Времето утре ќе биде сончево и топло со умерена облачност, информираат од УХМР.

Кон крајот на денот во североисточните делови ќе има локален дожд. Ќе дува слаб до умерен југозападен, а во западните делови умерен до засилен западен ветер.

Минималната температура ќе биде во интервал од 7 до 12, а максималната ќе достигне од 21 до 29 Целзиусови степени.

Во Скопје сончево со умерена облачност и со умерен југозападен ветер. Минималната температура ќе се спушти до 10, а максималната ќе достигне 27 степени.

Повремено зголемена облачност со локални врнежи од дожд ќе има во вторник претпладне, како и во текот на ноќта кон четврток и во четврток преку денот.

Поради засилен северозападен ветер во четврток температурата ќе се намали за неколку степени.

Сања Лукаревска е новата заменик-претседателка на СДСМ, беше одлучено на денешниот 26. Конгрес на партијата.

Таа беше изгласана со 682 гласа „за“ и два „против“, на предлогот што го даде партискиот лидер Зоран Заев. Тој ја избра Лукаревска за негова заменичка, по повлекувањето на Радмила Шекеринска од оваа позиција.

Лукаревска е директорка на Управата за јавни приходи (УЈП), а на последните парламентарни избори беше носителка на изборната листа на СДСМ во Изборната единица број 2, заедно со Оливер Спасовски.

Лукаревска е роденa е 1982 година во Скопје. Има дипломирано на Правниот факултет при Универзитетот „Св. Кирил и Методиј“, а речиси целата професионална кариера и е во Управата за јавни приходи, како помлад инспектор во Регионална дирекција Скопје, извесен период работи во Министерството за финансии, а потоа се враќа во УЈП како асистент за извршување во Одделението за наплата на долгови во Дирекцијата за големи даночни обврзници.

Во 2017 година е именувана од Владата за вршител на должност директор на Управата за јавни приходи, а во 2018 и официјално како директор.

Пред конгресот, во СДСМ имаше и размислувања заменичката позиција да биде укината. Сепак, денеска, пред почетокот на конгресот, досегашниот состав на ИО решил да се избере нова заменичка на Заев.

Конгресот денеска треба да го избере и новиот состав на Централниот одбор на СДСМ, за што делегатите добија листа од 120 имиња.

Министерството за здравство информира дека во последните 24 часа се направени 2.557 тестирања, а регистрирани се 62 нови случаи на Ковид-19 и тоа во:
Скопје – 33, Гостивар и Струмица – по 4, Прилеп, Битола, Кавадарци, Охрид и Кичево – по 3, Куманово – 2, Тетово, Велес, Кочани и Кратово – по 1 лице.

Регистрирани се 245 оздравени пациенти од: Скопје – 148, Битола – 17, Струмица – 15, Виница – 9, Кочани – 8, Кичево – 7, Прилеп, Тетово и Штип – по 6, Куманово – 4, Велес и Берово – по 3, Гостивар, Свети Николе, Делчево, Валандово и Пехчево – по 2, Ресен, Радовиш и Крушево – по 1 лице.

Пријавени се вкупно 14 починати лица: 6 од Скопје (58г,60г, 63г,72г , 82г, и 83г), 3 лица од Тетово (69г, 74г, 79г), 2 лица од Гостивар (62г и 77г) по едно лице од Куманово (60г), Кичево (74г) и Битола (68г). Од пријавените, 4 се починати во домашни, а останатите 10 лица во болнички услови.

Направени се 2.557 тестови преку: ИЈЗ-95, ЦЈЗ Скопје-52, ЦЈЗ Битола-95, ЦЈЗ Прилеп-16, Клиника за инфективни болести и фебрилни состојби-0, Судска медицина-0, лабораторија болница Козле-0, УК Пулмологија со алергологија–0, ГОБ 8-ми Септември-12, Институт за микробиологија–80, МАНУ-59, Жан Митрев (Филип Втори)-155, Авицена-282, Биотек-302, Систина-249, лабораторија Лаор-641, Синлаб-29, Ремедика-23, Плодност–48, Генеа–13, ЈЗУ и ПЗУ (рапид тест) – вкупно 406.

Досега во земјата се направени вкупно 756.480 тестирања на Ковид-19.

Вкупната бројка на Ковид-дијагностицирани лица во нашата земја од почетокот на епидемијата изнесува 154.698, бројката на оздравени пациенти е 145.851, на починати е 5.211, а бројот на активни случаи изнесува 3.636.

Според епидемиолошки анализи во моментов, дистрибуцијата по градови е следна:

Скопје 68242, активни 1475
Куманово 8778, активни 339
Прилеп 8262, активни 165
Тетово 7189, активни 127
Битола 6268, активни 243
Велес 5463, активни 99
Гостивар 5159, активни 64
Кавадарци 5147, активни 54
Охрид 4983, активни 203
Штип 4953, активни 78
Струмица 4100, активни 107
Струга 2969, активни 77
Кочани 2775, активни 59
Кичево 2538, активни 86
Гевгелија 2190, активни 37
Неготино 2179, активни 26
Свети Николе 1518, активни 44
Ресен 1233, активни 47
Крива Паланка 1218, активни 14
Радовиш 1136, активни 58
Берово 1026, активни 9
Делчево 967, активни 28
Дебар 938, активни 8
Виница 872, активни 68
Пробиштип 789, активни 19
Валандово 665, активни 7
Богданци 493, активни 9
Крушево 488, активни 25
Демир Хисар 396, активни 22
Демир Капија 396, активни 3
Кратово 367, активни 15
Македонски Брод 356, активни 1
Пехчево 266, активни 2
Македонска Каменица 247, активни 18
Дојран 132, активни 0