Македонија

Макрадули: Aна Петровска е меѓу авторите на студијата за гасоводот на Водно

Објавено пред

1 недела

- 11 октомври, 2021

Од

Јани Макрадули кој вчера беше посочен од кандидатката за градоначалник на Град Скопје, Ана Петровска, дека тој го водел проектот за гасовод на Водно, реагира дека е непријатно изненаден од нејзиниот коментар со кој, како што вели, таа ја префрла одговорноста.

Макрадули на својот фејсбук-профил ја објави Студијата за оцена на влијанието врз животната средина на проектот Гасовод на Водно од 2011 година, каде посочува дека Петровска е еден од авторите.

„Иако не сум дел од кандидатите на овие локални избори, ја следам кампањата и непријатно ме изненади еден коментар на кандидат за градоначаник на град Скопје, г-ѓа Петровска, каде префрлува одговорност на погрешна адреса.

Имено, Ана Петровска е една од авторките на Студијата за оцена на влијанието врз животната средина на проектот за Национален гасификационен систем во Република Македонија Делница 5 Скопје-Гостивар-Кичево (Гасоводот на Водно) од 2011 година.

Студија направена во 2011 во многу тишина и зад очите на јавноста.

За таа траса, одобрена и препорачана од Петровска, дека не влијае штетно на природата, граѓанските организации реагираа, а во координирана акција на неколку владини институции во 2018-та година:

Од првичниот проект, направена е измена на трасата, и со тоа за 70% се намали должината каде се сечеа дрвца.

Невладините организации имаа увид во комплетната документација на проектот, затоа впрочем и учествуваа во процесот на измените кои се направија за намалување на влијанието врз животната средина (стеснувањето на трасата и промената на 4км од дел од трасата со што се избегна високостеблеста шума).

Со цел надоместување на штетата со исечени дрва, Владата донесе заклучоци со кои се предвидоа серија активности за рекултивација и пошумување на парк шума Водно, согласно предлозите на граѓанските здруженија.

Затоа Петровска не може да избега од нејзиното дело во 2011-та година“, напиша Макрадули на „Фејсбук“.

Кандидатката за градоначалник на Скопје, Ана Петровска, вчера негираше дека има некаква поврзаност со гасоводот на Водно, додавајќи дека проектот во тој период го водел токму Макрадули.

©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Поврзани Артикли:

Следно

Петровска претстави решение за проблемот со депонијата Вардариште

Претходно

Шилегов по повод 11 Октомври: Нема никому да дозволиме да ја чепне нашата држава

Македонија

Познато како ќе изгледа составот на новиот Совет на Град Скопје

Објавено пред

3 часа

- 18 октомври, 2021

Од

Макфакс

Претседателот на Државната изборна комисија, Александар Даштевски, соопшти дека во Советот на Град Скопје, ВМРО-ДПМНЕ со 78.538 гласа ќе има 17 советници, СДСМ со 52.431 глас има 12 советници, ДУИ со 26.338 гласа има 6 советници, Левица со 20.070 гласови има 4 советници, ЛДП и ДОМ со 9.152 гласа имаaт 2 советника, Алијанса за Албанците и Алтернатива имаат 11.447 гласови и исто така 2 советника, колку што доби и независната листа на Зелен хуман град со 9.062 гласа.

Во делот на градоначалник за Скопје, Петре Шилегов има 77.852 гласа и оди во втор круг со Данела Арсовска која освоила 85.657 гласови, соопшти Даштевски.

Прикажи повеќе...

Македонија

По првиот круг градоначалници се избрани во 34 општини

Објавено пред

4 часа

- 18 октомври, 2021

Од

Макфакс

По првиот круг од локалните избори што се одржа вчера, избрани се градоначалници во 34 општини, покажуваат првичните податоци на Државната изборна комисија.

Во првиот круг кандидатите на ВМРО-ДПМНЕ победиле во 22 општини, на СДСМ во девет, на ДУИ во три.

Сега течат роковите за приговори, а конечните резултати за 80 општини и Град Скопје ќе бидат објавени по завршување на постапката за приговори.

Првиот круг од локалните избори во општините Центар Жупа и Маврово Ростуше ќе се повтори, затоа што не излегле потребните 33 отсто од регистрираните избирачи.

Во вториот круг во најголем дел од општините ќе се избира меѓу кандидатите на СДСМ и ВМРО-ДПМНЕ, додека во седум општини трката ќе биде меѓу кандидати на Алијанса за Албанците и ДУИ. Во две општини во вториот круг се кандидати на ДУИ и БЕСА…

Втор круг за две недели ќе има во 46 општини и во Градот Скопје.

Прикажи повеќе...

Македонија

ДИК: Арсовска освои 7.805 гласа повеќе од Шилегов во првиот круг

Објавено пред

4 часа

- 18 октомври, 2021

Од

Макфакс

Според податоците што вечерва ги соопшти претседателот на Државната изборна комисија (ДИК), Александар Даштевски, скопјани во вториот круг за челник на градот ќе избираат меѓу независната кандидатка поддржана од ВМРО-ДПМНЕ, Данела Арсовска, и кандидатот на СДСМ и досегашен градоначалник, Петре Шилегов.

„За градоначалник на град Скопје, под број 12 коалицијата ‘Најдоброто за мојата општина’, предводена од СДСМ, има 77.852 гласа и оди во втор круг со Петре Шилегов. Данела Арсовска во вториот круг оди со 85.657 гласа“, соопшти Даштевски.

Врз основа на бројките што ги изнесе претседателот на ДИК, разликата меѓу двата кандидата по првиот круг е 7.805 гласа.

Прикажи повеќе...