Контакт

Македонија

ИВЗ: Нема компромис за џамијата во Охрид, ние ќе градиме

Објавено пред

Реставрацијата на Алипашината џамија во Охрид и изградбата на 32-метарското минаре за Исламската верска заедница е завршена работа. Градежните работи се во тек и нема да престанат, а компромис за стопирање на изградбата нема да дозволат, најавија од ИВЗ иако Обвинителството донесе решение за забрана за изведување градежни работи. Од Исламската верска заедница велат дека секој ден одат на судски рочишта, а тоа го гледаат како претеран притисок.

„Во Охрид моментно постои само Алипашината џамија, но и нејзината реконструкција наидува на несфатливи пречки“, велат од ИВЗ.

Од Верската заедница велат дека реагирале до Владата оти чашата се прелеала во моментот кога реставрацијата на Алипашината џамија и изградбата на минарето биле оспорени од здружението „Совест“.

За средбата меѓу претставниците на здружението, премиерот Зоран Заев и в.д. градоначалникот на Охрид, Константин Георгиевски, од ИВЗ велат дека не е добро Владата да поддржува оспорување на чувствата на еден народ.

Томе Џамтоски од „Совест“ претходно рече дека премиерот Заев им ветил дека ќе биде поставена жолта лента за забранет пристап до џамијата во Охрид, но такво нешто нема.

Основото јавно обвинителство отвори предмет за градежните работи на џамијата, а обвинителот констатирал дека правното лице опфатено во истрагата нема правосилно одобрение од Министерството за транспорт и врски. Судот по барање на Обвинителството донел решение за забрана за преземање и изведување градежни работи на објектот. Но, решението не се почитува.

„По извршен увид на терен, се забележи дека мерките на претпазливост не се почитуваат од страна на осомничените, а за утврдување на промената на фактичката состојба во повеќе наврати од страна на јавниот обвинител е издадена наредба до градежен инженер, кој излегуваше на самото место во присуство на полициски службеници“, изјавија од Обвинителството.

Во предметот на Обвинителството опфатени се 8 лица, некои се физички, а други правни субјекти. Меѓу нив се нарачателите и изведувачите на градбата.

Македонија

ДКСК: Без интервјуа и записници се вработувале роднините на Кирацовски, Бектеши, Адеми

Објавено пред

Целиот процес за тоа како тече непотизмот во државните и јавни институции денеска беше обелоденет на седницата на Државната комисија за спречување на корупцијата (ДКСК). Новинарите добија листа од 18 предмети од кои три беа за вработувањата на роднини на пратеничката Мира Стојчевска, а три за пратеникот од СДСМ Александар Кирацовски. Од овие предмети за половината беше утврдено дека постојат сериозни сомнежи за непотизам и влијание при вработување роднини, сестри, браќа, мајки и татковци по доаѓањето на СДСМ на власт.

Еклатантен пример беше предметот за вработувањето на сестрата на министерот за економија Крешник Бектеши, Влора Бектеши, која во октомври 2018 година била вработена како самостоен референт за правни работи во МЕПСО. Вкупно 73 кандидати се пријавиле за ова место. Без записник за извршени интервјуа и без записник за бодирање, избрани биле петмина кандидати во потесниот круг, а за најдобар кандидат генералниот директор на МЕПСО ја избрал токму сестрата на министерот за економија.

„Не се знае точно како токму сестрата на министерот била избрана меѓу петте селектирани кандидати, бидејќи не постои записник од бодирањето. Владата треба да се извести за овој случај, а Надзорниот одбор на МЕПСО треба да изврши увид во работата на овој случај. Воедно, иницирам прекршочна постапка против Бектеши бидејќи тој и неговата сестра живеат во исто домаќинство, а тој не пријавил дека член на неговото семејство е вработен во државна институција“, рече Владимир Ѓорѓиев, член на ДКСК.

На седницата се провлекоа низа случаи за кои постојат сериозни сомнежи за непотизам кои се одвивале на ист начин – институциите не доставувале записници за интервјуа, нема податоци за бодирање на кандидатите, нема причини зошто останатите кандидати се одбиени и зошто е избран токму роднина на висок функционер.

Сличен случај е и вработувањето на сестрата на министерот за култура Асаф Адеми, Хидоете Алили, која е вработена во ЕЛЕМ. Работното место не постоело претходно, било креирано, недостига ранг-листата на пријавените, немало бодирања ниту, пак, воопшто се знаело дали е извршено интервјуирање на кандидатите. И за овој предмет, комисијата ќе ја извести Владата, а ќе му наложи на Надзорниот одбор на ЕЛЕМ да изврши увид во целокупната документација за случајот.

За вработувањата на сопругот, синот и братот на пратеничката Мира Стојчевска, утврдени беа индиции за непотизам само во случајот за вработувањето на нејзиниот син Виктор Стојчевски во ЕЛЕМ.

На врвот на листата по случаи за непотизам е пратеникот и секретар на СДСМ Александар Кирацовски – и вработувањето на неговиот дедо Борче Поповски во ЕЛЕМ Новаци, и сестрата Мирјана Јосифовска во Централен регистар, и мајката на сопругата на Кирацовски, Мери Поповска, во ДУД „Мирка Гинова“, за ДКСК се со индиции за непотизам.

За вработувањето на мајката на пратеникот од СДСМ Костадин Костадинов во Централниот регистар во Струмица, Нури Бајрами од ДКСК наведе дека „постојат индиции што претставуваат основи за одговорност на директорот на Централниот регистар бидејќи не е спроведена фер и транспарентна постапка и не се земени предвид сите околности за да се избере најдобриот кандидат“.

За овој случај, Бајрами предложи да се извести Владата, да се побара од Управниот одбор на Централниот регистар да ја испита постапката за вработување и да се спроведе антикорупциска проверка на вработувањата кои се одвиваат преку агенции за привремени вработувања.

Антикорупционерите објавија дека нема нерегуларности при вработувањата на ќерката на претседателот на собранието Талат Џафери, Бесијана, во ЕЛЕМ и кај вработувањето на синот на пратеникот Горан Мисовски, Кристијан, во Агенцијата за супервизија.

 

Прикажи повеќе...

Македонија

(Видео) Ако дозволат временските услови, папата ќе го користи папамобилот

Објавено пред

Папата Франциско ќе се вози со папамобилот во зависност од временските услови, а неговата посета во Скопје ќе ја следат повеќе од 400 новинари, од кои 200 странски и 200 домашни, информираа денеска од Министерството за надворешни работи, од каде на заедничка прес-конференција со премиерот Заев и бискупот Киро Стојановски порачаа дека има огромен интерес за посетата. Очекувањата се дека на плоштадот ќе присусутвуваат повеќе од 15 илјади граѓани, а ќе бидат обезбедени околу две илјади места за седење, како и пунктови за вода. Мисата ќе се одржува на италијански јазик, а ќе има и дел на хрватски, како и на македонски јазик. Венриците кои ќе сакаат да присусутвуваат на плоштадот ќе треба да пристигнат најдоцна до 9 часот поради безбедносни причини, а мисата ќе почне во 11:30 минути.

Папата со специјален лет пристигнува на скопскиот аеродром во 8 часот и 15 минути каде што ќе биде пречекан со највисоки државни почести од претседателот Ѓорге Иванов и премиерот Зоран Заев.

„Можам да потврдам дека доколку временските услови дозволат, предвидено е користење на специјалното голф-возило или популарно наречено папамобил“, изјави државниот секретар во МНР, Виктор Димовски.

Според агендата, папата во 9 часот ќе биде пречекан во Вила Водно каде што ќе има обраќање и одвоени средби со Заев и Иванов и нивните семејства.

„Доаѓа во важен момент за нашата земја, кога демонстриравме подавање рака, пријателство, вредности кои допираат до вредностите на светите пораки. Оваа благопријатна посета е чест и од мене е сфатена како охрабрување да бидеме подобри луѓе, да нè охрабри дека доаѓаат подобри времиња…“ порача Заев за посетата на папата.

Попладне во католичката црква „Пресвето срце Исусово“ папата ќе се сретне со свештениците, како и со граѓани од ранливите категории, а предвидена е и средба со претставниците на верските заедници.

Папата Франциско доаѓа во време кога се одбележуваат 25 години дипломатски односи со Ватикан. Ова, според бискупот Киро Стојановски, е првата причина за посетата, додека втората причина е тоа што овде има мала, но сепак жива заедница на католички верници, па, како што нагласи бискупот, пастирот доаѓа да го посети своето стадо. Третата причина за посетата е Скопје, родниот град на Мајка Тереза.

Прикажи повеќе...

Македонија

Поради предистрагата за Бучковски во СЈО, неизвесно е дали ќе сведочи во „Маѓар телеком“

Објавено пред

На денешното судско рочиште за случајот „Маѓар телеком“ на СЈО, адвокатите на одбраната уште еднаш побараа експремиерот Владо Бучковски да сведочи во постапката. Обвинителката Лиле Стефанова рече дека ѝ треба време да се произнесе за овој предлог.

„За да се произнесам по овој предлог, потребно е СЈО да преземе други дејства зашто Бучковски се јавува како осомничено лице во друга предистражна постапка, која е тесно поврзана со овој предлог“, рече Стефанова. Бучковски можеби ќе стане обвинет, па затоа не може да се појави и како сведок. На наредното рочиште, кое е закажано за 8 мај, треба да сведочи професорот Борче Давитковски, а Слободан Богоевски е предвидено да сведочи на 24 јуни.

Јавното обвинителство со години истражуваше дали ексфункционерите Владо Бучковски, Али Ахмети и Муса Џафери зеле мито во аферата „Маѓар телеком“.

Унгарецот Атила Сендреи и членовите на тогашниот одбор на директори во „Македонски телеком“, Германецот Ролф Плат и Унгарецот Золтан Кишјакус, се обвинети дека склучувале фиктивни договори за консултантски услуги со кипарската консултантска куќа „Чаптекс холдингс лимитид“. На тој начин го оштетиле „Македонски телеком“ со речиси 4 милиони евра, а буџетот на државата со 2 милиона евра бидејќи владата во тој период поседуваше 47 отсто од акциите во компанијата.

Во предметот беше обвинет и Гркот Михаил Кефалoјанис, но обвинителот Марко Зврлевски за него ја отфрлил пријавата. Според обвинението, на сметка на фирмата во Кипар биле префрлани пари без одлука на одборот на директори, а налозите ги потпишувале Сендреи, Плат и Кишјакус. Првото судење се одржа на 26 октомври 2011 година. Судот распиша меѓународна потерница во 2008 година за Атила Сендреи, Ролф Плат и за Золтан Кишјакус.

Тројца ексдиректори на „Маѓар телеком“, Елег Штрауб, Андраш Балог и Тамаш Морваи, во паралелна постапка што се водеше пред унгарските власти за истиот случај беа обвинети дека во 2005 и во 2006 година на македонски функционери им исплатиле мито од приближно 4,8 милиони евра за да ја одложат либерализацијата на телекомуницискиот пазар. Ексдиректорите ги исплаќале парите како консултански и маркетинг-услуги.

Штрауб и Балог во април 2017 година се спогодија со окружниот суд во Њујорк и платија глоби, а пет години им е забрането да вршат дејност во акционерските друштва. Штрауб плати 250 илјади долари, а Балог 150 илјади долари. Третобвинетиот во случајот, Тамаш Морваи, се спогоди и плати глоба од 60 илјади долари за фалсификување на книгите на компанијата поврзани со поткупот.

Аферата доби нова димензија по сведочењето на ексразузнавачот Слободан Богоески пред окружниот суд во Њујорк, кое беше објавено јавно и првпат во јавноста беа посочени конкретни имиња. Богоески во сведочењето тврдеше дека мито од „Маѓар телеком“ зеле поранешниот премиер Владо Бучковски, како и функционерите од ДУИ, Али Ахмети, Муса Џафери и Абдулхалим Касами. Ахмети и Џафери, кои го тужеа Богоески за клевета и навреда, го добија случајот двапати на суд, но Апелациониот суд повторно ја укина пресудата.

Прикажи повеќе...

Најново

Македонија11 минута

ДКСК: Без интервјуа и записници се вработувале роднините на Кирацовски, Бектеши, Адеми

Целиот процес за тоа како тече непотизмот во државните и јавни институции денеска беше обелоденет на седницата на Државната комисија...

Македонија44 минути

(Видео) Ако дозволат временските услови, папата ќе го користи папамобилот

Папата Франциско ќе се вози со папамобилот во зависност од временските услови, а неговата посета во Скопје ќе ја следат...

Македонија1 час

Прекршочни пријави за претседателот Иванов од антикорупциската

Антикорупциската комисија поведува две прекршочни постапки против претседателот Ѓорге Иванов поради поставувањето генерали во Армијата по распишување на изборите. На...

Избори 20192 часа

(Видео) Заев: Нашите гласачи покажаа дека се разочарани од некои функционери

Нашите гласачи покажаа дека се разочарани од некои функционери. Некои се оттуѓија од народот, други не ги извршија очекувањата. Најавив...

Македонија2 часа

(Видео) Заев: За нас, поглавар на ИВЗ е оној што го утврдуваат законите на Заедницата

Премиерот Зоран Заев во врска со проблемите во ИВЗ рече дека негова работа е да им служи на граѓаните, а...

Топ3 часа

Обвиненија за тројца што силувале дете од Гостиварско, еден од нив го наведувал да нуди и секс на интернет

Основното јавно обвинителство од Гостивар поднесе обвиненија против три лица, кои во март и јули минатата година извршиле обљуба врз...

Македонија5 часа

Финансиската полиција денес добила пријава за контрола на работењето во ИВЗ

Управата за финансиска полиција денес добила пријава со барање за финансиска контрола во Исламската верска заедница(ИВЗ). Од Управата демантираат дека...

Македонија5 часа

Бузаку: Објектот на ИВЗ е под окупација

Самопрогласенот поглавар на Исламската верска заедница, Скендер Бузаку, кој е назначен на оваа функција со решение од судот, во изјава...

Македонија5 часа

ИВЗ: Невозможно е Реџепи да се сретне со Бузаку

Портпаролот на Исламската верска заедница, Агрон Војника, запрашан дали ќе се бара компромисно решение меѓу Сулејман Реџепи и Скендер Бузаку по...

Македонија7 часа

Комисијата за односи со верските заедници демантира вмешаност во превирањата во ИВЗ

Комисијата за односи со верските заедници и религиозни групи демантира каква било вмешаност во настаните во Исламската верска заедница. Од...

Свет7 часа

(Видео) Ким Џонг-ун со блиндиран воз пристигна во Русија

Севернокорејскиот лидер Ким Џонг-ун со блиндиран воз пристигна во Русија, каде што утре во Владивосток ќе се сретне со рускиот...

Македонија21 час

(Видео) ИВЗ: Судот не одлучува кој ќе биде реис, ако е така нека кажат и кој да биде поглавар на МПЦ

Судот не е тој што одлучува кој ќе биде реис, ако е така нека кажат и кој да биде поглавар...

Свет1 ден

(Видео) Камерите снимија терорист кој влегува во црквата непосредно пред масакрот

Медиумите на Шри Ланка објавија снимка од надзорните камери снимена непосредно пред еден од нападите. Како што известува „Гардијан“, се...

Македонија1 ден

Северна Македонија или Македонија? Караџовски и Адеми расправаa како да ја пишува државата на извештајот

Членовите на Судскиот совет го изгласаа годишниот извештај за работата за 2018 година, но претходно претседателот Зоран Караџовски и членот...

Топ1 ден

Мицкоски: Не е до чистката, туку проблемот е до тој што треба да исчисти

По најавите на премиерот Зоран Заев дека власта ја примила пораката од граѓаните и дека ќе следуваат кадровски промени, лидерот...

Топ1 ден

Поднесено обвинение против родителите чии деца загинаа во пожар во Велес

Против мајката и таткото, чии деца во јуни минатата година загинаа во пожар во куќа во Велес, е поднесено обвинение...

Македонија1 ден

(Видео) Таткото на Саздовски: Родителите да кажат каде е третиот осомничен, кој е во бегство

Ни една мајка не треба да го закопа својот син, казната е толкава колку што е предвидено во законот. Не...

Македонија1 ден

(Видео) По 19 години затвор за убијците на Никола Саздовски

Кривичниот суд во Скопје им одреди по 19 години затвор на Бесим Беља и Скендер Демири, кои на 29 јуни...

Свет1 ден

Евакуирана Сиднејската опера поради истекување гас

Стотици луѓе се евакуирани денес од Сиднејската опера и околината поради истекување гас, а раководството на куќата објави дека настапите...

Регион1 ден

Убиецот на бугарската телевизиска новинарка осуден на 30 години затвор

Бугарскиот суд го осуди Северин Красимиров на 30 години затвор за силување и убиство на телевизиската новинарка Викторија Маринова. Телото...

Досие