Контакт

Македонија

Иницијативата за конгрес на ВМРО-ДПМНЕ: Ангелеска се соочи со политички линч оти изрази став спротивен на Мицкоски

Објавено пред

Иницијативата за свикување вонреден конгрес на ВМРО-ДПМНЕ испрати писмо до Делегација на ЕУ во Скопје и дипломатските претставништва во Скопје, во кое бараат осуда за настаните по изјавата на советничката во Општина Битола, Анита Ангелеска.

Таа вчера јавно повика на вонреден конгрес и смена на претседателот на опозициската партија, Христијан Мицкоски по што била разрешена од сите партиски функции.

Во прилог целото писмо:

„Неодамна, преку писмо Ве запознавме за формирањето и целите на нашиот Иницијативен одбор за свикување на Вонреден конгрес на ВМРО-ДПМНЕ, а поводот беше вербалното и физичко политички мотивирано насилство врз поранешната пратеничка Весна Дамчевска Илиевска, но и врз други членови на Иницијативниот одбор.

Уверени сме дека го следите развојот на актуелната политичка ситуација во државата, на внатрешен и надворешен план, но и дека сте запознаени со случувањата во опозициската партија ВМРО-ДПМНЕ.

По одлуката на партијата да ги бојкотира предвремените локални избори во Штип, незадоволството од лидерот на партијата, Христијан Мицкоски и барањата за негова оставка се се’ поголеми. Се зголемува и нервозата кај Мицкоски и се почесто употребува говор на омраза кон членови на партијата кои се приклучуваат кон Иницијативниот одбор. Иако на почетокот неговиот говор на омраза во јавноста изгледаше како повремен изблик во состојба на еуфорија, нам ни беше јасно дека тој тоа го користи како политичка алатка преку која сака да ги обесхраби членовите на ВМРО-ДПМНЕ јавно да критикуваат. Говорот на омраза на затворени партиски состаноци на кој е присутен Мицкоски е уште поизразен. Тој свесно мотивира политичка омраза.

Дополнително, преку Центарот за комуникации и познатото „Дувло“ се организираат напади на социјалните мрежи врз секој оној што јавно ќе проговори, и е предмет на крајно ниско дискредитирање во тој простор со навреди и лаги.

Токму тоа се случи во текот на вчерашниот ден кога актуелен член на Советот на Општина Битола од редовите на ВМРО-ДПМНЕ, Анита Ангелеска, во изјава за локалната телевизија Тера изрази став спротивен на претседателот на партијата, Христијан Мицкоски.

Г-ѓа Ангелеска се соочи со јавен политички линч. Организиран и поттикнат од претседателот Мицкоски, кога по негов налог Општинскиот Комитет на ВМРО-ДПМНЕ во Битола информираше дека експресно ја разрешува од сите партиски функции.

“Поривот и причините за нејзината изјава, сметаме дека се во неколкуте судски спорови кои се водат против истата, за што веруваме дека притисокот е голем“, стои во соопштението на партискиот комитет од Битола.

Ние како иницијатива за демократски дијалог во рамки на една политичка партија, најостро го осудуваме и се оградуваме од употреба на говор на омраза. Уште повеќе, ако тоа се прави врз жена. Во изминатиов период додека сме активни, во ниту еден момент не користевме или на било каков начин сме мотивирале говор на омраза.

Стравуваме дека говорот на омраза ќе продолжи и ќе ескалира во периодот кој следи, заканувајќи се да прерасне во стандард за водење на политички дијалог. Незамисливо е во демократскиот свет, претседател на политичка партија да користи и мотивира говор на омраза. Тоа треба да се осуди од сите политички субјекти во општеството.

Ве повикуваме да се заложите за осуда на употребата на било каква форма на говор на омраза во јавната политичка дебата, како и на политички мотивираното, вербално и физичко насилство, посебно кога тоа се однесува на жена“, се наведува во писмото на Иницијативниот одбор за свикување на Вонреден конгрес на ВМРО-ДПМНЕ.

Македонија

ВМРО-ДПМНЕ најави блокади во Скопје и протести во 15 града

Објавено пред

Опозициската ВМРО-ДПМНЕ за утре најави блокади во Скопје и протести во 15 града на кои ќе бара оставка од премиерот Зоран Заев.

„Нема да дозволиме понижување и распродажба на државните и националните интереси и токму затоа сите заедно сплотени, во масовен број, ќе испратиме порака дека Зоран Заев и СДСМ мора да си заминат што побргу бидејќи на Македонија ѝ донесоа само порази и неуспеси“, велат од опозициската партија.

ВМРО-ДПМНЕ ги повикува граѓаните, утре, во 15 часот, да им се приклучат на блокадите пред Владата и Министерството за надворешни работи. Протести со почеток од 18 часот ќе се одржат и во Куманово, Македонска Каменица, Пробиштип, Делчево, Пехчево, Берово, Виница, Радовиш, Валандово, Дојран, Велес, Кавадарци, Прилеп, Битола и во Охрид.

Прикажи повеќе...

Македонија

Костадинов: ВМРО-ДПМНЕ лаже дека македонскиот јазик и идентитет се загрозени

Објавено пред

ВМРО-ДПМНЕ и во Собранието и надвор од него не прави ништо во интерес на граѓаните, напротив, само лаже и се однесува деструктивно, порача пратеникот на СДСМ, Костадин Костадинов, на денешната седница на Комисијата за финансирање и буџет во Собранието.

„Вашето однесување често потсетува на режим, на едно време кога овде во оваа сала се тепаа пратеници, само затоа што имале поинакво мислење од вашиот лидер“, порача Костадинов обраќајќи се кон пратениците од редовите на ВМРО-ДПМНЕ и додаде дека токму ВМРО-ДПМНЕ со неодговорното однесување го загрозува јавното здравје.

Костадинов посочи дека ВМРО-ДПМНЕ не направила ништо позитивно за државата, а за време на кризата предизвикана од коронавирусот постојано ги игнорира мерките и тера дневна политика со здравјето на граѓаните.

Во обраќањето Костадинов посочи дека навикната на времето на режимот, ВМРО-ДПМНЕ во Собранието се обидува да ја спречи слободата на говор за да не се види на дело нивното лицемерство кон граѓаните.

„Партијата ВМРО-ДПМНЕ 11 години се обидуваше на македонскиот народ да му инсталира поинаков идентитет од тоа што да инсталира антички идентитет и со тоа направи сериозни проблеми. Партијата што го смени името на улицата Бихаќска, каде што во ноември 1942 година е одржано Првото заседание на АВНОЈ, со што е потврдена сувереноста на македонскиот народ, сега глуми патриотизам. Партијата што се обиде да го забрани празнувањето на Февруаскиот поход сега глуми дека во нејзините редови се најголемите партизани. ВМРО-ДПМНЕ поставуваше споменици во вредност од една милијарда евра и немаше храброст да ги именува со вистинските имиња, а денес глуми патриотизам. ВМРО-ДПМНЕ денеска шири загриженост и шири хистерија дека е нарушен македонскиот идентитет, дека е загрозен македонскиот јазик. ВМРО-ДПМНЕ не прави ништо друго, освен што лаже“, порача Костадинов.

Прикажи повеќе...

Македонија

Владата го утврди предлог-законот за нов универзитетски клинички центар

Објавено пред

Владата на седница го утврди предлог-законот за реализација на проектот „Нов универзитетски клинички центар“.

Овој закон е по предлог на Министерството за здравство, а со него се уредуваат постапката и условите за реализација на проектот, односно изградба и ставање во употреба на комплексот на градби како градби од значење за Републиката.

Од Владата велат дека со предложените решенија ќе се овозможи унапредување на ефективноста и ефикасноста на терциерното здравство во земјата преку реализација на проектот „Нов универзитетски клинички центар“ и ќе се обезбеди континуитет во обезбедувањето висококвалитетни здравствени услуги за населението на целата држава.

„Предлог-законот опфаќа и реализација на дополнителни инфраструктурни услови за третман и сузбивање заразни болести и инфекции заради заштита на населението од заразни болести, оптимизација на времето, трошоците или другите ресурси, со цел ефикасна реализација на проектот ‘Нов универзитетски клинички центар’ преку посебни услови и постапки за доделување договори за јавна набавка на стоки, услуги и работи за потребите на проектот ‘Нов универзитетски клинички центар’, како и други прашања уредени со овој предлог-закон“, информираат од Владата.

Финансиските средства за реализација на овој болнички комплекс ќе се обезбедат од буџетот на Република Северна Македонија.

Прикажи повеќе...

Најново

Македонија8 часа

Регистрирани 1.069 новозаразени, 1.242 оздравени и 29 починати лица од коронавирус

Во последните 24 часа се направени 3.012 тестирања, а регистрирани се 1.069 нови случаи на Ковид-19, и тоа во: Скопје-489,...

Македонија8 часа

Починатите од Ковид-19 не мора да бидат погребани во затворен и залемен метален сандак

На денешната седница Владата го прифати заклучокот на Комисијата за заразни болести дека овластените оператори за погребални услуги се должни...

Македонија8 часа

Со посебни протоколи ќе се отворат скијачките центри

Владата го прифати мислењето на Комисијата за заразни болести дека скијачките центри може да работат во согласност со соодветен протокол,...

Македонија9 часа

Владата предлага продолжување на кризната состојба до јуни

Владата ќе достави до Собранието предлог за продолжување на кризната состојба до јуни в година. Владата на денешната седница го...

Топ11 час

Украден паричник од покојник во ковид-центар во Скопје

Украден е паричник од маж што починал во ковид-центарот на комплексот клиники „Мајка Тереза“. Случајот вчера во полицијата го пријавил...

Македонија11 час

Бучковски назначен за специјален претставник на Владата за Бугарија

Владо Бучковски е именуван за специјален претставник на македонската Влада за Бугарија. Поранешниот премиер е именуван на оваа позиција на...

Македонија13 часа

ЗНМ, ССНМ и СЕММ на средба со Филипче: Нема забрана за снимање, новинарите да продолжат непречено со својата работа

На барање на министерот за здравство, Венко Филипче, денеска се одржа состанок со претставници на Здружението на новинари на Македонија...

Македонија13 часа

(Видео) Мицкоски: Ова се моменти кога се одлучува за иднината на нашите деца и внуци

„Ова се моменти кога се одлучува за иднината на нашите деца и внуци и затоа навистина овој пат треба да...

Регион13 часа

Србија воведе нови мерки – угостителските објекти и продавниците ќе работат до 17 часот, за викенд ќе бидат затворени

Србија воведе нови мерки кои треба да бидат усвоени од Владата в четврток и да стапат на сила в петок....

Македонија14 часа

УКИМ: Обезвреднувањето на идеалите и на жртвите за посебна македонска држава би значело и поткопување на темелите на државата

Обезвреднувањето на идеалите и на жртвите за посебна македонска држава би значело и поткопување на темелите на државата, сметаат од Универзитетот...

Македонија14 часа

На инфективните одделенија во земјава се лекуваат 846 пациенти, слободни кревети има

Во изминатите 24 часа во ковид-центрите во болниците низ земјава е пријавено дека се лекуваат вкупно 846 пациенти позитивни и...

Македонија16 часа

Волонтерите од Воено-медицинскиот центар и студентите од шеста година се вклучија во работата на ковид-центрите

Лекарите и медицинските сестри од Воено-медицинскиот центар (ВМЦ) и студентите кои се на шеста година студии на Медицинскиот факултет во...

Регион17 часа

Катимерини: Спорот меѓу Скопје и Софија ќе се пренесе во НАТО

Инсистирањето на Бугарија да ги блокира разговорите за пристапување во Европската Унија со Северна Македонија ризикува да создаде уште една...

Македонија18 часа

Почина заменик-градоначалникот на Скопје, Енвер Малиќи

Енвер Малиќи, заменик-градоначалникот на Град Скопје, починал денеска во болницата „Систина“, откако беше хоспитализиран поради низа здравствени проблеми, а беше...

Свет18 часа

„Модерна“ бара од САД и ЕУ да ја одобрат нејзината вакцина

Фармацевтската компанија „Модерна“ побара од регулаторите на САД и Европа да ја дозволат употребата на нејзината вакцина против коронавирус. Компанијата...

Свет18 часа

Азар: Првите вакцини против коронавирус во САД ќе стигнат пред Божиќ

Првите две вакцини против новиот коронавирус би можеле да им бидат достапни на Американците пред Божиќ, изјави американскиот министер за...

Свет18 часа

Си-ен-ен: Кина од почетокот криела податоци за коронавирусот, покажувала помали бројки

Си-ен-ен објави ексклузивни документи за кои наведува дека покажуваат значајни пропусти од страна на Кина на почетокот на епидемијата на...

Свет18 часа

Американски експерти: Ким е вакциниран против Ковид-19, вакцината му ја дала Кина

Кина му обезбедила експериментална вакцина против коронавирус на севернокорејскиот лидер Ким Џонг-ун и неговото семејство, тврди американскиот аналитичар Хери Казианис,...

Свет19 часа

САД: Осуден на смрт пред 20 години не може да биде погубен бидејќи нема инјекција

Судот во Јужна Каролина донесе одлука да се одложи извршување на смртната казна со вбризгување инјекција на осуденикот Ричард Бернард...

Македонија19 часа

Меркел: Северна Македонија се надеваме годинава да ги почне преговорите, Албанија ќе почека

Северна Македонија сè уште има шанси да ја одржи првата Меѓувладина конференција со ЕУ оваа година, во текот на германското...

Досие