Контакт

Македонија

Мартин Протоѓер се спаси од кривичен прогон за „Талир“

Објавено пред

Поранешниот шеф на кабинетот на експремиерот Никола Груевски, и ексгенерален секретар на ВМРО-ДПМНЕ, Мартин Протоѓер, се спаси од кривичен прогон во предметот „Талир“, дознава „Макфакс“ од обвинението кое е доставено до кривичниот суд во Скопје. За него кривичното дело има апсолутна застареност и не може кривично да се гони.

Протоѓер во периодот од 2009 до 2012 година, како овластен потписник на редовната жиро-сметка на партијата, иако не смеел, пуштал во натамошен оптек пари кои биле уплаќани од фалш ПП10 уплатници, како донации и членарини.

„Мартин Протоѓер, за кого гонењето е застарено, иако бил должен и можел да знае дека парите потекнуваат од кривично дело, како овластен потписник на редовната жиро-сметка на обвинетото правно лице – политичката партија ВМРО-ДПМНЕ со потпишување на налози, паричните средства кои потекнувале од кривично дело во вкупен износ од 20.550.000 денари ги пуштил во натамошен оптек“, пишува во дел од обвинението.

Протоѓер е обвинет во предметот „Титаник“ за злосторничко здружување, злоупотреба на средствата за финансирање на изборната кампања и повреда на слободата на определување на избирачите.

Груевски пред да избега за Унгарија избегнувал да го прими известувањето за завршена истрага

Експремиерот Никола Груевски, пред да избега за Унгарија одбегнувал да го прими известувањето на специјалното јавно обвинителство за предметот „Талир“ дека истрагата е завршена, пишува во обвинителниот акт испратен до кривичниот суд.

Во предлогот на обвинението со кој СЈО побара притвор за Груевски пишува: „Иако обвинетиот Никола Груевски се јави на поканата на ова Јавно обвинителство и даде своја одбрана, сепак одбегнуваше да го прими известувањето за завршена истрага. Ова произлегува од доставниците во кои се констатирани обидите да му биде врачено известувањето, како и од неговата пасивност во однос на подигање на известувањето, за што исто така беше уредно известен“.

Кирил Божиновски во Владата ги притискал газдите на фирмите да дадат кеш за партијата

Во едниот обвинителен акт за предметот „Талир“, пишува дека Груевски во име на политичката партија ВМРО-ДПМНЕ прибирал финансиски средства во готовина од анонимни извори и од правни лица кои по пат на договор вршеле јавни услуги за државни органи, за јавни установи или претпријатија и кои согласно членот 20 од Законот за финансирање на политички партии не можеле да бидат финансиери на политичка партија.

„На состаноците Кирил Божиновски како тогашен генерален секретар на Владата, во неговите работни канцеларии ги повикувал претставниците на правните лица кои по пат на договор вршеле јавни услуги за државни органи, за единици на локална самоуправа или за јавни установи или претпријатија, на дел од кои состаноци во текот на 2013 година бил присутен и обвинетиот Миле Јанакиески и на кои состаноци на претставниците на фирмите им вршеле притисок да дадат пари во кеш како противуслуга за добиените договори за јавни набавки и реализиран профит“, пишува во обвинението.

Парите во готовина кои потекнувале од анонимни извори, Никола Груевски не ги уплатил во Буџетот на РМ, а паричните средства во готовина кои потекнувале од правни лица, кои по пат на договор вршеле јавни услуги за државни органи, за единици на локална самоуправа или за јавни установи или претпријатија како противправен извор на финансирање на политичките партии, не ги вратил на лицата од кои ги добивал, како што имал законска обврска да постапи.

Во обвинението пишува дека Груевски овозможил користење и располагање со готовината која потекнувала од анонимните и противправни извори на финансирање со што прибавил незаконски средства за финансирање на обвинетото правно лице – политичката партија ВМРО-ДПМНЕ во значителен износ од најмалку 283.432.656 денари или приближно 4,6 милиони евра.

Обвинетите Миле Јанакиески и Елизабета Чингаровска организирале во генералниот секретаријат и во месните организации на ВМРО-ДПМНЕ да бидат изготвувани фалсификувани исправи ПП10 уплатници, кои содржеле невистинити податоци, како да станува збор за лични донации или членарини на лицата наведени во ПП10 уплатниците, по што парите биле уплаќани на редовната жиро-сметка на ВМРО-ДПМНЕ како да се донации и членарини и како уплатата да ја вршат лицата наведени во уплатниците.

Досега во кривичниот суд за „Талир“ од адвокатите на обвинетите стигнале 5 приговори за двете обвиненија. СЈО само за едниот предмет има над 350 страници доказен материјал. Штом помине законскиот рок од 8 дена откако сите обвинети ќе добијат доставница дека примиле обвинение, тројца судии од скопска единица ќе треба да го оценат обвинението, по што треба да биде закажано првото судско рочиште.

СЈО поднесе две обвиненија за случајот „Талир“. Едното обвинение е за нелегално финансирање на ВМРО-ДПМНЕ, а другото за незаконската изградба на седиштето на партијата. Според истражувањето на „Макфакс“, од сите 69 имотни листови, кои сега се под мраз, партијата располага со делови од 90 куќи, 21 дуќан, 26 стана, 17 градежни земјишта, 15 деловни простории, 36 земјишта под зграда, 7 дворови, една нива, односно над 30 илјади квадратни метри имот во 28 града во земјата.

Македонија

Заев во Тетово: Владата заседава во 10 региони за одблиску да го слушне гласот на граѓаните

Објавено пред

Премиерот Зоран Заев во изјава за медиумите пред одржувањето на редовната 165. седница на Владата во Тетово, истакна дека организацијата на серијата од 10 седници во десет региони, има за цел да биде слушнат гласот на граѓаните за да бидат утврдени нивните потреби и во тоа име да се креираат приоритетите на политиките.

„Владата вечерва во полн состав, својата редовна 165. седница ќе ја одржи во зградата на Општина Тетово. Ова е втората, од утврдените седници што во наредниот период, еднаш месечно, ќе се одржуваат во десет различни региони во државата“, објасни Заев.

На седницата како гости учествуваат и градоначалниците од регионот, поточно од општините Тетово, Гостивар, Јегуновце, Врапчиште, Боговиње, Брвеница, Теарце и Желино.

„Ги поканивме градоначалниците за овие општини за да ги добиеме информациите од интерес на граѓаните од нивните заедници од прва рака и согласно тоа да ги димензионираме нашите идни политики и одлуките за проекти кои може да се реализираат заедно со централната власт“, посочи премиерот и додаде дека во текот на денот, во пресрет на седницата, министрите имале повеќе теренски активности со цел одблиску да се запознаат со проблемите и идеите на граѓаните од овој регион.

Прикажи повеќе...

Македонија

(Видео) Спасовски изврши увид во работата на граничниот премин Јажинце и СВР Тетово

Објавено пред

Министерот за внатрешни работи, Оливер Спасовски, денеска ги посети граничниот премин Јажинце и Секторот за внатрешни работи Тетово, а оствари и работна средба со градоначалникот на општина Брвеница, Енвер Пајазити, како и со нејзините жители.

Како што информираат од ресорното министерство, при посетата на Полициската станица за гранични работи Јажинце и во СВР Тетово, министерот Спасовски бил запознат со актуелните состојби, за обемот и квалитетот на работа, но и за постигнувањата и очекуваните резултати.

„Министерот беше информиран дека ГП Јажинце месечно го минуваат меѓу 5.000 до 7.000 домашни и странски патници, а годинава таа бројка, заклучно со октомври, изнесува вкупно 577.856 лица кои го минале овој граничен премин, што говори за релативно зголемен проток на луѓе и стоки надвор и во нашата држава“, се истакнува во соопштението за посетата.

На Спасовски му биле презентирани и состојбите во разни области од криминалитетот.

„Процентот на откривање на кривичните дела изнесува 71 во однос на вкупниот број евидентирани кривични дела, за период од почетокот на годинава, заклучно со крајот на месец октомври, што претставува респектабилна бројка, споредбено со истиот период лани. Од вкупно евидентираните 1.564 кривични дела, за 1.070 сторители се поднесени соодветни пријави“, истакнале на средбата одговорните лица.

Министерот, пак, ги нагласил напорите што актуелното раководство ги прави во сферата на подобрување на материјално-техничките и социјални услови за работа на полицајците.

Прикажи повеќе...

Македонија

Арменд Арслани од ДУИ e нов заменик-министер за здравство

Објавено пред

Со 62 гласа „за“ и 17 „против“, Собранието го назначи Арменд Арслани од ДУИ за нов заменик-министер за здравство.

Арслани е специјализант по урологија на Медицинскиот факултет при УКИМ, а претходно работел како доктор по општа медина во Специјализираната болница за нефрологија во Струга.

На функцијата доаѓа на местото на Асим Муса, кој поднесе оставка по скандалот со земање мито.

Пратениците од опозициската ВМРО-ДПМНЕ обвинија дека не треба нов заменик-министер за здравство, туку нов министер за здравство.

Според нив, работата на Венко Филипче е скандалозна и на сите анкети граѓаните се незадоволни од тоа што тој го има направено.

Прикажи повеќе...

Најново

Македонија8 часа

Заев во Тетово: Владата заседава во 10 региони за одблиску да го слушне гласот на граѓаните

Премиерот Зоран Заев во изјава за медиумите пред одржувањето на редовната 165. седница на Владата во Тетово, истакна дека организацијата...

Регион8 часа

Рама: Приштина ја загрозува надворешната политика на Албанија

Албанскиот премиер Еди Рама изјави дека политичарите во Приштина, спротивставувајќи се на заедничката иницијатива за создавање на балканскиот мини шенген,...

Регион11 час

Црна Гора не го прифаќа предлогот за мини шенген

Министерката за економија на Црна Гора, Драгица Секулиќ, во понеделникот рече дека приклучувањето кон иницијативата мини шенген за балканските држави...

Европа11 час

Зелено светло за 13 нови одбранбени проекти на ЕУ

Владите на ЕУ дадоа зелено светло за 13 нови одбранбени проекти насочени кон развој на поголема воена моќ независна од...

Македонија14 часа

Холандија го ратификува протоколот за НАТО

Холандскиот сенат попладнево го ратификува протоколот за пристапување на Северна Македонија во НАТО, соопшти министерот за надворешни работи, Никола Димитров....

Економија15 часа

(Видео) За борба против аерозагадувањето предвидени 1,6 милион евра во буџетот за 2020

Растот на платите и пензиите, растот на вработеноста, намалувањето на невработеноста и големата социјална заштита на ранливите категории в година...

Македонија15 часа

(Видео) Пендаровски: Макрон ми кажа дека никогаш немал намера да ни нуди алтернатива

Претседателот Стево Пендаровски, денеска во Париз оствари средба со претседателот на Франција, Емануел Макрон. На средбата беа разменети мислења за...

Македонија17 часа

Ешерихија коли пронајдена во повеќе бунари, извори и чешми во Скопско

Од ЈЗУ Центар за јавно здравје – Скопје известуваат дека е пронајдена ешерихија коли и други бактерии во повеќе бунари,...

Топ19 часа

Загина пешак на патот Крива Паланка – Куманово

Шеесет и седумгодишен маж од кривопаланечкото село Градец почина кога вчера во него удри автомобил на магистралниот пат Крива Паланка...

Македонија19 часа

Владата ги повлече најавените измени на Законот за јавните собири

Владата ги повлекува предлог-измените на Законот за јавните собири. Од владината прес-служба информираат дека ги слушнале забелешките на граѓанските организации за...

Македонија19 часа

Таткото на Боки 13 призна дека го тепал попот, пресуда в понеделник

Обвинетиот Миле Јовановски, татко на неформалниот сопственик на „1ТВ“, Бојан Јовановски, утрово во судот призна дека е виновен оти го...

Регион19 часа

Ердоган со нова закана: Ќе ви испратам терористи

Турскиот претседател Реџеп Таип Ердоган ја предупреди ЕУ дека неговата држава би можела да ги ослободи припадниците на Исламска држава...

Македонија21 час

Собранието ќе избира заменик-министер за здравство

На денешната седница во Собранието треба да биде избран нов заменик-министер за здравство. Владата го предлага Арменд Арслани, кој е...

Свет21 час

Џими Картер хоспитализиран поради крвавење во мозокот

Поранешниот американски претседател Џими Картер е хоспитализиран во Атланта заради крвавење во мозокот, што го предизвикало и неговото скорешно паѓање....

Регион21 час

Во Црна Гора се појави ретка болест којашто ја пренесуваат животните

Во Црна Гора се појави ретка болест којашто ја пренесуваат животните. Паразитското заболување лајшманиоза коешто го пренесуваат комарците, се појави...

Македонија1 ден

Макрон го пречека Пендаровски во Париз

Претседателот на Франција, Емануел Макрон, го пречека македонскиот претседател Стево Пендаровски во Париз. „Вечерва имав чест да присуствувам на вечерата...

Свет1 ден

(Видео) Грета Тунберг има двојничка во Русија која сака да ја исчисти планетата

Говорот на активистката Грета Тунберг (16) за климатските проблеми наиде на силен одѕив во светот. Два месеца по нејзиниот говор...

Македонија2 дена

(Видео) Постигнат е договор за зголемување на платите на здравствените работнии

Постигнат е договор за зголемување на платите на здравствените работници и соработници, почнувајќи од февруари в година. Платите на лекарите...

Економија2 дена

Горивата поскапуваат

Бензините и дизелот од ноќеска на полноќ ќе поскапат за половина и за еден денар, соопшти Регулаторната комисија за енергетика....

Македонија2 дена

Забрана за работење на компанијата што го загадуваше воздухот во Кочани

Државниот инспекторат за животна средина го забрани работењето на компанијата што учествуваше во загадувањето на воздухот во Кочани. Инспекторатот на...

Досие