Контакт

Македонија

Мицкоски: Македонија е земја со најсиромашен народ, a најбогат премиер

Објавено пред

Лидерот на ВМРО-ДПМНЕ, Христијан Мицкоски денеска беше во посета на МИК Свети Николе по која рече дека добил впечаток оти македонската економија е на колена односно дека тешко се стопанисува и тешко се остварува приход.

„Откако се власт, успеаја да ја задолжат државата за 2 милијарди евра, а назад да вратат во македонската економија нема ништо, бидејќи ако ја видете бројката на почетокот од формирањето на првата влада на СДСМ и Зоран Заев, мај 2017 и ја споредите со бројката со која што ја завршивме 2020 година ќе видиме дека БДП е ист, а задолжувањето се зголемило за цели 2 милијарди евра“, нагласи Мицкоски.

Тој посочи и дека Македонија е сиромашна земја со богат премиер.

„Ќе добиете одговор на ова прашање со едноставно споредување на богатството, еве да речеме, на семејството на францускиот претседател господинот Макрон, или пак германската канцеларка и ако го споредите со богатството на семејството на нашиот премиер, ќе добиете одговор дека семејството на нашиот премиер, е два до три пати, или пет, или десет, или сто пати би рекол побогато од семејствата на европските лидери“, рече лидерот на опозициската партија.

Нагласи и дека во Свети Николе дошол за да го поддржи сето она кое, како што кажа, македонската економија го создава како додадена вредност.

„Разговараме со вработените, поддршката ја имаат, јас секогаш ја стегам раката пред овие современи херои и патриоти кои што практично обезбедуваат егзистенција за стотица македонски семејства и наши сограѓани“, додаде Мицкоски.



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија

Повлечен e авансот за кинеските вакцини, од Министерството за здравство велат дека договорот не е откажан

Објавено пред

Министерството за здравство потврди дека го повлекло авансот што беше уплатен за набавка на кинеските вакцини од „Синофарм“. Оттука сепак наведуваат дека Договорот не е откажан.

Како што образложија од Министерството, уплатата била повлечена на барање на кинеската компанија поради усогласување на документацијата, но воопшто не станува збор за откажување на договорот и вакцините ќе пристигнат во земјава.

Македонија треба да добие 200.000 илјади вакцини од кинескиот производител „Синофарм“.

Прикажи повеќе...

Македонија

Регистрирани 305 нови случаи на Ковид-19, починаа 11 лицa

Објавено пред

Согласно податоците од Институтот за јавно здравје во последните 24 часа се направени 2.533 тестирања, а регистрирани се 305 нови случаи на Kовид-19 во: Скопје – 153, Кавадарци – 30, Куманово –22, Прилеп – 21, Тетово – 18, Неготино – 14, Охрид – 11, Гостивар и Гевгелија – по 6, Струга – 5, Штип и Битола – по 4, Ресен – 3, Велес и Делчево – по 2, Струмица, Кичево, Богданци и Демир Капија – по 1.

Регистрирани се 167 оздравени пациенти од: Скопје – 71, Прилеп –26, Велес – 10, Куманово и Струмица – по 6, Штип и Битола – по 5, Тетово и Гостивар – по 4, Кавадарци, Делчево и Кичево – по 3, Гевгелија, Богданци, Кочани, Пробиштип, Виница и Кратово – по 2, Неготино, Охрид, Ресен, Крива Паланка, Радовиш, Валандово, Крушево, Демир Хисар и Дојран – по 1.

Пријавени се вкупно 11 починати лица. Починати се по 4 пациенти од Скопје (79г,72г,67г,57г), 3 пациенти од Прилеп (79г,71,70), 2 пациенти од Гевгелија (85г,71г), и по еден пациент од Куманово (77г) и Битола (80г). Од пријавените смртни случаи сите се починати во болнички услови.

Направени се 2.533 тестови преку: ИЈЗ-553, ЦЈЗ Скопје-41, ЦЈЗ Битола-121, Клиника за инфективни болести и фебрилни состојби-3, Судска медицина -1, УК Пулмологија со алергологија –1, Жан Митрев (Филип Втори)-145, Авицена-318, Биотек-348, Систина-318, Лаор–424, Синлаб-22, ЈЗУ и ПЗУ (рапид тест) – вкупно 238.

Досега во земјата се направени вкупно 522.518 тестирања на Ковид-19.

Вкупната бројка на КОВИД-дијагностицирани лица во нашата земја од почетокот на епидемијата изнесува 102.787, бројката на оздравени пациенти е 91.233, на починати е 3.137, а бројот на активни случаи изнесува 8.417.

Според досега завршените епидемиолошки анализи во моментов дистрибуцијата по градови е следна:
Дистрибуција по градови, Заболени (вкупно), Активни случаи (вкупно)

Скопје 44972, активни 3760
Куманово 5590, активни 280
Тетово 5464, активни 291
Прилеп 5405, активни 633
Гостивар 3789, активни 151
Штип 3659, активни 123
Велес 3454, активни 262
Битола 3440, активни 185
Кавадарци 3386, активни 618
Охрид 3253, активни 436
Струмица 2713, активни 175
Струга 2414, активни 187
Кочани 1822, активни 69
Кичево 1778, активни 72
Гевгелија 1220, активни 185
Неготино 1244, активни 227
Свети Николе 1109, активни 26
Крива Паланка 835, активни 90
Ресен 813, активни 69
Дебар 794, активни 43
Радовиш 744, активни 25
Делчево 744, активни 189
Берово 642, активни 25
Пробиштип 544, активни 26
Виница 521, активни 23
Валандово 368, активни 30
Крушево 284, активни 73
Кратово 277, активни 34
Демир Хисар 266, активни 15
Богданци 275, активни 47
Македонски Брод 252, активни 7
Демир Капија 242, активни 32
Македонска Каменица 193, активни3
Пехчево 186, активни 4
Дојран 95, активни 2

Прикажи повеќе...

Македонија

Ковачев: Честитки за храброста на Георгиевски, неговите предлози се добар почеток

Објавено пред

Честитки за храброста на Љубчо Георгиевски. Тој веќе е брутално нападнат и од СДСМ и од ВМРО-ДПМНЕ, што за жал покажува колку е отровно политичкото опкружување околу Вардар. Ова го изјави бугарскиот европратеник и вицепремиер на Европската народна партија, Андреј Ковачев по повод вчерашниот предлог на Георгиевски.

Поранешниот македонски премиер предложи да се понудат гаранции дека Македонија нема никакви претензии кон Пиринска Македонија и дека нема да поддржува организации за македонските малцинства. Бугарскиот парламент да усвои декларација во која се наведува дека поимите македонска нација и македонски јазик се однесуваат само на нацијата и јазикот создадени по 1944 година. Македонските учебници да бидат исчистени од навреди кон Бугарите. Македонија да го признае масакрот и прогонот на македонските Бугари по 1945 година. Јавно да објави дека Гоце Делчев, Даме Груев, Ѓорче Петров и други биле учители на Бугарската егзархија.

„Некои елементи од предлогот на господинот Георгиевски да се излезе од ситуацијата во која се најде Владата на РСМ, откако тврдоглаво одби да го спроведе Договорот за пријателство и добрососедство повеќе од три години, не се нови. Признавањето и на современата реалност и на историските факти мора да одат рака под рака, како што е запишано во договорот. Многу од неговите идеи покажуваат вистинско разбирање за реалниот проблем меѓу нашите земји и претставуваат сериозна основа за изнаоѓање политичко решение“, вели Ковачев.

Тој додава дека Бугарија ги препознава новите реалности – создавање на современ македонски јазик и модерна македонска нација по 1944 година.

„Македонија мора формално да се одрекне од сите територијални претензии кон Пиринска Македонија, како и од какви било барања за македонско малцинство во Бугарија. Да, историчарите мора брзо да најдат јасно решение за општата историја, засновано врз оригинални документи од соодветната ера, за да потврдат како се дефинирале Гоце Делчев, Даме Груев и другите фигури на БМРОК / ТМОРО / ВМОРО / ВМРО. Сите тие се декларираа како етнички Бугари, и служеа на бугарската држава, на бугарската војска, на Бугарската егзархија, предаваа во бугарски училишта, пишуваа, зборуваа и го нарекуваа нивниот јазик бугарски, и сега тие се заеднички предци на двата модерни народи, без разлика дали го дале животот за слободата на Македонија и Одринска Тракија!“, вели Ковачев.

Бугарскиот европратеник објаснува: „Да, злосторствата на комунистичкиот режим на Тито против македонските Бугари (без оглед на бројот на жртви) мора да бидат разјаснети и признаени!“, вели тој.

Понатаму додава дека македонските учебници и книги мора веднаш да се исчистат од сите термини навредливи за Бугарија и Бугарите, како што се Татари, фашисти, окупатори итн.

Инфраструктурата, како и соработката во економската, образовната и културната сфера, мора да бидат апсолутен приоритет за владите на двете земји, без оглед на темпото на напредок, стагнација или „заостанување“ во врска со историскиот спор, додава тој.

Според Ковачев, Георгиевски не е во право, или барем не е доволно јасен, кога зборува за обид на „македонските преродбеници“ да кодифицираат заеднички јазик со бугарскиот во 19 век.

Ковачев му заблагодари на Герогиевски за предлозите.

„Овие предлози се навистина добар почеток. Се надевам дека властите во Македонија ќе ја слушаат неговата мудрост пред да заминат да го распнат на крст“, рече европратеникот и потпретседател на Европската народна партија Андреј Ковачев.

Прикажи повеќе...

Најново

Македонија6 минути

Повлечен e авансот за кинеските вакцини, од Министерството за здравство велат дека договорот не е откажан

Министерството за здравство потврди дека го повлекло авансот што беше уплатен за набавка на кинеските вакцини од „Синофарм“. Оттука сепак...

Македонија1 час

Регистрирани 305 нови случаи на Ковид-19, починаа 11 лицa

Согласно податоците од Институтот за јавно здравје во последните 24 часа се направени 2.533 тестирања, а регистрирани се 305 нови...

Македонија4 часа

СДСМ: Немаме допирни точки со изнесените ставови на Љубчо Георгиевски

Социјалдемократскиот сојуз на Македонија не се согласува со предлогот што го изнесе експремиерот, Љубчо Георгиевски, за решавање на спорот со...

Топ4 часа

Девојка загина во сообраќајна несреќа кај Пониква

Триесет и едногодишна девојка од селото Прибачево, Кочанско, загина во сообраќајна несреќа што се случи доцна синоќа на регионалниот пат Кочани-Пониква....

Македонија6 часа

Пандемијата покажа дека е потребен комплетен ресет на општествениот систем, рече професорот Даниловски

Пандемијата ја истакна важноста на глобалната соработка, ни покажа дека целото човештво се наоѓа на ист брод, дека сите сме...

Македонија6 часа

Георгиевски објави план во пет чекори за решавање на спорот со Бугарија

Експремиерот и претседател на ВМРО-Народна, Љубчо Георгиевски, на социјалните мрежи објави акциски план за излез од, како што вели, ќориот-сокак...

Регион7 часа

Во Србија денеска ќе пристигнат уште 100.000 дози од руската вакцина

Вечерва 100.000 нови руски вакцини „Спутник В“ ќе пристигнат во Србија и тие ќе бидат пренесени од аеродромот „Никола Тесла“...

Свет8 часа

(Видео) Немири на улиците во Даблин поради карантинот

Стотици луѓе излегоа на улиците на Даблин, вчера, во знак на протест против мерките за затворање и избувна насилство. Полицијата...

Свет21 час

(Видео) На Антарктикот се отцепи санта мраз поголема од Лондон

Санта мраз, поголема од Лондон, се отцепи од Антарктикот, на дваесетина километри од британската истражувачка опсерваторија на јужниот пол. Вкупната...

Македонија23 часа

Над 80.000 членови на СДСМ ќе гласаат за нов претседател, Заев е единствениот кандидат

Зоран Заев е кандидат за нов претседател на СДСМ, а над 80.000 членови со право на глас ќе можат да...

Македонија23 часа

„Ме удрија в грб со бекатон, паднав и скршив рака“, раскажува повредениот новинар на протестот

На вчерашниот протест за „Монструм“ раката ја скршил новинарот од ТВ Сонце Борислав Стоилковиќ. Екипа на Брза помош му помогнала...

Македонија24 часа

Се бара притвор за две лица кои фрлале камења и метални шипки на протестот

Скопското обвинителство поведе постапка против двајца учесници на насилниот протест, по повод пресудата во случајот „Монструм“. Тие се гонат за...

Македонија1 ден

Регистрирани 721 нов случај на коронавирус, починаа 7 лица

Согласно податоците од Институтот за јавно здравје во последните 24 часа се направени 3.816 тестирања, а регистрирани се 721 нов...

Европа1 ден

Коронавирусот повторно ја затвора Европа

Повеќето европски земји повторно се одлучија за затворање и построги мерки за справување со новиот бран на коронавирус, откако новите...

Македонија1 ден

Филипче: Матичните да ги пријавуваат граѓаните над 70 години со хронични болести за вакцинација

Министерот за здравство, Венко Филипче при денешната посета на гостиварската болница изјави дека преку веб-страницата „Vakcinacija.mk“ и преку матичните лекари...

Македонија1 ден

Мицкоски е позитивен на коронавирус

Лидерот на ВМРО-ДПМНЕ, Христијан Мицкоски утрово информираше на социјалните мрежи дека е заразен со Ковид-19. „По забележаните првични полесни симптоми,...

Македонија1 ден

Со попишување на дијаспората в понеделник официјално почнува пописот

Со попишување на дијаспората в понеделник официјално почнува пописот. Иселениците ќе можат апликацијата за самопопишување да ја најдат на веб...

Македонија1 ден

Владата: Напаѓачите на новинарите ќе бидат казнети

Владата најостро ги осудува нападите врз новинарите на вчерашниот протест по судските одлуки за случајот „Монструм“ и најави дека ќе...

Свет1 ден

„Модерна“ почнува со тестирање на вакцини против јужноафриканскиот вид на коронавирус

Во САД следниот месец ќе почнат испитувања на вакцина развиена од лабораторијата „Модерна“ против јужноафриканската варијанта на коронавирус. Како што...

Македонија1 ден

СДСМ по пресудата за Мијалков: Се случува правда, законите важат за сите

Правдата е тука, законите важат подеднакво за сите, повеќе нема недопирливи, има силна, ефикасна правна држава, која ги спроведува законите...

Досие