Контакт

Македонија

Кацарска, сепак, ќе ѝ суди на Јанкулоска

Објавено пред

Судијката Добрила Кацарска, сепак, ќе ѝ суди на ексминистерката за внатрешни работи Гордана Јанкулоска во предметот „Тенк“ за набавката на луксузниот „мерцедес“ од 600 000 евра.

Претседателот на кривичниот суд, Иван Џолев, го одби барањето на адвокатот на Јанкулоска Боро Тасевски, судијката Кацарска да биде изземена од овој предмет. Обвинетата бараше Кацарска да биде тргната од предметот затоа што, како што навела во барањето, ја понижила и ја дискриминирала по однос на пол и политичка припадност.

„Во мислењето на Комисијата се наведува дека судот не ѝ го признал правото на бременост и во период од еден месец закажал осум рочишта во услови кога Гордана Јнакулоска била во 9. месец од бременоста и дека судечкиот совет не ѝ ги признал лекарските потврди кои потврдувале ризична бременост и наредил преглед на Клиниката за гинекологија и акушерство за време на којшто медиумите ја нарушиле нејзината приватност“, се наведува во барањето за изземање.

Македонија

Царовска: Oпштините да развијат модели за грижа за старите лица

Објавено пред

Од

Градоначалникот на општина Центар, Саша Богдановиќ, заедно со министерката за труд и социјална политика и претставници од граѓанската организација Хуманост посетија семејство кое добива помош и услуги преку проектот на општината „Нега и грижа за стари лица во домашни услови“.

Градоначалникот Богдановиќ рече дека целта на посетата е да се запознае министерката со успешниот проект, кој што општина Центар го спроведува веќе втора година.

„Со проектот се опфатени лица на кој им е потреба нега од трети лица. Со реализација на овој проект сакаме да покажеме дека општина Центар заедно со министерството за труд и социјална политика и Владата на РМ водиме грижа за овие лица кои се во поодминати години. Тоа се нашите родители и баби и дедовци кои се грижеле за нас и не направиле ова што сме денес. Овие проекти ќе ги прошируваме секоја година за да опфатиме што е можно поголем број на корисници и овој проект да стане препознатлив не само за општина Центар, туку и во другите општини“, рече Богдановиќ.

Министерката Царовска го изрази задоволството од одличната соработка меѓу општина и граѓанска организација со цел да се понуди квалитетна и соодветна услуга за граѓаните во одредена општина.

„Министерството за труд и социјална политика и Владата се во подготовка на нова програма за социјална заштита. Без соодветни услуги на локално ниво ние не можеме да постигнеме социјална заштита бидејќи на граѓаните им е потреба различнанега. Општина Центар има возрасно население и многу е важно дека општината го препозна овој проблем и нашле модел со кој на оние граѓани, кои не можат да добијат помош на друг начин во домашни услови, да ја добиваат оваа помош од општината и од граѓанската организација Хуманост. Со проектот се опфатени 89 семејства кои добиваат ваква помош, ние се сретнавме со едно од нив, тие се задоволни од ова и дадоа препорака овој проект да продолжи. Таа помош доколку не ја добиваат од општината нема од кој друг да ја добијат. Тоа ми дава надеж дека и другите општини ќе го видат овој модел како позитивен и потребен и ќе го имплементираат во своите општини. Овие проекти не чинат многу, но ефектот кај граѓаните е навистина голем“, рече Царовска.

Емилија Робановска од Хуманост рече дека се работи со сертифицирани негуватели кои се обучени да даваат помош и поддршка на корисниците.

„Моделот на функционирање се заснова на континуирана нега со посети три пати во неделата и обезбедување помош по два часа за корисниците. Социјален работник прави анамнеза на приоритетните потреби на корисниците според кои се водат работните активности на негувателите. Општина Центар треба да биде пример и затоа апелирам и другите општини по примерот на Центар да организират вакви проекти“, посочи Робановска.

Прикажи повеќе...

Македонија

Маја Иванова своите заложби за детското здравје ги претстави пред персоналот на Детската болница на Мичиген

Објавено пред

Од

Во рамки на работната посета на претседателот на Република Македонија Ѓорге Иванов на САД, сопругата на претседателот Маја Иванова, во Детроит ја посети Детската болница на Мичиген.

Сопругата на македонскиот претседател од менаџментот беше запозната со севкупната работа на оваа детска болница, идните планови во нејзината работа, а беше разговарано и за можностите за соработка на болницата со здравствени институции во Македонија. Иванова ги претстави нејзините активности поврзани со детското здравје, со посебен акцент на децата со аутизам, соопшти прес-службата на Кабинетот на претседателот.

„Често велам дека аутизмот не познава големи и мали држави, богати и сиромашни држави, туку тоа е проблем за којшто треба да се обединиме и да работиме сите. Активноста што ја започнав за аутизмот во Македонија, потекнуваше токму од овде, од Соединетите Американски Држави, кадешто присуствував на конференциите што се организираат од организацијата Autism Speaks и веднаш по враќањето ги продолжив моите активности во Македонија. Почнав да ја подигам јавната свест, да бидам гласноговорникот во Македонија за подигање на јавната свест дека аутизмот во Македонија постои, и треба да се обединат сите, да се соочат со тој проблем и едноставно да почнат со негово решавање. Меѓутоа не застанувам тука, затоа што аутизмот не познава само активности, туку познава обединување на сите оние што треба да работат на овој проблем, почнувајќи од образовниот систем, од здравствениот систем, од невладините организации. Посетата на оваа болница ми е големо искуство, затоа што видов дека овде здравствената заштита на децата е на највисоко можно ниво, со најсовремена опрема, со најмодерна опрема. Се надевам дека мојата посета овде ќе биде една иницијатива да се продолжи натаму со соработката помеѓу оваа болница и Детската болница во Скопје. Се надевам дека оваа посета ќе вроди со плод“, изјави Иванова.

Луан Евалд, главен извршен директор на Детската болница на Мичиген посочи дека разговарале за начините како може да разменат информации, како американските лекари можат да соработуваат со македонските, за подобро здравје на децата.

Иванова е носител на повеќе иницијативи за подобрување на здравјето и унапредување на здравствената заштита на децата. Нејзините напори и активности се првенствено насочени кон борбата против аутизмот и подигнувањето на јавната свест за постоењето на оваа болест. Меѓу бројните реализирани активности, под нејзино покровителство, во 2016 година во Скопје беше отворен Центарот за сензорна терапија за лица со аутистичен спектар на нарушувања, а во 2013 година беше отворен првиот Детски ургентен центар во Република Македонија.

За време на работната посета на претседателот Иванов на САД, предвидено е Иванова во Њујорк да присуствува на настанот со првите дами учеснички на 73. Генерално Собрание на ОН во организација на Првата дама на САД, Меланија Трамп, како и на настан на високо ниво кој го приредува првата дама на Република Турција, Емине Ердоган, додаваат од кабинетот на Иванов.

Прикажи повеќе...

Македонија

(Видео) Платите на хирурзите покачени за 5.300 денари, повисоки плати и во школите и во градинките

Објавено пред

На вработените во градинките, училиштата и болниците септемвриската плата ќе им биде зголемена за пет отсто. Зголемената плата ќе им биде исплатена во октомври, најавија денес министрите за финансии, образование, здравство и труд и социјала. Покачена плата ќе добијат вкупно 53.656 вработени во основните и во средните училишта, во здравствените установи и во детските градинки.

Министерот за здравство Венко Филипче најави дека во неговиот сектор, зголемувањето од пет отсто значи покачување од 1050 – 5.300 денари на платите на здравствените работници.

„ Можеби пет проценти звучат помалку атрактивно но треба да се потенцира дека на наставниот кадар на хируршките гранки на универзитетските клиники во просек платата ќе се зголеми за 5.300 денари, на докторите специјалисти на универзитетските клиники ќе се зголеми за 4.500 денари, на медицинските сестри на универзитетските клиники со високо образование во просек за 2000 денари, на средно медицинскиот кадар  за околу 1500 денари. Во општите болници наставниот кадар ќе зема поголема плата за околу 4.700 денари, лекарите специјалисти во општите болници за 4060 денари, медицинските сестри со високо образование за 2050 денари, средно медицинскиот кадар во општите болници ќе зема плата поголема за 1050 денари“, образложи министерот за здравство Венко Филипче.

Тој нагласи дека освен покачувањето на платите на вкупно 19.123 вработени, постојано инвестираат во модернизирање на болниците.

Министерот за образование и наука Арбр Адеми смета дека постепено се враќа дигнитетот на просветителската дејност и нејзината важност во општеството.

„Неодамна потпишаната спогодба со нашиот најголем социјален партнер Синдикатот за образование, наука и култура на Македонија гарантира трајно зголемување на платите за пет отсто на сите вработени во јавните и државните основни и средни училишта во земјата, независно дали се ангажирани на определено или на неопределено работно време. Станува збор за околу 30.000 вработени од кои 21.288 во основно образование и 8950 во средно образование. Со потпишаните спогодби на  вработените им се гарантира и најнискиот износ на плата и тоа 12. 714 денари во основните училишта и 13.117 денари во средните училишта“, рече министерот Адеми.

Тој најави дека интенцијата на Владата е трендот на пораст на платите да продолжи и во периодот што следи.

Министерката за труд и социјална политика Мила Царовска, потсети дека ова е второ покачување на платите на варботените во градинките во последната година.

„ Поголема плата ќе добијат сите воспитувачки и негувателки кои работат во предучилишното образование. За зголемувањето Министерствто за труд обезбеди 15 милиони денари. На ова зголемување од пет проценти му претходеше зголемување од два проценти кои што се случи минатата година и не застануваме тука. Постојано со вработените и со синдикатите работиме на создавање на систем на професионален развој во предучилишно образование и кариерно зголемување на платите понатаму, рече Царовска.

Министерот за финансии Драган Тевдовски објасни дека покачувањето на платите на вработените во здравството и образованието е предвидено во Буџетот за 2018 година.

„Јасно ни е дека не се работи за голема промена. Промената е согласно со можностите  но насоката е јасна, за Владата зајакнувањето на јавното здравство и образованието е приоритет.  Не смееме да дозволиме земјата да биде на дното на ПИСА тестовите, не смееме да дозволиме докторите да се иселуваат или да си одат од јавното здравство. Ние сме решени да вложуваме во човечкиот капитал. На земјава и требаат среќни и квалитетни наставници кои ќе ги учат нашите деца, ни требаат задоволни и квалитетни доктори кои ќе не лекуваат во јавното здравство. Со години во минатото се запоставувале овие сектори, ресори. Владата уште со првите чекори покажа дека тоа нема да биде така“, рече министерот за финансии Тевдовски.

Министрите и најавувањето на зголемувањето на платите го искористија да укажат дека единствениот пат кон поголеми плати, подобро здравство и квалитетно образование е влезот на Македонија во ЕУ.

Прикажи повеќе...

Најново

Свет2 часа

(Видео) Над 20 мртви при вооружен напад за време на воена парада во Иран

Дваесет и четири лица се убиени, а 53 повредени во утринскиот напад на вооружени луѓе за време на воена парада...

Македонија2 часа

(Видео) Платите на хирурзите покачени за 5.300 денари, повисоки плати и во школите и во градинките

На вработените во градинките, училиштата и болниците септемвриската плата ќе им биде зголемена за пет отсто. Зголемената плата ќе им...

Македонија3 часа

Следува период на пост-демократија во која главниот збор не е на избирачите, рече Иванов на предавање во САД

Претседателот на Република Македонија, Ѓорге Иванов, на почетокот на работната посета на САД, одржа предавање на Државниот универзитет Вејн во...

Топ4 часа

Холанѓанец пронајден мртов во вила во Трпејца

Во вила во охридското село Трпејца, во текот на вчерашниот ден починат бил пронајден 79-годишен Холанѓанец. Како што информираат од...

Македонија5 часа

(Видео) Макрон со обраќање до македонските граѓани: Ниеден договор не е совршен, но се работи за иднината на земјата

Францускиот претседател, Емануел Макрон, во пресрет на референдумот закажан за 30. септември преку видео-обраќање упати порака до македонсите граѓани, при...

Крвав четврток16 часа

Го извадив пиштолот и кажав стој полиција, сведочеше телохранителот на Оливер Спасовски за 27 април

Сашо Тасевски, директорот на БЈБ, телохранител на тогашниот министер за внатрешни работи, Оливер Спасовски, доцна вечерва сведочеше во кривичниот суд...

Крвав четврток18 часа

Ги видов пратениците Мукоски и Василевски како ги вадат гредите од вратите на Собранието, сведочеше собраниски обебзбедувач

На продолжението од судењето за настаните од 27 април сведочеше собранискиот обезбедувач Владимир Стојков. Тој потврди дека кога чул врева,...

Македонија23 часа

Претепаниот скопјанец: Ме намести пријател, тие ме чекаа во заседа

Брутално претепаниот скопјанец за „Макфакс“ вели дека бил нападнат од познат лихвар во Скопје бидејќи зел на заем 200 евра,...

Топ1 ден

(Видео) Кавадарчанец прободел жена со нож во стомакот кога му рекла дека е бремена

Полицијата вчера уапси кавадарчанец во Струмица под сомнение за обид за убиство како и за повеќе кражби во станови во...

Македонија1 ден

Обвинителството ќе проверува дали е запоставувано детето во станот со пелени во „Скопјанка“

Основното јавно обвинителство Скопје ќе утврдува дали родителите го запоставиле детето коешто живее со бабата во станот во „Скопјанка“, којшто...

Македонија1 ден

Мухиќ: Владата не им објасни на граѓаните кои уставни промени ќе се случат по референдумот

Независниот пратеник Ферид Мухиќ не сакаше за ,,Макфакс” да каже дали ќе излезе на претстојниот референдум за промена на името,...

Македонија1 ден

Фрчат казни за адвокати во кривичниот суд, тројца казнети со 1000 евра

Поради неприсуство на тројца адвокати, Судот го одложи денешното рочиште за предметот на специјалното јавно обвинителство со кодно име „Топлик“....

Македонија1 ден

Се разболе обвинетиот Митко Пецов – Фатиме побара да биде приведен

Одложено е рочиштето за предметот ,,Насилство”. Обвинетиот Митко Пецов се разболел и не присуствуваше на седницата, обвинителката на СЈО Фатиме...

Македонија1 ден

Претепаното момче во Аеродром има потрес на мозокот и скршеници

Лицето кое вчера беше брутално претепано во Аеродром добило скршеници во пределот на носот и вилицата, имало исеченици по глава...

Македонија1 ден

Јавното обвинителство формираше комисија за следење на противправности во врска со референдумот

Јавниот обвинител на Република Македонија формираше комисија за следење на евентуални противправности при организирањето и спроведувањето на референдумот на 30...

Свет1 ден

Повторно пукање во САД, петмина повредени, меѓу кои и дете

Пет лица се повредени, меѓу кои и осум годишно девојче во пукотници во Сиракуза, во државата Њујорк, соопшти полицијата. Инцидентот...

Македонија1 ден

1000 евра казна за вештак кој не дошол на судење за предмет на СЈО

1000 евра треба да плати вештакот Павлина Стојанова, а 2000 евра Друштвото за вештачење „Форензик експертс ДОО“ оти не се појавиле...

Македонија2 дена

(Видео) Заев-Пенс: Вашингтон ја споделува визијата на Македонија да стане членка на НАТО и ЕУ

Премиерот Зоран Заев денеска во Вашингтон се сретна со потпретседателот на Соединетите Американски Држави, Мајк Пенс. Како што соопштија од...

Вести2 дена

(Видео) Најмалку три лица убиени во Мериленд, за нападот е осомничена жена

Најмалку три лица се убиени во пукањето што се случи во 9 часот наутро по локално време во сојузната американска...

Регион2 дена

Поранешниот шеф на Хипо банка преку видеоврска сведочеше на судењето против Санадер

Поранешниот шеф на Хипо банка, Гунтер Штрајдингер, преку видеоврска од затвор сведочеше на судењето против поранешниот хрватски премиер, Иво Санадер,...

Досие