Контакт

Македонија

Мицкоски: Членството во НАТО не е волшебно стапче што ќе ја покачи платата на ветените 500 евра

Објавено пред

Македонија критериумите за членство во НАТО ги исполни уште со Букурешкиот самит во 2008. година, напиша во објава на својот фејсбук профил, лидерот на ВМРО-ДПМНЕ, Христијан Мицкоски, по денешната средба на премиерот Заев со генералниот секретар на НАТО, Јенс Столтенберг, после која премиерот истакна дека Македонија ја очекува официјалната покана на претстојниот НАТО-самит.

Сепак, претседателот на опозициската партија смета дека билатералниот спор за името со Грција и натаму е реален проблем.

„Овој спор ние сакаме да се надмине и тука никогаш не сме се разликувале од било кој посериозен политички субјект. Но, она по што се разликуваме е начинот на кој тој се решава и цената што Македонија ја плаќа за тоа. Зоран Заев со овој договор прави неповратна штета за државата, атакувајќи врз достоинството и идентитетот на нашиот народ“, пишува Мицкоски во својата објава.

Покрај тоа, тој се осврнува и на една, како што вели, значајна заблуда која власта ја потхранува и шири, а таа е дека сето ова ќе донесе подобар живот.

„Подобриот живот е работа исклучиво на работа, труд, програма и постојаност каква владата до сега не покажа. А нема ниту да покаже бидејќи во изминатата една година докажа дека не умеат да работат и да го направат животот подобар. Не може да очекувате европски стандарди, а фирмите на власта да се оние кои редовно добиваат државни тендери, не може да очекувате дека ќе добиете датум за преговори, а државата е прогласена за најкорумпирана во Европа. Членството во овие организации е работа на мерит систем, односно се вреднува сработеното, а не она што е продадено или поклонето“, нагласува Мицкоски.

Лидерот на ВМРО-ДПМНЕ додава и дека членството во НАТО не е волшебното стапче што ќе ја крене просечната плата која се уште е далеку под ветените 500 евра.

„Тоа нема да направи да се крене економијата од досега најниските 0,1 осто, ниту да го реши проблемот со корупцијата и криминалот кој извира од власта. Исклучиво сето ова може да се подобри само преку работа и посветеност“.

Мицкоски истакнува дека во периодот што следи ќе бидат актуелни разно разни дебати на други теми освен оние кои се суштински важни за граѓаните, борба на економски идеи и размисли.

„Гледаме како Талат Џафери со неподнослива леснотија вели ќе го објавел договорот со Грција и договорот за двојазичност без потпис од Претседателот, што предупредувам преставува ново кривично дело, чија одговорност брзо не застарува и ќе дојде ден, доколку се случи таков чекор, одговорноста за ова и многу други работи да биде покрената“, предупреди претседателот на ВМРО-ДПМНЕ во својата објава на фејсбук.

Инаку, на денешната средба меѓу премиерот Заев и Столтенберг во Брисел, генералниот секретар на НАТО, изрази очекување дека лидерите на земјите членки ќе ја поканат Македонија да ги почне разговорите за членство во Алијансата, но потенцираше дека земјата ќе стане официјална членка откако ќе се завршат сите обврски за договорот за името.

Македонија

Министрите на владина седница ќе ги разгледуваат законите за ЈО и Советот на јавни обвинители

Објавено пред

Владата денеска ќе ја одржи својата редовна 146-та седница, на која на предлог на Министерството за правда ќе биде разгледан Предлог-законот за јавното обвинителство, како и Предлог-законот за изменување и дополнување на Законот за Советот на јавни обвинители.

На редовната седница на Владата ќе биде разгледана и Информација за започнување постапка за воспоставување на јавно приватно партнерство за реконструкција на МХЕЦ „Глажња” и МХЕЦ „Липково”.

Министрите во Владата денеска ќе донесат одлука и за Предлог – законот за ратификација на Спогодбата помеѓу Република Северна Македонија и Европската унија за учество на Република Северна Македонија во “Европскиот корпус на солидарност”.

Министерството за надворешни работи како точка на дневниот ред на денешната седница го предлага Предлог – законот за ратификација на Договорот меѓу Владата на Република Северна Македонија и Владата на Република Србија за воспоставување заеднички контроли на граничниот премин за меѓународен патен сообраќај Табановце (Република Северна Македонија) – Прешево (Република Србија).

На предлог на Министерството за внатрешни работи за оваа седница доаѓа Информацијата во врска со потребата од спроведување процес на проверка (ветинг) на вработените во Министерството за внатрешни работи во Република Северна Македонија.

Министерството за информатичко општество и администрација за оваа седница ќе ја презентира информацијата за модернизација на единствениот национален електронски регистар на прописи – ЕНЕР и воведување на нови форми за вклучување во процесот на креирање на политики.

Редовната, 146-та седница на Владата на Република Северна Македонија е предвидено да започне во 12:00 часот.

Прикажи повеќе...

Македонија

Отворена истрага за разбојништвото во казиното „Адмирал“

Објавено пред

Јавен обвинител од Основното јавно обвинителство Скопје донесе Наредба за спроведување истражна постапка против две лица за кои постои основано сомнение дека извршиле кривично дело – разбојништво.

Од обвинителството велат дека еден од осомничените го сторил делото како соизвршител, додека второто осомничено лице помогнало во вршењето на кривичното дело.

Осомничениот 22-годишен скопјанец, на 20 јули 2019 година , околу 22 часот, заедно со едно засега непознато лице – негов соизвршител, со употреба на опасно орудие пиштол се заканиле на двајца вработени во казиното „Адмирал“. Притоа тие, маскирани со фантомки, влегле од задната врата на казиното и одзеле парични средства во вкупен износ од 126.161,00 денари. Во исто време, второосомничениот, 19-годишен скопјанец ги чекал двајцата сторители во возилото марка „Ауди А5“ кое го ставил на располагање за обезбедување превоз , со што помогнал во вршењето на кривичното дело. Откако осомничените излегле од казиното, биле пресретнати од овластени службени лица по што се дале во бегство.

Јавниот обвинител кој постапува во предметот ценеше дека се исполнети законските основи за обезбедување на непречено водење на кривичната постапка, па до судија на претходна постапка во Основниот кривичен суд Скопје достави предлог за определување на мерката притвор за првоосомничениот и мерки на претпазливост за второосомниченото лице. Предлогот на обвинителството беше прифатен од судот, по што на осомничениот кој се гони за соизвршителство му е определен притвор со траење од 30 дена. На осомничениот кој помогнал во вршењето на кривичното дело му се определени мерки на претпазливост и тоа забрана за напуштање на живеалиште, обврска повремено да се јавува на определено службено лице во надлежен државен орган и одземање на патна исправа, односно забрана за нејзино издавање.

Прикажи повеќе...

Македонија

Новиот закон за Јавното обвинителство влегува во собраниска процедура

Објавено пред

Предлог-закон за Јавно обвинителство денеска влегува во собраниска процедура, пришто пратениците ќе ги изнесат своите ставови, а ако имаат забелешки ќе поднесат амандмани.

Новиот предлог-закон предвидува Специјалното јавно обвинителство да премине во државното како Обвинителството за гонење на организиран криминал и висока корупција, а со него да раководи обвинителката Вилма Рускска. Новото обвинителство ќе треба да има и свој буџет што нема да зависи од Владата и парламентот. Во него ќе преминат и сите обвинители и истражители кои сега работат во СЈО.

Од ВМРО-ДПМНЕ викендов се изјаснија дека за нив е е прифатливо припојувањето на СЈО и ЈО, но не се согласуваат со предлогот за Рускоска, на што од СДСМ возвратија дека тоа е алиби за неприфаќање на новиот закон.

„Предлогот обвинителката Вилма Рускоска да го води ново Јавно обвинителство за гонење организиран криминал и висока корупција не е одлука на политичарите. Рускоска во моментов е прв човек на Основното јавно обвинителство за организиран криминал и корупција. Предлог законот предвидува спојување на обвинителствата и оттука логично е мандатот да го продолжи обвинителката која веќе ја извршува оваа функција. Мицкоски и ВМРО-ДПМНЕ мора да покажат конструктивност и да го поддржат новото законското решение за јавно обвинителство“, велат од СДСМ.

Од Министерството за правда очекуваат поддршка од сите пратеници, но велат дека ги зачудува измената на ставот на ВМРО-ДПМНЕ во врска со предлогот Вилма Русковска да биде на чело на новото Јавно обвинителство за гонење криминал и висока корупција.

„Очекуваме поддршка од сите, особено што ВМРО-ДПМНЕ кога поднесе до Министерството амандмани на претходниот текст на законот предложи СЈО да биде дел од Јавното обвинителство за организиран криминал, а не предлагаше никакви кадровски промени во обвинителството за организиран криминал, што практично значи дека во новиот текст на законот е прифатен нивниот предлог Јавното обвинителство на чело со Русковска да ги води случаите на СЈО. Сега зачудува измената на нивниот став по ова прашање“, истакнуваат од Министерството за правда.

Премиерот Заев минатата недела посочи дека е потребно законот да се донесе летово, а најдобро е овој месец, бидејќи прашањето не смее да се пролонгира со оглед на тоа што очекуваме датум за преговори. Рускоска во моментов е прв човек на Основното јавно обвинителство за организиран криминал и корупција.

Прикажи повеќе...

Најново

Европа13 минути

Илјада пожарникари трет ден ги гаснат пожарите во Португалија, расте бројот на повредени

Бројот на повредени во пожарите во Португалија кои траат веќе три дена се искачи на 39. Повеќе од илјада пожарникари...

Македонија1 час

Новиот закон за Јавното обвинителство влегува во собраниска процедура

Предлог-закон за Јавно обвинителство денеска влегува во собраниска процедура, пришто пратениците ќе ги изнесат своите ставови, а ако имаат забелешки...

Македонија2 часа

Заев: Не присвојуваа Македонците туѓа историја, туку Груевски и неговата политичка елита

„Не присвојуваа Македонците туѓа историја, туку Груевски и неговата политичка елита и нивните послушници квазиексперти кои тргнаа во медиумска офанзива...

Регион2 часа

Грчкиот парламент изгласа доверба на новата Влада

Со 158 гласа „за“ и 142 „против“ Владата на Кирјакос Мицотакис доби доверба од грчкиот парламент. Расправата траеше три денa,...

Македонија16 часа

Инспекторот Илиевски поднесе прекршочна пријава за ректорот и за тетовскиот универзитет

Просветниот инспектор Ѓорѓи Илиевски поднесе прекршочна пријава во тетовскиот Основен суд за Државниот универзитет во Тетово и за ректорот Вулнет...

Македонија17 часа

Жбогар е уверен дека законот за Обвинителството ќе биде донесен со консензус

Eвроамбасадорот Самуел Жбогар при денешната посета на Општина Новаци изрази надеж дека парламентот ќе го донесе законот за Обвинителството со...

Македонија17 часа

Обвинителството го доби извештајот од телефонот на Јанева

Обвинителството за организиран криминал и корупција го доби извештајот од вештачењето на мобилниот телефон на обвинителката Катица Јанева, но во интерес...

Македонија19 часа

Заев на одмор во Охрид и Грција, Шекеринска во Скандинавија, Царовска во Турција

Премиерот Зоран Заев со семејството ќе замине на одмор по празникот 2 Август, Илинден, во Охрид и во Грција, министерката...

Македонија20 часа

Хелсиншки комитет: Рекорден број дела од омраза во 2018 година, негативниот тренд продолжува и годинава

Во периодот од 2013 до крајот на 2018 година Хелсиншкиот комитет евидентирал 508 инциденти сторени поради омраза, беше соопштено на денешната прес-конференција по повод Европскиот...

Сеад Кочан Трансмет, Труст, СЈО Сеад Кочан Трансмет, Труст, СЈО
Македонија22 часа

Кривичниот суд вторпат го одби барањето на Кочан за одложување на казната

Кривичниот суд по вторпат го одби барањето на бизнисменот Сеад Кочан, осуден во предметот „Труст“ на специјалното јавно обвинителство, да...

Свет24 часа

Итна седница на британската Влада, се бара безбедна пловидба во Заливот

Британската Влада свика итна седница на која ќе се расправа за одговорот што треба да се испрати на Иран, по...

Свет24 часа

Иран уапси 17 шпиони на ЦИА, некои се осудени на смрт

Иран уапси 17 шпиони кои работеле за Централната разузнавачка служба на САД (ЦИА), а некои од нив се осудени на...

Свет1 ден

(Видео) Масакр во луксузно одморалиште, убиени 5 лица, а 6 се повредени

Вооружен напаѓач уби петмина мажи и рани уште шест лица во популарен бар во мексиканскиот град Акапулко, што е уште...

Свет1 ден

Иран ѝ се закани на Велика Британија со ескалација на тензиите во Заливот

Со оглед дека британските официјални претставници одбиваат да ја исклучат можноста за воведување санкции кон Техеран, иранскиот амбасадор во Велика...

Свет1 ден

Израел почна да урива палестински згради

Израелските работни тимови почнаа да уриваат десетина илегално изградени палестински згради во источниот дел на Ерусалим. Денешното уривање ја прекинува...

Свет1 ден

Зеленски ѝ понуди сојуз на рок-ѕвезда

Украинскиот претседател Володимир Зеленски, чија партија убедливо води на предвремените парламентарни избори со 43,9 отсто од гласовите, според излезните анкети,...

Македонија1 ден

Голем пожар во Едриличарскиот клуб во Струга

Голем пожар избувна попладнево во бараките на Едриличарскиот клуб во Струга што се наоѓа кај „Машката плажа“ во градот. За...

Македонија2 дена

Спасовски: МВР без налог од судот не може да знае каде е Јанева

МВР без налог од судот или обвинителството не може да знае каде е Катица Јанева. Министерот за внатрешни работи Оливер Спасовски,...

Регион2 дена

Мицотакис ја претстави владината програма, на соседите им порача дека соработката ќе го одреди нивниот пат кон ЕУ

Грчкиот премиер, Киријакос Мицотакис денеска во грчкиот Парламент ја претстави владината програма, во рамки на  тридневната расправа за добивање доверба на...

Македонија2 дена

Запленет глисерот на Зоран Кичеец

Запленетиот глисер во Охрид, е во сопственост на второосомничениот во случајот „Рекет“, Зоран Милевски познат како Зоки Кичеец, потврдуваат од...

Досие