Македонија
Илија Димовски до Османи: Замисли Бујар некој да те пристиска да потпишеш дека Ѓерг Кастриот е Србин

Членот и поранешен пратеник од редовите на ВМРО-ДПМНЕ, Илија Димовски со отворено писмо до министерот за надворешни работи Бујар Османи околу францускиот предлог за решавање на спорот со Бугарија.
„Отворено писмо до Бујар Османи: Ги следам твоите настапи и одлучив да ти се обратам лично, не како на министер, туку како Илија на Бујар.
Во минатото сме разговарале многу пати, знам дека нема да ме разбереш единствено само ако немаш желба да ме разбереш.
Ве познавам лично и тебе и повеќето твои соработници од ДУИ и знам дека не можете воопшто да кажете дека не ги разбирате процесите, барем не на мене,
но дозволи искрено и директно и заради тебе и заради јавноста да разговараме со суштински, а не со површни маркетиншки флоскули и аргументи.
Дозволи низ еден пластичен пример на аналогија да ти објаснам какви се овие времиња за Македонците.
Ќе употребам примери со Албанците како народ и нација, не за да навредам или се согласам со тие примери, туку да ти покажа и тебе и на твоите колеги што е тоа што се обидувате, заедно со СДСМ, да го покажете како нормално, а не е.
Замисли Бујар некој да ти предложи и да те пристиска, а ти, уште повеќе, да потпишеш и прифатиш дека: Прво, Албанците во Македонија не се ист народ со Албанците во Албанија, исто како што во “Преспа” пишува дека Македонците од Македонија и Македонците од Грција немаат ништо заедничко и не се исти.
Второ, замисли да мора да прифатиш и потпишеш дека Енвер Хоџа ја создал албанската нација на вештачки начин, онака како што бугарското Собрание со својата Декларација од 2019 година тврди за Тито и Македонците.
Трето, еве помисли Бујар, како би ти било да треба да потпишеш и прифатиш дека Албанците во Македонија не смеат да го користат албанското знаме исто онака како што со Времената спогодба, а потоа и со “Преспа” забранувате и брусите онаму каде што има македонско шеснаесеткрако сонце.
Четврто, би можел ли да замислиш ситуација во која ти или некој колега од ДУИ мора да прифати и потпише дека Ѓерг Кастриот е Србин, а Хасан Приштина е Турчин,
како што нам Македонците ни се случува секојдневно благодарение на промашената политика на оваа Влада, те за Гоце Делчев, те за десетици други борци за слобода на Македонија.
Петто, би се согласил ли Бујар да ставиш во меѓународен правен договор дека Албанците немаат никакво илирско потекло ниту културолошко наследство од Илирите и дека на пример Илирите се Словени, а не Албанци, исто онака како што со Преспа прифативте дека ние Македонците немаме никакво македонско потекло и дека Македонците биле Грци (види “Преспа”, член 7).
Шесто, како би ти било да правиш “мали” компромиси за албанската нација и историја со оние што секојдневно и со години наназад тврдат дека албанската нација е вештачка и создадена со албанизирање на Турци, Словени, Власи и Роми исто онака како што секојдневно преговарате “мали” компромиси за историјата со оние кои имаат ваков однос и тврдење кон нас Македонците.
Еве вака изгледаат работите низ призмата на Македонците, доколку сакаш да погледнеш и знаеш.
Ова што го напишав не го посакувам на никому, ама не сакам ниту да дозволам некој да ме убедува дека ова што им се случува на Македонците е базирано на нормални европски вредности, затоа што не е.
Застани и размисли.
Затоа Бујар, Албанците во Македонија во овој случај мора да останат рамо до рамо со нас Македонците, затоа што ние Македонците сме најмал народ на Балканот, но Албанците се втор, а сите околу нас исто или слично се однесувале во историјата и кон нас и кон вас.
На еден ден престани да бидеш политичар и ќе разбереш колку многу грешиш.
Застани.
Се надевам дека ќе ме разбереш во добра намера и дека ќе размислиш длабоко за твоите постапки и чекори.
Застанете.
Прифаќањето на францускиот предлог е навреда за Македонците,
но и ќе го одложи, а никако нема да го забрза евроинтегративниот процес.
Ако вашата Влада со СДСМ го прифати овој предлог ќе не навредите нас Македонците, но и ќе ја запечати секогаш шансата на Македонија да стане членка на Европската Унија.
Поздрав, Илија“, му пишува Димовски на Османи.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Загрижен сум за трупањето на војска на границата помеѓу Србија и Косово, вели Османи

Министерот за надворешни работи Бујар Османи, во улога на претседавач со ОБСЕ, имал телефонски разговор со министерот за надворешни работи на Србија Ивица Дачиќ, за како што вели загриженоста од трупањето на војска на границата помеѓу Србија и Косово.
Османи додава дека за поздравување е одлуката Србија да почне да ја повлекува војската додавајќи дека ОБСЕ е подготвено да помогне во намалувањето на тензиите.
Concerned abt mil build up along 🇽🇰 🇷🇸 border I contacted @MFASerbia #Dačić this morning. Welcome statement abt withdrawal as 1st step to de-escalation. Welcome @NATO decision for additional #KFOR troops.
OSCE present & ready to assist to reduce tensions & return to dipl.table.— Bujar Osmani (@Bujar_O) October 1, 2023
Македонија
Ристески: 200 студенти на само ден пред почетокот на академската година без сместување во студентски

Катастрофалните политики и немањето ниту малку доблест и грижа за студентите, доведе до создавање на трул систем од кој се повеќе млади се разочаруваат и својот спас го гледаат надвор од границите на Македонија, велат од УМС на ВМРО-ДПМНЕ.
„На само ден пред почетокот на академската година, над 200 студенти од цела Македонија, се уште се наоѓаат на фамозната листа на чекање, а притоа немаат добиено никаква информација за тоа дали воопшто се примени во еден од студентските домови или пак во кој студентски дом ќе бидат сместени. Над 200 млади студенти кои решиле да се посветат на градење сопствена иднина во Македонија, се оставени во неизвесност, несигурност и без гарантиран покрив над глава“, изјави Илија Ристески, член на ИК на УМС на ВМРО-ДПМНЕ.
Смета дека сето ова, е резултат на неспособните партиски кадри на социјалдемократската младина, „кои во моментот се кријат и не даваат никакви одговори во однос на овие прашања, бидејќи за нив студентите и младите се секогаш на последното место во приоритетите“.
Овие пропаднати и некадарни поединци, се уште не даваат никаков одговор околу тоа дали студентите, во 21 век и 2023 година, воопшто ќе имаат обезбеден доручек за кој самите плаќаат при престојот во студентските домови. Студентите од 2017 година па навака, сведочат на едно системско уништување и рушење на соништата на младите, на воспоставените пракси, и со тоа удираат врз она што е најважно за една држава – образованието и иднината. Од таа 2017 година, која наместо година на надеж како што тие ја претставуваа се претвори во кобна година за Македонија и македонскиот народ, студентските домови кои беа целосно реконструирани во време на владеењето на ВМРО-ДПМНЕ, како и за сите останати капитални проекти во државата, се оставени да скапуваат, а младите се упатени да преживуваат со 140 денари и супстандардни услови карактеристични за животот во минатиот век“, кажа Ристески.
Македонија
СДСМ го обвини Муцунски дека не работи ништо, општина Аеродром им порача да не ги кочат проектите

„Половина мандат Тимчо Муцунски во Аеродром потроши на лажни ветувања. Иако наследи полна општинска каса, за половина мандат Тимчо Муцунски не успеа да започне ниту една капитална инвестиција. Ова се само дел од лагите што Муцунски ги ветуваше за првата половина од својот мандат. Четири нови градинки во населбите Мичурин, Острово, Лисиче и Долоно Лисиче, од кои најмалку една требаше да биде пуштена во употреба до крајот на 2022 година, останатите до крајот 2023 година. Половина мандат помина, нова градинка во Аеродром нема. Ни во Мичурин, ни во Острово, ни во Лисиче, ни во Долно Лисиче“, изјави денеска на прес конференција Милутин Ристески, координатор на советничката група на СДСМ и коалицијата во Советот на општина Аеродром.
На ова, експресно реагираше општина Аеродром.
„Единствената вистина која треба да ја знаат граѓаните е фактот дека токму владата предводена од СДСМ во изминатиот период ја блокираше донесувањето на „зелената обрзница“ со која требаше да се реализираат низа проекти во Аеродром. Политичката партија која води наводна грижа за жителите на Аеродром е единствен виновник за проектите во делот на инфраструктурата, образованието и социјалната заштита кои не се реализирани. СДСМ наместо да споделува лажни информации треба на граѓаните да им даде одговор и аргументи, зошто тие се против изградбата на нова детска градинка, нови улици и водоводи и изградба и реконструкција на училиштата и зошто свесно го кочат развојот на Аеродром. На крајот, само ќе напоменеме дека Општина Аеродром е преку секојдневните активности докажува дека е вистински пример на општина која работи, реализира проекти и се грижи за граѓаните, општина каде за две години направени се десетици нови улици, паркови, реконструирани се неколку училишта, воведен е нов пристап во одржувањето на јавната хигиена, каде учениците добиваат бесплатни таблети и бесплатни униформи и имаат можност да користат бесплатни часови за пливање. Аеродром е единствената општина која во изминатиот период пренамени маркички за згради во паркови, општина со награда за “нула корупција” и единствена општина која трошоците за репрезентација ги намали на нула“, пишува општината.