Македонија
(Видео) Мицкоски: Едногласно ја преименувавме коалицијата во „Обнова на Македонија“

По средбата со коалициските партнери, Мицкоски рече дека едногласно се договориле да го сменат името на коалицијата во „Обнова на Македонија“ зашто, како што рече, по многуте турбуленции што се случија изминатиот период во земјата, потребна ѝ е вистинска обнова.
„По сè што се случува во земјата веќе 3 години, добро е што договоривме датум за избори. Вечерва ги информирав коалициските партнери за темите за кои дискутиравме вчера на лидерската. Поради реалноста во која живееме, им предложив коалицијата ‘За подобра Македонија’, да се преименува во коалиција ‘Обнова на Македонија’ и тоа беше едногласно прифатено“, рече Мицкоски, кој додаде дека на Македонија ѝ е потрбна обнова по, како што нагласи, арамилакот што ѝ се случува на земјата.
„Ви ветувам расчистување на арамилакот, нови реформи во многу сегметни, враќање на правото и нулта толеранција во борбата против криминалот и корупцијата“, порача тој.
Рече дека е во преговори со други политички партии за коалирање, но дека сè уште е нејасно дали тоа ќе биде предизборно или постизборно. „Со некои од тие што преговараме се видов синоќа, а тие седеа до Зоран Заев“, рече лидерот на ВМРО-ДПМНЕ. На прашањето дали се работи за албански партии, рече дека преговараат.
Мицкоски нагласи дека предноста на ВМРО-ДПМНЕ е многу поголема од таа што ја кажувал Заев за водство на анкетите, но вели дека нивен предизвик е предноста да биде многу поголема за да имаат, како што рече, стабилно мнозинство.
„Првиот дел на состаникот беше да ги информирам што се слчуваше вчера, сега во вториот дел на средбата ќе разговараме и за други теми“, истакна лидерот на ВМРО-ДПМНЕ.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Првпат во историјата на македонското здравство направена експлантација на коски и коскени ткива од починат донор

На Клиниката за ортопедски болести рано утрово првпат во историјата на македонското здравство беше направена експлантација на коски и коскени ткива од починат донор, соопшти Министерството за здравство.
Станува збор за случајот со починатата 21-годишна девојка чие семејство одлучи да ги донира нејзините органи.
„Откако заврши експлантацијата на срцето и бубрезите, тимот лекари од клиниката експлантираше повеќе делови од коски и меки ткива кои сега веќе се презервирани во Отсекот за експлантација, презервација, складирање и трансплантација на меки и коскени ткива при ЈЗУ ЗА ТОАРИЛУЦ, Универзитетска Клиника за ортопедски болести“, се наведува во соопштението.
Веќе наредната недела е планирана апликација на еден сегмент од коска кај пациент со метастаза од карцином на бубрег, отстранет пред 12 години.
Листата на реципиенти на коски и меки ткива се пациенти коишто страдаат од коскен или мекоткивен дефект настанати како последица од тумор, траума, претходен оперативен зафат, вродени аномалии, и е исклучиво динамична и се надополнува од ден во ден.
Од МЗ велат дека ткивата од еден донатор може да го подобрат животот на над 70 други личности, а на некои од нив и да го спасат.
Македонија
Успешно извршена трансплантацијата на бубрег од починат донор

Дваесет и седумгодишен пациент на дијализа добри бубрег од почината донорка.
„Претпладнево успешно заврши првата трансплантација на бубрезите кои вчера доцна во ноќта беа експлантирани на Клиниката за урологија. Во моментов во тек е втората трансплантација кај 40 годишен пациент со хронична бубрежна болест кој исто така ќе добие бубрег од починатиот донор“, соопшти Министерството за здравство.
Благодарение на семејството на 21-годишната девојка кое ги донираше органите, до сега се спасија три животи.
Ноќеска нејзиното срце беше трансплантирано кај 22-годишно момче, а од понеделник на Клиниката за ортопедија ќе се трансплантираат коски и делови од меки ткива кај пациенти со ортопедски болести.
Македонија
Во болниците во земјава се лекуваат 1.699 пациенти со коронавирус

Вкупната бројка на пациенти позитивни и суспектни на коронавирусот кои се лекуваат на инфективните оддели во главниот град и во болниците низ земјава е 1.699 и има околу 335 празни болнички кревети, соопшти Министерството за здравство.
Во изминатите 24 часа во ковид-центрите во Скопје се хоспитализрани 69 нови пациенти поради компликации од коронавирусот, а вкупно се лекуваат 702 лица. Во изминатите 24 часа дома се пуштени 59 оздравени пациенти.
Во болниците низ земјава, пак, е пријавено дека се лекуваат вкупно 998 пациенти позитивни и суспектни на коронавирусот.
- Свет3 месеци
Поради примање мито во Кина погубен поранешен државен функционер
- Европа2 месеци
Планот за отклучување на Германија протече во медиумите, Меркел: Имаме трет бран
- Економија2 месеци
Сите брендови на Индитекс доаѓаат во „Ист гејт мол“
- Свет1 месец
(Видео) Полиција собори маж на земја пред неговото мало дете зашто немал маска
- Црна хроника3 месеци
Брат и сестра нападнати на Широк сокак
- Економија3 недели
„Оштетени штедачи“: Фирма на Игор Џамбазов зела неповратен кредит од Еуростандард банка
- Регион2 месеци
Вучиќ за ковид-пасошите: Кои сте вие да го ограничите движењето на некој што не сака да се вакцинира?
- Македонија3 недели
Ѓорчев: Мојот татко е во кома откако се вакцинираше во Ниш