Контакт

Крвав четврток

(Видео) Иванов: УБК е жариште на сите кризи, немав намера да прогласам воена состојба

Објавено пред

Како претседател на Република Македонија уште пред две години укажав дека УБК е главното жариште на генерирање на сите политички и безбедносни кризи во Република Македонија. И по три години од дијагнозата на Прибе, болеста не е отстранета, рече претседателот Горге Иванов.

Тој уште еднаш демантира дека на 27 април планирал да прогласи воена состојба и дека наводно под притисок на меѓународната не го направил тоа. Претседателот рече дека против него се води хајка и линч со очајно смислено сценарио. Тој ја уверува јавноста дека со нарачани лажни искази и генерирање лажни вести нема да се прикрие реалноста и вистинските нарачатели на настаните од 27 април.

„Ако УБК се осмелува без никакви основи да ги следи активностите на мојот Кабинет и да ме става мене како претседател во службени белешки кои опишуваат непостоечки настани, се плашам од помислата што сè се случува во оваа институција и како се креираат извештаи со фиктивни извори за да се постигне определена цел. Со планиран истек на класифицирани податоци се гради лажна перцепција за на крај да се конструира судско-полициски случај“, рече Иванов.

Тој потврди дека генералниот секретар во неговиот Кабинет, Борис Јосифовски, на 27 април минатата година бил во седиштето на ВМРО-ДПМНЕ. Кога почнале настаните во Собранието рече дека веднаш го повикал Јосифовски да го свика Кабинетот.

За неговиот советник за национална безбедност Синиша Алексовски, пак, рече дека тој ден тргнал на службен пат кон Вашингтон. „Му реков веднаш да се врати од Истанбул и по полноќ околу 1 часот пристигна, сите извештаи што ги има ги има пратено на обвинителството. На секои 6 месеци е подлежен на полиграф. Јас би сакал сите советници да бидат подлежни на полиграф“, рече Иванов.

Тој рече дека во неговиот Кабинет на 27 април никогаш не се разговарало, ниту се размислувало за прогласување воена или вонредна состојба.

„Со тоа ги отфрлам и сите шпекулации дека меѓународната заедница вршела каков било притисок врз мене да отстапам од некаков наводен план за прогласување воена или вонредна состојба. Во овој момент, јавно ги повикувам странските претставници да излезат и да ги посочат тие кои ми вршеле притисок. Сценарио за воена и вонредна состојба немало, освен ако во Република Македонија не функционирал паралелен врховен командант на вооружените сили и паралелен Генералштаб на Армијата на Република Македонија“, рече Иванов.

Според него, вистинското прашање е кому во тие моменти му одело во прилог да го злоупотреби Кабинетот на претседателот и да креира лажна перцепција за прогласување воена или вонредна состојба?

Во врска со сведочењата на дел од обвинетите за настаните на 27 април кои посочија дека наводно во Кабинетот на Иванов се разговарало за прогласување воена состојба, Иванов ги охрабри оние кои го обвинуваат да се обратат до надлежните институции. Тој рече дека таквите искази се лажни.

„Деновиве сме сведоци дури и на лажни искази дадени во судскиот процес за настаните од 27 април. Прво, сакам да укажам дека за давање лажен исказ пред суд, кривично се одговара. Второ, ги охрабрувам сите оние кои ме обвинуваат слободно да се обратат до надлежните институции, Министерството за одбрана, Армијата на Република Македонија, Агенцијата за разузнавање, Управата за безбедност и контраразузнавање и други институции кои се споменуваат, и да побараат веродостојни информации за планските и дневните активности на секој старешина, командант и војник. Овие институции треба да одговорат на прашањата каде биле одговорните лица на 27 април или претходно, и дали постојат какви било административни записи за подготовки на некакви сценарија за воена или вонредна состојба“, рече Иванов.

Истовремено, додаде тој, обвинителката Вилма Рускоска јасно потврди дека Јавното обвинителство нема докази за вмешаност на Кабинетот на претседателот во настаните од 27 април.

„Генералштабот на Армијата на Република Македонија, исто така, демантираше инволвираност во настаните од 27 април и повика на транспарентност во доставување информации во врска со овие настани. Исто така, и Агенцијата за разузнавање, најостро ги осуди сите обиди за вмешување на Агенцијата во конструкции и лажни вести“, рече Иванов.

Тој потврди и дека поранешните министри Миле Јанакиески и Владимир Пешевски биле во неговиот кабинет за консултации во врска со процесот за помирување. За бегството на експремиерот Никола Груевски не даде никаков коментар, само кусо рече: „Не е прв, трет е што избега“.



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Крвав четврток

Пепиќ: Се колнам во своите чест и вера дека не го удрив Села

Објавено пред

Покрај разговорите од одземените телефони на пратениците Јохан Тарчуловски и Љубен Арнаудов на денешното рочиште за крвавиот четврток беше презентирана и снимка од нападот врз пратеникот Зијадин Села на 27 април, кој се случи во прес-центарот на Собранието.

На снимката се гледа како пратеникот Села е брутално нападнат од повеќе луѓе, а во кадарот цело време се гледаат и обвинетите Мунир Пепиќ и Вилијам Михајловски. Обвинетиот разузнавач Мунир Пепиќ пред судот истакна приговор на начинот на кој обвинителката Ивана Трајчева ја коментираше снимката велејќи дека во ниту еден момент не го удрил Села.

„Никаков физички контакт немав кон Зијадин Села, ниту, пак, некаква намера. На камерата може да се види дека сум метар и половина оддалечен од него. Не е точно дека сум го удрил, се колнам во своите чест и вера. Не можат да ме посочат дека го мавам, бев таму бидејќи снимав со телефонот да видам кој е“, рече Пепиќ.

Приговор на коментирањето на снимката од страна на обвинителката Трајчева имаше и обвинетиот Вилијам Михајловски, кој истакна дека не е возможно да го мавал Села бидејќи толпата околу пратеникот, кој во моментот бил на земја, го туркала лево-десно.

Прикажи повеќе...

Крвав четврток

Русковска: Вчерашната ситуација со снимателите е едно големо недоразбирање

Објавено пред

Шефицата на Одделот за организиран криминал при јавното обвинителство, Вилма Русковска, во однос на вчерашниот инцидент што се случи во кривичниот суд, каде што по барање на нејзината колешка, обвинителката Ивана Трајчева, беа избришани материјали од камерите на снимателите, рече дека станува збор за едно големо недоразбирање и дека судот и обвинителството ќе имаат дополнително соопштение за случајот.

„Се слушнав со претседателот на судот, го испитува настанот. Разговарав и со колешката. Станува збор за едно големо недоразбирање. Дополнително ќе има соопштение“, рече Русковска.

По вчерашниот скандал кој наиде на бурни реакции од јавноста кога по барање на една од обвинителките судската полиција бришеше материјали од снимателите на кои е снимена истата, денеска обвинителките седеа и не ургираа до полицијата додека снимателите снимаа инсерти од судницата.

Од кривичниот суд велат дека немаат никаква врска со вчерашниот настан и дека полицискиот службеник ќе даде изјава за преземените дејствија.

Во одобренијата што медиумските екипи претходно ги обезбедуваат од Врховниот суд, никаде не е ограничено снимањето на странките во постапката. Обвинителите исто како и обвинетите се странки во постапката пред судот.

Прикажи повеќе...

Крвав четврток

Рускоска: Воопшто не размислувам за преквалификација на делото за 27 април

Објавено пред

,,Не знам што содржи законот и дали воопшто ќе треба нова квалификација. Беспотребно лицитираме, треба да го видам предлог-законот и до тогаш не можам ништо да кажам. Јас искрено, воопшто не размислувам за преквалификација и не се сомневам дека обвинението треба да биде ‘терористичко загрозување на уставниот поредок’“, рече обвинителката Вилма Рускоска по денешното рочиште за крвавиот четврток.

Рускоска исто така исткна дека наскоро ќе излезе со предистражна постапка за нарачателите на настаните од 27 април, но не сакаше да дава повеќе информации околу тоа.

На новинарско прашање дали се повикани на сослушување одредени лица кои беа споменувани во постапката, а не се обвинети, Рускоска рече дека не се повикани бидејќи смета оти тоа не е потребно.

Прикажи повеќе...

Најново

Бегството на Груевски5 минути

Трајковски: Не бев да се видам со Груевски, туку да се лекувам на клиника

Обвинетиот Александар Трајковски на паузата од денешното судење за „Насилството во Центар“ на СЈО, пред новинарите рече дека во Унгарија...

Македонија9 минути

Адвокатите се откажаа да го застапуваат Груевски

Тројцата адвокати Димитар Дангов, Стерјо Зиков и Боро Тасевски се откажаа да го застапуваат експремиерот Никола Груевски, во предметот на...

Бегството на Груевски22 минути

Ристовски: Соседните земји низ кои поминал Груевски не смееле да го уапсат

Заменик-министерот за правда на Македонија, Оливер Ристовски, за српскиот весник „Политика“ потврди дека Србија немала обврска да го задржи или...

Европа1 час

(Видео) Десет илјади граѓани излегоа на протестите против владата на Орбан

Околу десет илјади граѓани протестираа во Будимпешта против новиот закон за работа и, како што се наведува, „растечкото авторитарно владеење...

Европа2 часа

Премиерот на Франција за ,,Жолтите елеци”: Погрешивме, не ги слушавме доволно граѓаните

Премиерот на Франција, Едуар Филип, призна дека Владата не ги слушала доволно Французите и дека погрешила во управувањето на кризата...

Македонија2 часа

Марш на црвените чадори – ќе маршираат сексуални работнички, стриптизети, хотлајн-операторки

Првиот колектив на сексуални работници „Стар-стар“ во рамките на кампањата за одбележување на 17 Декември, Меѓународен ден за ,,стоп” на...

Свет14 часа

(Видео) Експлозија во ресторан во Јапонија, повредени 42 лица

Најмалку 42 лица се повредени во експлозија и пожар во ресторан во јапонскиот град Саппоро.На местото на експлозијата веднаш пристигнаа...

Македонија15 часа

ЛДП нема да гласа за законот за амнестија

ЛДП нема да гласа за законот за амнестија. Како што беше кажано на седмото Изборно собрание на Либералдемократите, овој владин...

Македонија18 часа

(Видео) Сведоштво од несреќата кај Лесковац: Кога се разбудив слушнав вриштење, околу мене имаше луѓе со крвави глави

,,Кога се разбудив слушнав вриштење. Видов луѓе со крвави глави и раце и слушнав некој кажа дека има и загинати”,...

Македонија19 часа

ЗНМ на тест, изборот на Чадиковски под прашалник

По којзнае кој пат новинарската фела е исправена пред нови поделби. Вчерашниот избор на Младен Чадиковски за претседател на Здружението...

Македонија20 часа

Идентификувани двајца од трите жртви во превртениот автобус – маж од Крушево и жена од Кочани

Шеесет и осумгодишен маж од крушевското село Бучин со иницијали В.Ш. и 68-годишна жена од Кочани со иницијали К.К. се...

Македонија21 час

МНР потврди за тројца загинати кај Лесковац, во животна опасност се четворица патници од автобусот

Маж на возраст од 68 години е првата идентификувана жртва од превртениот македонски автобус кај Лескoвац, информираат од Министерството за...

Топ1 ден

Во една вечер тројца пешаци тешко повредени во сообраќајки во Скопје, Охрид и Битола

Тројца пешаци се тешко повредени откако биле удрени од автомобили во три одделни сообраќани несреќи во Скопје, Охрид и Битола,...

Регион2 дена

Јеремиќ: Вучиќ и Тачи го имаат договорено формирањето на косовската војска

Претседателот на српската Народна партија, Вук Јеремиќ, за српските медиуми изјави дека формирањето на војската на Косово е скандалозно и...

Македонија2 дена

(Видео) Спасовски на Пониква ги посети кандидатите за полициски специјалци

Министерот за внатрешни работи, Оливер Спасовски и дел од раководството на МВР денеска го посетија зимскиот рекреативен центар „Пониква“ во Кочани,...

Топ2 дена

Злетовец голтнал прашок за да го скрие од полицијата по што починал

На Граничниот премин Делчево за влез во државава, во вечерните часови на 14. декември се пријавил 32-годишен злетовец. Тој управувал...

Македонија2 дена

За палење петарди и ракети казни од 200 до 500 евра

Министерството за внатрешни работи ги известува граѓаните дека неовластената употреба на пиротехнички средства е казнива согласно Законот за прекршоци против...

Македонија2 дена

Георгиев: Се согласивме со Бугарите дека имаат поеднакво право на Прличев како нас

Се согласивме дека и Бугарите имаат поеднакво право на делото на Глигор Прличев,тој е дел од заедничката историја и не...

Афера „Банки“2 дена

(Видео) Банки свртеле 1 милион евра во еден ден преку сметката на бизнисменот Исиров

Бизнисменот и сопственик на фирмата за трговија „Еуротрејд“, Ефтим Исиров, на лист хартија се потпиша за да докаже дека со...

Регион2 дена

Мицотакис: Никогаш нема да го ратификуваме Договорот од Преспа

Повторувам од овде, од нашиот 12-ти Конгрес дека Нова демократија нема да го ратификува Договорот од Преспа. Ниту сега, ниту...

Досие