Контакт

Македонија

Иванова од СДММ: Само со активни жени можеме европските стандарди да ги донесеме дома

Објавено пред

СДСМ креира и реализира политики, проекти скроени за младите, да можат иднината да ја гледаат дома, а не во странство, креира родово балансирани политики за еднакви можности на младите и жените, истакна потпретседателката на СДММ, Марија Иванова на трибината во организација на Форумот на жени на СДСМ, под мотото „Активни жени – напредно општество“ во Дојран.

Таа нагласи дека парламентарно мнозинство предводено од СДСМ го донело Законот за младинско учество и младински политики, кој има важна улога во унапредувањето на квалитетот на живот на младите и формира Национално советодавно тело за младински политики.

„СДСМ преку институциите што ги предводи носи важни решенија за граѓаните, за жените и младите, а честопати дел од тие решенија доаѓаат по предлог на СДММ“, посочи Иванова, додавајќи дека последен пример е иницијативата што СДММ ја покренала за намалување на ДДВ на производите за менструално здравје од 18 на 5 отсто.

„Во однос на младите, СДММ поднесе, а Собранието ги усвои законските измени со кои 40.000 редовни студенти добиваат по 2.400 денари месечно за субвенциониран студентски оброк со можност за искористување кај секој трговец, со што се унапредува економскиот стандард на студентите.

Преку низата мерки, преку привлекување странски инвестции, преку државна помош и активните мерки за вработување, ја намалуваме невработеноста како кај младите, така и кај жените.

Преку директна помош кон младите даваме поддршка за самовработување и отварање на сопствен бизнис – неповратни средства од 5.000 до 15.000 евра за отварање на сопствен бизнис за млади и жени, тука е континуираната поддршка преку ФИТР за старапи и развој на бизниси, како и преку Оперативниот план за вработување“, посочи потпретседателката на СДММ.

Таа подвлече дека младите го препознаваат најдоброто, и не случајно 30 отсто од новите членови кои се приклучиле во СДСМ се млади луѓе, мотивирани и подготвени да работат за добро на државата.

Македонија

Заев: Првата заедничка седница со косовската влада е потврда на одличните пријателски односи

Објавено пред

Премиерот Зоран Заев ја отвори заедничката седница на владите на Република Северна Македонија и на Република Косово со уште едно добредојде до премиерот Албин Курти, кој денеска ја предводи владата од Приштина во работната посета на Скопје.

Првата заедничка седница на двете влади, истакна премиерот Заев, е уште една потврда на одличните пријателски односи, за тесната соработка, за постојаното надградување на заемните интереси и за споделувањето на заеднички определби за Западен Балкан како регион на траен мир и целосно интегриран во ЕУ и НАТО.

„Убеден сум дека од седницата ќе произлезат повеќе проекти кои ќе овозможат поблиска соработка меѓу владите и надлежните министерства и институции, а сè во интерес на нашите граѓани. Има уште многу можности пред нас. Нè поврзуваат многу заеднички интереси, па така и нашите економии се насочени една кон друга“, истакна премиерот Заев во своите воведни зборови на заедничката седница.

Заев нагласи дека на оваа заедничка седница во прв план се ставени договорите и меморандумите за инфраструктурното поврзување на двете земји со цел да ја олесниме и унапредиме економската соработка и комуникација, како и оние кои опфаќаат меѓугранични проекти со поддршка на ИПА-програмите на ЕУ, соработка на полето на енергетиката, како и на планот на туризмот, културата и други.

„Нашите две држави не се големи по територија и по тоа сме слични. Но, ние сме слични и во нашите големи амбиции и потенцијали. Република Северна Македонија е подготвена да ги сподели со Република Косово искуствата од нашата интеграција во НАТО на вашиот пат до членство во алијансата. Заедно чекориме на патот и кон целосна интеграција во ЕУ. Ние очекуваме наскоро да ги почнеме преговорите со ЕУ по поглавја и во иднина ќе можеме уште потесно да соработуваме и на ова поле“, потенцираше претседателот на Владата на Република Северна Македонија, Зоран Заев.

Претседателот на Владата на Република Косово, Албин Курти, изрази сочувство до жртвите од несреќата во модуларната болница во Тетово и до сите жртви од пандемијата Ковид-19.

„Краток поглед низ страниците на историјата, може да се најде на едно место и Скопје и Приштина, и Призрен и Тетово, и дека нашите земји споделуваат многу работи една со друга, бидејќи нашата историја е полна со настани коишто неразделно ја одредија нашата судбина“, рече премиерот Курти.

За премиерот Курти оваа прва седница е израз на волја да се одбележи поинтензивна фаза на меѓусебна соработка, но и израз на благодарност за нашите добрососедски односи.

„Патот на двете наши држави, но и на другите држави во регионот е тој на соработка, вклученост и меѓусебно почитување, каде што не се пазиме едни од други бидејќи знаеме дека нашите судбини и судбините на нашите граѓани се поврзани и нашата иднина е заедничка“, рече Курти.

Првиот вицепремиер, Артан Груби, ја сподели оценката дека заедничката седница на двете влади е историски настан и се заблагодари за енергијата на сите кои беа вклучени во подготовката на заедничката седница на двете влади.

„Отворена е уште една врата за унапредување на соработката во многу области“, истакна вицепремиерот Груби и додаде дека енергијата во организацијата на оваа заедничка седница ќе се пренесе и во имплементацијата на меморандумите и договорите што денеска се потпишуваат.

Косовскиот прв вицепремиер Бесник Бислими се заблагодари за срдечниот пречек и за можноста на заедничката седница да се споделат искуствата на двете земји во процесот за интегрирање во ЕУ. Тој истакна дека почетокот на преговорите на Северна Македонија за членство во ЕУ ќе биде успех и за Република Косово затоа што до себе ќе има сосед кој може многу да помогне во аспирациите на Република Косово за членство во Европската Унија.

Во натамошниот тек на седницата се вклучија и останатите вицепремиери и министри во двете влади кои разговараа за економската соработка, за соработката во борбата против организираниот криминал и корупцијата, во заедничкото справување со природните катастрофи.

На заедничката седница беа соопштени и заеднички иницијативи во заштитата на животната средина, за соработка на проекти за рурален развој и во земјоделството, за правна помош во граѓанските постапки, меѓуграничната и за соработката на проекти за поддршка на Северна Македонија и Косово на патот кон членството во ЕУ.

Во завршницата на заедничката седница премиерот Заев изрази уверување дека во наредниот период министрите на двете влади ќе бидат посветени на имплементација на задачите кои произлегуваат од документите што денеска се потпишаа и дека тоа ќе даде импулс и за развој на соработката и во многу други полиња во иднина.

„Нашата блиска соработка само може да ги охрабри другите партнери од регионот и од ЕУ да соработуваат со нас уште повеќе и уште подобро. Ние покажуваме дека сме одговорни влади, за кои на прво место е интересот на граѓанинот за подобар живот“, истакна претседателот на Владата на Северна Македонија на заедничката седница со Владата на Република Косово.

Во церемонијалниот дел на седницата денеска премиерите на двете влади и ресорните министри ги потпишаа Меморандумите за разбирање меѓу Владата на Република Северна Македонија и Владата на Република Косово за физибилити студијата за патот Призрен – Тетово и за рехабилитирање на тампон-зоната Блаце помеѓу двете гранични објекти на двете држави, Договор за соработка во областа на дијаспората, Договор за статусот на припадниците на вооружените сили на Република Северна Македонија и Безбедносните сили на Република Косово (СОФА), Протокол за имплементационен договор за спроведување на Спогодбата помеѓу Владата на Северна Република Македонија и Владата на Република Косово за гранично регулирање на железничкиот сообраќај, Меморандум за соработка во Енергетскиот сектор, Договор за соработка во областа на туризмот, Меморандум за соработка во областа на иновациите и технолошкиот развој и претприемништво, Договор за партнерство меѓу Република Косово, претставено од Министерството администрација за локална самоуправа како партнер-лидер и Република Северна Македонија, претставувана од Министерството за локална самоуправа како партнер за управување со грант-договорот за техничка помош 2019/410-322, под програмата ИПА Косово – Северна Македонија 2014/2020, Меморандум за соработка меѓу Министерството за локална самоуправа на Република Северна Македонија и Министерството за регионален развој на Република Косово, и Меморандум за соработка помеѓу Министерството за земјоделство, шумарство и водостопанство на Република Северна Македонија и Министерството за земјоделство, шумарство и рурален развој на Република Косово.

Прикажи повеќе...

Македонија

СДСМ: Мицкоски нека си ги пакува куферите по седмиот изборен пораз по ред

Објавено пред

Ако некој треба да ги спакува куферите и да се збогува со политиката, тоа е Христијан Мицкоски, докажан губитник на повеќе различни изборни циклуси, порача владејачкиот СДСМ преку соопштение.

„Шест пати по ред Мицкоски губи во директно соочување со граѓаните.

Бидејќи шест пати досега губи и народот му вели НЕ, а тој ниту еднаш не се спакува да си оди од политиката, сега на седмиот изборен пораз, нека спакува 7 куфери за среќа, затоа што многу ќе му треба. По овој седми по ред лото-пораз од граѓаните веројатно веќе нема да го примат ниту во Белиот дворец.

Во 2017 Мицкоски како носител на листата за советници на ВМРО-ДПМНЕ за Град Скопје загуби убедливо на локалните избори.

Во 2018 беше поразен на референдумот.

Во 2019 на претседателските избори Мицкоски доживеа уште еден пораз од граѓаните

И на предвремените локални избори во Охрид и Ново Село, истата 2019 година Мицкоски беше поразен.

Во 2020 Мицкоски прво ги загуби парламентарните избори на 15 јули.

Потоа и предвремените локални избори во Штип на 13 декември ги загуби Мицкоски.

Тоа е досегашниот учинок на докажаниот губитник Мицкоски кого го очекува нов, седми лото-пораз по кој дефинитивно ќе мора да си ги спакува куферите“, се наведува во соопштението на СДСМ.

Прикажи повеќе...

Македонија

Советот на Општина Центар ја повлече точката за таблет-компјутерите на советниците

Објавено пред

Координаторот на советничката група на СДСМ и коалицијата, Јон Фрчкоски, на почетокот на 69-та седница на Советот на општина Центар побара да се повлече од Дневниот ред предлог-одлуката за пренесување во сопственост на таблети на советниците во мандатниот период 2017-2021 година.

„Овој состав на Советот, зборувам во име на нашата советничка група, нема намера да добие во сопственост таблети ниту, пак, некогаш сме побарале такво нешто. Доколку интенцијата на службите на Општината е попис на основни средства или расходување на основни средства поради нивна амортизираност, службите треба истата да ја преработат во соодветна форма со прилог-материјали во однос на тоа за кои се средства се бара отпис, која е нивната вредност и слично, па дури тогаш да ја разгледуваме и да расправаме по истата. Насловот на точката е сосема несоодветен и поради истото сме прозивани во јавноста изминатиот период во сосема погрешен контекст“, изјави советникот Фрчкоски.

Фрчкоски, како координатор на Советничката група на СДСМ и коалицијата, побара од Секторот за финансии точката да ја предложи во соодветна форма за разгледување онака како што ќе ги изразува сметководствените потреби на општината, без да се ставаат советниците во позиција дека бараат сопственост на амортизираните основни средства, па потоа да се разгледува истата. Расходуваните средства понатаму општината може да ги донира каде што смета дека е потребно.

Градоначалникот на општина Центар, Саша Богдановиќ, го поддржа предлогот на Фрчкоски, со тоа што побара точката да биде вратена на доработка, исто како и точката за давање на користење на спортските сали на општинските основни училишта на територијата на општина Центар без надоместок на КК „Работнички“ АД Скопје во учебната 2019/2020 година, која исто е вратена на доработка.

По ова, седницата почна со изменет дневен ред и советниците ги усвоија извештаите за работа на трите општински детски градинки и одлуката за ослободување од партиципација на деца Роми во предучилишното образование во општината.

 

Прикажи повеќе...

Најново

Македонија2 часа

Косовскиот премиер не одговори дали ќе ги екстрадираат осудените во случајот „Монструм“

Министрите за правда на Македонија и Косово се во директен редовен контакт и тие соработуваат во однос на прашањето за...

Македонија6 часа

Нови правила за Македонците – влез во Швајцарија само со сертификат, во Белгија карантин за невакцинираните

Швајцарија, Белгија и Австрија донесуваат нови ковид-правила за патниците што влегуваат во нивните земји.  За Швајцарија, повеќе не е во...

Свет7 часа

(Видео) Бајден го заборави името на австралискиот премиер, нов гаф на американскиот претседател

Американскиот претседател Џо Бајден го заборави името на австралискиот премиер Скот Морисон, па го нарече „тој човек одоздола“ за време...

Македонија7 часа

МВР: На Рашковски му е дозволено да излегува од куќен притвор за да оди на лекар

Поранешниот генерален секретар на Владата, Драги Рашковски, смее да се оддалечува од домот каде што издржува куќен притвор, тврдат од...

Свет8 часа

Француската војска уби лидер на ИСИС

Францускиот претседател, Емануел Макрон, објави дека припадниците на француската војска го убиле водачот на Исламската држава во Сахара, Аднан Абу...

Македонија8 часа

Во соработка на македонската и германската полиција запленета марихуана вредна над 100.000 евра

Во Германија е запленета марихуана вредна над 100.000 евра во заедничка акција на полициите на Македонија и Германија, соопшти МВР....

Регион20 часа

(Видео) Протести против ковид – мерките во Љубљана: полицијата употреби солзавец и водени топови

Полицијата употреби водени топови и солзавец за да ги растера противниците на мерките во борбата против коронавирусот кои вечерва се...

Македонија23 часа

(Видео) Уште 44 бегалци од Авганистан пристигнаа во Македонија

На Меѓународниот аеродром во Скопје попладнево пристигнаа уште 44 бегалци од Авганистан. Од Владата соопштија дека станува збор за активисти...

Топ1 ден

Кривична пријава за жена од Дебар, го тепала нејзиниот осумгодишен син и го терала да питачи

Полицијата поднесе кривична пријава против 28-годишна жена од Дебар која физички го малтретирала нејзиниот син и го терала да питачи....

Европа1 ден

Шведскиот модел сепак успешен – без строги мерки до нула починати

Рекорден број заразени и починати од Ковид-19 во Европа, а во Шведска нула починти. Оваа европска земја беше ставена на...

Топ1 ден

(Видео) Откриени две илегални лаборатории за производство на марихуана во Скопје

Вчера, полициски службеници од одделот за крим-полиција – Сектор за недозволена трговија со дрога и опасни материи и полициски службеници...

Македонија1 ден

Заев: Демократијата е двонасочен дијалог меѓу граѓаните во општеството, ние ја градиме на еднаквоста на сите

Демократијата доаѓа од народот за да му служи на народот, напиша, меѓу другото, премиерот Зоран Заев на својот фејсбук-профил по...

Европа1 ден

Меркел од Албанија: Кој и да биде нов германски канцелар, ќе го задржи интересот за овој регион

Германската канцеларка, Ангела Меркел, на средбите во Тирана го потврди интересот на Германија за земјите од Западен Балкан. „Без оглед...

Свет1 ден

Тепачки и расправии – внатрешни конфликти за новата влада го разнишаа талибанското раководство во Авганистан

На врвот на талибанското движење дошло до голем внатрешен конфликт за составот на новата влада. Конфликтот помеѓу коосновачот на талибанското...

Европа1 ден

Борел: Русија сака да нѐ подели, не им е грижа за Европската Унија

Шефот на европската дипломатија, Жозеп Борел, тврди дека Русија сака да ја подели Европската Унија преговарајќи само со одредени членки,...

Свет1 ден

Северна Кореја лансира две балистички ракети

Северна Кореја лансирала две балистички ракети во морето, тврди Генералштабот на Јужна Кореја. Јапонската крајбрежна стража исто така соопшти дека...

Регион1 ден

Два земјотреса утрово во Албанија, почувствувани и во Црна Гора

Два земјотреса, од кои едниот над 4 степени според Рихтеровата скала, ја погодија граничната област меѓу Црна Гора и Албанија...

Македонија1 ден

Во Солун конференција за Западен Балкан и европската иднина

Во Солун, Грција, денеска ќе се одржи конференција на тема „Западен Балкан учествува во дијалогот за иднината на Европа“. По покана...

Македонија2 дена

Средношколците во Тетово и Гостивар продолжуваат со онлајн настава

Владата донесе одлука наставата во средните училишта во Тетово и Гостивар да продолжи да се изведува онлајн до 20 септември...

Македонија2 дена

30 починати и 572 новозаболени со Ковид-19

Во последните 24 часа се направени 4.511 тестирања, а регистрирани се 572 нови случаи на Ковид-19: Скопје – 287, Куманово...

Досие