Контакт

Македонија

Левицата: Обезбедена е поддршка за интерпелација на спикерот Талат Џафери

Објавено пред

Првичната иницијатива на двајцата пратеници на Левицата за поднесување интерпелација за работата на претседателот на Собранието на Република Македонија, Талат Џафери, наиде на голема поддршка кај македонската опозиција и таа денес е поднесена преку архивата на македонското Собрание, соопштија од Левицата.

„И покрај тоа што во катастрофалното менаџирање на внатрешната работа на Собранието на РМ може да се набројат над 30-ина прекршувања на Уставот, законите и Деловникот – сепак, поради ограничениот простор, поднесената интерпелација се однесува на три главни причини: повреда на Амандманот V од Уставот на РМ преку неупотреба на македонскиот јазик во излагањето на Џафери пред Комитетот на министрите на Европскиот парламент како единствен службен јазик во меѓународните односи на Републиката; свесно и злонамерно истиснување на македонскиот јазик од интерната употреба во парламентот преку противуставно, противзаконско и противделовничко доставување само на двојазични материјали за сите пратеници (на македонски и на албански јазик), а не само за оние пратеници што говорат друг јазик во службена употреба, различен од македонскиот; и повреда на протоколот и дополнението на протоколот за организирање седници во услови на корона-криза кога спикерот – правејќи кривично дело – дозволи двајца позитивни пратеници на Ковид-19 да гласаат во скафандери во Собранието на РМ свесно загрозувајќи им го здравјето на сите други пратеници“, е посочено во писменото соопштение од Левицата.

Од оваа партија дополнуваат дека на 2 јули правниот тим на Левицата поднел и итна иницијатива за вршење вонреден инспекциски надзор до Министерството за култура, кое е надлежно да врши контрола над правилната употреба на македонскиот јазик од страна на јавните и приватните субјекти.

Истовремено, ги повикуваат сите пратеници, и од власта и од опозицијата, да ја поддржат интерпелацијата со цел, како што напоменуваат, преку заедничко дејствување да се стави крај на самоволието на собранискиот спикер, кој во последно време, како што велат од Левицата, покажува недозволиви автократски тенденции.

Македонија

Казнети 204 возачи во Скопје, од кои 118 за брзо возење

Објавено пред

Полицијата вчера казни 204 возачи во Скопје, од кои 118 за брзо возење, соопшти Министерството за внатрешни работи.

„На територијата на Град Скопје изречени се вкупно 204 мерки, меѓу кои за возење повеќе од дозволената брзина 118 санкции, 26 за возење под дејство на алкохол, 13 за возење без возачка дозвола, шест прекршоци што ги чинат возачите на мотоцикли, седум за возач почетник“, соопшти МВР.

Од таму најавија дека засилените акциски сообраќајни контроли продолжуваат.

Прикажи повеќе...

Македонија

Сеќавање за жртвите – Скопје одбележува 58 години од катастрофалниот земјотрес

Објавено пред

Скопје денеска со повеќе активности и манифестации ќе одбележи 58 години од катастрофалниот земјотрес во 1963 година во кој 1.070 лица загинаа, а 3.000 беа повредени.

Во 10 часот пред Споменикот на жртвите од катастрофалниот земјотрес на Градските гробишта во Бутел, официјални делегации и претставници на институции ќе положат цвеќе.

Општинската организација на Црвениот крст од Кисела Вода во соработка со Институтот за трансфузиологија ја организира традиционалната крводарителска акција. Акцијата ќе почне во 9 часот и ќе трае до 17 часот, во Дневниот центар за дарување крв во Домот на хуманитарни организации „Даре Џамбаз”.

Во Музејот на Град Скопје во 19 часот ќе се одржи поетско читање на Организацијата на жени на Град Скопје, а во 20 часот ќе се отвори изложбата „Колаж на еден разурнат град”.

Во 9 часот ќе се организира „Скопска аванТУРА” – Детска едукативна прошетка низ минатото на Скопје, а почетната точка ќе биде Феудална кула кај Домот на АРМ.

Во 19 часот ќе се одржи и свеченото пуштање во употреба на новиот кеј „13 Ноември”. Ќе има и настап на Градски дувачки оркестар и изложба на отворено „Сигналитика на централното подрачје на Скопје”.

Во Национална опера и балет во 20:30 часот, како дел од 42-то издание на „Скопско лето”, ќе се одржи балетската претстава „Сви марш на плес” (Balkan Dance Project). Ќе учествуваат танчери од земјава, од Хрватска, Словенија, Босна и Херцеговина и Србија.

Кореограф е Игор Киров, драматург е Горан Головко, музиката е на „Бјело Дугме”, а светло мајстор е Амир Ахиќ. Балетскиот ансамбл го сочинуваат: Бранко Митровиќ, Јакша Филиповац, Лука Живковиќ, Енди Шротер, Емир Фејзлиќ, Мојца Мајцен, Теодора Радивојевиќ, Зулејха Кецо и Ана Кузмановиќ.

Програмата за одбележување на 26 јули ќе биде заокружена со централниот настан во 21 часот во Градскиот парк, каде што ќе се одржи концерт на Филхармонија и „Архангел”, насловен „Филхармонија и Архангел за Скопје”.

Како дел од активностите на кандидатурата на Град Скопје за „Европска престолнина на културата за 2028 година”, назначени се две локации за легални ѕидови за слободно користење од уличните уметници за пишување и цртање графити, сликање мурали, тагови,… Локациите се потпорниот ѕид на улицата „Војвода Васил Чакаларов” („Адолф Циборовски”) по „Реплек”, како и ѕидовите од двете страни на булевар „Гоце Делчев” под поранешна Стоковна куќа „Мост”, денес Универзитет на Југоисточна Европа.

Легалните ѕидови ќе бидат означени со табли со кои се потврдува слободата и безбедноста за нивно користење за креативен израз од страна на уличните уметници. Легалните ѕидови ќе бидат назначени и слободни за користење денеска, на Денот на солидарноста како сеќавање на катастрофалниот земјотрес во Скопје.

Акцијата за цртање графити се организираше викендов, во соработка со Младинскиот културен центар.

Катастрофалниот земјотрес во Скопје се случи на 26 јули 1963 година во пет часот и 17 минути, а помали потреси имаше до пет часот и 43 минути. Беа урнати 15.800 станови, а оштетени 28.000. Над 200.000 луѓе остана без покрив над глава.

Од трагедијата на Скопје целиот свет беше вознемирен и ангажиран. Меѓународниот Црвен крст упати апел до сите национални организации да организираат исхрана за скопските деца. Интерпарламентарната унија упати препорака до сите парламенти и влади да помогнат во обновата на градот. Хуманитарните организации во многу земји пристапија кон собирање помош за Скопје. Така Скопје стана град на меѓународна солидарност.

Обединетите нации веднаш по катастрофата презедоа активности за плански и долгорочно да му се помогне на разурнатиот град. Во времето кога екипи стручњаци на ОН почнаа да пристигнуваат во Скопје, во седиштето на меѓународната организација беше речено дека Скопје ќе биде споменик на човечката солидарност. На 23 септември 1963 година 35 земји побараа Генералното собрание да стави на дневен ред од своето заседание точка за преземање мерки по повод земјотресот во Скопје. По четири дена, на 27 септември, Генералното собрание и даде приоритет на меѓународната акција за давање помош на Скопје.

На 14 октомври, по двочасовна дискусија, Генералното собрание на Обединетите нации едногласно усвои Резолуција за давање помош на југословенската влада при реконструкцијата на Скопје. Во Резолуцијата се изразува жалење по повод големата катастрофа. Во дебатата за давање помош на Скопје, Генералното собрание го ислуша излагањето на претставници од над 20 земји од сите континенти. Тој ден остана во аналите на Обединетите нации како ден на Скопје.

Прикажи повеќе...

Македонија

Почнува вакцинирањето во домашни услови

Објавено пред

Од денеска граѓаните кои поради здравствени причини не се во можност да дојдат на вакцинален пункт за да примаат вакцина за Ковид-19 може да закажат вакцинирање во домашни услови.

Закажувањето е преку директно јавување во здравствените домови, а може да се направи и директно со пријавување на пунктовите за вакцинација.

Министерството за здравство ги објави броевите на кои може да се закаже вакцинацијата со домашна посета:

Здравствен дом Берово – 077 865 827 закажување од 12 до 14 часот;

Здравствен дом Битола – 075 263 886 закажување од 17 до 18 часот;

Здравствен дом Валандово – 078 453 381 закажување од 11 до 13 часот;

Здравствен дом Вевчани – 078 436 932 закажување од 13 до 14 часот;

Здравствен дом Велес – 078 222 257 закажување од 13 до 14 часот;

Здравствен дом Виница – 078 217 007 закажување од 13 до 14 часот;

Здравствен дом Гостивар – 071 769 009 закажување од 13 до 14 часот;

Здравствен дом Делчево – 076 487 611 закажување од 13 до 14 часот;

Здравствен дом Демир Хисар – 075 662 469 закажување од 13 до 14 часот;

Здравствен дом Кичево – 075 613 451 закажување од 08 до 10 часот;

Здравствен дом Кратово – 078 321 038 закажување од 08 до 14 часот;

Здравствен дом Крива Паланка – 076 311 120 закажување од 09 до 11 часот;

Здравствен дом Крушево – 078 315 487 закажување од 12 до 13 часот;

Здравствен дом Куманово – 075 239 148 закажување од 08 до 13 часот;

Здравствен дом Македонски Брод – 045 274 151 закажување од 10 до 15 часот;

Здравствен дом Неготино – 072 270 402 закажување од 09 до 10 часот;

Здравствен дом Охрид- 071 366 564 закажување од 12 до 14 часот:

Здравствен дом Пехчево – 071 229 354 закажување од 12 до 13 часот;

Здравствен дом Прилеп – 078 313 625 закажување од 08 до 12 часот;

Здравствен дом Пробиштип – 071 581 719 и 071 366 186 закажување од 13 до 14 часот;

Здравствен дом Радовиш – 070 357 770,078 319 452 закажување од 13 до 14:30 часот;

Здравствен дом Ресен – 070 290 017 закажување од 12 до 14 часот;

Здравствен дом Ростуше – 078 241 071 закажување од 09 до 13 часот;

Здравствен дом Скопје – 02 3134 629 закажување од 12 до 14 часот;

Здравствен дом Свети Николе – 075 402 365 закажување од 13 до 14:30 часот;

Здравствен дом Струга – 077 665 590 , 076 243 403 закажување од 08 до 12 часот;

Здравствен дом Струмица – 034 321-380 закажување од 09 до 13 часот;

Здравствен дом Тетово – 078 330 185 закажување од 08 до 15 часот;

Здравствен дом Штип – 078 345 273 закажување од 08 до 15 часот;

Здравствен дом Македонска Каменица – 075 228 526 закажување од 13 до 14 часот;

Здравствен дом Гевгелија – 075 276 974 закажување од 10 до 12 часот;

Здравствен дом Дебар – 077 978 903 закажување од 09 до 12 часот;

Здравствен дом Кавадарци – 072 250 330, 076 218 169 закажување од 08 до 10 часот:

Здравствен дом Кочани – 078 811 604 закажување од 13 до 14 часот.

Прикажи повеќе...

Најново

Свет1 час

Фаучи: Најверојатно ќе биде потребна трета доза од вакцината

Водечкиот американски експерт за инфективни болести, Ентони Фаучи, процени дека на вакцинираните Американци чиј имунолошки систем е загрозен, може да...

Македонија2 часа

Сеќавање за жртвите – Скопје одбележува 58 години од катастрофалниот земјотрес

Скопје денеска со повеќе активности и манифестации ќе одбележи 58 години од катастрофалниот земјотрес во 1963 година во кој 1.070...

Македонија3 часа

Почнува вакцинирањето во домашни услови

Од денеска граѓаните кои поради здравствени причини не се во можност да дојдат на вакцинален пункт за да примаат вакцина...

Македонија19 часа

Охридското Езеро засега го задржува статусот на УНЕСКО

Комитетот за светско наследство на УНЕСКО на својата 44 сесија, која се одржува во Фуџу, Кина, донесе одлука Природното и...

Регион20 часа

Возачот на косовскиот автобус признал дека задремал зад воланот, загина и неговиот колега

Хрватската полиција го уапси возачот на косовскиот автобус кој денеска излета од автопатот кај Славонски Брод, Хрватска. Најмалку 10 лица...

Македонија22 часа

МНР купи електрични тротинети за вработените, набавката била дел од проектот „Зелена дипломатија – новото нормално“

Министерот за надворешни работи, Бујар Османи, ги промовираше електричните тротинети, набавени за користење од страна на вработените во министерството, образложувајќи...

Свет1 ден

(Видео) Невреме повторно ја погоди Белгија, поплавата носеше возила

Силно невреме повторно ја погоди Белгија и предизвика штета, десет дена по поплавите во кои загинаа 36 лица. Возилата во...

Македонија1 ден

Скопје добива легални ѕидови за слободно користење на уличните уметници

Како дел од активностите на кандидатурата на Град Скопје за „Европска престолнина на културата за 2028 година“, назначени се две...

Македонија1 ден

Мал процент на граѓани се заразиле со Ковид по две дози вакцина, од утре вакцинација и дома

Само 0,02 отсто од македонските граѓани се заразиле со коронавирус по вакцинацијата. Конкретно, од вкупно 330.320 граѓани со примени две...

Македонија1 ден

Гужви на Богородица и Табановце, за влез и излез во државата се чека и до 45 минути

Големо раздвижување на граничните премини има утрово. Автомотосојузот на Македонија соопшти дека на граничните премини Богородица и Табановце задржувањето за...

Македонија2 дена

Силно сме спротивставени на корупцијата, велат од Владата по извештајот на Стејт Департментот

Силно сме спротивставени на корупцијата – за разлика од претходната, оваа Влада сериозно ги зема предвид и постапува по меѓународните...

Македонија2 дена

Заев: Во првиот круг секој ќе настапи со свој кандидат, а во вториот ќе коалицираме со ДУИ, БЕСА и ДПА

Бидејќи сме коалициони партнери со ДУИ, БЕСА и со ДПА, заедно ќе настапиме за локалните избори, изјави премиерот и претседател...

Македонија2 дена

Регистрирани 37 нови случаи на коронавирус, најмногу во Тетово и Скопје

Во последните 24 часа се направени 4.264 тестирања, а регистрирани се 37 нови случаи на Ковид-19: Тетово – 13, Скопје...

Свет2 дена

(Видео) Илјадници луѓе излегоа на протест во Австралија поради карантинот

Илјадници луѓе се собраа денес во Сиднеј и другите австралиски градови во знак на протест против воведените рестриктивни мерки поради...

Македонија2 дена

Од понеделник почнува вакцинирање во домашни услови

Министерството за здравство ја информира јавноста дека од понеделник граѓаните кои поради здравствени причини не се во можност да дојдат...

Македонија2 дена

Мицкоски: Советничка на Заев е предложена за член на Судски совет, ете зошто Македонија не е правна држава

Советник на Заев, финансиер на СДСМ, владин член на бордот на Телеком – Тања Чачарова Илиевска, сега е претставена за...

Европа2 дена

За исчезнати се водат 150 лица по поплавите во Германија

Во поплавите што ја зафатија западна Германија на 14. и 15 јули загинаа 180 лица, а околу 150 се уште...

Свет3 дена

ЕМА ја одобри вакцината на „Модернa“ за деца над 12 години

Вакцината против коронавирус од американскиот производител Модерна може да се инјектира и на деца и адолесценти на возраст од 12...

Македонија3 дена

Димитров: Влогот е огромен, ЕУ да нѐ третира со достоинството што го заслужуваме

Заменик-претседателот на Владата задолжен за европски прашања Никола Димитров денеска, на вториот ден од неформалниот состанок на министри за европски...

Македонија3 дена

И Катица Јанева е спроведена во „Идризово“

Поранешната специјална јавна обвинителка Катица Јанева е спроведена од домашен притвор кој го издржуваше во Гевгелија во затворот „Идризово“, каде...

Досие