Контакт

Македонија

Кекеновски: Ние сакаме да бидеме народни пратеници, а не политички платеници

Објавено пред

По објавувањето на последниве аудиобомби мислам дека на сите нам ни стана јасно што правеле и што прават лидерите и раководставата на овие партии, изјави Јове Кекеновски на прес-конференција, во име на коалицијата „Никогаш Северна, само Македонија“.

„Едниот добивал пари за спас на партијата, а за возврат го рушел СЈО и се обидувал да влијае на текот на кривичната постапка која се води за бизнисменот финансиер и за останатите учесници. Другиот постојано ги рекетарел сите оние што имале потреба да им се заврши некоја работа и со пари добиени од корупција работел на промена на името, односно на успех на референдумот, кој, за среќа, беше неуспешен. И наместо членството и јавноста да ги осудат и да побараат нивна оставка и одговорност, тие и понатаму бесрамно излегуваат пред граѓаните и уште пожестоко замајуваат и манипулираат, И едниот и другиот веќе знаат што ги чека доколку не дојдат или не останат на власт. Зa трагедијата да биде поголема, од надлежните инститиции молк. Тие се и слепи и глуви на овие аудиобомби“, рече Кекеновски.

Кекеновски истакна дека дел од нивните стратешки определби се враќање на името, поништување на Преспанскиот договор, преиспитување на Договорот со Бугарија, Законот за двојазичност, среднорочни и краткорочи планови и акции и задачи.

„Ние сакаме да бидеме народни пратеници, а не политички платеници и извршители на желбите на лидерите на политичките партии. На државата не ѝ требаат слепи и послушни пратеници кои само ќе стискаат зелено и црвено копче согласно директивите кои ги добиваат од партииите. Затоа како носител за ИЕ 2 сакам јавно да соопштам дека за разлика од досегашниве собраниски платеници (извршители), избраните народни пратеници од нашата Коалиција ќе имаат слобода самостојно да одлучуваат и обврска максимално да соработуваат со органите на ЕЛС (Совет и градоначалник) сé со цел како избрани народни пратеници да го подигнеме квалитетот на живеење во општините во кои сме избрани. Тоа значи пратениците да помагаат и соработуваат со локалните власти за реализација и помош од државата за сите локални проекти за кои е потреба помош од централната власт“, рече Кекеновски.

Доколку ја добијат довербата на граѓаните, наведе дека ќе исполнат неколку планови и ќе побараат:

1. Да биде укинат имунитетот на пратениците и останати носители на јавни функции (освен за претседателот на државата).
2. Ке се укинат патните трошоци на пратениците во висина на карта за автобуска линија,
3. Од она што го гледаме секојдневно имам чувство дека во ЈО се изнамножиле копии на ликот и делото на Катица Јанева, а тоа не смее да се толерира и ќе се стави крај на ,,умножувањето и на загадувањето на околината” на овие рушители на системот, како и нивна материјална и кривична одговорност.
4. Во рок од 6о дена од изборот отворање постапка за приспитување на работата на Судскиот совет и разрешување на сите оние кои се огрешиле и Советот на обвинители. Не може во нивните редови и понатаму да седат и одлучуваат персони за кои има поведено сериозна кривична постапка и кои се повикуваат на имунитет.
5. Распуштање на Уставниот (политички) суд, ќе ги замолиме сите за оставка, доколку не сакаат, ќе побараме парламентарно мнозинство за да ги разрешиме. Не смееме и понатаму да дозволиме за уставноста и законитоста да ни одлучуваат партиски поставени извршители. Сакаме Уставен суд составен од стаменити и стручни персони кои имаат знаење, капацитет и дигнитет, а не како досега партиски послушници кои реагираат на повик на оние кои ги предложиле и поставиле на функцијата.
6. Гарантираме дека за најмногу од 60 дена од нашиот избор ќе ги изнесеме на површина сите нејасноти и нелогичности во најновиве афери на власта („Рекет 1“ и „Рекет 2“ како и случајот „Империја“) и ќе бараме најстроги казни за сите инволвирани страни во. И дека ке ги казниме виновниците од власта кои му овозможија на поранешниот премиер да побегне од лицето на правдата.
7. Ќе побараме расчистување на случајот Диво Насеље и проширување на истрагата и кон лицата кои придонеле да не се дознае вистината за овој случај, како и откривање на јавноста за причините за оставките на двете клучни личности во тој период.
8. Укинување на функцијата заменик-министер и потпретседател на Владата за спроведување на Рамковниот договор;
9. Укинување на одредбите на Избирачкиот законик кои протежираат би(три)партизам наместо мултипартизам и, секако, укинување на одредбите кои се однесуваат на техничка влада на 100 дена пред изборите

СРЕДНОРОЧНИТЕ ПЛАНОВИ ОД ПРОГРАМАТА СЕ ОДНЕСУВААТ НА РОК ОД 6 МЕСЕЦИ ОД ИЗБОРОТ

1. Генерално прочистување на судството, обвинителството и полицијата (во смисла преиспитување на сите сомнителни судски пресуди во последниве 20 години, преиспитување на стручноста на судиите и обвинителите, преиспитување на потеклото на имот на судиите и обвинителите и нивниот кариерен напредок, одговорност на сите оние кои монтираа и извршуваа нарачан кривичен прогон);
2. Експресно завршување на сите кривични постапки во една фер постапка, за да не застарат делата. А оние кои се застарени по вина на судиите или обвинителите истите ќе сносат одговорност т.е. ќе бидат разрешени и ќе бидат обвинети за злоупотреба или, пак, несовесно постапување во службата
3. Приспитување на начинот на стекнување на имотот на сите оние кои биле на власт во последниве 20 години и конфискација на нелегално стекнатиот имот, нагласи Кекеновски.

Македонија

Мицкоски и Дурловски во Дебар: Време е градот да добие музеј и да го сочуваме наследството

Објавено пред

Претседателот на ВМРО-ДПМНЕ, Христијан Мицкоски заедно со носителот на изборна единица 5, Игор Дурловски ја посетија општината Дебар и остварија посета со населението. На средбата, Мицкоски порача дека во програмата на ВМРО-ДПМНЕ има такви мерки кои што ќе гарантираат безусловна правда и нула толеранција на корупцијата

„Јас ќе започнам со дилемата дека овие избори се практично една раскрсница како сакаме да ја гледаме нашата држава во следните четири години. Тоа е една суштинска дилема која пред секој еден жител без разлика дали е Македонец, дали е Албанец, Турчин, Влав, Србин, Бошњак, Ром, Египјанец е поставена на овие избори. Овие избори се избор каква Македонија сакаме да видиме за четири години од сега, а јас би рекол и годините кои што следат по овие четири години. Дали сакаме да гледаме Македонија која што ќе биде засрамена, понижена, омаловажена, опљачкана, полна со криминал, корупција, многу неуспеси или Македонија која што ќе биде горда, исправена и која што сите жители кои што се дел од нејзе ќе можат гордо да кажат да јас сум од Македонија, среќни граѓани. Држава во која што секој ќе го пронајде сопственото место затоа што тоа место одговара на неговиот квалитет, на неговите компетенции“, истакна Мицкоски.

Мицкоски додаде дека граѓаните треба да се определат во каква држава сакаат да живеат, држава во која што секојдневно ќе се гледаат Луј Витон ташничиња полни со пари или пак држава во која што ќе владеат законите, ќе се почитува Уставот, правото и правдината ќе бидат над се.

Носителот на ИЕ 5, Игор Дурловски укажа дека мора преку инвестициски проекти да се развие Дебар, да се охрабрат повратниците од странство кои имаат желба да инвестираат тука, да се развие бајнскиот туризам со модернизирање и проширување на постојните капацитети, но и да ги искористат потенцијалите на природата кои се единствени околу Дебар и Дебарското Езеро.

„Нашата цел ќе биде да го сочуваме и промовираме културното и историското наследство по кое Дебар е препознатлив во историјата, да го сочуваме споменот и делата на познати дебарски зографи, копаничари, градители. Време е Дебар да добие музеј, музеј на преродбата. Музеј на Дичо Зограф и прославената дебарска школа, ова е проект од Обновата на Македонија кој уверен сум дека ќе го поттикне локалниот културен и туристички развој на Дебар. Јас чувствувам сериозна одговорност, ја знам тежината на секој изговорен збор, на секое ветување. Секој предложен проект кој треба да се реализира“, потенцираше тој.

Дурловски од Дебар додаде дека обновата на Македонија е одговор на народот и затоа ја бара поддршка на 15 јули за да се направи пресвртница.

Прикажи повеќе...

Македонија

„Се подигна свеста да се донира орган“ – средби во Владата со тимот што изврши трансплантација на срце

Објавено пред

Претседателот на Владата, Оливер Спасовски денеска во Владата, придружуван од министерот за здравство, Венко Филипче се сретна со дел од тимот што ја направи првата трансплантација на срце на 23 мај годинава, на кои им додели благодарница за историскиот подвиг, посебно именувајќи ги сите кои учествуваа во сложениот зафат.

На средбата присуствуваше и синот на донорот Емилија Динева, Влатко Динев, на кого премиерот Спасовски симболично му врачи благодарница, изразувајќи му огромна благодарност од свое лично име и од име на Владата.

„Благодарницата за семејството Диневи, сакам лично да му ја предадам на синот на Емилија Динева, Влатко и да се заблагодарам прво за нејзината лична одлука, а потоа и за согласноста на семејството нејзината одлука да ја претворат во трајно сеќавање за нејзиниот исклучителен хуман гест и желба, своите органи да ги дарува на оние на кои им се во моментот најпотребни за да продолжи друг живот“, рече премиерот Спасовски, кој ја искористи приликата да се заблагодари и на Иван Огненовски, кај кого беше извршена трансплантацијата и на неговото семејство, кои како што подвлече Премиерот, покажаа доверба во домашното здравство и во стручноста на целиот тим и му посака добро здравје.

Обраќајќи се кон тимот, лекари и медицински персонал, премиерот Спасовски истакна дека успешната трансплантација на срце е историски резултат и вистински подвиг и сведоштво за висината на експертизата и стручноста на целиот здравствен систем во нашата земја бидејќи опфати голем број здравствени институции и поединци кои се вградени во ова историско остварување.

„Во време кога целото наше внимание, сиот наш здравствен систем е ставен во функција на справување со најголемата глобална здравствена криза заради пандемијата со КОВИД-19, вие се обединивте, ги здруживте вашите капацитетите, знаењата, искуството и стручност за да извршите зафат што претставува круна во кардиохирургијата и медицината воопшто“, оцени премиерот.

Спасовски подвлече дека во изминатите години, Владата силно инвестираше во здравствениот кадар како столб на здравствениот систем – луѓето кои го обезбедуваат здравјето, кои што ја овозможуваат грижата и негата за сите граѓани, потенцирајќи дека тоа ќе продолжи и понатаму со целосна поддршка на министерот Филипче и Министерството за здравство, при што со медицинските работници разговараше за актуелните решенија и активности во здравството.

Министерот за здравство Венко Филипче пред присутните истакна дека со оваа постапка се заокружија два големи сегменти во здравствениот систем во нашата земја: трансплантацијата и кардиохирургијата.

„Ова е само почеток на една успешна соработка. Со овој чин се подигна свеста да се донира орган. Ги направивме сите подготовки за тоа што треба да значи трансплантација на срце. За кратко време се организираше целата работа и се заврши во најдобар ред. Направивме еден т.н „heart“ тим во којшто членуваат сите кои имаат познавање со кардиохирургијата. Од срце се заблагодарувам на семејството на починатата за хуманоста која ја покажаа на дело“, рече министерот Филипче.

Директорот на Клиниката за Државната Кардиохирурхија, д-р Сашко Јовев им се заблагодари на претставниците на Владата за тоа што го препознаа нивниот труд.

„Трансплантацијата на срце претставува врв во срцевата кардиохирургија и во медицината воопшто. Но, ова што практично би требало да го препознаеме сега има научен, стручен, човечки мотивиран потенцијал, пред сè во државното здравство кој треба да биде препознаен. Единствено ни треба само малку ветар во грб, а се останато оставете го на нас. Сакам да се заблагодарам на синот на починатата затоа што спасија три животи. Со трансплантацијата не треба да престанеме тука. Оваа програма мора да постои, да опстои, да се развива, а ќе ја развиваме со помош од државата, медиумите и сите мотивирани стручни лица кои го претставуваат тимот“, рече д-р Јовев.

Прикажи повеќе...

Македонија

Зибери: Државна помош до 20.000 евра за сите млади за купување стан и куќа

Објавено пред

Кандидатот за прв премиер Албанец, Насер Зибери, ги посети младите семејства со кои разговараше за проблемите со кои се соочуваат.

„Нашите заложби во овој поглед се многу сериозни. Ние мора да ги насочиме нашите идеи во однос на плановите за поддршка на младите луѓе, во насока на поддршка на младите парови до 35-годишна возраст, кои имаат посериозни потреби и предизвици; поточно, мора да ја насочиме нашата поддршка кон паровите што сè уште не си го решиле станбениот проблем – да им се понуди помош во вид на кредит, без камата, до 20.000 евра“, истакна Зибери за време на разговорот со еден млад пар.

Меѓу другото, Зибери додаде дека во неговите планови е дополнително да ја развие и мрежата за предучилишно образование за градинките за деца затоа што, како што рече, констатиран е недостиг во овој сегмент.

„Секој не може да го испрати своето дете во системот на предучилишно образование, особено во
градинките“, додаде Зибери.

Прикажи повеќе...

Најново

Македонија1 час

Милошоски со втор негативен тест на Ковид-19

Пратеникот на ВМРО-ДПМНЕ, Антонио Милошоски, објави на социјалните мрежи дека и вториот тест на Ковид-19 му е негативен. „Почитувани пријатели,...

Македонија2 часа

Градоначалникот на Охрид бара поддршка за уривање на дивоградбите на охридското крајбрежје

„Процесот на рушење на дивоградби во Охрид ќе трае и можеби ќе треба да го продолжи некој друг градоначалник по...

Македонија2 часа

15 починати и 173 нови случаи на Ковид-19 во земјава

Министерството за здравство информира дека во последните 24 часа се направени 1.653 тестирања, а регистрирани се 173 нови случаи на...

Македонија3 часа

Утре ќе се разговара за затворање на границите со Србија и Косово

Министерството за здравство информира дека, со оглед на развојот на ситуацијата со коронавирусот во соседството, Комисијата за заразни болести на...

Спорт5 часа

Ѓоковиќ и сопругата се негативни на Ковид-19

Новак Ѓоковиќ и неговата сопруга Јелена се негативни на вирусот Ковид-19, покажале резултатите од последните ПЦР тестови кои на сопружниците...

Економија5 часа

(Видео) Ангеловска: Резултатите се подобри од очекуваното, економијата почна да закрепнува

„Она што го почнавме на почетокот на оваа ковид-криза, а во духот на транспарентноста и отчетноста, односно навремено па дури...

Македонија6 часа

Османи: Процедурите за попис на населението ќе почнат по изборите

Вицепремиерот  Бујар Османи, кој истовремено е висок функционер во ДУИ, најави дека подготовки за спроведување на пописот ќе започнат по...

Македонија7 часа

(Видео) Заев: Се забрзува интеграцијата во ЕУ, да запрат лагите дека сме го изгубиле македонскиот јазик

Лидерот на СДСМ, Зоран Заев, на прес-конференција пред Собранието порача дека македонската интеграција во Европската Унија се забрзува, а за...

Свет7 часа

Пресечена пратка за Европа: Запленети 7,5 тони кокаин, вреден 286 милиони долари

Во заедничка акција на полицијата на Колумбија и САД, запленети се 7,5 тони кокаин во вредност од 286 милиони долари,...

Свет8 часа

Трамп се предомисли: Сите треба да носат маски

Американскиот претседател, Доналд Трамп, кој се противеше на тоа да го покрива лицето во јавноста, рече дека е за тоа...

Македонија8 часа

Со донација на коскена срцевина, македонски дарител му помогна на пациент од Бугарија

Од Институтот за трансфузиона медицина информираат дека во изминатите два дена било спроведено колекционирање на хематопоетски матични клетки од доброволен...

Свет8 часа

Вооружен напад на рехабилитациски центар во Мексико – 24 убиени

Најмалку 24 луѓе се убиени, а седум се ранети во вооружен напад во нерегистриран центар за лекување зависности од дрога...

Македонија8 часа

Санкционирани 461 лице за неносење заштитна маска

Во текот на изминатото деноноќие (1/2.07.2020 година) на територијата на целата држава по однос на мерката за неносење лична заштита...

Свет8 часа

По низа грешки, министерот за здравство на Нов Зеланд поднесе оставка и се нарече идиот

Новозеландскиот министер за здравство, Дејвид Кларк, денеска поднесе оставка по низа лични грешки за време на пандемијата на коронавирусот. Кларк...

Свет8 часа

Голема трагедија во рудник во Мјанмар, загинаа најмалку 50 рудари

Најмалку 50 рудари загинаа во одрони во рудник за жад на северот на Мјанмар, соопштија властите. Се претпоставува дека бројот...

Свет9 часа

По два месеци пауза, коронавирусот се врати во Токио

Во Токио се забележани над 100 новозаболени од коронавирус што е најголем број на нови случаи во последните два месеци....

Свет20 часа

Советот за безбедност на ОН ја усвои резолуцијата за прекин на сите конфликти поради коронавирусот

Советот за безбедност на ОН денеска едногласно ja усвои резолуцијата со која се бара прекинување на конфликтите низ целиот свет...

Македонија1 ден

Нови 120 заболени и четворица починати oд Ковид-19 во земјава

Министерството за здравство информира дека во последните 24 часа се направени 954 тестирања, а регистрирани се 120 нови случаи на...

Македонија1 ден

Ако има потреба ќе бидат воведени рестриктивни мерки, велат Спасовски и Филипче

Ако има потреба ќе бидат препорачани и воведени рестриктивни мерки. Вака техничкиот премиер Оливер Спасовски и министерот за здравство, Венко...

Македонија1 ден

Oколу 900 патници поминале низ двата аеродрома кои денеска беа отворени

Околу 900 патници денеска поминале низ скопскиот и охридскиот аеродром, на првиот ден од нивното отворање, по неколкумесечниот застој поради состојбата...

Досие