Контакт

Македонија

Културните работници со апел до Заев: Метлата нека го одмине МКЦ

Објавено пред

Поголема група работници во културата испратија отворено писмо до премерот Зоран Заев во кое се противат на најавените промени во управувачката структура на Младинскиот културен центар во Скопје. На писмото се потпишан голем број независни уметници, културни работници и организации и во него се вели:

„Почитуван г. Зоран Заев, Ви се обраќаме по повод најавените промени во управувачката структура на Младинскиот културен центар во Скопје. Не случајно ова писмо Ви е адресирано Вам, со оглед на тоа што неодамна најавивте суштински промени во Владата на РСМ, но и во голем број јавни институции во државата. Максимално ја поддржуваме потребата за прочистување и подигање на квалитетот на кадарот во државните и локалните институции, кои очигледно се цел на вашата популарно наречена метла и веруваме дека тоа го правите со желба за суштинско подобрување на ситуацијата во повеќето од нив. Но, во овој случај чувствуваме граѓанска одговорност да Ви укажеме на сериозните негативни последици врз кревкото битие на живата, автентична независна култура, до кои секако ќе дојде доколку го нарушите континуитетнот на работа на Младинскиот културен центар во Скопје.

Речиси една деценија МКЦ е дом и обединувачки фактор на македонската независна културна сцена. Тој е единствен простор каде што скопската и македонската алтернативна младина добива шанса уметнички и општествено да се изрази, без да е обременета со комерцијални стеги. Континуитетот и развојот на МКЦ во последната деценија, но и реализацијата на програмските предизвици, е без преседан во современа Македонија, од осамостојувањето до денес. Конечно, МКЦ Скопје е една од ретките јавни институции, ако не и единствена, која комплетно успешно и без никаква злоупотреба си ја извршува својата работа.

Затоа, господине претседател на Владата на РСМ, упатуваме силен апел до Вас, МКЦ Скопје да биде одминат од вашата метла овој пат. Причината е едноставна: не се уништува она што функционира. Факт е дека моментниот в.д. директор, господинот Русе Арсов, е поникнат во МКЦ и најголем дел од неговиот работен век го помина во оваа институција. Неговото искуство и суштинско познавање на независната сцена и култура, неговата отворена и непречена поддршка кон културните работници, како и неговата соработка со успешниот тим на МКЦ се суштествени за продолжувањето на добрата работа на оваа институција. Континуираниот процес на работа е од есенцијално значење не само за македонската култура туку и за општиот развој на вредностите на нашата општествена сцена.

Да не бидеме сфатени погрешно, ова не е е негативна пропаганда кон господинот Арбен Шаќири, кој деновиве веќе отворено ја прославува новата функција (директорско место во МКЦ Скопје). За него имаме максимална почит како музичар, кој повеќе децении работи и опстојува во земја како Македонија. Но, повеќе од очигледно е дека господинот Шаќири го нема ни оддалеку потребното искуство да раководи со институција што се занимава со комплексните потреби на независната сцена, чиј дел тој не е, ниту кога било имал интерес да биде.

Почитуван господине Заев, Ве молиме овој апел да го сфатите крајно сериозно и да не се сомневате во конструктивноста на нашите намери. Ние работиме со децении на независната сцена. Водени од желбата за напредок и повисок степен на култура бевме на улиците кога тоа беше најпотребно за нашата земја и, верувајте, таму ќе бидеме повторно ако има потреба. Каква било промена во МКЦ Скопје значи руинирање на еден од најсветлите континуитети во Македонија, брутален удар во нежното ткиво на независната сцена, со несогледливи последици во следните години, во кои токму таа сцена ќе мора да биде Ваш, но и голем сојузник на земјава во нејзиното присоединување кон Европската Унија. Доколку го нарушите овој фантастичен процес што успеавме да го развиеме, ќе бидете одговорен не само пред двигателите на македонската уметничка свест на ова време туку и пред историјата на нашата земја. Независната културна сцена можеби не изгледа импозантно во Вашите очи вперени кон Брисел и Вашингтон. Но, ние сите сме сепак тука и тука ќе останеме. Затоа, размислете“, се вели во писмото.

Отвореното писмо е потпишано од:

• Абдула Дениз, актер
• Азманова Наташа, архитектка
• Алексовски Дарко, ликовен уметник
• Алијевиќ Стефан, филолог
• Алтипармаков Јане, „Канал 103“
• Ангелевски Давид – Пиколомини, музичар, независна дискографска куќа „Шарла“
• Ангеловска Ѕвезда, актерка
• Андова Шопова-Николина, писателка
• Андоновски Кочо, ЛГТБТИ Центар за поддршка
• Андоновски Милош Б, театарски режисер
• Андоновски Петар, писател
• Анѓелков Игор, издравач и писател
• Антевски Петар, продуцент
• Аранѓеловиќ Весна, ликовна уметница
• Атанасова Иф Ивана, актерка, сценски автор, педагог
• Атанасова Милена, модна дизајнерка
• Ахмети Сафет, историчар на уметност
• Ацевска Јана, дизајнерка
• Баракоска Мартина, музичарка
• Башеска-Ристовска Ирма, сценаристка и новинарка
• Бегановиќ Сеида, писателка
• Бендевска Ена, граѓанска активистка („Медуза“)
• Беќар Мира, професорка
• Близнаковски Јован, политиколог
• Богдановски Матеј, ликовен уметник
• Божурска Кристина, ликовна уметница
• Бужаровска Румена, писателка
• Бузалкова Зоја, режисерка, Факултет за драмски уметности
• Буневска-Исаковска Калина, уредник („Блесок“)
• Васева Ивана, Факултет за работи што не се учат
• Василева Ана, активистка, феминистка
• Василева Јасмина, актерка
• Велковска Ема, дизајнерка
• Велковски Атанас, монтажер
• Велковски Филип, ликовен уметник
• Вељановска Елена, „Контрапункт“ – асоцијација за развој на критичка култура и современи уметнички практики
• Веселинов Благој, актер
• Видовиќ Ема, биотехнолог
• Вилиќ Небојша, професор
• Вукобрат Тања, ликовна уметница
• Вчкова Наташа, архитектка и сценографка
• Гавровски Георги, независен уметник, претседател на Македонското братство на магионичари
• Галевски Кире, фотограф
• Гелевски Небојша, графички дизајнер
• Гелевски Никола, писател и уредник („Окно“ и „Темплум“)
• Георгиев Сергеј, режисер
• Гешоска Искра, „Контрапункт“ – асоцијација за развој на критичка култура и современи уметнички практики
• Голејшка-Џикова Ана, поетеса
• Гунин Драгана, театарска режисерка
• Дамјаноски Милан, професор
• Делов Игор, графички дизајнер
• Дерибан Љубен, музичар аматер
• Димитријевиќ Ивица, актер МНТ, музичар, СИЗ/РИБ
• Димитров Славчо, „Маргини“ – Скопје
• Димитрова Билјана, културна работничка
• Димитрова Калија, граѓанска активистка („Медуза“)
• Димитрова Марија, продуцентка
• Димитровска Катерина, музичарка
• Димитровска Мила, архитектка
• Димковска Симона, актерка
• Димовска Лидија, писателка
• Диџеј Гоце, „Фанки фреш“
• Диџеј Чваре, „Фанки фреш“
• Додовски Димитар, музичар
• Доксевски Димитрија, актер
• Доксевски Наум, кинематограф
• Докузова Милка, архитектка
• Драгшиќ Ивана, „Плоштад Слобода“
• Дробицки Владан, музичар, НОБ, „Сетстат“
• Дума Дина, филмска режисерка
• Дурацовски Димитрие, писател
• Ѓорѓевиќ Драгољуб
• Ѓорѓиевска Јана, 3Д-уметница
• Ѓорѓиевски Тонкин Ненад, музичар и ликовен уметник
• Ѓурковска-Каеска Весна, блогерка
• Евтимов Синиша, режисер МНТ, музичар
• Ефремова Инес, ликовна уметница
• Жерносвки Велимир, ликовен уметник
• Заревска Драгана, независна уметница
• Зафировска Зорица, ликовна уметница
• Зафировска Христина, ликовна уметница
• Зафировски Борјан, филмски режисер
• Зафировски Ѓоко, музичар, „Нема лабаво“, „Дени те чува“
• Здравеска Драгица, наставничка по англиски јазик
• Здравески Ѓоко, писател
• Здравковска-Џепароска Соња, професорка
• Змејкоски Дејан, музичар, Сусијат
• Иванов Мартин, монтажер
• Иванова Тамара, ликовна уметница
• Ивановска Ана, ликовна уметница
• Ивановска Христина, ликовна уметница
• Ивановски Дејан, архитект
• Ивановски Иван, ликовен уметник
• Игновски Павле, „Македокс“, Театар „Навигатор Цветко“
• Илиоска Викторија, кореографка и изведувачка
• Јакимовска Јана, ликовна уметница
• Јакимска Ана, режисерка
• Јанев Марко, ликовен уметник
• Јаневски Ѓорѓи, културен работник
• Јаниќиевиќ Срѓан, режисер
• Јанковска Матеја МЈ, актерка
• Јанковски Владимир, писател
• Јанчевски Владимир, историчар на уметност
• Јанчовски Тихомир, писател
• Јаќоски Слободан
• Јованова Ива, музичарка аматер
• Јовановиќ Доријан, музичар, „Стринг форсис“, „Чалгија саунд систем“
• Јовановиќ Ѓорѓе, ликовен уметник
• Јовановска Ана, визуелна уметница
• Јовановски Филип, Факултет за работи што не се учат
• Јолдевски Ненад, писател
• Јордановска Бранкица, ликовна уметница
• Јорданоски Мартин, актер
• Јосифовска Дуфне Марта, костимографка
• Јосифовски Оливер, „Љубојна бенд“
• Јусуф Сара, актерка
• Кајевски Славиша, актер
• Карахасан Амир, ликовен уметник
• Карахасан Самир, ликовен уметник
• Караѓозовски Филип, архитект
• Караџовски Христијан, кинематограф
• Качакова Виолета, „Локомотива“ – центар за нови иницијативи во уметноста и културата
• Кирковски Бојан, актер
• Климоска Сара, актерка
• Коалиција „Маргини“ – Скопје
• Коцевска Ивана, балерина и кореографка, НОБ
• Коцевска Јана, „ЗГ за промоција на женската активност Тииит! Инк.“ – Скопје
• Кочовски Иван, правник
• Кнежевиќ Ана, филолог
• Крајчевска Билјана, драматург
• Крстески Ѓорѓи, ликовен уметник
• Кујача Николина, актерка, МНТ
• Куч Џано, музичар
• Лазаревска Ана, уметница
• Леловац Кристина, актерка
• Лембанов Андреј, кинематограф
• Лошкова Драгана, актерка
• Лукаш Владимир, ликовен уметник
• Љума Самир, кинематограф
• Максимова Нина, актерка
• Малеска Калина, писателка
• Манев Мартин, актер
• Маркоска-Милчин Ема, преведувачка
• Мартиновски Владимир, писател
• Милошевска Вера, „Љубојна бенд“
• Милошески Слободан, ликовен уметник
• Милчин Владимир, професор и театарски режисер
• Мирчевска Ивана, ликовна уметница
• Митевски Ненад, актер
• Митковски Оливер, актер, МНТ
• Митревски Сашо, музичар, Милко
• Михајлова Ина, графичка дизајнерка
• Мицевски Сашко Потер, монтажер
• Мицковски Ивор, новинар
• Муча Нита, историчарка на уметност и археолог
• Набаков Дарко, актер
• Набаков Раде, граѓански активист
• Најдовски Маријан, организатор
• Наумоска Касиопеја, ликовна уметница
• Нелковска Ивана, драматург
• Нешоски Доротеј, ликовен уметник
• Низамовска Бојана, група „Џун“
• Николиќ Нина, театарска режисерка
• Николовска Драгица, архитектка и фотографка
• Нихиу Гуѕим, граѓански активист
• Ничевски Миле, ликовен уметник
• Омерагиќ Дени, музичар, „Светлост“/„Палиндром“
• Павлаковиќ Ивана, актерка
• Пазарџиевска-Ристовска Елена, архитектка
• Панзов Златко, преведувач
• Пармаковска Фросина, писателка
• Пејовски Александар, композитор
• Пејовски Даријан, режисер
• Петковски Филип, магистер по кореологија
• Петрова Благица, граѓанска активистка
• Петровиќ Наташа, актерка
• Петровиќ Раша, филмски режисер
• Петрушевска-Јакимовска Весна, пијанистка во пензија
• Пировска Уранија, Хелсиншки комитет за човекови права
• Плачкова Оле, социјална работничка
• Попов Мирко, музичар, независна дискографска куќа „ПМГ рекордингс“
• Поповски Данчо, музичар, група „Џун“
• Прокопиев Илија, ликовен уметник
• Радиноска Билјана, театарска режисерка
• Ризова Дарја, актерка
• Ристевски Зоран, диџеј
• Ристеска Елена, Центар за нови иницијативи во уметноста и културата
• Ристеска Јоана, музичарка
• Ристески Никола, актер
• Ристовски Александар – Принц, музичар
• Ристовски Владимир
• Ристоска Тамара, актерка
• Рубен Виктор, продуцент
• Садику Артан, граѓански активист
• Саздов Данчо, група Џун
• Сандревски Александар, диџеј
• Синаноска Филис, музичарка
• Симонов Јордан, актер, режисер, МНТ
• Симоноска Павлина, Хелсиншки комитет за човекови права
• Симоска Сања, ликовна уметница
• Симоска Сара, архитектка
• Смилевска Марија, ликовна уметница
• Сотировска Марија, ликовна уметница
• Спасиќ Јане, театарски режисер
• Спировска Симона, актерка
• Спировски Бранислав, новинар
• Спировски Нинослав, музичар, „Светлост“
• Ставрески Ѓорче, режисер
• Стаматовска-Нешоска Ивана
• Стевовиќ Ненад, уредник и издавач („Или-или“)
• Степанулески Александар, актер
• Стефановска Инес, ликовна уметница
• Стојанов Дени, актер
• Стојанова Марија, претседателка на „Арт еквилибриум“
• Стојановиќ Милош, културен работник
• Стојановски Давор, писател
• Стојковски Марко, независен издавач, „Кран рекордс“
• Сулејман Неслихан, ликовна уметница
• Талевска Ирина, филолог
• Тасевски Филип, независен уметник, дискографска куќа „69 рекордс“
• Теодосиева Наталија, актерка
• Томиќ-Радевска Дијана, ликовна уметница
• Танурова-Тасевска Александра, новинарка
• Тануровска-Ќулафковски Билјана, доктор по драмски науки и магистер по менаџмент на култура, „Локомотива“
• Трајаноска-Ивановска Маја, преведувачка
• Трајковиќ Немања, ликовен уметник и дизајнер
• Трајковска Билјана, медија-менаџерка
• Трајковски Јане, музичар, РИБ, „Џун“
• Трујкановиќ Микица, ликовна уметница
• Ќорвезироска Оливера, писателка
• Улчар Исток Ј, писател
• Унковски Слободан, режисер, Театар „Навигатор Цветко“
• Филиповска Мирјана, историчарка на уметност
• Филиповски Тошо, независна дискографска куќа „Корпус деликти рекордс“
• Хаџи-Стефанов Ален, „Џез ФМ“
• Хорват Магдалена, писателка
• Христов Васил, режисер
• Христов Драган, моден дизајнер
• Христовска Ѓурѓица, Театар „Навигатор Цветко“/„Локомотива“
• Цветковиќ Ирена, Коалиција „Маргини“
• Цекиќ Анета, професорка
• Црвенковска Билјана, писателка
• Чалоски Јане, ликовен уметник
• Чочова Ели, ликовна уметница
• Џокиќ Владимир, рапер
• Шалдева Теа, музичарка, „Галатеа“
• Шапков Иван, ликовен уметник
• Шашевски Бојан, новинар
• Шемкоски Васил, илустратор, графички дизајнер
• Шопов Иван, писател
• Шурбановски Костадин, „Канал 103“



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија

Демант до ВМРО-ДПМНЕ: „Не е точно дека министерот Филипче прикривал 20 случаи на заболени“

Објавено пред

Министерството за здравство најостро ги демантира информациите изнесени на прес-конференција на политичката партија ВМРО-ДПМНЕ поврзани со наводно прикривање на 20тина случаи на заболени од ковид-19 од страна на министерот за здравство, Венко Филипче.

Mинистерството за здравство во демантот го истакнува следново:

„ 1. Согласно податоците од Институтот за јавно здравје, на ден 2.06.2020 година е регистриран 1 позитивен случај на коронавирус во градот Штип.

Во прилог испраќаме линк за точно информирање на јавноста од дневната статистика за 02.06.2020 година што ја води Институтот за јавно здравје: https://www.iph.mk/sostojba-so-covid19-za-162020/.

Исто така, не е точна ни информацијата дека директорот на Клиничката болница во Штип, д-р Ален Ѓеорѓиев изјавил дека се регистирирани 14 нови случаи.

Бројката на хоспитализирани пациенти во болницата на0 2.06 е 14, а тоа е точно наведено во дневното соопштение на Министерството за здравство испратено до медиумите и објавено на следниот линк: http://zdravstvo.gov.mk/deneska-se-potvrdeni-76-novi-sluchai-na-kovid-19-vkupnata-brojka-na-dijagnosticirani-2391-ozdraveni-se-26-pacienti-pochina-1-lice-2/

Министерот Филипче, од првиот дијагностициран случај на ковид-19 во земјава известува точно, навремено и транспарентно. Поради тоа, не се точни обвинувањата од страна на ВМРО-ДПМНЕ во однос на статистиката со новозаразени.

2) Имено, на 02.06.2020 година, министерот Филипче на прес-конференција потенцираше дека се до почеток на прес-конференцијата се уште не се стигнати бројките од една приватна лабораторија. Подолу транскрипт од неговата изјава на прес конференцијата на споменатиот датум:

„Во однос на дневната статистика, се до почеток на прес-конференцијата сѐ уште не беа стигнати бројките од една приватна лабораторија. Во однос на тоа, дозволете да кажам дека би било добро сите да ги чекаме официјалните бројки и да нема шпекулации.“

По добивањето на бројките од приватната лабораторија, Министерството за здравство во 18:41 часот преку соопштение информираше за деталната анализа која ја најави и министерот Филипче на прес-конференцијата.

3) Во врска со Велес, вчера, Министерството за здравство во соопштението за дневна статистика испратено до медиумите информираше дека по завршување на епидемиолошките анкети 2 лица од претходниот ден регистрирани во Скопје се од Велес. Во прилог линк до соопштението: http://zdravstvo.gov.mk/deneska-se-potvrdeni-120-novi-sluchai-na-kovid-19-vkupnata-brojka-na-dijagnosticirani-2611-ozdraveni-se-16-pacienti-pochinati-se-2-lica/

Потенцираме дека во ниту еден случај министерот Филипче и Министерството за здравство не се обиделе да прикријат податоци и уште еднаш потсетуваме дека од првиот регистриран случај па досега, министерот Филипче и Министерството за здравство ја информираат точно и навремено јавноста до секој детал.

Министерството за здравство апелира да престанат да се изнесуваат неточни информации во време на вонредна состојба со коронавирус за собирање на дневно политички поени.

Стоиме на располагање и отворени сме за какво било појаснување или одговор во секое време, пред да се пласираат неточни информации во јавноста, кои внесуваат забуна, паника и се на штета на јавноста“, наведуваат од Министерството во демантот.

Прикажи повеќе...

Македонија

(Видео) Николовски: Болниците се празни, да ги почитуваме мерките за да останат празни и понатаму

Објавено пред

Здравствените работници и сите ние заеднички ја водиме оваа борба против коронавирусот, порача денеска генералниот секретар на СДСМ, Љупчо Николовски во своето обраќање преку социјалните мрежи.

„Министерот Филипче и здравствените власти уверуваат дека ситуацијата не е толку вознемирувачка, но мораме да останеме крајно внимателни и крајно одговорни, 90 проценти од новозаразените се асимптоматски, кај членови на едно семејство од 10 позитивни само еден е со симптоми. Болниците се празни и така треба и да останат“, вели Николовски.

Тој истакна дека сега е време за поголема одговорност на сите во однос на почитување на мерките и задолженијатa, но оти е потребна и постогра контрола.

„После долго време живеење со полициски час, пред извесно време добивме известување дека медицинските експерти препорачуваат олабавување на мерките. И сите бевме радосни. Очигледно постојат делови од општеството и луѓе кои мислат дека сето ова е некаква шега. Дека може слободно да си играат со сопственото и туѓото здравје. Па сите имаме родители. Сите имаме мајки, роднини и блиски кои се во години. Нели им се стега срцето при помислата дека можеби ним нема да им е ама баш ништо, но дека нивен родител може животот да го загуби од овој исклучително проблематичен вирус“, посочи Николовски.

Прикажи повеќе...

Македонија

Не се планираат рестрикции од понеделник и покрај бројките на новозаболени

Објавено пред

Не се планираат никакви рестриктивни мерки од понеделник и покрај големите бројки на новозаболени од коронавирус. Министерот за здравство Венко Филипче не најави продолжување на полицискиот час, но сепак остави резерва одлуката до недела да се смени. Сегашните мерки, карантинот за Скопје, Куманово, Тетово и Штип и полицискиот час за сите останати градови истекуваат во понеделник во пет часот.

„Засега никакви рестриктивни мерки не се планираат од понеделник, но сепак ќе почекаме до недела“, рече министерот Филипче и најави дека ќе ги анализираат новите случаи и во текот на викендот.

Тој уверува дека здравствените власти успешно се справиле и со овој, втор по ред, бран на новозаболени од коронавирусот. Тврди дека и денешната бројка од 180 нови случаи е во рамки на познатите кластери кои покажуваат дека позитивни на вирусот се 15 семејства во Скопје. Бројките, како што вели министерот Филипче, биле големи затоа што сега ги тестираат контактите на позитивните случаи за разлика од претходно кога тие беа само ставани во изолација а се тестираа само оние што пројавуваа симптоми.

„Сега ги тестираме и контактите за да ги откриеме и астимптоматските носители. Деведесет отсто од случите се асимптоматски носители на вирусот кои и не биле свесни дека го имаат“, рече министерот Филипче.

Асимптоматските носители на вирусот и големиот број заболени со лесна клиничка слика министерот тврди дека укажуваат на слабеење на вирулентноста на вирусот.

Прикажи повеќе...

Најново

Македонија4 часа

Не се планираат рестрикции од понеделник и покрај бројките на новозаболени

Не се планираат никакви рестриктивни мерки од понеделник и покрај големите бројки на новозаболени од коронавирус. Министерот за здравство Венко...

Македонија5 часа

Заболени 11 здравствени работници од ГОБ „8 Септември“

Единаесет здравствени работници од ГОБ „8 Септември“ се заболени од коронавирусот. Дополнително, новозаболени има и од Гинеколошко-акушерската клиника, соопшти министерот...

Македонија5 часа

Филипче: 90 отсто од новозаболените се асимптоматски, кластерите се под контрола

Ситуацијата е под контрола, убедува министерот за здравство Венко Филипче откако денеска земјава го достигна пикот според новозаразени. Тој не...

Македонија6 часа

Регистрирани 180 случаи на коронавирус, 109 се од Скопје

Министерството за здравство информира дека во последните 24 часа се направени 1272 тестирања, а регистрирани се 180 нови случаи на...

Македонија6 часа

Петровска: Пронајдени се снимките од кафеаната каде што беше Мицкоски

Одземен е уредот за снимање од кафеаната каде што седел лидерот на ВМРО-ДПМНЕ, Христијан Мицкоски, кога инспектори беа спречени да...

Македонија7 часа

Заев до Ахмети: Ако ДУИ условува со позицијата премиер, нема да биде дел од идната Влада

Доколку ДУИ има услов за коалиција за Влада, тогаш ДУИ нема да биде дел од идната Влада, порача на „Фејсбук“...

Македонија9 часа

Коронавирусот се врати во Дебар, заразена e жена која била во контакт и со медицински персонал

Градоначалникот на Дебар, Хекуран Дука, вели дека во градот се појавил еден нов случај на жител заразен со коорнавирус. Тој...

Свет9 часа

Босанец осомничен за напад на полицајци при немирите во Њујорк, се поврзува со тероризам

Џенан Камовиќ, Босанец кој живее во Америка, е осомничен дека повредил тројца полицајци во Њујорк. ФБИ сега истражува дали станува...

Топ10 часа

Паркиран камион се придвижил и удрил во две лица во Виница, жена почина на самото место

Во попладневните часови на 4 јуни кај стариот градски „Зелен пазар“ во Виница, претходно паркирано товарно возило „застава“ без регистарски...

Европа12 часа

Регионална шпанска влада осудена за негрижа кон здравствените работници

Судот во провинцијата Арагон, на истокот на Шпанија, ја осуди регионалната власт затоа што не им обезбеди на лекарите заштитен...

Свет12 часа

(Видео) Илјадници луѓе на комеморацијата за убиениот Џорџ Флојд

Илјадници луѓе присуствуваа на комеморацијата за Афроамериканецот Џорџ Флојд, кој беше убиен за време на полициско апсење во Минеаполис. Меѓу...

Регион24 часа

Семејна трагедија во Дубровник: ја застрелал мајка си во главата, а болниот татко во градите

Десетици полицајци го блокираа хрватскиот град Дубровник при обид да го лоцираат 37-годишниот маж, кој ја застрелал мајка си во...

Регион1 ден

Нови 48 случаи на коронавирус во Србија, заразени 28 лица во старски дом во Нови Сад

Уште едно лице почина од коронавирус во Србија во последните 24 часа, а потврдени се и 48 нови случаи на...

Македонија1 ден

Велешкото Обвинителство отвори предмет по повикот на Агатангел за масовно одење во верските храмови

Основното јавно обвинителство Велес отвори предмет по допрен глас по објавите во медиумите и јавното соопштение на митрополитот Агатангел и...

Топ1 ден

Пријава за охриѓанец кој со лажна полициска палка запирал возила на патот Охрид – Кичево

СВР Охрид поднесе кривична пријава против А. И. (44) од Охрид поради лажно претставување. На 15.3.2020, на социјалната мрежа „Фејсбук“,...

Македонија1 ден

Судот во Стразбур донесе пресуда во корист на Љубе Бошкоски за случајот „Кампања“

Судот во Стразбур донесе пресуда во корист на претседателот на Обединети за Македонија, Љубе Бошкоски, за случајот „Кампања“. Како што...

Македонија1 ден

Филипче: Епископот да го повлече повикот да се посетуваат верските храмови

Министерот за здравство, доц. д-р Венко Филипче, одговорајќи на новинарско прашање за повикот на епископот верниците да ги посетуваат храмовите...

Македонија1 ден

Заев: Ако Мицкоски се грижеше за здравјето на граѓаните, немаше да ги крши мерките

Ако Мицкоски се грижеше за здравјето на граѓаните, немаше да ги крши здравствените мерки, вели лидерот на СДСМ, Зоран Заев,...

Регион1 ден

Во Словенија има само девет активни случаи на коронавирус

Во Словенија во последните 24 часа се тестирани 828 лица и не се потврдени нови случаи на коронавирус, објави словенечката...

Македонија1 ден

Отфрлена кривичната пријава против кумановскиот градоначалник за непочитување на мерките за заштита

Кумановското основно јавно обвинителство донесе решение за отфрлање на кривичната пријава против градоначалникот на Куманово, Максим Димитриевски, и раководителот на...

Досие