Контакт

Македонија

Мијалков останува во притвор поради опасност од бегство

Објавено пред

Кривичниот суд му определи притвор на Сашо Мијалков, кој му е одреден сѐ до почнување со издржување на казната затвор. На поранешниот помошник-министер во МВР, Небојша Стајковиќ, судот му одреди домашен притвор.

Двете мерки се по предлог на обвинителот Трајче Пеливанов, кој го застапува предметот „Трезор“.

„Судот донесе решение – на Сашо Мијалков му се одредува мерка притвор до правосилноста на пресудата, односно до почнување со издржување на казната затвор“, рече судијката Џенета Бектовиќ.

Со одредениот притвор Сашо Мијалков нема да излезе од затворот во Шуто Оризари за две недели, што требаше да се случи, бидејќи претходната мерка му траеше до 27 април.

„Со околноста дека Сашо Мијалков е моќен човек несомнено се јавува потребата од определување мерка за обезбедување негово присуство, а со оглед на тоа што за овој обвинет во ‘Таргет-Тврдина’ има мерка ефективен притвор, која може да трае до правосилноста на оваа пресуда, односно најдоцна до 27 април, предлагаме по објавувањето на денешната пресуда за обвинетиот Сашо Мијалков, а поради постоење опасност од бегство, да се определи мерка притвор во овој предмет, а притворот во предметот ‘Таргет-Тврдина’ да биде укинат. Причините за ваквиот предлог на Обвинителството се делумно идентични како што се произнесовме во другиот предмет, а тоа е дека се потврдени податоците оти Сашо Мијалков има дозвола за престој и адреса во Прага, но и дека поседува две возила, кои се регистрирани на негово име. Во однос на овој наш предлог би сакал накусо да дополнам дека судот треба да го цени и фактот што и претходно беше изнесен дека обвинетиот Сашо Мијалков е лице што добро е ситуирано, дека тој и неговите членови на семејството поседуваат приватни бизниси, што создава финансиска можност за организирање логистика и комотно живеење во бегство“, рече Трајче Пеливанов.

Според адвокатите на Мијалков, барањето за ефективен притвор за предметот „Трезор“ е без поткрепа и докази.

Тие тврдат дека бизнисите што Мијалков ги има во земјата се причина тој да остане во државава, а не да бега.

„Пред апелација овој предмет ќе заврши со ослободителна пресуда, убедни во сопственото знаење и недокажување на она што беше од судот образложено, со фрагментирање делови што не се предмет на обвинението, со што сметам дека јавноста е доведена во заблуда, се поставува логично прашање кој ќе ја сноси одговорноста кога се предлага притвор, а кога за овој предмет одбраната е цврсто убедена дека нема ниту еден релевантен доказ што оди во прилог на обвинението. Одбраната смета и тврди дека тезата на Обвинителството е погрешна и оди во прилог на тврдењето дека Мијалков, кој има повеќе бизниси во државата, нема да се даде во бегство, туку тоа е причина повеќе да остане тука“, рече адвокатот Љупчо Шврговски.

Предлог за притвор обвинителот Пеливанов даде и за поранешниот помошник-министер во МВР, Небојша Стајковиќ.

„Имајќи ја предвид казната затвор од пет години, цениме дека определените мерки на претпазливост, односно одземањето на патната исправа, не се доволни за обезбедување присуство. Од тие причини постои реална опасност од бегство и за овој обвинет имајќи ја предвид казната затвор, па поради тоа предлагаме мерка притвор“, рече Пеливанов.

Бранителот Александар Новаковски, кој го застапува поранешниот помошник-министер во МВР, Небојша Стајковиќ, смета дека не треба да му се одреди притвор на лицето.

„Обвинителството не наведе доказ и причина, а предложи притвор. Се работи за обвинетиот кој се води само оваа постапка. Судот има точна евиденција дека не е осудуван ниту за сообраќаен прекршок и не гледам ниту една причина за да се предложи ваква мерка, за која сум изненаден. Судскиот совет, ако го прифати овој предлог, грубо ќе се прекрши законот. Се работи за фамилијарен човек, татко на две деца“, рече адвокатот Александар Новаковски.

Обвинетите Горан Грујевски и Тони Јакимовски веќе имаат мерка притвор.

Македонија

Сончево време со температури до 25 степени

Објавено пред

Времето дене ќе биде сончево со максимални температури од 19 до 25 степени.

Скопјани денес ќе можат да уживаат во сончево и пријатно време. Температурата во главниот град на Македонија ќе се искачи до 24 степени, ќе биде претежно сончево и ќе дува ветер од југоисточен правец.

И во текот на наредните денови метеоролозите најавуваат стабилно време и пораст на температурите.

Прикажи повеќе...

Македонија

Тренески најдобар од македонските „твинговци“ на „Словакиа Ринг“

Објавено пред

Второто натпреварување во рамки на „Твинго купот“ почна денеска со првата трка на „Словакиа ринг“ крај Братислава, Словачка. Вториот интернационален предизвик за возачите на „АКК Рено Спорт“ донесе интереска трка и многу возбудувања.

Македонските натпреварувачи имаа солиден настап со тоа што најдобро пласиран на денешната трка беше Владимир Тренески, кој го освои 11-тото место. Веднаш зад него финишира Ангелче Стојковски, додека трет меѓу нашите возачи беше Емил Нацка со освоеното 16-то место.

Овие тројца натпреварувачи беа најдобри во рамки на домашниот шампионат и се искачија на победничкиот подиум. Од останатите возачи, Милан Ѓорѓевиќ беше 17-ти, а зад него целта ја мина Давид Малинковски. Зоран Мирковски беше 20-ти, а Ненад Костовски финишираше на 24-тото место.

За одбележување е одличното возење на Малинковски, кој заедно со Тренески, тимски се пробија кон водечката група „твинговци“ на стартот на трката. Малинковски во еден момент успеа да стигне и до третото место, но во петиот круг на правецот по стартната целна рамнина имаше контакт со еден од ривалите по што излета од патеката. Мартин Костовски исто така имаше контакт со Михајло Миленковиќ, по што двајцата завршија во песокот крај патеката и не ја завршија трката.

Ангелче Стојковски со денешното второ место и освоените 15 бодови изби на првото место во генералниот пласман во домашниот шампионат со 42 бода.

Тимот на „Аутомотив Груп“ има време до утре да ги поправи возилата и да ги подготви за втората трка, која стартува во 10.50 часот.

Победник на денешната трка беше Ник Стефанчич од Словенија, за кого ова беше втор триумф сезонава во рамки на „Твинго Купот“, кој се бодува и за FIA CEZ. Лука Глазер финишираше како втор, додека третото место го освои Том А. Груенфелд.

Прикажи повеќе...

Македонија

Пратениците на ВМРО-ДПМНЕ се сретнаа со граѓани во повеќе места низ државата

Објавено пред

Акцијата на ВМРО-ДПМНЕ „Пратениците со народот“ продолжи и во текот на денешниот ден, а голем број на пратеници имаа средби со граѓани низ населените места во Македонија, соопштија од партијата.

Пратеникот Миле Лефков беше во посета на населеното место Видовиште во Општина Зрновци, од каде што истакна дека евидентна е разликата во места каде локалната власт е предводена од ВМРО-ДПМНЕ, во голема мера се осеќа разликата во домаќинското работење, за разлика од средини кои се предводени од, како што ги нарече, шерифите на Заев.

„ Изградена нова црква, детско игралиште, целосно реконструира и уредена зграда за потребите на месното население , изградени два моста на Видовишка река, реализиран асвалтен пат кон општина Облешево со кој на жителите се скратува дваесетина километри патување до соседната општина Облешево. Нов асвалт кон село Зрнови, Реконструирана каналализациона мрежа и изградба на нови краци на истата. Но и овде работите кои зависат од централната власт пустошат и стагнираат. Левиот магистрален канал на брана Калиманци кој што претставува единствена инфраструктура за доток на вода за наводнување на земјоделското земјиште во оваа Катастарска општина веќе пета година или целосно не функционира или работи со минимална динамика и количина поради не способноста на раководството на Водостопанство Брегалница, штетата и последиците се непроценливи, земјоделието стагнира, а младите, приморани, во борба за основна егзистенција, излезот да го бараат во иселување“, потенцира Лефков.

Пратеникот Златко Пенков го посети населеното место Тремник, во Општина Неготино каде што со жителите разговараше за секојдневните проблеми со кои се соочуваат.

„ Проблеми во снабдувањето со чиста вода за пиење, неасфалтирани улици, за лозарите и земјоделците огромен проблем е водоснабдувањето,не можат да наводнуваат поради лоша каналска инфраструктура За сите овие проблеми постојат решенија. Потребно е само да се работи напорно во интерес на жителите на Тремник“, рече Пенков.

Пратеничките Благица Ласовска и Иванка Василевска беа во посета на Општина Свети Николе каде ги посетија Ерџелија и Мустафино, од каде што во разговори со жителите велат дека тие се незадоволни од владата и локалната власт.

„ Земјоделци, чесни и вредни луѓе, дел од нив и сточари, се жалат на неисплатени субвенции и лоши услови за живот. Младите се иселуваат, а владата која многу ветуваше, ништо не исполни. Во Ерџелија побараа санација на системот за наводнување, поврзување со ХС Злетовица и пристојни услови за живот. На државата итно и се потребни промени на подобро“, истакна Ласовска.

Пратеничката Ангелина Петкова беше во посета на Општина Гевгелија каде се сретна со жителите на населените места Милетково и Давидово.

„ Разочарани од секојдневните скандали со корупција и криминал на оваа власт, а ветуваа решавање на криминалот и влез во Европска Унија. Друг проблем е невработеноста со која се соочуваат младите. Демотивирани се и не гледаат просперитет. Неспособноста на локалната власт е причина за нерешавање на комуналните проблеми во ова населено место“, нагласи Петкова.

Пратеникот Јован Јаулески ги посети населените места Другово, Пополжани и Белица во Општина Кичево. Тој вели дека жителите на овие места се заборавени и дека политичарите од власта доаѓаат само да им ги земат гласовите за избори, потоа ги нема. Тој обвини дека граѓаните се и излажани, изневерени и изманипулирани, дека се плашат за својата иднина и иднината на државата.

„ Ги излажаа за повисоки плати, пензии, субвенции, земјоделието го уништија а не е безбедно ниту нивното здравје бидејќи Заев и Филипче наместо да трчаат по вакцини, тие трчаат да ги јавнат своите скапи мотори. Генерално може да се каже дека ниту еден човек не е задоволен од политиките на власта, бараат промени и што побрзо да си одат овие неработници на власт, бараат вадење на државата од провалијата во која ја турна СДСМ и конечно да можеме да живееме нормално како сите други држави“, нагласи Јаулески.

Прикажи повеќе...

Најново

Свет22 минути

(Видео) Денот на победата во Москва се одржува со парада од дури 12.000 војници

Во светот денес се слави Денот на победата над фашизмот во Втората светска војна – 9 мај, а церемониите по...

Свет40 минути

Делови од кинеската ракета паднаа во Индискиот океан

Остатоците од најголемата кинеска ракета паднаа денес во Индискиот Океан, а повеќето од нејзините компоненти беа уништени при влегувањето во...

Свет12 часа

Макрон: САД да ги повлечат забраните за извоз на вакцини

Францускиот претседател Емануел Макрон ги повика САД да се откажат од ограничувањата на извозот на вакцини против Ковид-19 и компонентите...

Регион13 часа

Хрватски медиуми: Зошто Вучиќ создава најмоќна воена сила во регионот?

Хрватските медиуми пишуваат дека претседателот на Србија, Александар Вучиќ, ја создава најмоќната воена сила во регионот. „ Во последно време...

Спорт15 часа

Дејан Георгиевски обезбеди олимписка норма

Македонскиот репрезентативец во таеквондо, Дејан Георгиевски, избори пласман на Олимписките игри во Токио, во категоријата до 87 килограми. Европските квалификации...

Топ17 часа

Човечки труп извлечен од реката Вардар во Велес

Во Велес, во водите на реката Вардар, во близина на Нов мост, вчера бил пронајден човечки труп, кој бил извлечен...

Македонија18 часа

Досега во земјава две дози вакцина против коронавирус примиле 21.890 граѓани

Во државата вкупно се аплицирани 118.984 дози вакцини, а ревакцинирани се 21.890 граѓани. Со последните бројки, 32% од населението над...

Македонија18 часа

Во Македонија 198 нови случаи на коронавирус, 12 лица починаа

Во последните 24 часа во Македонија се потврдени 198 нови случаи на коронавирус, 12 лица починаа, а 333 пациенти оздравеа,...

Македонија20 часа

Мицкоски: Дволичноста на Пендаровски е заради притисокот врз него, реалноста е дека се согласи со мене за 27 април

Претседателот на ВМРО-ДПМНЕ, Христијан Мицкоски, по денешната посета на Општина Делчево одговарајќи на новинарско прашање, рече дека претседателот Стево Пендаровски...

Топ22 часа

Автомобил удри во дете на велосипед во Прилеп, возачот избегал

Малолетен велосипедист е тешко повреден откако во него удрил автомобил, а возачот избегал. Според информациите на МВР, несреќата се случила...

Македонија22 часа

Во болниците во Македонија од коронавирус се лекуваат 806 пациенти

Вкупната бројка на пациенти со коронавирус кои се лекуваат на инфективните оддели во Скопје и во болниците низ земјава е...

Свет23 часа

(Видео) Судир во џамија во Ерусалим – полицијата употреби гумени куршуми и водени топови

Во судир меѓу израелската полиција и група Палестинци што се случи синоќа во Ерусалим, повредени се 205 Палестинци и 17...

Македонија24 часа

СЗО: Децата не треба да се вакцинираат сѐ додека не бидат вакцинирани ризичните групи

Светската здравствена организација (СЗО) оцени дека децата не треба да се вакцинираат против Ковид-19 додека не се вакцинираат старите лица...

Македонија2 дена

Семејството на девојката чии органи беа донирани и спасија други животи ќе добие државен стан

Министерот за транспорт и врски, Благој Бочварски, на социјалните мрежи напиша дека на седница на Комисијата за станбени прашања било...

Македонија2 дена

Пендаровски негира дека службената белешка за Камчев излегла од неговиот кабинет

Шефот на државата, Стево Пендаровски, е загрижен што службената белешка со назнака „строго доверливо“ од Агенцијата за национална безбедност, по...

Македонија2 дена

Пендаровски: Казните за осудените за 27 април се заслужени и за тоа нема компромис

Претседателот Стево Пендаровски, по средбата со лидерот на ВМРО-ДПМНЕ, Христијан Мицкоски, рече дека не заговара преотворање на процесот и ново...

Македонија2 дена

Мицкоски: Не бараме амнестија, туку правда за осудените за нападот во Собранието

Лидерот на ВМРО-ДПМНЕ, Христијан Мицкоски, тврди дека заедно со шефот на државата, Стево Пендаровски, постигнале договор дека осудените за настаните...

Македонија2 дена

Министерството за здравство ќе ги објави цените на кинеските вакцини

Министерството за здравство ќе ги објави цените на кинеските вакцини и деловите од договорите за набавката за кои ќе добие...

Македонија2 дена

Филипче: Ефикасноста на вакцината на „Синовак“ е поголема од 50 проценти

Ефикасноста на кинеската вакцина „Синовак“ е многу поголема од педесет отсто, уверува министерот за здравство Венко Филипче. Во текот на...

Македонија2 дена

Во периодот што следи приоритет за вакцинирање ќе имаат хронично болните

Во периодот што следи приоритет ќе се даде на вакцинирање на возрасните гупи и хронично болните, а сосема мал дел...

Досие