Претходно издадените дозволи за движење за време на полициски час, кои се назначени како трајни, продолжуваат да важат и за време на продолжениот викенд, односно од 5 заклучно до 7 јуни, информираат од Министерството за информатичко општество и администрација.

За останатите, продолжуваат да важат истите процедури за добивање дозвола.

Во категорија на дозволи коишто ги издава МИОА се опфатени:

• Претставници на институции со одлука на Кризниот штаб на Влада на Република Северна Македонија
• Дежурни медиумски работници кои имаат потреба од работа на терен
• Вработени во мали пекарници/бурекчилници (најмногу до 5 вработени) со документ како доказ дека станува збор за микро претпријатие
• Дежурни вработени во погребални претпријатија
• Одредени категории на земјоделци, по одлука на Министерството за земјоделство, шумарство и водостопанство
• Регистрирани одгледувачи на животни во Кинолошки сојуз
• Ловочувари во регистрирани здруженија, ЈП, национални паркови

Сите дозволи што ги обезбедува МИОА се достапни преку порталот за uslugi.gov.mk.

Оние кои имаат потреба за дзвола за нега на изнемоштено лице, кратко упатство за процедурите може да погледнат на видеото на следниов линк.

Сите земјоделци кои минатогодишните картички за т.н. зелена нафта ги оштетиле или загубиле, треба најдоцна до 12 јуни тоа да го пријават во подрачните единици на Министерството за земјделство, од каде лани им биле доделени, а со цел да им се изработат нови.

На овој начин, Агенцијата за финансиска поддршка во земјоделството ќе има увид на кои корисници чии картичките им се неупотребливи и навремено, преку економскиот опеаратор, ќе може да им изработи нови картички.

Нови картички ќе добијат и оние земјоделци кои за првпат оваа година се стекнале со право на користење на оваа мерка.

На оние земјоделци на кои картичките им се во ред, а се стекнале со право за користење на мерката, истите ќе им бидат надополнети со нови средства.

Годинава преку оваа мерка се покриваат 50% од производниот трошок кој е утврден согласно методологијата, а на сметките на околу 60.000 земјоделци ќе бидат вратени 280.000.000 денари.

Во текот на изминатото деноноќие на територијата на државава на 435 лица им биле издадени решенија за изолација, а 75 лица потпишале изјави за самоизолација, информираат од МВР.

Од страна на полициски службеници биле извршени контроли кај лица во изолација и самоизолација и евидентирани биле осум лица кои ги прекршиле ваквите.

Во однос на мерката за носење заштитни маски регистрирани биле 641 прекршок.