Контакт

Македонија

Зоран Заев ја депонираше оставката од премиерската функција до Собранието

Објавено пред

Зоран Заев и официјално ја поднесе оставката од функцијата премиер на Влада во законодавниот дом.

Во текстот на оставката која досегашниот претседател на Владата ја испрати до претседателот на Собранието и до пратениците, како што соопштија владините служби, Заев ја образложува одлуката за неговата постапка.

„Со ова мое писмо ве известувам дека поднесувам оставка од функцијата претседател на Владата на Република Северна Македонија. Оваа моја одлука ја презедов како логичен чекор кој произлегува од исходот на локалните избори и како израз на преземената одговорност за изборните резултати. Резултатите на последните избори, иако беа локални, за политичкиот момент во кој се наоѓа земјата имаа и национална политичка тежина. Во вакви услови, за мене лично и за мене како премиер, поради политиките во кои верувам, поради демократските и европските вредностите во кои верувам, политички неодговорно и неоправдано пред мојот народ и мојата земја би било јас лично да продолжам да ја водам Владата на евро-атлантскиот пат. Сметам дека друг премиер од редовите на СДСМ тоа ќе може да го оствари на подобар начин, со успех и за граѓаните и за државата“, пишува Заев во писменото образложение.

„Со мојата оставка со која ја преземам одговорноста сакам да оставам пример за да се препознаваат доблесните одлуки кога тоа е неопходно и со тоа да дадам уште еден придонес во јакнење на демократскиот капацитет на народот, но исто така и на идните лидери за да бидат свесни за својата граѓанска должност кога ја преземаат грижата за својата земја. Затоа што демократијата значи и одговорност. Ова го направив и за да може да продолжи да се развива нашата западно-европска идеја и прогресивниот концепт во земјата да си создаде услови за сопствено освежување и зајакнување, а со тоа да не се дозволи да биде поразен на национално ниво – за да можат токму тие современи демократски сили да опстојат и да продолжат да се борат за напредокот на Северна Македонија – во име на слободата, демократијата, различностите, добрососедството, НАТО и за полесно и побрзо да ги почнеме преговорите со ЕУ“, има напишано Заев.

Потенцира дека е горд што изминатите години имал поддршка од сите етнички заедници.

„Во сите предизвици има периоди на мир меѓу две битки, денови кога ентузијазмот ослабнува, кога се соочуваме со неисполнување на тоа што се очекува и што е договорено. Но, едно е сигурно дека никогаш нема да има денови, ниту ситуации, кога тие моменти биле причина да се откажеме од остварувањето на нашата голема цел што си ја поставивме со сите наши граѓани само пред четири години. За време на моите мандати како премиер, донесовме историски одлуки поради кои Северна Македонија наместо како „поранешна република“, без свое трајно и суверено потврдено место во друштвото на народите, го доби тоа што ѝ припаѓа според нејзиното достоинство и историски заслуги. Тие одлуки овозможија Македонците и македонскиот јазик да бидат потврдени од целиот свет, а овој пат и од нашиот сосед и пријател, Република Грција. Сметам дека со тоа обезбедивме траен мир, безбедност, сигурност и трасиран пат за економска добросостојба на народот“, вели Заев во напишаното.

„Времето ќе покаже дека оваа моја одлука е во согласност со мојата определба да бидам политичар кој презема одговорност за да бидат донесени тешки, но историски важни одлуки за добрата и сигурна иднина на нашиот народ и на државата, без притоа грижата за личниот политички рејтинг да ја ставам пред државните интереси“, додава Заев.

Инаку, со констатирањето на оставката на Заев во оставка ќе биде целиот негов кабинет, а потоа шефот на државата, во рок од десет дена, треба да одреди нов мандатар кој би составил нова влада и програма во период од 20 дена.

Македонија

Телефонски разговор на Османи за ситуацијата во Украина со советник на Стејт департментот

Објавено пред

Министерот за надворешни работи, Бујар Османи, денес остварил телефонски разговор со Дерек Чолет, советник на Стејт департментот на САД.

Од МНР информираат дека соговорниците размениле мислења за актуелната безбедносна состојба во Европа и актуелните случувања во и околу Украина.

„Беше изразена заемна поддршка за суверенитетот, територијалниот интегритет и неповредливоста на границите на Украина повлекувајќи ја важноста од заштита на човековите права. Воедно, соговорниците ја истакнаа значајноста од заеднички пристап кон актуелните безбедносни предизвици и упатија повик за деескалација на состојбите во интерес на европската сигурност“, се наведува во соопштението за разговорот.

Во тој контекст биле поздравени напорите на меѓународните партнери и заложбите во рамките на НАТО и ОБСЕ за смирување на состојбите и зачувување на мирот.

Прикажи повеќе...

Македонија

(Видео) Ковачевски и Петков со порака да се охрабри соработката во високото образование

Објавено пред

Премиерот Димитар Ковачевски и неговиот бугарски колега Кирил Петков како дел од програмата на официјалната посета на македонската Влада го посетија државниот универзитет „Св. Климент Охридски“ во Софија.

„Највисоки претставници на Универзитетот ‘Св. Климент Охридски’ и на Економскиот факултет ги запознаа гостите со заедничката програма на Универзитетот ‘Харвард’ од САД со софискиот државен универзитет, за магистерските студии на Економскиот факултет, на која гостин професор е и премиерот Петков“, се наведува во соопштението.

За време на посетата на Универзитетот, премиерите Ковачевски и Петков оствариле куса средба и со ректорот Анастас Герџиков, на која, меѓу другото, станало збор и за заедничкиот интерес на двете влади да ги охрабрат комуникацијата и соработката меѓу државните универзитети во Северна Македонија и Бугарија.

По ова, претседателите на владите го посетиле и македонскиот Културно-информативен центар во главниот град на Бугарија за официјално да го означат почетокот на работата на дописништвото на македонската новинска агенција МИА.

„Притоа Ковачевски истакна дека нема подобра мотивација во работата кога резултатите стигаат брзо како во овој случај кога откако пред недела дена Бугарската новинска агенција (БТА) отвори дописништво во Скопје, денес во Софија МИА отвора свое дописништво“, стои во владиното соопштение.

„Ние сме пријателски народи и наша должност е да градиме пријателства, и заради сегашните и заради идните генерации, а медиумите и новинарите имаат суштински важна улога за остварување на тие заложби“, рекол премиерот на отворањето на дописништвото.

Прикажи повеќе...

Македонија

Арсовска: Ветинг за директорите на јавните претпријатија

Објавено пред

Град Скопје почна постапка на (проверка) ветинг за поставените директори на јавни претпријатија, нагласи скопската градоначалничка Данела Арсовска.

„Ќе има нулта толеранција за корупцијата. Ова е системска мерка за елиминирање на можностите за корупција во рамките на Градот и спречување на каков било судир на интереси. Денеска, овој процес почна со директорите на јавните претпријатија, а ќе продолжи со раководителите на секторите“, посочи градоначалничката.

Секој од директорите веќе пополнил анкетен лист до државната Комисија за спречување на корупцијата и потпишал изјавата за непостоење судир на интереси во нивната работа.

Според Арсовска, овој процес ќе биде пракса за секое лице што аплицира за позиција или унапредување.

„Град Скопје на овој начин почна активно да работи на подобрување на интегритетот на локалната самоуправа. Ова е строг процес на проверка за да се утврди соодветноста за вработување или унапредување на работната позиција“, додава градоначалничката, на која спроведувањето на процесот на ветинг ѝ беше едно од предизборните ветувања.

Прикажи повеќе...

Најново

Свет3 часа

Контингент од 8.500 војници во САД е во состојба на готовност поради ситуацијата во Украина

Американската војска денеска соопшти дека контингент од 8.500 војници е во целосна готвоност и е подготвен да биде распореден во...

Свет4 часа

СЗО: Условите се идеални за појава на нови варијанти на вирусот

Генералниот директор на Светската здравствена организација, Тедрос Гебрејсус, денеска изјави дека би било опасно да се мисли дека екстремно заразниот...

Македонија8 часа

Вкупно 22 починати и 718 нови случаи на Ковид-19

Министерството за здравство информира дека во последните 24 часа направени се 3.044 теста, а регистрирани се 718 нови случаи на...

Македонија8 часа

(Видео) Премиерот Ковачевски во Софија пречекан со највисоки почести

Со највисоки државнички почести и церемонија што се одржа попладнево на плоштадот Александар Невски во Софија, бугарскиот премиер Кирил Петков...

Европа9 часа

Кличко: Политиката на Германија кон Украина е предавство на пријател во тешка ситуација

Градоначалникот на Киев, Виталиј Кличко, поранешен светски шампион во бокс, ја обвини германската влада за предавство на пријател затоа што...

Македонија12 часа

Османи за БТВ: Резултати се очекуваат и од Македонија и од Бугарија

Резултати се очекуваат и од Северна Македонија и од Бугарија, рече министерот за надворешни работи Бујар Османи во ексклузивно интервју...

Економија12 часа

Повторно поскапување – од полноќ нови цени на горивата

Регулаторната комисија за енергетика и водни услуги (РКЕ) донесе одлука со која се врши зголемување на малопродажните цени на нафтените...

Македонија13 часа

Мицевски: Поднесовме предлог за укинување на техничката Влада

Пратеничката група на ВМРО-ДПМНЕ и Коалицијата „За обнова на Македонија“ до Собранието денес поднесе предлог на Законот за изменување и...

Македонија13 часа

Работна група од македонски и бугарски експерти ќе работи на железничкото поврзување

Владата го прифати усогласениот текст на Меморандумот за разбирање за развој на железничко поврзување меѓу Република Северна Македонија и Република...

Свет14 часа

Бродови и авиони во базите на НАТО – алијансата испраќа дополнителни сили во Источна Европа

Сојузниците на НАТО денеска ја ставија својата армија на подготвеност и ќе испратат дополнителни бродови и борбени авиони во нивните...

Македонија14 часа

Зимското одржување на патиштата оваа сезона ќе чини осум милиони евра

Државните институции склучиле договори за јавни набавки со приватни фирми за механизација, работници, сол и ризла за одржување на улиците...

Свет14 часа

Тедрос: Светот е во клучна пресвртница, земјите мора да работат заедно

Во екот на уривањето на рекордите на новозаразени луѓе во светот, СЗО ги повика сите земји да работат заедно за...

Македонија15 часа

(Видео) Јанакиески спроведен на судење со полициско возило

На патерици, легнат во полициско возило, Миле Јанакиески е земен од дома со судска наредба и спроведен на судење. Денеска...

Свет15 часа

По САД и Британија повлекува дел од персоналот во амбасадата во Киев

Велика Британија почна да го повлекува персоналот од амбасадата во Украина поради предупредувањата за руската инвазија. Според извештајот, официјалните лица...

Свет16 часа

Kазнети 3.600 долари зашто на една минута го напуштиле карантинот

Тајванските здравствени власти казнија индонезиски рибари со 3.610 долари затоа што ги напуштиле хотелските соби за време на карантин за...

Свет16 часа

СЗО најавува крај на пандемијата во Европа

Сојот омикрон на коронавирус, кој би можел да зарази 60 отсто од Европејците до март, започна нова фаза на пандемијата...

Македонија1 ден

Локализиран пожарот во „Жито Битола“

Локализиран е пожарот што избувна околу 17 часот во „Жито Битола“. Пожарникарите остануваат на терен, до целосно гасење на огнот....

Македонија1 ден

Нови 1.424 случаи на коронавирус, починаа 20 лица

Согласно податоците од Институтот за јавно здравје дека во последните 24 часа направени се 5.604 тестови, а регистрирани се 1.424...

Свет1 ден

НАТО испраќа се’ повеќе оружје во Украина

Во последните денови, членките на НАТО испраќаат оружје и воен персонал во Украина, како и во блиските европски земји, во...

Македонија1 ден

„Преговорите ги диктира Софија, ова е пазар дипломатија“ – опозицијата со критики за начинот на кој Владата преговара со Бугарија

Остри критики за начинот на којшто се водат преговорите со Бугарија упатија говорниците од опозициската ВМРО-ДПМНЕ на трибината насловена „Заштита...

Досие