Контакт

Македонија

Ковачевски: Децата мора да останат во училиште

Објавено пред

Училиштата, МОН, општините кога се работи за основното образование треба да го организираат работниот процес, бидејќи децата мора да имаат образование, особено што излеговме од период на пандемија речиси по две годи години каде што децата мораа да седат дома, изјави премиерот Димитар Ковачевски во однос на најавениот штрајк на вработените во училиштата и градинките, од понеделник (11 април).

dobivaj vesti na viber

„Јас знам дека на никого не му беше лесно, но јас се надевам дека во наредниот период ќе изнајдеме решение и дека децата прво ќе останат во училиштата, дека треба да продолжи наставата, а со синдикатот ќе се изнајде решение, бидејќи и со штрајк и без штрајк на крајот мора да има социјален дијалог којшто ќе заврши со договор помеѓу синдикатот и во овој случај Владата”, рече премиерот.

СОНК досега не успеа да се договори со Владата за зголемување на платите согласно новата минимална плата и според последните информации од СОНК, штрајкот е сè поизвесен. Наставниците, воспитувачите и другиот образовен кадар ќе штрајкуваат односно нема да работат додека не се договорат со власта.

Македонија

Новинарските организации бараат посебно одделение во Обвинителството за заштита на новинарите

Објавено пред

Претседателот на Здружението на новинарите на Македонија – ЗНМ и претседателот на Самостојниот синдикат на новинарите и медиумските работници (ССНМ), Павле Беловски, денеска имаа средба со шефот на скопското Јавно обвинителство, Гаврил Бубевски.

dobivaj vesti na viber

На состанокот Чадиковски истакна дека од исклучителна важност за унапредување на заедничката соработка и комуникација е формирање ново одделение во рамките на ОЈО, кое ќе биде задолжено само за постапување по предмети што се однесуваат на повреда на правата на новинарите и на медиумските работници, на нивната безбедност, како и на експлицитниот говор на омраза кон нив. Од страна на Беловски беше потенцирано дека и покрај тоа што безбедноста на новинарите и медиумските работници во изминатиот период во државата е подобрена, останува фактот дека перцепцијата за степенот на неказнивост на напаѓачите кон новинарите и медиумските работници останува на високо ниво и ова е потребно да се промени.

Драган Секуловски, директорот на ЗНМ, истакна дека ОЈО има обврска да ги следи препораките на Советот на Европа за поголема заштита на новинарите, особено ПрепоракаCM/Rec (2016)41 од Комитетот на министрите до земјите членки за заштита на новинарството и безбедност на новинарите и другите медиумски актери. Според оваа препорака, Македонија како земја членка на Совет на Европа има обврска да создаде механизми за заштита на медиумските работници кога нивните права се нарушени, а додека се очекува да се изгласаат измените на Кривичниот закон, ова посебно одделение во ОЈО, кое ќе работи за заштита на новинарите, е добар модел, истакна Секуловски. Покрај ова, Секуловски укажа со цел да се намали степенот на неказнивост потребно е ОЈО да ги истражи старите случаи во кои се бележат закани за животот на новинарите, како и да биде поактивно во случаи кога новинарите се предмет на експлицитен говор на омраза и закани на социјалните мрежи.

Шефот на скопското Обвинителство, Гаврил Бубевски, го истакна своето задоволство дека овие конструктивни предлози од страна на еснафските здруженија се прифатливи и во идниот период како институција ќе се обидат набргу што може да одговорат позитивно на барањата на ЗНМ и ССНМ.

На денешниот состанок исто така се разговараше за унапредување на транспарентноста за работата на обвинителите, назначување лица од Обвинителството, кои ќе работат на случаи што се однесуваат само на предмети во кои се вклучени новинари и медиумски работници, како и подобрување на меѓусебната соработка за прашања од заеднички интерес и можноста да биде потпишан заеднички меморандум за соработка.

Прикажи повеќе...

Македонија

Во Софија вонреден коалициски совет за Северна Македонија

Објавено пред

На вонреден состанок на коалицискиот совет вечерва ќе се соберат владините партнери. Средбата е по барање на премиерот Кирил Петков.

dobivaj vesti na viber

Главна тема на коалицискиот совет се односите со Северна Македонија, пишува Бугарското национално радио (БНР).

Се очекува премиерот Кирил Петков да им објасни на своите партнери зошто побарал од претседателот Румен Радев да го свика Советодавниот совет за национална безбедност и да го претстави досега постигнатото во дијалогот со Скопје.

Самиот Петков најави свикување на состанокот на коалицијата при посетата на Рим и Ватикан во пресрет на 24 мај. Тој потоа посочи зошто би се заложил претседателот да се сретне со сите страни претставени во парламентот:

„Форматот на коалицискиот совет е многу важен. И ова ќе го прашам од моја гледна точка и ќе разговараме со коалициските партнери, но ни треба поширок консензус и затоа опозицијата мора да биде информирана“, образложи Петков.

Вчера, пак, ИТН ја потврди својата цврста позиција – нема повлекување од позицијата на Бугарија.

„Ние само ќе ги сослушаме за што се состануваат со оглед на тоа што овој став е јасен – и на претседателскиот советодавен совет, и во рамковната позиција на Бугарија и со декларација од 44. Народно собрание, па можеби ќе се запознаеме со нешто ново што не го знаеме. Ќе бидам претставник на МНР, па ќе видиме што ќе кажат. Нашиот став е јасен“, рече Станислав Балабанов.

Се очекува да се разговара за барањата на ДБ и БСП за презентирање програма за управување на кабинетот со јасно дефинирани мерки и рокови за нивна реализација.

Пред коалицискиот совет владејачките партнери влегоа во спор за тоа како да се прдвижи билатералниот процес за изнаоѓање компромисно решение со Северна Македонија.

Предлогот на претседателот на пратеничката група на демократска Бугарија:

„Тоа е – не само ние да очекуваме нешто од Скопје туку и ЕК да преземе некои гаранции во преговарачкиот процес дека нашите очекувања – легитимни, поврзани со критериумите од Копенхаген за Северна Македонија – ќе бидат дел од преговарачката рамка. Всушност, тоа ќе ги зголеми нашите шанси да го добиеме она што го очекуваме од нашите сограѓани“.

Овој предлог го доведе во прашање претседателот на пратеничката група на БСП, Георги Свиленски:

„Немам чувство дека Комисијата е подготвена да даде такви гаранции и би прифатила да биде гарант за реализација на договорот.

Прикажи повеќе...

Македонија

Стоилковски: Спасовски да одговори дали постои видео како Ариф Асани влијае за пуштање на пукачот во Чаир

Објавено пред

СДСМ и МВР на Оливер Спасовски молчат за каубојската оружена пресметка во скопски Чаир. Вчера не одговорија дали лицето што пукало кон полицијата поради контрола на возилото и потоа е ослободено е осудено за истото дело и веќе цела година има наредба до СВР Скопје да биде приведено за издржување на затворската казна? Ова го истакна на прес-конференција портпаролот на ВМРО-ДПМНЕ, Наум Стоилковски.

dobivaj vesti na viber

„Оливер Спасовски повеќе не смее да се крие и како прв човек на МВР мора да одговори:

Дали Ариф Асани, функционер на ДУИ и втор човек во БЈБ, е снимен од камерите на системот „Сејфсити“, од безбедносните камери, вечерта на местото на пукањето во Чаир?

Дали заменик-директорот на Бирото за јавна безбедност е снимен од камерите како трча кон полициските службеници, а тие, по разговор со него, го пуштаат лицето да замине?

Дали постои снимка од системот „Сејфсити“, на која се гледаат полицајците и Ариф Асани, а на снимката нема други лица?

Дали полицајците во своите службени белешки прикриваат дека Ариф Асани влијаел тие да го ослободат лицето, па е наведено дека „поголема група граѓани ги попречила да го приведат лицето“?

Почитувани,

МВР под Оливер Спасовски не смее да биде подружница на СДСМ и да служи за самоволие на ДУИ. Доколку врхушката на СДСМ сака, тие може да бидат заложници на ДУИ, но Македонија ниту кој било граѓанин не смее да биде заложник, само и само за гола власт на СДСМ. Со СДСМ, наместо извор и гарант за безбедност на граѓаните, МВР стана извор на небезбедност.

Оливер Спасовски, доста се криеш, ова е огромен скандал. Македонија не смее да биде мафијашки рај за ти да бидеш министер! Премногу е!“, рече Стоилковски.

Прикажи повеќе...

Најново

Македонија33 минути

Во Софија вонреден коалициски совет за Северна Македонија

На вонреден состанок на коалицискиот совет вечерва ќе се соберат владините партнери. Средбата е по барање на премиерот Кирил Петков....

Регион1 час

Русија протера петмина хрватски дипломати

Русија прогласи за непожелни пет хрватски дипломати во хрватската амбасада во Москва, а на хрватскиот амбасадор му беше врачена нота....

Свет1 час

Најбогатиот човек во Украина и сопственик на „Азовстал“ ќе ја тужи Русија

Најбогатиот човек во Украина и сопственик на фабриката за челик „Азовстал“, Ринат Ахметов, вели во Мариупол дека планира да ја...

Македонија2 часа

Османи во Украина: Тоа што го видов ме убеди колку е оправдан нашиот став за агресијата

Во рамките на својата работна посета на Украина, министерот за надворешни работи Бујар Османи, придружуван од претставници на украинската Влада...

Македонија3 часа

Земјотрес утрово регистриран во Тетовско

Земјотрес од 3,6 степени утрово го стресе тетовскиот регион, а истиот беше почуствуван и во Скопје. Според податоците земјотресот се...

Свет4 часа

Медведев: Условите на Зеленски се категорични до идиотизам

Дмитриј Медведев денеска изјави дека условите што му ги постави претседателот на Украина, Володимир Зеленски, за примирје не се остварливи....

Свет4 часа

САД подготвуваат досега најмоќно оружје против Русија

Администрацијата на американскиот претседател Џозеф Бајден се подготвува да го зголеми оружјето на Украина. Администрацијата има намера да го направи...

Свет16 часа

Лавров: Испораката на оружје способно да погоди руска територија е чекор кон неприфатлива ескалација

Рускиот министер за надворешни работи Сергеј Лавров предупреди дека „испораката на оружје за Украина способно да ја погоди руската територија...

Економија18 часа

Ковачевски: Во ребалансот на буџетот направиме намалување на непродуктивните трошоци, нè oчекува тешка зима

„Ребалансот на буџетот е насочен главно кон справување со економската криза, ревидирање на фискалните проекции, реконструирање на буџетските расходи, зачувување...

Спорт18 часа

РК Вардар го прегази Тиквеш и го потврди 15. шампионски пехар (ФОТО)

Македонскиот ракометен првак Вардар ја освои двојната круна оваа сезона, откако денеска со триумфот против Тиквеш (37:25) го потврди и...

Економија21 час

Путин: Санкциите против Русија му се вратија на Западот како бумеранг

Рускиот претседател Владимир Путин денеска оцени дека антируските санкции се вратиле како бумеранг за оние што ги применувале бидејќи, како...

Македонија21 час

Кривични пријави за двајца управители во ЕВН и за петмина други за продажбата на парцели во Делчево

Управата за финансиска полиција поднесе кривична пријава против седум лица за продажбата на парцели на ЕВН во Делчево за изградба...

Македонија23 часа

Собранието: Деловникот дозволува можност за затворање на вратите на салата на барање на претседателот

Проѕирна е намерата на опозицијата, која сите овие години ја опструира работата на законодавниот дом и оневозможува донесување битни закони...

Топ24 часа

Дете загина во тешка сообраќајна несреќа на автопатот Скопје – Велес

Едно дете загина, а две лица се тешко повредени во сообраќајна несреќа на автопатот Скопје – Велес. Според информациите од...

Македонија1 ден

ВМРО-ДПМНЕ и коалицијата ќе поднесат интерпелација за Талат Џафери

Пратеничката група на ВМРО-ДПМНЕ и коалицијата „Обнова за Македонија“ ќе поднесат интерпелација на претседателот на Собранието, Талат Џафери, најави координаторот...

Европа1 ден

Кадиров ѝ се заканува на Полска: Ако добиеме наредба, за шест секунди ќе ви покажеме на што сме способни

Чеченскиот лидер Рамзан Кадиров ѝ се закани на Полска. Тој на својот канал на „Телеграм“ објави видео во кое вели...

Европа1 ден

И по неколкучасовните разговори на делегациите, Турција продолжува да се противи на членството на Шведска и Финска во НАТО

Шведски и фински дипломати вчера имаа повеќечасовни разговори со турските колеги, меѓутоа, како што јавуваат агенциите, не е постигнат договор...

Европа1 ден

Путин првпат ги посети ранетите руски војници

Рускиот претседател Владимир Путин вчера првпат ги посети војниците во болница во Москва, три месеци по почетокот на офанзивата на...

Македонија2 дена

Џафери ги заклучи вратите на салата во Собранието и ги исклучи микрофоните

Собранискиот спикер Талат Џафери побара да се заклучат собраниските врати од салата за да службите пребројуваат пратеници, а пратениците на...

Македонија2 дена

Ковачевски – Дендијас: Фокусирани сме на зајакнување на стратешкото партнерство меѓу Македонија и Грција

Претседателот на Владата денеска го прими министерот за надворешни работи на Република Грција Никос Дендијас, кој е во еднодневна посета...