Контакт

Македонија

МЗ: Уште еден безуспешен обид на Мицкоски да го компромитира процесот на набавка на вакцини

Објавено пред

Исплатите кои Министерство за здравство ги врши се транспарентни и објавени на страницата на отворени финансии. Toa што Христијан Мицкоски, лидерот на ВМРО ДПМНЕ денеска, го споделил пред медиумите, претставувајќи го како афера, или документ до кој дошол, е достапен податок на секој граѓанин кој би ја отворил страницата на open.finance.gov.mk

„Министерството за здравство уште од самиот почеток за време на водење на преговорите, набавката и текот на испорака на вакцините, транспаренто ги информира граѓаните за целиот процес. За законитоста на целиот процес, говори самиот факт што договорите, како и плаќањата на сите набавени вакцини поминуваат на затворена седница на Влада. Ова доволно кажува колку процесот за купување вакцини е законски, без никакви недоследности или, пак, провизии кои ги измислува ВМРО ДПМНЕ. Колку за потсетување на јавноста, ВМРО ДПМНЕ во март пласираше фалсификуван документ, тврдејќи дека Министерството за здравство на 21 јануари, платило 12,5 милиони евра за набавка на вакцини, а денеска со документ испечатен од сајтот на отворени финасии каде се сите исплати на МЗ тврди дека Министерството во февруари платило 7,8 милиони евра за вакцини. Многу непрецизно за еден прецизен математичар како што милува да каже за себе претседателот на ВМРО ДПМНЕ, Мицкоски“, соопшти Министерството за здравство.

Оттаму додаваат дека многу пати досега информирале дека клучен сегмент од договорите за набавка на вакцините против Ковид-19 е тоа што секоја држава па и нашата се обврзува на доверливост на склучените договори и примените информации. Сумите за набавка на вакцините против Ковид-19 се деловна тајна на производителите и нашата земја се обврзува да го почитува тоа, бидејќи во спротивно нема да бидеме во можност да купиме вакцини, наведуваат од министерството.

„Убедени сме дека манипулативните политики на Христијан Мицкоски и ВМРО ДПМНЕ имаат една единствена цел да фрлат дамка на еден транспарентен процес и се обидуваат да наштетат на процесот на имунизација. Партијата на Мицкоски во серијата измислици и за вакцините набавени преку  механизмот ‘Ковакс’ ги лажеа граѓаните дека биле донации. Темите за прес-конференции на ВМРО ДПМНЕ сè повеќе се трошат. Жалиме што ВМРО ДПМНЕ не се радува што во нашата земја непречено се одвива процесот на имунизација. Жалиме што на Мицкоски и неговата ВМРО ДПМНЕ им пречат насемани лица на граѓани задоволни од третманот од здравствените работници во вакциналните пунктови. Вчера во нашата земја стигна нова пратка вакцини купени во директни преговори со производителот ‘Фајзер’, секој нареден понеделник ќе стигнува нова пратка. Минатата недела во земјава стигнаа 200.000 вакцини од производителот ‘Синофарм’ кои МЗ ги купи со директни преговори. Тоа се фактите, тоа не се измислени фалсификувани афери, тоа што го работи МЗ, се гледа и граѓаните го чувствуваат тоа“, појаснуваат од министерството.



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија

Османи: Зголемена е активноста на ЕУ за почеток на преговорите, но исходот е непредвидлив

Објавено пред

Се забележува една невообичаена зголемена активност од сите земји членки за Македонија да ги почне преговорите со ЕУ, истакна министерот за надворешни работи Бујар Османи, додавајќи дека, сепак, не може да каже точно каков ќе биде исходот од самитот на ЕУ и дали ќе ги почнеме преговорите со Унијата, бидејќи присутни се разликите со Бугарија.

„Ја слушнавме позицијата на Макрон и другите лидери. Прашањето за овој регион се сведува на Северна Македонија. Ако не се одговори позитивно, се создава сомнеж во регионот за проширувањето на ЕУ“, вели Османи.

Тој потенцира дека Владата и на билатерална основа комуницира со Бугарија, а дипломатите на двете држави се обидуваат да ја организираат втората меѓувладина комисија и да го договорат акцискиот план, ако биде изнајден договор.

Единствениот предлог на маса, како што рече Османи, е португалскиот, за којшто Владата смета дека е добра основа за решение. Предлогот предвидува мониторинг од страна на ЕУ на имплементацијата на Договорот за пријателство од 2017 преку патоказ којшто има јасни рокови и институции одговорни за имплементација, а којшто ќе биде мониториран во рамки на Советот за асоцијација и стабилизација, што се одржува еднаш годишно. Секој заклучок од Советот мора да биде одобрен со консензус од сите земји членки, објасни Османи.

„Владата не бега од обврските за исполнување на Договорот за добрососедство и без ЕУ мониторинг. Сепак, доколку тоа значи повеќе доверба на Бугарија дека имплементацијата ќе биде одржлива, тогаш Советот за асоцијација и стабилизација е добро решение“, рече Османи.

Прикажи повеќе...

Македонија

Попова Шапка доби едукативен центар и соларни еко-зони за одмор во две бачила

Објавено пред

Во манастирскиот комплекс на Попова Шапка викендов се отвори информативно – едукативниот центар, прв од ваков вид во регионот.

Информативно – едукативниот центар е лоциран во срцето на Ски-центарот „Попава Шапка“, во близина на манастирскиот комплекс. Целта на едукативното катче е да обезбеди информации за сите посетители за историјата, флората и дивиот свет на Шар Планина, информации и едукација за различни активности и можности за спорт на планина, вклучувајќи патеки за пешачење и велосипедизам, скијање, алтернативни форми на туризмот во текот на целата година, безбедносни протоколи, капацитети за сместување и услуги. Исто така, Центарот нуди простор за организирана посета на поголеми групи, основци, средношколци и студенти. Во Центарот, посетителите ќе најдат разновидна печатена, фото и видео документација за Попова Шапка, а на располагање на посетителите е водич кој ќе може да им ја објасни на посетителите содржината на едукативниот агол. Центарот е отворен за сите посетители бесплатно. Едукативниот центар е прилагоден на околината и опкружувањето и е изграден од природни материјали, изолација и сопствен извор на електрична енергија, преку инсталација на фотоволтаични панели. Центарот е опремен со предавална, пулт, дрвени штандови, места за напојување со електрична енергија, простор за одмор на отворено, ТВ, компјутер, проектор.

Покрај информативно-едукативниот центар, викендов беа пуштени во употреба и двете еко-зони опремени со фотоволтаични панели и простор со маси и клупи за одмор. Овие еко-зони за одмор се наоѓаат на високо-планински терен, по должината на познатата “High Scardus Trail” патека и се сместени во Бачило„ Извори на р.Пена” и Бачило „Грагор –Љуботен“. Еко-зоните во бачилата им овозможуваат на планинарите и посетителите: место за одмор, пристап до електрична енергија за полнење на своите уреди, топли пијалоци, дегустација на традиционална храна (сирење, качамак, ајвар, домашен леб). Исто така, поставени се информативни табли во Ски-центарот „Попова Шапка“ и на локациите со детални информации за посетителите за Еко-зоните.

Целта на проектот е подобрување на атракциско – мотивирачките фактори на Попова Шапка ио регионот, да се создаде дополнителна туристичка понуда на Шар Планина во „отворен простор“, со цел да се зголеми интересот за посета на планините во ситуација на пандемија, да ги ублажи негативните економски последици од кризата КОВИД-19 и да придонесе за зголемена еластичност и одржливост на секторот за планински туризам во прекуграничниот регион Шара. Овој проект ќе придонесе за подобрување на туристичката инфраструктура, овозможувајќи подолго користење на дигитални уреди и еколошко снабдување со електрична енергија.

Се очекува поинтензивна соработка помеѓу бројни засегнати страни и зголемување на нивните приходи. Информативно -едукативниот корнер ќе овозможи подобра промоција на постоечките маркирани велосипедски патеки, потоа на „High Scardus Trail“ патеката, можностите на Шар Планина и понудите од засегнатите страни. Дополнително, таканаречените „еко зони“ ќе ја промовираат традиционалната храна и ќе создадат зголемен приход и зголемено производство од неа. И за крај, но не и најмалку важно, ќе бидат обезбедени подобри услови за посетители на различна возраст, чиј број се очекува да се зголеми.

Проектот е реализиран од Здружението Планинарски клуб „Шара-Ски“ – Тетово, поддржан од Проектот за поддршка на економската диверзификација на руралните области во Југоисточна Европа (СЕДРА), по налог на Сојузното Министерство за економска соработка и развој (БМЗ) и спроведено од Германското друштво за интернационална соработка (ГИЗ).

Прикажи повеќе...

Македонија

Регистрирани 21 нов случај на коронавирус, почина едно лице

Објавено пред

Денеска се регистрирани 21 нов случај на Ковид-19, оздравени се 7 пациенти, а пријавенo е едно починатo лицe.

Во последните 24 часа се направени 4.370 тестирања, а регистриран е 21 нов случај на Ковид-19 од: Кичево – 6, Скопје и Тетово – по 4, Прилеп – 2, Битола, Велес, Дебар, Куманово и Охрид- по 1.

Регистрирани се 7 оздравени пациенти од: Скопје – 4, Кичево – 2 и Струмица – 1.

Пријавено е 1 починато лице: од Куманово (72г), во болнички услови.

Направени се 4.370 тестови преку: ИЈЗ-124, ЦЈЗ Скопје-59, ЦЈЗ Битола-85, ЦЈЗ Прилеп-61, ЦЈЗ Тетово–30, ЦЈЗ Куманово–86, Клиника за инфективни болести и фебрилни состојби-0, Судска медицина-7, лабораторија болница Козле-0, УК Пулмологија со алергологија 5, ГОБ 8-ми Септември-10, Институт за микробиологија–0, МАНУ-69, Жан Митрев (Филип Втори)-277, Авицена-339, Биотек-777, Систина-137, лабораторија Лаор-461, Синлаб-114, Ремедика-133, Плодност–106, Генеа–122, Никоб лаб-706, ВФВ Медикал-18, ЈЗУ и ПЗУ (рапид тест) – вкупно 644.

Досега во земјата се направени вкупно 831.031 тестирања на Ковид-19.

Вкупната бројка на Ковид-дијагностицирани лица во нашата земја од почетокот на епидемијата изнесува 155.528, бројката на оздравени пациенти е 149.619, на починати е 5.471, а бројот на активни случаи изнесува 438.

Според епидемиолошки анализи во моментов, дистрибуцијата по градови е следна:
Скопје 68608, Активни 189
Куманово 8868, Активни 53
Прилеп 8318, Активни 33
Тетово 7230, Активни 27
Битола 6304, Активни 18
Велес 5470, Активни 3
Гостивар 5180, Активни 15
Кавадарци 5153, Активни 0
Охрид 5010, Активни 18
Штип 4959, Активни 2
Струмица 4113, Активни 6
Струга 2981, Активни 4
Кочани 2791, Активни 4
Кичево 2577, Активни 25
Гевгелија 2195, Активни 3
Неготино 2184, Активни 4
Свети Николе 1523, Активни 2
Ресен 1234, Активни 1
Крива Паланка 1222, Активни 2
Радовиш 1161, Активни 7
Берово 1029, Активни 0
Делчево 972, Активни 4
Дебар 941, Активни 2
Виница 886, Активни 5
Пробиштип 789, Активни 0
Валандово 666, Активни 1
Богданци 494, Активни 0
Крушево 490, Активни 1
Демир Хисар 400, Активни 3
Демир Капија 396, Активни 0
Кратово 376, Активни 3
Македонски Брод 359, Активни 1
Пехчево 268 0
Македонска Каменица 249, Активни 2
Дојран 132, Активни 0

Прикажи повеќе...

Најново

Македонија13 минути

Османи: Зголемена е активноста на ЕУ за почеток на преговорите, но исходот е непредвидлив

Се забележува една невообичаена зголемена активност од сите земји членки за Македонија да ги почне преговорите со ЕУ, истакна министерот...

Македонија2 часа

Регистрирани 21 нов случај на коронавирус, почина едно лице

Денеска се регистрирани 21 нов случај на Ковид-19, оздравени се 7 пациенти, а пријавенo е едно починатo лицe. Во последните...

Македонија2 часа

Заев отвори канцеларија за директни средби со граѓаните во Струмица

Претседателот на Владата, Зоран Заев, денеска во Струмица ја отвори Канцеларијата за непосреден контакт со граѓаните. Од Владата велат дека...

Македонија4 часа

„Кога пилите ќе стивнат“ – утре протест против сечата на дрвја

За утре со почеток во 12 часот, на улицата Орце Николов , најавен е протест против сечата на дрвја. Зад протестот...

Македонија5 часа

Средношколскиот сојуз: Училишта бараат пари од учениците за издавање на свидетелства

Сојузот на средношколците реагира дека некои училишта бараат од учениците пари за издавање на свидетелства. „Изминативе неколку денови Сојузот на...

Македонија6 часа

Македонија повеќе не е на германската листа на ризични земји

Според новите податоци, објавени од државниот германски институт „Роберт Кох“, Македонија повеќе не се смета за ризична држава од Ковид-19....

Спорт6 часа

Арнаутовиќ: Не го отпишувајте Пандев поради неговите години

Македонија и Австрија, утре ќе го одиграат првиот натпревар во Ц-групата на Европското првенство. Дуелот на двете селекции, во Букурешт,...

Спорт19 часа

Пандев со обраќање до нацијата: Генерацијата која ја обедини цела Македонија

Капитенот Горан Пандев преку Инстаграм прати порака до нацијата пред историскиот настап на Европското првенство во фудбал, во кое зборува...

Регион22 часа

Србија ја одобри вакцината на „Фајзер“ за деца од 12 до 15 години

Агенцијата за лекови и медицински помагала на Србија ја одобри вакцината на „Фајзер“ и „Бионтек“ за деца на возраст од...

Македонија23 часа

Заев – Брнз: Извршната наредба на Бајден ги штитат САД, Северна Македонија и сојузниците

Премиерот, Зоран Заев, денеска имаше средба со амбасадорката на Соединетите Американски Држави, Кејт Брнз, при што во фокусот на разговорите...

Македонија1 ден

Андоновска: Системот за вакцинирање со сериозен недостаток, ако се пријавите повеќе пати, се регистрира последното пријавување

Ако веќе еднаш сте пријавени на vakcinacija.mk не се пријавувајте повторно, затоа што се евидентира само датата на вашата последна...

Македонија1 ден

Регистрирани 20 нови случаи на Ковид-19, починале две лица

Во последните 24 часа се направени 2.885 тестирања, а регистрирани се 20 нови случаи на КОВИД-19 од: Куманово – 5,...

Македонија1 ден

Еко-активистите бараат увид во извештајот за состојбата на исечените дрвја, Богдановиќ тврди дека биле стари и суви

Еко-активистите изразија револтираност од, како што велат, масакрот на дрвјава на улицата „Орце Николов“ во Дебар Маало, направен вчера. Од...

Македонија1 ден

Македонски полицајци ќе се грижат за безбедноста на Европското фудбалско првенство

По повод Европското првенство во фудбал ЕУРО 2020, на кое првпат ќе учествува и македонската фудбалска репрезентација, Министерството за внатрешни...

Македонија1 ден

Продолжен притворот на Орце Камчев

Бизнисменот Орце Камчев останува во затворот во „Шутка“. Кривичниот совет му ја продолжи мерката за нови 30 дена. Судиите сметаат...

Македонија1 ден

САД со поддршка за почеток на преговорите на Македонија со ЕУ, без одложување

САД изразија поддршка за итен почеток на преговорите за Македонија и Албанија во ЕУ, објави портпаролот на американскиот Стејт департмент,...

Македонија1 ден

Во тек се двете трансплантации на бубрег од починатата донорка

Во моментов на Клиниката за урологија во тек се двете трансплантации на бубрег од 44-годишната пациентка која вчера беше дијагностицирана со...

Топ1 ден

Албански државјанин им дал мито на полицајците, кои во неговиот камион пронајдоа дрога вредна 200.000 евра

Албанскиот државјанин кој вчера беше фатен со голема количина дрога во камион со приколка на патот Прилеп-Градско, претходно им понудил...

Свет1 ден

Кина ја одобри вакцината на „Синофарм“ за деца постари од три години

Вакцината против Ковид-19 на кинеската компанија „Синофарм“, што ја направи Институтот за биолошки производи во Пекинг, доби одобрение за употреба...

Свет1 ден

(Видео) Бајден: Ќе донираме половина милијарда вакцини за сиромашните земји и нема да бараме против-услуга

Американскиот претседател Џо Бајден, кој најави дека САД ќе донираат половина милијарда вакцини против Ковид-19 во 92 земји кои се...

Досие