Контакт

Македонија

Македонски и бугарски научници: Постигнувањето согласност не треба да се одвива под притисок

Објавено пред

Македонски и бугарски научници упатија заедничко писмо до премиерите на Северна Македонија и Бугарија, Зоран Заев и Бојко Борисов, шефовите на дипломатиите на двете држави, Екатерина Захариева и Бујар Османи, и вицепремиерот за европски прашања на РСМ, Никола Димитров.

Потписници на писмото се Катерина Колозова (Скопје), Александар Везенков (Софија), Љупчо Петковски (Скопје), Стефан Дечев (Софија), Здравко Савески (Скопје), Чавдар Маринов (Софија), Димитар Бечев (Оксфорд).

Во продолжение целото писмо.

 

„Почитувани госпоѓи и господа,

Ние, претставници на хуманистичките и општествените науки од двете држави, се обраќаме до вас во овој важен момент, кога во влог е поставено пријателството и добрососедството меѓу нашите две земји и два народа. Се плашиме дека фокусирањето на процесот на преговори врз проблемите од минатото породува нереалистични очекувања и крие огромни ризици.

Проблемот е што целиот сегашен спор околу историските прашања произлегува од застарените и многу ограничени сфаќања за националниот идентитет како нешто вечно и неменливо, а за националната историја – како нешто свето. При така составената мешовита историска комисија исто така се произведува еден модел од минатото: претставниците на двете национални историографии ги бранат и се обидуваат да ги наложат утврдените интерпретации во својата сопствена земја.

Меѓутоа, современите хуманистички и општествени науки сите нации ги разгледуваат како конструирани, па дури и буквално „вештачки”, а националните истории – како интелектуални конструкти, како само еден од начините на кој може да се осмисли минатото. Исто така, загрижувачки е преку преговори меѓу две држави да се бара согласност за само една историска вистина. Современата историографија уште одамна го има прифатено постоењето на различни интерпретации, како резултат на различни перспективи. Ние живееме во плуралистички општества и работиме во академска средина, која го прифаќа плурализмот на интерпретациите (вклучително и на интерпретациите на минатото) како нешто нормално.

Поради сите тие причини се обраќаме до вас со повик за кооперативност околу актуелните проблеми, а што се однесува до споровите и разликите околу историските прашања доволно би било создавањето на атмосфера поотворена за дијалог. Досегашната работа на мешовитата историска комисија покажува дека е можно постигнувањето согласност дури и за најтешките прашања за нашите две земји, но тоа е долг процес и не треба да се поставуваат нереалистично кратки рокови. При тоа тој процес не треба да се одвива под притисок, којшто би ги дискредитирал постигнатите компромиси и согласности. Секој наратив за националното минато подлежи на преобмислување и преоценување, но тоа треба да се случува во слободни академски и општествени дискусии“, се наведува во писмото.

Македонија

Николовски на средба со градоначалниците од СДСМ: Важен е развојот на општините

Објавено пред

Генералниот секретар на СДСМ, Љупчо Николовски синоќа одржа одржа онлајн состанок, редовна координација со градоначалниците од редовите на СДСМ.

На состанокот беше разговарано за работата на градоначалниците, степенот на реализација на програмите за работа на општините, меѓуопштинската соработка, локалниот економски рзвој, како и реализација на проектите поддржани со Ребалансот на Буџетот за 2020 година.

Генералниот секретар Николовски изрази задоволство што и во време на панедмијата, единиците на локалната самоуправа, како што рече, продолжуваат посветено да работат во интерес на граѓаните, преку реализација на крупни и важни мерки и проекти.

Николовски се осврна и на поддршката од Владата преку финансирање на капитални проекти во општините, а како последен пример го наведе одвојувањето средсства преку ребаланс на Буџетот, наменети за финансирање на капитални локални проекти.

„Развојот на општините е важен, особено сега во време на коронакриза. Затоа, со ребалансот на Буџетот за 2020 година Владата предводена од СДСМ пренамени 120,6 милиони денари, средства за финансирање на капитални проекти на десеттина општини. Овие средства се распределуваат за реализација капитални проекти во општините Штип, Тетово, Крива Паланка, Кочани, Прилеп, Охрид, Карпош, Центар Жупа, Валандово, Дојран, Демир Капија, Градско. Со ова покажуваме дека Владата препознава и поддржува квалитетни и важни проекти за граѓаните на локално ниво, но истовремено и испраќа порака, градоначалниците, заедно со Советите, со стручните служби во општините да бидат уште повеќе посветени на изработка на издржани и квалитетни проекти кои ќе бидат поддржани од државниот буџет“, порача Николовски.

Тој ја потенцираше и важноста на општините во справувањето со пандемијата со коронавирусот, додавајќи дека во периодот што следува, ќе се помогнат општинските кризни штабови со цел зголемување на нивните капацитети и оперативност.

Со промените на дејствување на СДСМ, во тек е мерит систем на функционирање каде се мониторира и оценува работата на сите функционери на СДСМ, меѓу кои и градоначалниците и ги повика уште повеќе да работат за интересите на своите сограѓани.

„Во периодот што следи уште повеќе посветено да работите, да бидете сервис и партнер на ваѓите сограѓани. Нашата мисија е постојано да им служиме на граѓаните и од тоа отстапка нема“, заклучи Николовски.

Прикажи повеќе...

Македонија

Без вода делови на Центар

Објавено пред

Од ЈП „Водовод“ информираат дека најавениот прекин во водоснабдувањето на ул.Роза Луксембург бр. 19 (за 25.11.2020 среда), односно санацијата на дефектот, се одложува за утрешниот ден (26.11.2020, четврток).

Поради уличен дефект на цевка со пречник од ф 80 мм на ул. Роза Луксембург помеѓу бр.17 и 19, прекинато водоснабдување ќе имаат корисниците од ул. Роза Луксембург, дел од „Петар Поп Арсов“, дел од „9 Мај“, дел од „Христо Смирненски“, дел од „Митрополит Т. Гологанов“, дел од „Костурски херои“, дел од „Борка Талевски“ и дел од „Диме Аницин“ во периодот од 9 часот до санирање на дефектот (општина Центар).

Прикажи повеќе...

Македонија

Мицкоски повика на предупредувачки протест за одбрана на македонските црвени линии

Објавено пред

Лидерот на ВМРО-ДПМНЕ, Христијан Мицкоски, преку социјалните мрежи повика на натпартиски протест за одбрана на црвените линии во преговорите со Бугарија, кои како што вели, се последниот бедем на нашиот идентитет.

„Утре во 18 часот, од СЦ Борис Трајковски до Влада. Протестот, поради запазување на здравјето поради коронакризата, ќе биде со автомобили. Овде не се работи за партии, овде се работи за Македонија, за Илинден и АСНОМ, за она што сме и она што сакаме да останеме“, порача претседателот на опозициската партија.

Протест сега, за да не биде предоцна!
Ако нашите дедовци од 1941 до 1944 година се бореле против „администрација” како…

Posted by Hristijan Mickoski on Среда, 25 ноември 2020

Според него, Македонија е за пријателство, но пријателството значи взаемно почитување.

„Ако нема почитување, нема да се разбереме. Да не бидеме неми, да бидеме гласни пред да биде предоцна“, повикува Мицкоски.

„Нашата слобода е дело на народната борба против окупаторот, со многу жртви, падови и победи. АСНОМ е вториот Илинден, а Народноослободителната борба е дел од европската борба за слободни народи“, додава тој.

Прикажи повеќе...

Најново

Македонија11 час

Мицкоски повика на предупредувачки протест за одбрана на македонските црвени линии

Лидерот на ВМРО-ДПМНЕ, Христијан Мицкоски, преку социјалните мрежи повика на натпартиски протест за одбрана на црвените линии во преговорите со...

Македонија11 час

1.288 новозаразени од Ковид-19, починаа 39 лица

Министерството за здравство информира дека во последните 24 часа се направени 3.349 тестирања, а регистрирани се 1.288 нови случаи на...

Македонија13 часа

Кај Тумбе Кафе има околу 10.000 гранати од Првата светска војна, уништувањето ќе почне во декември

Дирекцијата за заштита и спасување (ДЗС) соопшти дека во декември ќе започне уништувањето на неексплодираните гранати од Првата светска војна...

Свет13 часа

Кинески експерти тврдат дека коронавирусот не потекнува од Кина

Кинескиот државен весник „Пиполс дејли“ тврди, повикувајќи се на изјави на кинески експерти, дека коронавирусот не потекнува од Вухан, град...

Меѓународен14 часа

Почина Диего Армандо Марадона

Легендарниот аргентински фудбалер, Диего Армандо Марадона (60) почина од срцев удар во родната земја, јавуваат тамошните медиуми. Легендарниот фудбалер починал...

Македонија17 часа

Заев: Бугарија не е фашистичка земја, туку наш пријател

Бугарија не е фашистичка земја, таа е наш пријател, вели претседателот на Владата, Зоран Заев, во интервју за бугарската новинска...

Македонија19 часа

Судот го опомена Бојан Јовановски, одбиено е барањето за изземање на судијката

Претседателот на Кривичниот суд, Иван Џолев, го одби барањето на обвинетиот Бојан Јовановски за изземање на судијката Софче Гаврилова-Ефремова од...

Македонија19 часа

Се очекува зелено светло од Пендаровски за војниците од утре да почнат да ги обезбедуваат болниците

Припадниците на Армијата ќе може уште утре да бидат распределени во здравствените институции, изјави министерката за одбрана, Радмила Шекеринска. „Вчера,...

Култура20 часа

Eкипата на „Медена земја“ тврди: На Атиџе ѝ обезбедивме дом, храна и лекови – здружението „Бекирлија“ и донациите ќе бидат затворени

Екипата на „Медена земја“ реагира по тврдењата што се појавија во јавноста дека Атиџе Муратова е заборавена од сите, без...

Европа21 час

(Видео) Автомобил удри во оградата на канцеларијата на Меркел

Автомобил управуван од непознато лице удрил во оградата на канцеларијата на германската канцеларка Ангела Меркел во Берлин. Деталите за оваа...

Свет21 час

Сингапур го искорени коронавирусот

Некогаш имаше најголема стапка на Ковид-19 во Југоисточна Азија, но кога во вторникот пријави 14 дена без нови локални случаи,...

Македонија22 часа

Во ковид-центрите во Скопје за 24 часа хоспитализирани 39 пациенти, слободни уште 20-ина места

Во изминатите 24 часа во ковид-центрите во Скопје хоспитализрани се 39 нови пациенти поради компликации од коронавирусот. Вкупно 486 лица...

Македонија22 часа

(Видео) Пендаровски: Пандемијата покажа дека домот не е најбезбедно место за многу жени и деца

Претседателот на државата, Стево Пендаровски, се вклучи во глобалната кампања „16 дена активизам против родово базирано насилство“ на Обединетите нации,...

Регион22 часа

Од денес стапува во сила полициски час во Црна Гора

Во Црна Гора од денес угостителските и услужните објекти ќе работат од 7 до 18 часот, а забраната за напуштање...

Европа22 часа

Финцитe мајстори во борбата против коронавирусот

Финска, со население од нешто помалку од 6 милиони жители, е една од земјите што најдобро се справуваат со пандемијата...

Свет22 часа

Трамп ќе го помилува поранешниот советник за безбедност, кој го лажеше ФБИ

Американскиот претседател, Доналд Трамп, планира да го помилува поранешниот советник за национална безбедност Мајкл Флин, кој во 2017 година призна...

Свет23 часа

Бајден: Сè уште не сум разговарал со Трамп

Новоизбраниот американски претседател, Џо Бајден, изјави дека сè уште не разговарал со актуелниот претседател Доналд Трамп. Бајден во првото интервју...

Свет23 часа

Макрон најави попуштање на мерките

Франција следниот викенд ќе почне со олабавување на мерките против ширењето на коронавирусот за до Божик продавниците, театрите и кината...

Свет23 часа

Австралија ги ублажува мерките, со денови нема нови заразени

Австралиската федерална држава Нов Јужен Велс ќе ги олесни ограничувањата за физичка дистанца и ќе ги отстрани условите за компаниите...

Свет24 часа

Голем метеж на аеродромите и во центрите за тестирање во САД во пресрет на Денот на благодарноста

Метежот на аеродромите и редиците пред центрите за тестирање покажуваат дека многу Американци планираат да го прослават Денот на благодарноста...

Досие