Контакт

Македонија

Милошоски: Дали Заев преку посредници ја трампал правдата за милиони евра?

Објавено пред

Дали и Вице и Зоран Заеви се ликовите во чие име зборува адвокатот Димишков, и дали адвокатот Димишков бара 6 милиони евра во име на Зоран и Вице Заеви, праша денеска Aнтонијо Милошоски од ВМРО-ДПМНЕ на прес-конференција.

Осврнувајќи се на аудио материјалите, Милошоски рече дека со нив се гледа дека адвокатот Димишков, инаку брат на судијката Весна Димишкова разговара со посредници кои што се поврзани со судските процеси кои што ги води СЈО и им нуди трампа пари за правда.

„Се зборува за огромни суми на пари со кои што еден од бизнисмените требало да биде пуштен на слобода, а се наоѓал во притвор. Ќе цитирам гласот за кој што се претпоставува дека е на адвокатот Димишков вели – „Дајте 6 милиони евра, и ќе ја завршиме работата“. Ова го тврди адвокатот Димишков, ова го нуди адвокатот Димишков, брат на судијката која што определила мерка притвор. Имајќи го во предвид разврската на случајот „Рекет“ како и низа отворени прашања на оваа тема се поставува прашањето дали адвокатот Димишков имал само лична моќ да нуди притвори, ослободувања од притвори и да бара пари за ослободувања од притвори. Или пак можеби адвокатот Димишков имал и судска моќ и политичка моќ преку одреден спонзор за да може да издејствува кому да биде одредена мерка притвор и за колку пари да биде укината таа мерка притвор“, рече Милошоски.

Тој нагласи дека се зачудени што за адвокатот Димишков и за судијката Димишкова немало истрага во Јавното Обвинителство, во најмала рака за посредување и за уцена, или изнуда на пари од лица кои што биле предмет на обвиненијата на СЈО.

„Главното прашање е дали и Вице и Зоран Заеви се ликовите во чие име зборува адвокатот Димишков, и дали адвокатот Димишков бара 6 милиони евра во име на Зоран и Вице Заеви. Дали тие се политичкиот центар на моќ каде што треба да се уплатат 6 милиони евра за да се укине одредена мерка притвор? Очигледно е дека се правени пазари со правдата. Сестрата судијка определува мерка притвор. Братот адвокат наоѓа посредници, бара пари, има центар за политичка моќ, и тие пари ги добиваат главните нарачатели на ваквите дејствија, и даваат наредба за укинување на мерката притвор“, додаде Милошоски.

Нагласи дека осудениот Бојан Јовановски во судот посочил дека рекетираните пари треба да се бараат кај семејството Заеви, па оттука се поставува прашањето дали овие 6 милиони евра кои што ги побара адвокатот Димишков исто така треба да се бараат кај Зоран и Вице Заеви.

„Ова е веќе втора индиција која што посочува дека Зоран Заев е главата на криминалниот октопод кој што ја злоупотребува политичката моќ како премиер за истовремено да биде и наредбодавач во обвинителството и наредбодавач во судството, и судските и обвинителските постапки да ги тргува за високи суми на пари. Ова најголема рекетарска шема во Република Македонија наречена „Рекет“ има и свој покровител и ние сме изненадени зошто госпоѓата Вилма Русковска не покренува до сега никаква истрага за оној за кого што има индиции дека е покровител на шемата пари за правда, а индициите упатуваат до лицето Зоран Заев“, додаде Милошоски.

Македонија

Бачев: Со највисоките три државни фукнкции треба да раководат православни Македонци

Објавено пред

Ќе ги поништиме антимакедонските договори со Грција и Бугарија и ќе направиме реален попис оти мора да се преброиме, истакна Јанко Бачев од коалицијата „Никогаш северна, само Македонија” кој денеска е во Росоман, Кавадарци и Неготино.

„Македонија ќе ја уредиме како национална држава на македонскиот народ со гарантирана положба на сите национални малцинства во државата. Службен јазик во РМ ќе биде македонскиот со неговото кирилско писмо и за таа цел се поништи и Законот за двојазичност“, рече Бачев.

Тој говореше за нивната определба највисоките три државни функции – претседател на Влада, претседател на држава, претседател на Собрание да ги водат Македонци кои се православни.

„Зошто го велам ова? Ние во 2017 имавме една поразителна ситуација во која трите државни функции не ги водеше Македонец и православен. Ѓорѓе Иванов не е Македонец а е православен, Зоран Заев е Македонец, а не е православен, Талат Џафери не е православен и не е Македонец. Од тука ние ја промовираме таа идеја како во сите нормални земји како што е денеска. Да го споменам примерот со Англија, таму нивните безбедносни сили МИ6 и МИ5 прават проверки до трето колено за кандидат за премиер кој мора да биде Британец. Значи како во сите нормални држави, посебно во монархиите ние ја застапуваме оваа идеја во иднина трите државни функции да ги води Македонец и да биде православен. Да не бидам погрешно разбран ова не е некој шовинистички излив во сите останати функции на власта можат да бидат и Турци, Албанци, Власи, Срби, Бошњаци сите останати малцинства“, рече Бачев.

Тој порача дека ова се историски избори и своевиден референдум бидејќи народот ќе каже дали ќе се зацементира бришењето на се што е македонско од оваа власт и ќе победат националните патриотски сили на Македонија кои што ќе ја вратат на изворните атомски илинденски определби.

„Ги повикувам граѓаните масовоно да гласаат за нашата колаиција. Освен стратешките определби исто така имаме предвидено 1066 мерки во социјално економската сфера. Ние ќе направиме ревизија и враќање на украденото во криминалната пост приватизација. Се сеќавате во 90-те десетина транзициски бандити го украдоа целото општествено богаство кои што години наназад го создаваа сите работни луѓе во социјализмот. ВМРО ДПМНЕ од 2006-2016 во таа пост приватизација грабежот го продолжи. Во изминативе 30 години во позиција од власт се украдени некаде околу 15 милијарди вера. Сето тоа мора да се одземе и конфискува. Ќе воведеме минимум 10 години затворска кражба за буџетски пари а сериозно размилсуваме да ја вратиме и смртната казна за сторени тешки дела против народниот имот. Ќе ги укиниме приватните извршители, исто така ќе направиме ревизија и на лихварскиот банкарски систем кој што во моментов немилосрдно го краде народот. Сето тоа се економски бројки како што спомнав во вкупна бројка од 1066“, додад Бачев.

 

Прикажи повеќе...

Македонија

Села: Казина ќе има само во хотели со пет ѕвезди

Објавено пред

Коалицијата „Сега е време“ меѓу Алијансата за Албанците и Алтернативата, одржа митинг во село Форино во Гостивар. Носителот на шестата изборна единица, исто така претседател на Алијанса за Албанците, Зиадин Села на почетокот на својот говор, објаснувајќи делови на изборната програма, се фокусираше на ограничување на коцкањето и рече дека во првите сто дена по доаѓањето на власт ќе донесат закон со што казина ќе има во хотели со пет ѕвезди.

Тој понатаму рече дека оваа коалиција не бара мандат да го затемни животот на Албанците, туку Албанците да станат слободни и достоинствени, домаќини во својот дом. Села вети дека ако оваа коалиција победи на изборите, ниту еден Албанец нема да биде загрозен заради неговата партиска припадност. Села исто така истакна дека идејата на ДУИ за албански премиер е обид за камуфлажа на дискриминација и угнетување на Албанците.

„Не можам да разберам, како сега тие можат да побараат Албанец да биде премиер? Тие се на власт 18 години и ја добија поддршката и гласовите на Албанците. Како до сега не ја остварија оваа идеја и што навистина бараат сега “, рече Села, додавајќи дека доаѓа времето на промена, со што рече, по 15 јули, Али Ахмети ќе биде слободен, затоа што досега некогаш беше заробен од страна на ВМРО, а некогаш и од СДСМ.

Барајќи поддршка на овие избори, Села истакна дека Албанците треба да гласаат за албанските кандидати, а не за списоците што се дел од, како што рече, каков било договор за коалиција што и служи на другата страна.

Шефот на изборниот штаб и генералниот секретар на партијата Арбен Таравари исто така одржа говор на митингот, изразувајќи оптимизам за победа.

„Промената што ја започна Гостивар ќе продолжи со Липково и Струга. Претседателе, ви ветувам дека во Гостивар победата над ДУИ ќе биде два спрема еден“, рече Таравари.

На присутните им се обратија и кандидатите за пратеници: Газменд Абдија, Елхоме Мемеди, Афан Елези и Халил Снопче. Откривајќи делови од програмата, тие ветија дека ќе бидат вистинскиот глас на Албанците во парламентот, создавајќи над 25.000 слободни работни места, еднаков развој на албанските и македонските региони и одржување на младите во татковината.

Прикажи повеќе...

Македонија

Македонски концепт: СДСМ ја стави на залог и ја забави интеграцијата во ЕУ, поради компромисот со криминалците од минатото

Објавено пред

Македонските концепт соопшти дека како политичка платформа на граѓански активисти се залага за законска и обврзана одговорноста за дадените политички ветувања, за казнивост и понесување казнена одговорност за политичарите и функционерите на власт, за целосно и сеопфатно владеење на правото.

„ Почитувани граѓани, СДСМ е партијата која воведе правило на неказнивост на функционери и политичари во оваа земја. Ја суспендираа правдата и не донесоа реформирано судство. Срамота е сега на овие избори да го ветуваат тоа кое не го исполнија во последниот период. СДСМ ја стави на залог и ја забави нашата интеграција во Европската Унија, токму поради компромисот што го направи со криминалците од минатото. Без тоа ќе бевме веќе започнати со преговори со Европската Унија. СДСМ мора да сноси одговорност на овие избори за забавената европска интеграција, на база на суспендираниот правен систем во земјава”, истакнува Петар Богојески.

Македонски концепт истакнува дека нејзиниот услов за формирање Влада ќе биде носење на неколку клучни закони, Закон за политички партии, Закон за пратеници волонтери и Закон за финансиска лустрација на политичарите и за понесување одговорност за неисполнети политички ветувања. Овие принципи и вредности за кои се залага Македонски концепт ќе предизвикаат демократизација на земјата и создавање Влада и Парламент кои ќе работат за доброто на граѓаните.

Прикажи повеќе...

Најново

Регион13 минути

Чедомир Јовановиќ објави фотографија од болница: Уморен сум, сè уште ми е неопходен кислород

Лидерот на српската Либерално демократска партија ЛДП, Чедомир Јовановиќ, се огласи на „Твитер“ од Клиниката за инфективни болести во Белград,...

Македонија38 минути

Петмина починати и 78 новозаболени од ковид-19 во земјата

Министерството за здравство информира дека во последните 24 часа се направени 894 тестирања, а регистрирани се 78 нови случаи на...

Македонија1 час

(Видео) Санчез: Се надевам дека по 15 јули, Северна Македонија ќе остане со проевропска Влада

Се надевам дека по изборите на 15 јули, Северна Македонија ќе продолжи со ваква проевропска Влада, Влада која ќе остане...

Регион3 часа

(Видео) И покрај забраната, Грција им дозволи влез на српските туристи кои со часови чекале на граница

Грција донесе одлука од денеска од 6 часот наутро повторно да ги затвори границите за Србија по порастот на бројот...

Топ3 часа

Притвор за двајцата скопјани што киднапираа Италијанка

Судот им определи притвор од осум дена на двајцата скопјани што киднапираа Италијанка. Тие се осомничени за кривично дело противправно...

Култура4 часа

Почина легендарниот композитор Енио Мориконе

Познатиот италијански композитор Енио Мориконе почина на 91-годишна возраст. Мориконе се смета за еден од највлијателните филмски композитори од доцните...

Македонија4 часа

Над 7.000 заразени со коронавирус во земјата

Бројот на заразени од коронавирус во земјата надмина 7.000 лица кога вчера беа регистрирани 115 новозаболени. Во моментот активни се...

Регион19 часа

Во Грција 25 новозаразени со коронавирус, осуммина се странски туристи

Грчките власти објавија дека регистрирале уште 25 заразени со коронавирус во изминатите 24 часа и дека нема смртни случаи. Од...

Регион19 часа

На изборите во Хрватска гласале 107.000 гласачи помалку од 2016 година

До попладне, околу 107.000 помалку гласачи излегоа на гласање за хрватскиот парламент отколку во 2016 година, покажуваат податоците на Државната...

Забава20 часа

Индиец со златна маска се штити од коронавирус

Индискиот бизнисмен Шанкар Курхаде рече дека платил околу 3.550 евра за златна маска направена по мерка којашто треба да го...

Свет21 час

Во поплавите во Јапонија настрадаа 16 лица, а 20 се тешко повредени

Најмалку 16 лица загинаа, а 20 се повредени и се во сериозна состојба во западниот дел на Јапонија каде обилните...

Спорт22 часа

Руски голман заврши во болница откако го удрил гром на тренинг

Иван Заборовски, голман на рускиот третолигаш Знамја Труда завршил во болница, откако го погодил гром на тренинг на тимот. Иако...

Македонија22 часа

Регистрирани 115 новозаразени и седуммина починати од Ковид-19

Министерството за здравство информира дека во последните 24 часа се направени 1.032 тестирања, а регистрирани се 115 нови случаи на...

Топ23 часа

Од куќа во Скопје украдени речиси милион евра

Скопјанец на возраст од 58 години во вечерните часови на 4 јули пријавил тешка кражба во неговиот дом. Според пријавеното,...

Македонија1 ден

Битолчаните кои претрпеле штети од поројниот дожд ќе може да аплицираат за помош од општината

По обилните врнежи од дожд, кои синоќа ја зафатија Битола и по целоноќните интервенции на терен од страна на екипите,...

Македонија1 ден

Уролог од Тетово е прв починат доктор со Ковид-19 во земјава

Министерот за здравство, Венко Филипче, на социјалните мрежи објави дека во градската болница ,,8 Септември” во Скопје, на 64 годишна...

Топ1 ден

Еден загинат и тројца ранети во пресметка со ножеви и пиштол во Батинци

Во вечерните часови на 4 јули во скопската полиција било пријавено дека во градската болница „Св. Наум Охридски“ со повреди...

Европа1 ден

Курц: Правиме сè за да спречиме ново затворање порди коронавирусот

Австрискиот канцелар Себастијан Курц истакна дека сака да спречи ново затворање на земјата, поради што е важно брзо да се...

Свет1 ден

Раперот Канје Вест најави дека влегува во претседателската трка, доби поддршка од Илон Маск

Американскиот рапер Канје Вест во саботата на „Твитер“ објави дека ќе се кандидира на претседателските избори во ноември и ќе...

Свет2 дена

СЗО: Забележан нов рекорд на новозаразени во еден ден

СЗО објави дека во последните 24 часа во светот се регистрирани 212.326 нови случаи на коронавирус, што претставува рекордно зголемување...

Досие