ане Лашкоска, како кандидат за пратеник на ВМРО–ДПМНЕ ја побарав Вашата поддршка на парламентарните избори во 2011, 2014 и 2016 година. И тогаш, а и денес гласно кажувам , не се согласувам и нема да поддржам промена на Уставот на државата со цел промена на Уставното име на Република Македонија. Нема да бидам пратеник, но пред сѐ човек, граѓанин на Македонија, кој ќе се согласи да се избрише минатото на државата, да се избрише делото на нашите предци и да придонесам во создавање на идина на младите генерации без минато. Ни поставуваат прашање кое не заслужува одговор! Татковината ни е света! Ја носам во срцето! Вечна да ни е Македонија!“, напиша Лашкоска.

Координаторот на пратеничката група на ВМРО-ДПМНЕ Драган Данев вели дека нема информација дека станува збор за организирана акција, а официјално ниту од партијата не откриваат на што се должи ваквата реакција на дел од пратениците.

Прикажи повеќе...

Македонија

Иванов од денеска престојува во работна посета на САД

Објавено пред

Од

Претседателот Ѓорге Иванов од денеска престојува во работна посета на Соединетите Американски Држави, по повод учеството на 73. сесија на Генералното собрание на Обединетите нации во Њујорк.

Иванов на 27 септември ќе има обраќање на генералната дебата на 73. сесија на Генералното собрание на Обединетите нации на тема: „Да ги направиме Обединетите нации релевантни за сите луѓе: Глобално лидерство и заедничка одговорност за мирни, рамноправни и одржливи општества“.

Во рамки на учеството на Генералното собрание на ОН предвидено е претседателот Иванов да оствари средба со генералниот секретар на ОН, Антонио Гутереш, како и повеќе билатерални средби со шефови на држави и влади, учесници на Генералното собрание.

Предвидено е претседателот Иванов да присуствува на настанот на високо ниво – Глобален повик за акција за светскиот проблем со дрогата, со кој ќе претседаваат претседателот на САД, Доналд Трамп, и генералниот секретар на ОН, Антонио Гутереш. Македонскиот претседател ќе присуствува и на Мировниот самит „Нелсон Мандела 2018“, пленарен состанок на високо ниво посветен на глобалниот мир, а по повод 100-годишнината од раѓањето на поранешниот јужноафрикански лидер.

Претседателот Иванов во Њу Џерси ќе оствари средба со претставници на македонската заедница.

Во рамки на работната посета на САД, на претседателот Иванов во Детроит ќе му биде врачена наградата „Глобален државник“, највисоко признание што го доделува Обединетата македонска дијаспора. Во Детроит претседателот Иванов ќе одржи предавање на Државниот универзитет Вејн, во чии рамки е Школата за бизнис „Мајк Илич“ и ќе оствари средба со македонската црковна заедница во Детроит.

Иванов за време на работната посета на САД ќе биде придружуван од сопругата, Маја Иванова. Таа ќе присуствува на настанот со првите дами учеснички на Генералното собрание на Обединетите нации во организација на првата дама на САД, Меланија Трамп, како и на настан на високо ниво што  го приредува првата дама на Република Турција, г-ѓа Емине Ердоган. Во Детроит, Иванова ќе ја посети Детската болница на Мичиген.

Прикажи повеќе...

Најново

Македонија2 минути

Пелените во станот во „Скопјанка“ стоеле од јануари, кога починала 90-годишната жена

Деведесетгодишната станарка на „Скопјанка“ која користела пелени, починала во јануари годинава. Поради остар мирис од насобраните пелени во станот број...

Македонија5 минути

Пратеници на ВМРО-ДПМНЕ преку Фејсбук најавуваат дека нема да гласаат за уставни измени

Десетина пратеници од опозициската ВМРО-ДПМНЕ преку своите Фејсбук профили најавуваат дека нема да гласаат за уставни измени. Дел од пратениците,...

Македонија2 часа

Јорданов: На Божиновски му дадов 5 илјади евра за услуги, потоа ми бараше уште повеќе

Бизнисменот Минчо Јорданов на денешното рочиште во кривичниот суд за случајот ,,Шпион” рече дека на новинарот Зоран Божиновски му дал...

Македонија2 часа

(Видео) Запален автомобилот на архитектот Златко Тодоров, соседите забележале луѓе со фантомки

Утрово околу 4 часот бил запален автомобилот на архитектот Златко Тодоров паркиран на тротоар на улицата Христо Смирненски зад Универзалната...

Spion Spion
Македонија2 часа

Укината постапката против Зоран Божиновски за злосторничко здружување

Се укинува постапката против Зоран Божиновски за злосторничко здружување. Судијата Владимир Туфегџиќ на почетокот од денешното рочиште за случајот ,,Шпион”...

Македонија2 часа

Јавноста исклучена од денешното рочиште за „Тортура“

Денешното рочиште за „Тортура“ почна без присуство на јавноста. Триесет и пет прислушкувани разговори како дел од доказниот материјал ќе...

Македонија2 часа

Коментар на грчка пратеничка ги разгоре страстите на синоќешната седница на мешовитиот парламентарен комитет

Во Собранието вчера со бурен старт почна седницата на мешовитиот парламентарен комитет. Страстите уште на самиот почеток ги разгоре пратеничката...

Свет4 часа

Помпео: Вашингтон е подготвен за преговори со Северна Кореја

САД ги поздравија важните обврски што ги презеде Северна Кореја за време на меѓукорејскиот самит во Пјонгјанг и изрази подготвеност...

Македонија13 часа

Пелени и шишиња со урина ја испразнија зградата во Аеродром

Евакуацијата на зградата во Аеродром била поради нехигиена. Дел од присутните лица пред зградата од каде беа евакуирани за „Макфакс“...

Македонија16 часа

Томевски: Поради острата миризба, станарите мораше веднаш да се евакуираат на безбедно

Околу 18 часот добивме дојава од граѓани што почувствувале остар мирис во влезот по што беше испратена екипа. Поради остриот...

Македонија17 часа

Евакуирана зграда во Аеродром, паника кај станарите

Жителите од зграда на улицата Кузман Јосифовски – Питу, број 15, во скопската населба Аеродром, кај „Мезе бар“, се евакуирани...

Македонија19 часа

(Видеоинтервју) Софијанова: Балканската школа на педијатрите ги обедини кадрите и важните аспекти во лекувањето на децата

Повеќе од 500 доктори, медицински сестри и специјализанти ја посетиле Балканската школа на педијатрите, што првпат се одржа во хотелот...

Македонија19 часа

(ВИДЕОИНТЕРВЈУ) Јовановиќ: Путин преку своите дипломати сака да го сруши договорот помеѓу Македонија и Грција

Претседателот на српската Либерално-демократска партија, Чедомир Јовановиќ, во интервју за „Макфакс“ вели дека има руско влијание на Балканот и дека...

Крвав четврток23 часа

Напаѓачите добиваа насоки од команден штаб, сведочеше пратеникот Ферид Мухиќ за 27 април

На продолжението на судењето за настаните од 27 април, судијката Добрила Кацарска, која го суди предметот, рече дека претседателот на...

Топ23 часа

Тинејџери силувале дете во Битола

Двајца тинејџери на возраст од 14 и 16 години се осомничени дека силувале дете во Битола. Според информациите на МВР,...

Димитар Апасиев, Тодор Петров Димитар Апасиев, Тодор Петров
Македонија24 часа

(Видео) Апасиев: Да се испита кој ги повикувал уставните судии на разговор и им влијаел на одлуката

Има сознанија дека уставните судии се повикувани на разговор пред денешната седница, вели Димитар Апасиев, еден од подносителите на инцијативата...

Kacarska Кацарска Kacarska Кацарска
Крвав четврток1 ден

Адвокатот на Тарчуловски не сака да суди Кацарска оти била роднина со оштетен

Судијката Добрила Кацарска, која го суди предметот за крвавиот четврток, даде еден час пауза за претседателот на судот, Иван Џолев,...

Македонија1 ден

Референдум ќе има, одлучи Уставниот суд

Уставниот суд со 7 гласа „за“ и два „против“ ја отфрли иницијативата за оценување на уставноста и законитоста на собраниската одлука...

Топ1 ден

Почина пожарникар во Скопје, му се слошило додека гасел пожар

Пожарникар кој учествувал во гасење пожар во близина на транзитниот центар за странци во Скопје починал неколку часа по интервенцијата....

Крвав четврток1 ден

„Излезете комуњари, отворете“ викаа по нас, а ние стоевме зад регал за да не се одбие куршум, рече сведок за 27 април

Во кривичниот суд во Скопје со сослушување на четворица сведоци продолжи судското рочиште за 27 април, познат како крвавиот четврток....

Досие