Контакт

Македонија

(Видео) Иванов: Нема да поддржам и потпишам ваков штетен договор

Објавено пред

Договорот за името е личен договор помеѓу премиерот Зоран Заев и министерот за надворешни работи, Никола Димитров. Овој договор е неприфатлив, нема да дозволам легализација на политички дивоградби, односно нема да го потпишам договорот за името со Грција, рече претседателот Ѓорге Иванов при денешното обраќање кон јавноста.

Иванов истакна дека владата не се потрудила да разговара со сите партии околу решавање на проблемот со името и да постигне консензус по тоа прашање.

– Текстот во договорот е поразителен. Покрај тоа што се менува Уставот, се менува и преамбулата и членовите кои се однесуваат на името. Дали е патриотизам да не се грижиме за малцинставата? Дали е патриотизам Грција да добие се што побара, а ние ништо? Со овој договор се погазува заветот на нашите претци за единствена Македонија и се брише 27-годишната историја на државата, рече Иванов.

Претседателот на Република Македонија истакна дека ЕУ и НАТО не смеат да бидат оправдување за потпишување штетен договор.

– Договорот нема да го потпишам. Ќе се залагам за решение прифатливо за сите граѓани на Република Македонија. Народот каде и да е, да не се плаши. Мојата одлука е конечна и нема да ме заплашат со никакви закани и уцени, рече Иванов.

Виктор Јованов

Македонија

Влада: Работата на функционерите е под лупа како никогаш досега

Објавено пред

 

Владата останува посветена на реформите во полето на борба против корупција, a работата на функционерите e под лупа како никогаш досега, велат од Владата преку соопштение, како одговор за индексот на перцепција на корупцијата.

„За бескомпромисна борба против корупцијата ја подигнавме отчетноста и транспарентноста на институции на извршната власт, која треба да биде зајакната и со независно, транспарентно и отчетно судство и обвинителство,
со непартизирана антикорупциска комисија.

Владата на Република Северна Македонија останува да се раководи од ставот дека отворените податоци се силен поттик и дополнително го јакнат доброто управување, транспарентноста, интегритетот и со јавното учество на
граѓаните и другите засегнати страни во креирањето на политиките.

Сите реформи што беа преземени и што се спроведуваат се во насока на создавање силни и независни институции и механизми за борба против корупцијата, сѐ со цел да се врати довербата на граѓаните во институциите на системот.

Во таа насока имаме сериозни остварувања и резултати. Според последното истражување на „Action SEE“ за транспарентност, отвореност и отчетност на извршната власт во регионот на Западен Балкан објавено минатата година, Владата на Република Северна Македонија, заедно со Црна Гора се издвојуваат во регионот според индексот на отвореност, кој изнесува 78% во однос на исполнување на индикаторите.

Трендот е растечки во последните две години и донесе пресврт во рангирањето на нашата земја, ако се знае дека во 2016 година бевме на последното место со само 52% исполнети индикатори.

Донесовме законска регулатива која на Државната комисија за спречување на корупцијата – од започнувањето со функционирање во новиот состав минатиот февруари, ѝ создаде солидно досие на покренати случаи, вклучително и
покренати иницијативи за утврдување на кривична одговорност за актуелни носители на јавни функции како и поништени решенија за вработување.

На 17 јануари ДКСК ја донесе петгодишната национална стратегија за спречување на корупција чии цели се зголемување на нивото на политичка одговорност, спречување на политичкото влијание, јакнење на интегритетот и
транспарентноста при вработување во јавниот сектор кое треба да се базира на квалитет, јакнење на надзорните и контролните механизми и намалување на корупцијата во јавните набавки и доделувањето на грантови.

Минатата година усвоена е Стратегијата за транспарентност на Владата на Република Северна Македонија за периодот 2019-2021 година, со Акциски план, за унапредување на амбиентот за транспарентност и доверба во работата на институциите.

Со порталот „Отворени финансии“ оваа влада го отвора државниот Трезор на Министерството за финансии, и на увид на јавноста ги става сите минати, сегашни и идни финансиски трансакции, на буџетските корисници од Буџетот на
Република Северна Македонија. Сите идни ќе се прикажуваат на секои 15 дена.

За прв пат во политичката пракса во нашата земја, Владата е таа што, самоиницијативно, го стави на најотворен, најтранспарентен начин, своето финансиско работење.

Многу малку земји можат да се пофалат дека имаат воведено ваква алатка која им овозможува на граѓаните да имаат увид во приходната и расходната страна на Буџетот во секое време.

Поттикнати од начелото за транспарентно и отчетно трошење на државните средства, односно на парите на граѓаните, порталот „Отворени финансии“ го отвора патот на граѓаните, експертските и граѓанските организации за
транспарентен увид во трошењето на народните пари и отвора широка можност за сугестии и предлози за учество на граѓаните и за креирање подобри политики во менаџирањето на буџетот на граѓаните.

Отворање на трезорот и сите податоци во него, е една од најголемите мерки во насока на намалување на корупцијата и неправилностите во работењето на државните институции, како и штедење на парите на граѓаните.

Преку порталот „Отворени податоци“ го овозможивме максимално учеството на граѓаните при креирањето на политики и при анализа на испорачаните резултати. Со еден збор, преку порталот за отворени податоци ја качивме
транспарентноста и отвореноста на институциите на едно повисоко ниво.

Пред две години, за прв пат во политичката историја на Република Северна Македонија, Владата, самоиницијативно, на увид на граѓаните ја стави можноста да го следат и анализираат трошењето на средствата на граѓаните од
страна на владините функционери.

Владата на Северна Македонија креира и спроведува политики што нѐ приближуваат кон отворени и транспарентни општества, и на отворени ресурси достапни за сите. Бројките на отворени и затворени случаи, како и бројот на
високи функционери чии имоти и начин на работа беа и се предмет на истражување на институциите (пред сѐ на ДКСК) покажува дека правецот во кој се движи државата кога е борбата против корупција во прашање, е добар и
среднорочно и долгорочно вродува со плод. Работата исто како и имотот на функционерите е под лупа како никогаш досега.

Владата на Северна Македонија останува посветена на реформите во полето на борба против корупција, и ќе продолжи со имплементација на механизмите кои овозможуваат правично функционирање на системот“, се наведува во владиното соопштение.

Прикажи повеќе...

Македонија

Средба на Спасовски со резидентните амбасадори од земјите членки на ЕУ

Објавено пред

Претседателот на Владата, Оливер Спасовски, се сретна со резидентни амбасадори од земјите членки на Европската Унија во нашата држава.

На средбата беа изразени честитки до Спасовски и до Владата за доследното спроведување на обврската од пржинскиот договор и формирањето преодна Влада три месеци пред изборите, што од страна на ЕУ се препознава како зрелост на демократијата во земјата.

На состанокот силно се поздравени заложбите на премиерот Спасовски и на Владата за продолжување на реформите, за продолжувањето на дијалогот со опозицијата, за јасните определби од Владата за почитување на добрососедските односи и договорите со Република Грција и Република Бугарија, за спроведување фер избори, што се од значење за стабилноста на граѓаните и нашата држава и за интеграциите во НАТО и ЕУ.

На средбата е потврдено дека Република Северна Македонија ги спровела потребните реформи и е оценето дека фокусот кон нивната натамошна реализација е позитивен сигнал кон земјите членки на ЕУ за цврстата определеност за усогласување со европските стандарди и вредности.

Соопштено е дека во следните месеци Западен Балкан повеќе од секогаш ќе биде во фокусот на Европската Унија, како и дека проширувањето на ЕУ останува на врвот на европската агенда.

„Благодарни сме на поддршката и на пораките на политичките лидери на вашите земји дека одлуката за почеток на пристапните преговори со нашата земја треба да се донесе и што проширувањето на ЕУ се држи високо на агендата на европските институции“, рече премиерот Спасовски.

Претседателот на Владата на состанокот со амбасадорите јасно ги соопшти владините приоритети.

„Врвен приоритет на сите министри во актуелната Влада е да се обезбеди континуитет на функционирањето на институциите, на владеењето на правото и демократијата, организирање фер и демократски избори.

Врвен приоритет на Владата е и почитувањето на преспанскиот договор со Република Грција и на договорот со Република Бугарија и истакнувам дека остануваме посветени на добрите односи со сите соседи“, рече премиерот Спасовски.

На средбата беше констатирано дека носењето на законот за Јавното обвинителство, иако не е услов за евроинтеграциите, ќе биде добра порака за определеноста на сите политички субјекти во земјата кон дијалог и кон владеење на правото.

Нагласено е дека во важните моменти за државата е недозволиво политиканство од кој било претставник на извршната власт или од политичките субјекти и дека е неопходно сите во земјата државните приоритети да ги стават во прв план.

Состанокот на претседателот на Владата, Спасовски, со резидентните амбасадори од земјите членки на ЕУ во нашата држава е поздравен како значајна порака за определбата на Владата да продолжи одблиску да соработува со државите членки на ЕУ и со институциите на Европската Унија во време на очекувањето на заслужениот исчекор во европските интеграции.

Прикажи повеќе...

Македонија

Адвокатот на Јовановски: Доктор му предлага да прави операција, а се проверува и дали има карцином

Објавено пред

Адвокатот Сашо Дуковски ги прашуваше судиите каде е лекот за Бојан Јовановски откако претходно повтори дека неговиот клиент треба да излезе од притвор бидејќи неговата здравствена состојба е лоша. Дуковски потенцира дека абдоменален хирург предлага Јовановски да прави операција, а земен му е и материјал за да се провери дали има карцином.

„Абдоменален хирург даде предлог за операција веднаш и вели строг хигиено-диететски режим од супспецијалист, абдоменален хирург. Затворскиот лекар вели дека треба строг хигиено-диететски режим поради новонастаната ситуација, односно чировите кои се зголемуваат поради неадекватен третман. Земен му е материјал да се види дали станува збор за карцином. Денеска Јовановски повторно повраќаше, нонстоп повраќа. Мојот татко почина од нелекуван чир, третманот е со антибиотик, кој не го зема. Затворскиот лекар исто така пишува: ‘Веднаш да се постапи со хигиено-диететски режим’. Ова не го пишуваат бидејќи им е симпатичен Јовановски“, рече Дуковски.

Адвокатот на Јовановски во текот на образложението што го даваше пред судот постојано повторуваше дека неговиот клиент мора веднаш да има хигиено-диететски режим.

„Мојата реторика се однесува во еден и единствен правец, само да му укажам на судот дека не може десет супспецијалисти и најмалку двајца затворски лекари да предлагаат операција, да предлагаат хигиено-диететски режим веднаш, а тој е во затвор, каде што е во ќелија со други затворени лица, место кое е расадник на бактерии. Вака понатаму не може да продлжи, не може во една постапка странките да не бидат еднакви“, посочи Дуковски.

Прикажи повеќе...

Најново

Македонија1 час

ЕСЧП пресуди во корист на детето со попреченост, кое беше врзувано за кревет – државата системски потфрлила

Хелсиншкиот комитет за човекови права во 2015 година, во име на малолетниот Л. Р., лице со повеќекратна попреченост, поднесе апликација...

Топ2 часа

Скопјанец со тупаници го тепал едногодишното дете на својата партнерка

Триесет и четиригодишен скопјанец е обвинет дека физички го малтретирал едногодишното дете на својата партнерка. Според истрагата, тој го тепал...

Свет3 часа

Во Кина прогласен најголемиот карантин во историјата

Кинеските власти во средата прогласија најголем карантин во историјата за да спречат ширење на новиот корона вирус за кој во...

Свет4 часа

Си-ен-ен: Откриен е изворот на корона вирусот

Изворот на новиот корона вирус, кој се појави во Кина, би можеле да бидат змиите кинеска кобра и кинески краит,...

Македонија5 часа

(Видео) Бојан Јовановски: Не играјте си со мојот живот, 55 пати сум носен во болница

Педесет и петпати сум носен во болница. Пред малигнитет сум. Ве замолувам, не играјте си со мојот живот, изјави денеска...

Свет5 часа

Кинеското министерство: Автобусите и траектите повеќе не одат во Вухан

Кинеското Министерство за транспорт го прекина целосно автобускиот и траектниот сообраќај кон градот Вухан поради епидемијата на вирусот корона, од...

Македонија5 часа

(Видео) Рочиштето за „Рекет“ одложено вторпат

Поради влошена здравствена состојба на адвокатите на ексшфицата на СЈО, Катица Јанева, Дељо Кадиев и Ирена Фрчкоска, вторпат се одложува...

Регион5 часа

По 20 дена, ослободени киднапираните грчки морнари

Осум члена на екипажот на грчки танкер се ослободени по 20 дена од киднапирањето од вооружени напаѓачи на брегот на...

Свет6 часа

СЗО денеска ќе одлучува дали ќе прогласи вонредна состојба

Светската здравствена организација (СЗО) денеска ќе донесе одлука дали да прогласи глобална вонредна состојба поради избувнување на новиот корона вирус,...

Македонија18 часа

Изгласан Законот за младински додаток: Младите до 23 години ќе добиваат по 3.000 денари за работа во производство

Вечерва во Собранието пратениците го изгласаа Законот за младински додаток по скратена постапка. Овој закон предвидува на младите до 23...

Македонија23 часа

Раскината концесијата за Охридското Езеро, Димковски тврди дека концесионерот ги кршел законите

Владата донесе одлука за раскинување на договорот за концесија за Охридското Езеро со концесионерот „Летница-Белвица“. Причината за оваа одлука, како...

Македонија23 часа

Костадинов: ВМРО-ДПМНЕ со 3.000 амандмани го блокира предлог-законот за отпис на камати

ВМРО-ДПМНЕ поднел 3.000 амандмани за предлог-законот за отпис на камати и репрограмирање на долгови и трошоци на јавните препријатија, за кој...

Македонија23 часа

ВМРО-ДПМНЕ ќе ја тужи Царовска за в.д. директорите во центрите за социјална работа

Опозициската ВМРО-ДПМНЕ најави дека ќе биде поведена постапка за злоупотреба на службена дожност против ексминистерката Мила Царовска поради тоа што,...

Топ24 часа

Измамник во Свети Николе изнудил 2.000 евра од жена, ја излажал дека е полицаец

Седумдесет и осумгодишна жена од Свети Николе пријавила дека била измамена за сума од 2.000 евра. Според пријавеното, вчера лицето...

Македонија24 часа

Микиќ: Нема потреба од паника за корона вирусот во Македонија

Информативните летоци ќе бидат превентивна мерка во Македонија да не се рашири смртоносниот корона вирус. Доктор Владимир Микиќ од Институтот...

Македонија1 ден

Уставниот суд нема да ја оценува уставноста на амнестијата на обвинетите за 27 април

Нема да се оценува уставноста на амнестијата со која некои од обвинетите за упадот во Собранието на 27 април се...

Македонија1 ден

Спасовски: Во земјата не се увезува штетен отпад

Техничкиот премиер, Оливер Спасовски, уверува дека во државата не се увезува штетен отпад за кој нема сертификати. Тој вели дека...

Македонија1 ден

Филипче: Чекаме препораки од СЗО за заштита од корона вирусот

Министерот за здравство, Венко Филипче, вели дека чекаат Светската здравствена организација да даде препораки за тоа што треба да се...

Македонија1 ден

(Видео) Крпен студентски живот: 61 денар за оброк дневно, еден килограм месо месечно

Просечно по 61 денар се издвојува дневно за оброк за станарите во студентските домови. На секој станар му следуваат по...

Свет1 ден

СЗО: Постои голема веројатност корона вирусот да се прошири и надвор од Кина

Светската здравствена организација (СЗО) соопшти дека постои голема веројатност новиот корона вирус да се прошири и во други делови на...

Досие