Македонија
Маргини: Луѓето не заминуваат оти се откажале од формирање семејства, туку зашто државата се откажала од нив
Коалицијата Маргини ја осудува изјавата на премиерот Христијан Мицкоски дека „време е за држава каде што ќе се раѓаат повеќе деца, младите ќе стапуваат во брак, а оние кои што се отселени ќе се вратат“.
Според нив, ова претставува редефинирање на државата како биополитички проект, во кој државноста се мери преку способноста да се дисциплинира телото, да се контролира приватноста и да се одреди кој живот вреди.
„Наместо признание на одговорност, добиваме најава на морален императив, што репродуцира политички цинизам и наводна загриженост што го продолжува насилството врз сите што не се вклопуваат во моделот на „добрата“ држава. За да го наметне падот на наталитетот како најголема закана, Мицкоски ја користи демографијата како алатка за дефокус и релативизирање на дневните трагедии, додека жртвите, болката и гневот што го одбележуваат нашето секојдневие ги сведува на „драматични вести“ што го вознемируваат неговото премиерско спокојство!
Во земја каде што една третина од жените се невработени, каде жени умираат при породување и нивните органи се крадат, каде самохраните мајки се оставени без поддршка, каде ЛГБТИ луѓето, како и сите што живеат надвор од хетеронормативниот модел, немаат ниту елементарно признание и правна можност за градење заедници, каде што сиромаштијата е структурна состојба, а пристапот до труд селективен, исклучувачки и непредвидлив – да се зборува за зголемување на наталитет како политички хоризонт, а не како резултат на веќе постојна нееднаквост, е политичко лицемерие кое не само што не нуди решение, туку го засилува проблемот.
Најавите за даночни санкции за немажени и неженети лица, е познат механизам за статистичко бришење на сиромаштијата и за казнување на оние што не се вклопуваат. Ако животот е прескап, одговорот не е да се смени формулата што го покажува тоа, туку да се промени состојбата што го предизвикува.
Мицкоски нуди логика во која сиромаштијата и животот надвор од конзервативниот фетиш за нуклеарното семејство се повод за вина, поради која овие луѓе треба да се покорат или прилагодат – во име на апстрактен морал што ги негира нивните конкретни животи.
Самохраните родител(к)и, лезбејките, геј луѓето, транс лицата, сите вонбрачни, нерегистрирани, непризнати, невидливи форми на живот во ваквата визија избришани од политичката замисла што признава само еден модел: бракот како доказ за нормалност, мајчинството како услов за признание, и семејството како алатка на државна репродукција. Во оваа примарно фашистичка, и подоцна општо авторитарна политика, жената не постои надвор од улогата на мајка, а детето не постои ако е родено „надвор од бракот“..
Кога дури и официјалните податоци покажуваат дека масовната миграција е резултат на долгорочна економска несигурност, корупција, непотизам и институционален колапс – состојби што актуелната власт не само што не ги решила, туку активно ги одржува – премиерот бесрамно тврди дека ќе „живееме со повеќе срце“ ако се мажиме, раѓаме и се враќаме дома. Во држава каде што срцевите заболувања се водечка причина за смрт, каде што загадениот воздух го прави секое вдишување ризик, каде што здравствениот систем е нефункционален, а телото се третира како трошок – апелот на Мицкоски не звучи како повик на живот, туку како замаглување на неправдата што го одбива истиот тој живот.
Уште повеќе, тој зборува и како да не е премиер. Како да не е политички наследник на практики што ни ја цементирале сегашната демографската криза. Како да страда од Пинокио-синдром, Мицкоски се претставува како некој кој дури сега, конечно се освестува и станува „вистинско момче“, па и ја презема државата „во свои раце“, како досега да немал никаква улога и одговорност. Со овој јазичен маневар прави целен обид за бришење на политичката одговорност и за претставување на веќе постојната состојба како нешто што тукушто почнува и што допрва треба да се решава, со што е јасно дека нема никаква намера вистински да се погрижи за проблемот.
Оттука, повеќе од јасно е дека луѓето не заминуваат затоа што се откажале од потребата да создаваат заедници и семејства, туку затоа што државата одамна се откажала од нив!
Поврзувањето на достоинственото живеење со послушноста кон бракот и репродукцијата не е политичка визија, туку биоморален диктат што ја префрла вината врз поединецот и ги поништува условите што државата одбива да ги гарантира“, велат од коалицијата „Маргини“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Гори помеѓу индустриската зона „Бунарџик“ и рафинеријата „Окта“: силниот ветер и искри од жици предизвикаа пожари на повеќе локации во Скопје и Куманово
Поради ветер кој го зафати подрaчјето на Општина Куманово и Град Скопје на повеќе локации од искрење на жици предизвикни се пожари, соопшти ЦУК.
„Во Општина Куманово и Општина Старо Нагоричане се пријавени пожари во с.Романовце, Агино Село, Табановце, Шупњи Камен, Младо Нагоричане, Стрновац“, според информацијата на ЦУК.
Во Скопскиот регион, се пријавени пожари помеѓу Индустриската зона „Бунарџик“ и рафинеријата „Окта“.
Македонија
Студентскиот дом “Кузман Јосифовски Питу” не е “под клуч” туку се реновира, велат од ВМРО-ДПМНЕ
Студентскиот дом “Кузман Јосифовски Питу” не е “под клуч” туку се реновира, нешто што 7 години беше научна фантастика. Најгласни се оние кои не успеаја да заковаат ниту една шајка во домовите. Дури четири претходни министри од времето на СДС не реконструираа ниту еден прозор во домовите, а сега им пречи што двата дома нема да бидат готови до октомври, туку до декември, реагираат од Унијата на млади сили на ВМРО-ДПМНЕ откако од СДСМ обвинија дека наместо реновирање, ВМРО-ДПМНЕ го остави студентскиот дом под клуч.
„Владата предводена од ВМРО–ДПМНЕ ја започна реконструкцијата на студентските домови. Како што и беше најавено двата во Скопје – Стив и Кузман ќе се реконструираат до крајот на календарската година, по што во нив преку конкурс ќе се сместат студенти.
Важно е што Владата обезбеди и неповратен грант од 5,5 милиони евра од ЕУ со што буџетот за реконструкција на домовите се зголеми на над 30 милиони евра. Годинава е зголемени и буџетот за студентскиот стандард за 6 милиони евра, односно за 18% споредбено со лани, кога буџетот го креираше Владата на СДС“.
Според нив, новата Влада предводена од ВМРО-ДПМНЕ, има слух за младите и прифати 10-тина барања на студентите.
„Наместо да молчат за егзодусот што го направија во изминатите 7 години во кои има 17 илјади ученици и 7 илјади студенти помалку, тие бесрамно се појавуваат во медиуми и кажуваат нови лаги“, им порачуваат владите од ВМРО-ДПМНЕ на СДММ.
Македонија
Напредок во преговорите за пругата која се гради еден и пол век: тунелот да биде заеднички проект со Бугарија, а да го плати ЕУ
Вчерашната средба во Брисел за пругата кон Бугарија која се гради повеќе од еден и пол век, премиерот Христијан Мицкоски ја оцени како исклучително успешна. Од ваквите средби тој очекува не само договор за продолжување на пругата која е дел од Коридорот 8, туку и финансиска поддршка од ЕУ.
„Очекувам ние да ја завршиме пругата од Коридорот 8 од Крива Паланка до влезот во тунелот. Од излезот на тунелот до приклучувањето со постојната пруга, тоа се некои два-три километри, треба да се направи проект и тоа да го реализира Бугарија како држава, вклучително и модернизација на целокупната пруга од Ѓуешево до Софија, а тунелот да биде заеднички проект кој ќе биде финансиран од страна на Европската Унија. Ова се отприлика концептите кон кои треба да конвергира решението. Јас сум задоволен што покажуваме дека можеме да изградиме консензус кога станува збор за заедничкиот интерес“, рече денес премиерот Христијан Мицкоски одговарајќи на новинарски прашања во Владата.
По осуммесечна пауза вчера во Брисел продолжија преговорите за железничкиот Коридор 8, а утрово Министерството за транспорт извести дека ги договориле чекорите за следните месеци и ги идентиикувале приоритетите меѓу кои е и повторно објавување на тендерот за работите на железничкиот дел помеѓу Крива Паланка и влезот на прекуграничниот тунел до крајот на 2025 година.
На состанокот беа државниот секретар во Министерството за транспорт на Македонија, Стефан Волкановски, директорот на ЈП „Железници –инратсруктура“, Синиша Ивановски, заменик-министерот за транспорт и врски на Бугарија, Љубен Нанов, а состанокот го организираше Валентина Суперти, директорка за Западен Балкан во Директоратот за проширување и Источно соседство.
Македонската и бугарската страна се договориле да формираат работни групи кои до крајот на овој месец ќе го финализираат текстот на меѓувладиниот договор со цел да се утврдат конкретните обврски на двете страни за техничките, финансиските, градежните и оперативните аспекти.
Од Министерството за транспорт и врски соопштија дека очекуваат договорот да биде потпишан оваа есен, градежните работи да почнат на почетокот на 2026 година, а тунелот да се гради по техничкиот проект поднесен од нашата земја.
За една година значително се смени ставот на Владата предводена од Христијан Мицкоски за изградбата на железничката пруга кон Бугарија. Лани, веднаш по доаѓањето на власт премиерот Мицкоски и министерот за транспорт и врски, Александар Николоски, ја уверуваа јавноста дека парите наменети за изградба на железничката пруга треба да се пренаменат за реализација на некој друг проект оти „би било лудо да се сложиме како Влада на проект којшто завршува на пола тунел во слепа улица и да потрошиме половина милијарда евра народни пари“.
Гори помеѓу индустриската зона „Бунарџик“ и рафинеријата „Окта“: силниот ветер и искри од жици предизвикаа пожари на повеќе локации во Скопје и Куманово
Поради ветер кој го зафати подрaчјето на Општина Куманово и Град Скопје на повеќе локации од искрење на жици предизвикни...
Напредок во преговорите за пругата која се гради еден и пол век: тунелот да биде заеднички проект со Бугарија, а да го плати ЕУ
Вчерашната средба во Брисел за пругата кон Бугарија која се гради повеќе од еден и пол век, премиерот Христијан Мицкоски...
Уапсен еден од убијците на припадникот на АРМ во Батинци, обвинителството поведе истрага за двајца соизвршители
Основното јавно обвинителство Скопје денеска поведе истрага против две лица за кои постои основано сомнение дека како соизвршители сториле кривично...
Продолжен рокот за ангажирање на 400 пожарникари: „Има силен инетерес“
Владата соопшти дека рокот за пријавување на јавниот повик за ангажирање 400 пожарникари низ државата е продолжен до 23 јули...
Горат шуми и ниска вегетација во Велес, Македонски Брод и Василево
Во моментот на територијата на државата активни се вкупно три пожари, информираше Надица Вчкова во име на Главниот штаб за...
Партијата Левица поднесе предлог-закон за заштита на името ВМРО, Мицевски вели дека е нарачано од круговите што работат против идентитетот
Пратеникот и лидер на партијата Левица, Димитар Апасиев, на својата фејсбук страница објави дека пратеничката група на Левица во Собранието...
Штекли доставил психијатриско мислење дека не е способен да го следи судењето, рочиштето одложено за август
Почетокот на судскиот процес против Раде Трајковски, познат како Штекли, и уште девет лица обвинети за организирана трговија со дрога...
Уапсена докторка од Битола поради примање поткуп
Вчера, полициски службеници од СВР Битола, во координација со Јавно обвинителство Битола, ја лишија од слобода И. Д. (67) од...
Народниот правобранител Зибери замина во пензија
Народниот правобранител Насер Зибери на 12 јули 2025 година ги исполни условите за старосна пензија, со што му престанува функцијата,...
Загина 16-годишно момче од Охрид: со мопед излетал од пат и удрил во метален столб
Денеска во 01.40 часот во СВР Охрид е пријавено дека, на регионалниот пат Охрид-Св.Наум, на потегот помеѓу населбата Рача и...
Три лица извлечени од морето во разни делови на Грција: меѓу нив и српски државјанин
Три лица, меѓу кои и еден српски државјанин, беа извлечени во несвест од морето во различни делови на Грција, соопшти...
(Видео) Американците: Историска заплена на иранско оружје наменето за Хутите
Американската војска објави дека Националните сили на отпорот (NRF) на Јемен, предводени од генералот Тарек Салех, успешно пресретнале и заплениле...
(Видео) Земјотрес со јачина од 7,3 степени ја погоди Алјаска, издадено предупредување за цунами
Земјотрес со магнитуда од 7,3 степени по Рихтеровата скала го погоди брегот на Алјаска. Геолошкиот завод на Соединетите Американски Држави...
Почувствуван земјотрес во Скопје и околината
Телеметриската сеизмолошка мрежа на Република Северна Македонија, на сеизмолошките станици инсталирани ширум нашата територија, одржувани од Сеизмолошката опсерваторија при Природно-математичкиот...
(Видео) Еруптираше вулкан во Исланд, евакуирана е позната туристичка дестинација
Впечатлива сцена од оган, чад и блескава лава беше снимена денес во југозападен Исланд, каде што еруптираше вулкан на полуостровот...
Американски сенатор до Путин: „Што по 50 дена? Нека му се јави на ајатолахот и нека го праша“
Американскиот сенатор Линдзи Греам го поддржа рокот од 50 дена што Доналд Трамп му го даде на Владимир Путин да...
Сообраќајот на патниот правец Битола – Граничен премин „Меџитлија” е нормализиран
Сообраќајот на патниот правец Битола – Граничен премин „Меџитлија” е нормализиран, извести АМСМ. Од 16 часот, на регионалниот пат Р-1101...
Докторка затекната при примање поткуп во битолска болница: најостра осуда од Министерството за здравство
Министерството за здравство најостро го осудува секој облик на коруптивно однесување во здравствениот систем. Во врска со случајот во ЈЗУ...
Незгода на патниот правец Битола – Прилеп: сообраќајот во прекин за тешки моторни возила, патничките се пропуштаат наизменично
Од 15:45 часот поради вршење на увид на сообраќајна незгода на магистрален пат А-3 Битола – Државна граница Маџитлија кај...
Во земјава има 200.000 дивоградби, предничи Гостивар, вели Меџити и повикува институциите да делуваат, но не селективно
Сегашниот вицепремиер и министер за животна средина, Изет Меџити, кој 12 години беше градоначалник на Општина Чаир, повика институциите да...
