Контакт

Македонија

Ќе остават ли предлог измените на Законот на игрите на среќа повеќе од 7.700 вработени на улица?

Објавено пред

Измените на Законот на игрите на среќа и забавни игри кои минатата година во јуни ги предложи група пратеници, денеска влегоа во јавна расправа. На дневен ред се измените со кои се предвидува просториите во кои се приредуваат игрите на среќа задолжително да бидат оддалечени најмалку 500 метри воздушна линија од објекти на училишта, факултети, универзитети, институти, библиотеки и установи во кои се врши дејност на згрижување деца, на што се надоврзува дополнување на законот со кое потврда за оддалеченоста на просторијата до најблискиот објект ќе издава единицата за локална самоуправа.

Ако се направи едноставно онлајн мапирање на два објекта на оддалеченост од 500 м воздушна линија, веднаш станува јасно дека со вакво растојание практично и физички е невозможо да има обложувалница во градско подрачје. Скопје, кој е густо населен град на релативно мала површина, со многу образовни институции на неговата територија, во 500 – те метри радиус околу сите образовни институции колку што постојат, како што е предложено во предлог-измените, не постои простор каде би можело да се отвори објект за игри на среќа. Во малите градови, оваа состојба би била уште поизразена. Вообичаено образовните институции се наоѓаат во централното подрачје, а истите се, буквално, една главна и неколку споредни улици. Така, предлог-измените на законот, најконкретно, би значеле целосно затворање на сите објекти на приредувачите на игри на среќа на територијата на целата држава.

Од тука произлегува прашањето што ќе се случи со вработените во оваа индустрија? Ќе останат ли повеќе од 7.700 вработени на улица? На ова веќе подолго време укажува Асоцијацијата на спортски обложувалници, а ставовите на асоцијацијата и негативните ефекти од предлог-измените неодамна во интервју за „Фактор“ ги изнесе претседателот на АСОМ, Васко Илиески, кој посочи дека доколку се спроведат измените на законот, сите вработени во индустријата ќе ги загубат своите работни места.

„Тоа се 7.700 семејства кои живеат од овој приход, пред сé млади луѓе кои со вработувањето обезбедуваат редовна плата, но и можност за дополнителна заработка за работа на празници и ноќни часови. Тоа им обезбедува сигурност и стабилност и им дава можност да ја планираат својата иднина во земјата. Доколку овие млади луѓе ги загубат своите работни места, ризикуваме да ја напуштат државата, нешто што за нас како држава би било погубно. Сите 7.700 директно вработени во оваа индустрија одржуваат уште седум работни места во други стопански гранки, односно индустријата на игри на среќа поддржува речиси 54.000 работни места. Земајќи ги  предвид и членовите на семејствата, од оваа стопанска гранка директно и индиректно живее речиси 10% од популацијата во Македонија. Во оваа индустрија, во текот на минатата година се вработиле 40 % повеќе луѓе отколку во 2017, што го потврдува и позитивното влијание кое оваа стопанска гранка го има врз намалувањето на стапката на невработеност во земјата и стабилноста на пазарот на трудот “- образложи Илиески.

На ова се надоврзуваат и анализите на влијанието кое оваа индустрија го има врз државната екомонија. Бидејќи приредувачите на игри на среќа подлежат на високи даноци, нивната индустрија придонесува со рекордни една четвртина милијарди евра во држаниот буџет или високи 4% удел во бруто-домашниот производ. Во 2018 година, во државниот и локалните буџети се слеале вкупно 253 милиони евра, средства кои се користат директно за потребите на граѓаните во државата.

Целта на предложените измени, како што наведува групата предлагачи, е превенција на можностите за стекнување  порочни навики кај младата популација. Но, обложувалниците и другите простории каде што се приредуваат игрите на среќа не се достапни за малолетните лица. Согласно постоечкиот закон, прашањето за забрана за учество на малолетни лица во игри на среќа и за забрана за влез во објектите во кои се приредуваат игри на среќа е целосно регулирано, а казните за непочитување на овие членови од законот се високи.

Доследно спроведување на законот и евентуално зголемување на казните за приредувачите на игри на среќа, но и воведување казни за операторот кој извршил уплата на малолетно лице, за родителите/старателите на малолетните лица кои би биле затекнати во просториите на приредувачите на игри на среќа во голема мера би придонеле кон подобра регулација и поголема превенција.

Такви казнени одредби се предвидени во други закони со кои се регулира однесувањето на малолетните лица. Ставот на асоцијација е јасен. Тие неколкупати истакнаа дека се подготвени да прифатат и построга регулација и казни за прекршување на член 20 од Законот за игри на среќа, кој ја регулира пристапноста на малолетни лица во објектите – приредувачи на игри на среќа, но и да помогнат во развој, имплементација и финансирање програми и кампањи за едукација и подигање на свеста за негативните последици.

Македонија

Сончево и топло со температури до 30 степени

Објавено пред

Времето денеска ќе биде сончево и топло со мала до умерена локална облачност и со слаб до умерен ветер претежно од јужен правец. Во попладневните часови ќе има услови за краткотраен локален дожд и ретки грмежи, особено во јужните делови на земјава. Ќе дува слаб ветер од јужените правци. Утринската температура ќе биде во интервал од 4 до 13 а дневната од 24 до 30 степени.

Во Скопје, сончево и топло со мала до умерена локална облачност и со слаб ветер од јужен правец. Утринската температура ќе се спушти до 11, а дневната до 27 степени.

Продолжува периодот на топло време со натпросечни дневни температури за овој период од годината. Во петок и в сабота на места ќе има зголемена облачност и услови за слаб локален дожд.

Прикажи повеќе...

Македонија

(Видео) Мицкоски од Гевгелија: Време е за обединување против овие камиказа политичари

Објавено пред

Веќе неколку недели нашата теренска активност на ВМРО-ДПМНЕ и Коалицијата за подобра Македонија е на плоштадите, улиците во Македонија, разговараме со граѓаните и учиме од граѓаните, имаме чувство како  долго време некој да не ги слуша проблемите, оние обичните проблеми на нашите сограѓани, тоа беше нашиот мотив и тоа беше нашата водилка зошто одлучивме токму од сега, неколку месеци пред време, преку овие наши теренски активности да започнеме една голема широка дебата со граѓаните на Македонија и да можеме одблиску, очи во очи, гради во гради да ги слушнеме реалните проблеми, а потоа да понудиме и соодветни решенија за тие реални проблеми, не оние измислените и замислените коишто се носат во оние дебели кожени фотелји газејќи ги, ќе повторам, оние дебели персиски килими во Владата и во Брисел, туку овие директно очи во очи со нашите сограѓани, гради во гради, каде што ќе слушнеме некоја критика и за нас и за нашето однесување, ќе слушнеме некоја критика и за минатите влади на ВМРО-ДПМНЕ, им порача лидерот на ВМРО-ДПМНЕ, Христијан Мицкоски, на гевгеличани.

„Тоа што можеби било направено погрешно, а ќе треба да го коригираме во периодот што следи, но истовремено ќе ги слушнеме и вистинските проблеми коишто се резултат на погрешните политики на оваа сегашнава влада што ја предводи Зоран Заев и СДСМ, за да можеме да понудиме соодветни решенија, а тие решенија потоа да ги напишеме и во нашата предизборна програма, а потоа тоа што ќе се обврземе тоа што ќе го ветиме пред граѓаните и да го исполниме.

И не го зборувам ова како гола реторика, не го зборувам ова како филозофија туку навистина преку една ваква интерактивна комуникација од каде што ќе научиме многу од нашите сограѓани сакаме да покажеме дека Македонија може поинаку и дека ние како политичари можеме да се однесуваме поинаку и дека тоа што ќе го ветиме, тоа и ќе го исполниме.

Ќе се обидеме преку еден вид ново однесување да покажеме дека не се сите политичари во Македонија исти, дека онаа моментална перцепција што владее кај нашите сограѓани дека сите политичари се исти и дека ние сме практично лажливци и крадци, дека не е така, дека ние можеме поинаку, дека можеме да бидеме честити, дека можеме чесно да работиме и да работиме и да им служиме на граѓаните, бидејќи тие се тие коишто ни го даваат нас легитимитетот и тие нè бираат затоа што иднината што ќе ја оставиме на сите генерации на сите нам ни е потребна. Е тоа е она што ние преку оваа наша теренска активност, којашто ја именуваме разговори за обнова на Македонија сакаме да го покажеме. Да покажеме дека имаме поинакво лице, да покажеме дека не сме политичари коишто ќе ветуваат кога ќе дојдат избори, она што сакаат нашите сограѓани да го слушнат, не сме политичари што ќе ветуваат загарантиран откуп на пример за земјоделските производи, не сме политичари коишто ќе ветуваат поголеми субвенции, поголема поддршка за земјоделецот во Република Македонија, а потоа кога ќе дојдеме до фотелјите кога ќе нè  избере народот да бегаме како никогаш тоа да не сме го споменале, а само да уживаме во привилегиите коишто тие институции ни ги даваат и ништо да не работиме, да заборавиме дека тоа што сме го ветиле всушност не сме го ветувале. Па ќе дојдат следните избори неколку години потоа и повторно ќе ги рециклираме истите тие лаги, истите тие ветувања и тогаш повторно со раката на нашето срце, со главата благо налево наклонета и повторно истите тие лаги ќе ги рециклираме.

Не сме и нема да бидеме политичари коишто само ќе бидат овде на плоштадите пред кампања и ќе ветуваат дека младите имаат иднина, имаат перспектива, ќе ветуваме банкарски гаранции, ќе ветуваме младински гаранции, ќе ветуваме за студентите обновени студентски домови, ќе ветуваме поквалитетно образование, а потоа кога ќе заседнеме во истите тие институции, само привилегиите ќе ни бидат важни, ќе заборавиме и на младите, ќе заборавиме и на студентските домови, ќе заборавиме и на поквалитетното образование, ќе заборавиме и на младинската гаранција, ќе заборавиме практично на сè што сме ветувале, за повторно како расипана плоча на следните избори истото тоа да го рециклираме и повторно истото тоа ќе го ветуваме.

Ќе гледаме како тие млади луѓе веднаш после дипломирањето ги полнат аеродромите, охридскиот и скопскиот, ги полнат пероните на железничките пруги, со автобусите заминуваат трајно од нашата држава затоа што тука нема перспектива за нив, затоа што повторно од некои политичари коишто ги посетиле биле излажани, само за да го добијат нивниот глас. Ние не сме такви и нема да бидеме такви, тоа ви го ветуваме.

Нема да бидеме политичари коишто пред избори ќе се колнат во жицата, ќе се колнат во најмилото, ќе се колнат како талкале по семето изгубени низ времето и дека немале да го продаваат идентитетот, и дека немале да ги нарушуваат сите преговарачки позиции коишто нашата држава ги создавала во изминатиов период, а потоа кога ќе дојдат на власт, кога ќе почнат да врват тендерите, кога ќе почнат да врват провизиите во еден ресторан недалеку од овој преубав град Гевгелија, тогаш ќе заборават и на жицата, ќе заборават и на најмилото, ќе заборават и на времето и на семето, сè ќе заборават и како неразбрани трговци сè ќе истргуваат, само да можат повеќе провизија да лапнат и што подолго да трае нивниот политички живот.

Ќе заборават и на идентитетот, ќе заборават и на Македонецот, ќе заборават и на македонштината, но она што е најважно а што никогаш нема да им го простиме е што заборавија на Македонија. Јас ви ветувам дека првиот ден, новата влада на ВМРО-ДПМНЕ прво што ќе направи е одговорност за овие неразбрани трговци коишто распродадоа сè што значеше а што нè одржуваше обединети и силни, а тоа е македонштината и Македонецот во нас, јас ви ветувам деа ќе сносат одговорност.

Свесни бевме и за критиката, свесни бевме и за последиците коишто како политичка партија ги трпевме. Свесен бев и јас како претседател дека ќе ме искритикуваат граѓаните коишто денеска се незадоволни од ова арамиско секојдневие коешто го предводи оваа камиказа влада на чело со Зоран Заев. Свесен бев, но истовремено свесен бев и дека интересот на македонскиот народ од векови, не само сега, интересот на македонскиот народ и нашите сограѓани коишто се дел од нашата држава Република Македонија е секогаш обединета Европа, Македонија дел од тоа европско семејство.

И велевме и покрај сета жртва, сето понижување, сето омаловажување, сето она што ѝ го нанесе како срам Зоран Заев и СДСМ веќе трета година по ред, мислевме дека нашите партиски интереси и ценевме дека нашите партиски интереси требаше да ги ставиме во втор план. Треба да му дадеме шанса на процесот, работевме, работевме и во носењето на законите, ако некој ни велеше излезете од Парламентот и бојкотирајте го. Работевме и во единиците на локалната самоуправа во советите иако некој ни велеше бојкотирајте ги. Учествувавме на претседателските избори затоа што го имавме најдобриот кандидат којшто некогаш се појавил на македонската политичка сцена и бил кандидат за претседател на Република Македонија и верувавме дека можевме да победиме со професорката Гордана Сиљаноска-Давкова. Но бевме повторно жртва на тие исти измамници коишто направија инженеринг помеѓу двата изборни круга.

Ова е нашата битка, ова е битката на нашата генерација без разлика дали имаме 5 50 55 или 80 години. Сите сме ние денес иста генерација и делиме иста судбина. Од денеска почнува последната пресметка, од денеска ја најавувам големата победа на ВМРО-ДПМНЕ и Коалицијата за подобра Македонија. Од денеска ве повикувам секој оној кој мисли дека политиките на Зоран Заев и на СДСМ се погрешни го повикувам да ни се придружи без разлика дали е Македонец, Албанец, Турчин ,Ром Влав, Бошњак, Србин без разлика, нека ми простат останатите коишто не ги споменав, без разлика дали е некој од редовите на ВМРО-ДПМНЕ и Коалицијата за Македонија или е некој од редовите на СДСМ и нивната коалиција ако сте незадоволни, ако мислите дека вашата иднина е загрозена, повелете, придружете ни се, нашите врати за вас се отворени.

Ајде заеднички да ја победиме оваа битка, ова е битката за третиот Илинден и за нова поинаква модерна Македонија. Македонија каде што секој ќе има подеднаква шанса, Македонија силна држава каде што ќе има силни индивидуи“, порача Мицкоски.

Прикажи повеќе...

Македонија

Францускиот сенат го ратификуваше Протоколот за членство во НАТО

Објавено пред

Францускиот Сенат го усвои предлог-законот за ратификација на Протоколот за членство на Република Северна Македонија во НАТО. Предлог-законот беше усвоен без измени на 9 октомври од страна на Комитетот за надворешни работи, одбрана и вооружени сили, по извештајот на сенаторката Жоел Гаријо Мајлам.

Останува договорот да биде ратификуван и од Националното собрание при второто читање, по што тој дефинитивно ќе биде ратификуван од Франција.

Досега 24 земји членки целосно го завршија процесот на ратификација. Вчера тоа го сторија Италија и Велика Британија.

Очекувањата се дека Протоколот ќе биде ратификуван и со тоа членството во НАТО ќе се официјализира пред Самитот на алијансата, закажан за 3 и 4 декември во Лондон.

Прикажи повеќе...

Најново

Свет11 час

Турција ги прекинува воените операции во Сирија

Американскиот потпретседател Мајк Пенс изјави дека постигнал договор со турскиот претседател Реџеп Таип Ердоган за прекин на огнот во северна...

Регион13 часа

Рама: Направивме сè што побараа од нас

Го направивме тоа што го бараа, изјави албанскиот премиер Еди Рама., по состанокот со комесарот на ЕУ за соседска политика...

Македонија14 часа

Францускиот сенат го ратификуваше Протоколот за членство во НАТО

Францускиот Сенат го усвои предлог-законот за ратификација на Протоколот за членство на Република Северна Македонија во НАТО. Предлог-законот беше усвоен...

Свет15 часа

Лајен: Длабоко жалам, но најверојатно и денеска нема одлука за проширување

Нема сигнал дека на состанокот на лидерите на ЕУ во Брисел ќе биде постигната одлука за процесот на проширување на...

Регион16 часа

(Видео) Борисов: Македонија е колку Софија, каков ризик може да биде?

Бугарскиот премиер Бојко Борисов пред почетокот на самитот на лидерите на ЕУ рече дека Македонија и Албанија треба да добијат...

Македонија16 часа

(Видео) Пакети со хигиенски влошки ќе се донираат на сиромашни жени и девојчиња

Пакети со хигиенски влошки, кои граѓаните ги донираа денеска на собирен пункт во „Веро Центар“, ќе бидат поделени на жени...

Македонија18 часа

(Видео) Манчевски: Регистарот на населението ќе помогне за прочистување на Избирачкиот список

Регистарот на населението ќе биде алатка што ќе го помогне спроведувањето на пописот, а податоците од Регистарот ќе бидат искористени...

Македонија18 часа

Сивиот дом замина во историјата, децата од „Ранка Милановиќ“ сместени во групни домови

Во двата мали групни дома отворени денеска се згрижени децата што досега престојуваа во поранешната установа „Ранка Милановиќ“. Од денеска...

Топ19 часа

Скопјанец со пиштол на дијаболи сакал да ограби златарници во Охрид

Дваесет и тригодишен скопјанец со пиштол на дијаболи влегол во златарници во Охрид сакајќи да ги ограби. Според информациите на...

Македонија19 часа

(Видео) „Екогерила“: Масовна сеча на шума на Шара за да се градат хидроцентрали

Се опустошува шумата на Шар Планина, масовно се сечат дрвјата за да се градат хидроцентрали, апармираат невладините организации од Тетовскиот...

Топ20 часа

Расчистено убиството во Кочани – синот го избол татка си до смрт

Полицијата го расчисти убиството што се случи на крајот на септември во Кочани. Истрагата покажала дека синот со нож го...

Македонија20 часа

Заев-Тимерманс: ЕУ да донесе одлука за почеток на преговорите

Европската Унија сега треба да го направи одлучниот чекор и да донесе одлука за почеток на преговорите за пристапување во...

Европа20 часа

Постигнат договор за брегзитот

Договорот за брегзитот, конечно, е постигнат денес во Брисел, јавуваат странските медиуми. Велика Британија и ЕУ се согласија за новиот...

Македонија21 час

Меркел: Се исплаќа на Северна Македонија и на Албанија да им се даде европска перспектива

„Мислам дека се исплаќа на Северна Македонија и на Албанија да им се даде европска перспектива“, порача германската канцеларка Ангела...

Европа22 часа

Лаура Ковеси стана главен обвинител на ЕУ – ќе се бори против измами

Поранешната шефица на романската Дирекција за борбата против корупцијата, Лаура Кодрута Ковеси, ќе биде главен обвинител на Европската унија за...

Регион23 часа

Во Сараево малолетничка го убила новороденчето со помош на мајка си

Припадници на сараевската полиција уапсија малолетничка под сомнение дека го убила своето новороденче, а ја уапсиле и мајка ѝ под...

Свет23 часа

Турција нема да прогласи прекин на огнот на северот на Сирија

Турција нема да прогласи прекин на огнот во северна Сирија и нема да преговара со курдските борци, рече портпаролот на...

Европа24 часа

(Видео) Немири во Барселона, протестите не стивнуваат

Нови немири се случија синоќа во Барселона, кога се судрија демонстрантите и полицијата на третиот ден од протестите против пресудите...

Македонија1 ден

Заев и Туск очекуваат да се изнајде решение за почеток на преговорите

Во пријателска атмосфера и во искрен разговор вечерва во Брисел се одвиваше средбата меѓу премиерот, Зоран Заев и претседателот на...

Македонија1 ден

(Видео) Макрон: Ни треба малку повеќе време за позитивни сигнали кон Скопје и Тирана

По завршувањето на француско-германскиот совет на министри одржан во Тулуз, францускиот претседател Емануел Макрон и германската канцеларка Ангела Меркел одржаа...

Досие