Контакт

Крвав четврток

Ми се јави Шекеринска и рече дека еден човек најверојатно е мртов, сведочеше Никола Тодоров за 27 април

Објавено пред

На денешното рочиште во кривичниот суд за крвавиот четврток сведочи ексвицепремиерот и министер за здравство, Никола Тодоров. Тој рече дека се обидувале на мирен начин, со пеење на македонската химна, да го спречат изборот на претседател на Собранието.

„Немаше провокации од ниедна страна“, рече на почетокот од сведочењето Тодоров. По седницата тој, како што рече, се упатил кон кабинетот на тогашниот претседавач на Собранието, Трајко Велјановски.

„Слушнав врева и излеговме од кабинетот и видов голема група луѓе влезени во Собранието. Некои од нив сакаа да влезат во кабинетот, но не успеаја“, рече Тодоров.

Посочи дека имало кошкање меѓу нив и групата што сакала да влезе, но не успеала. Тој рече дека потоа излегол од ходникот зашто било загушливо и се упатил надолу кон ресторанот.

Потоа Тодоров рече дека му се јавила Радмила Шекеринска.

„Ми кажа дека еден човек е најверојатно мртов и јас реков дека треба да се повика итна медицинска помош. Се јавив веднаш на директорката на Здравствен дом и побарав екипи“, рече Тодоров.

Раскажа дека трипати се обидел да влезе во прес-салата, но не успеал зашто вратата била тесна и имало многу луѓе кои не му дозволувале.

Никола Тодоров рече дека му се јавил на Чавков и побарал акција за спасување на Зијадин Села, откако претходно го пронашле на третиот кат, каде влегле со медицинска екипа. Една од докторките му рекла дека најверојатно има внатрешно крвавење во главата. Како што рече Тодоров, Чавков испратил специјални полициски сили кои дошле брзо за евакуација на пратеникот.

Во судницата покрај сведочењето на Никола Тодоров, денеска треба да сведочат и премиерот Зоран Заев, пратеникот Весел Мемеди и министерот за внатрешни работи, Оливер Спасовски. На вчерашното рочиште за крвавиот четврток сведочеа и поранешниот претеник, односно актуелен скопски градоначалник, Петре Шилегов, и пратеникот Мухамед Зеќири.

Крвав четврток

Кољо: Политичарите нè изманипулираа со „тиранската платформа“

Објавено пред

Обвинетиот Никола Митревски Кољо на денешното рочиште за крвавиот четврток во своите завршни зборови истакна дека жали за случувањата во Собранието од 27 април 2017 година и дека сите кои влегле тој ден во Собранието биле изманипулирани со „тиранската платформа“ од страна на политичарите.

Жалам за она што се случи на 27, имам грижа на совест. Сакам да се извинам на сите кои беа присутни во Собранието, пратеници, новинари и вработени. Ние што влеговме во Собранието на некој начин подлегнавме и бевме изманипулирани од наводната идеја за „тиранска платформа“, предводена од тогашните организатори и политичари.

На 27 бевме предводени од емоции и чувства кон татковината кои на некој начин политичарите ни ги наметнаа. Наредба за упад во Собранието не сум добил од никого, ниту од организаторите, ниту од политичарите, рече Митревски.

Тој истакна дека не бега од одговорност и дека за влегувањето во Собранието стои зад секоја направена грешка.

„Признавам при чиста свест дека стаклената врата во Собранието јас ја скршив. Не е точно дека Горан Ѓошевски Леви ја отворил. Морам да признаам дека Леви го мразам од дното на душата. Причината е што при моето приведување пред неколку години ми зададе удар без причина во полициската станица во Автокоманда. Не сум таков човек, а можев да му наштетам. Омразата ја чувствувам и денеска“, рече Митревски.

Кољо е обвинет од страна на Јавното обвинителство дека за упадот во Собранието ги организирал патриотските здруженија. Тој тврди дека на протестите „За заедничка Македонија“ учествувал честопати и дека од листингот на неговите телефони може да се утврди дека на 27 не разговарал со ниту еден член од патриотските здруженија.

„Од мојот листинг од двата броја може да се види дека тој ден сум комуницирал со МВР, мојот полубрат, Стопанска банка, мојата адвокатка и уште двајца пријатели кои немаат врска со упадот. Дали ова се патриотски здруженија?“, праша Кољо.

Тој исто така тврди дека исказите на браќата Стефан и Михаил Младеноски, дадени пред судот, во кои говорат дека Кољо е еден од организаторите на толпата се лажни.

„По давањето на исказот, на паузата Стефан ме повлече и ми кажа дека за исказот не дал заклетва и дека му било понудено заштита за да нема притисоци, па затоа дал така изјава против мене“, вели Кољо.

На денешното рочиште завршен збор дадоа обвинетите Влатко Трајковски, Вилијам Михајловски, а по Никола Митревски Кољо пред судот ќе се обрати и Александар Василевски Нинџа.

Прикажи повеќе...

Крвав четврток

Михајловски за 27 април: Во Собранието нè пречекаа со отворени врати, фалеше уште шведска маса

Објавено пред

Во Собранието нè пречекаа со отворени врати. Недостасуваше уште шведска маса и сè да биде на ниво, рече Вилијам Михајловски обвинет за насилниот упад во Собранието на 27 април.

Михајловски тврди дека на критичниот ден пред Собранието дошол само со еден пријател, што е спротивно на обвинението на ОЈО, во кое се вели дека тој бил еден од организаторите на толпата граѓани при упадот во парламентот.

„Кој фактор сум јас во оваа држава да соберам толпа народ, па уште и да ја предводам. Доколку можев да соберам толку луѓе сега ќе бев пратеник и ќе бев амнестиран“, вели Михајловски.

За влегувањето во прес-центарот, Михајловски вели дека го повлекла атмосферата и толпата луѓе кои ги следел,  а за кои не знаел каде одат бидејќи не го познавал Собранието.

За крвавиот четврток беа обвинети 33 лица од кои 15 беа амнестирани, меѓу кои се најдоа пратениците Крсто Мукоски и Сашо Василевски, кои беа обвинети за отворање на собраниските врати, како и пратениците Љубен Арнаудов и Љупчо Димовски. Со Законот за амнестија опфатени беа и предводниците на протестите „За заедничка Македонија”, Богдан Илиевски, Борис Дамовски и Владо Јовановски.

Прикажи повеќе...

Крвав четврток

Судот достави барање за одземање на пратеничкиот имунитет на Вељаноски

Објавено пред

Барањето од кривичниот суд за одземање на пратеничкиот имунитет на поранешниот собраниски спикер Трајко Вељаноски е испратено до законодавниот дом, потврдија од судот.

Според процедурите, претседателот на парламентот по добивањето на барањето веднаш го доставува до Комисијата за деловнички и мандатно-имунитетни прашања. Комисијата е должна да го разгледа барањето и во рок од два дена да достави извештај до претседателот на парламентот.

Со Комисијата за деловнички и мандатно-имунитетни прашања претседава пратеникот Павле Богоевски. Поранешниот претседател на Собранието и актуелен пратеник на ВМРО-ДПМНЕ, Трајко Вељаноски, вчера заедно со поранешните министри и партиски функционери Миле Јанакиески и Спиро Ристовски  беа приведени под сомнение за организавија на насилните настани од 27 април 2017 година.

Вељаноски се повика на пратеничкиот имунитет, по што замина од судот, додека на Јанакиески и Ристовски им беше одреден 30-дневен притвор.

Прикажи повеќе...

Најново

Македонија2 часа

Архитектите лути, барат итна заштита на ГТЦ без зелениот покрив и на Владата без барок

Зелениот покрив на Градскиот трговски центар иницираше низа барања на Асоцијацијата на архитекти на Македонија (ААМ) до Владата. Архитектите денес...

Македонија4 часа

(Видео) Костов: Јанакиески нема повреди, во затворот ќе биде под надзор на доктор

Директорот на болницата „8 Септември“, Христијан Костов, изјави дека кај ексминистерот Миле Јанакиески не биле евидентирани никакви повреди по инцидентот...

Македонија4 часа

(Видео) Костадинов: Сценаристи на инцидентот во затворот се Мицкоски и Груевски

Портпаролот на СДСМ, Костадин Костадинов, во врска со инцидентот во затворот „Скопје“ во Шуто Оризари обвини дека се работи за сценарио...

Македонија5 часа

Братот и сопругот на Мира Стојчевска се откажаа од вработувањето и унапредувањето, синот останува во ЕЛЕМ

Пратеничката Мира Стојчевска, по една недела молк за вработувањето на синот и братот и за унапредување на сопругот, се огласи...

Македонија6 часа

(Видео) Мицкоски по посетата на Јанакиески: Не ме пуштија да го видам, го чуваат 50-ина полицајци

Претседателот на ВМРО-ДПМНЕ, Христијан Мицкоски, пред болницата „8 Септември“, каде што попладнево беше пренесен ексминистерот Миле Јанакиески, рече дека денешниот...

Македонија6 часа

Силјановска: Не можев да се пријавам на конкурс на СДСМ бидејќи не се согласувам со овие политики

Две недели по распишувањето на претседателските избори, а во исчекување на кандидатот со кој ќе влезе во изборна трка владејачкото...

Македонија7 часа

Годинава речиси секој ден исчезнува по еден човек

Пронајденото мртво тело на 35-годишниот Горан Атанасовски од Скопје, кој вчера беше пријавен за исчезнат, ја вознемири јавноста. Коментарите во...

Македонија8 часа

(Видео) Заев: Не верувам дека роднините на функционерите се вработени незаконски

Премиерот Зоран Заев, по завршувањето на средбата со претседателот на Беса, Биљал Касами, одговарајќи на новинарско прашање за новите скандали...

Македонија8 часа

Комисијата утре ќе расправа за имунитетот на Вељаноски

За утре е закажана седницата на Комисијата за деловнички и мандатно-имунитетни прашања, на која теба да се разгледа барањето за...

Македонија9 часа

(Видео) Заев: Изјавата на Мицкоски е забегана работа, ќе се консултирам дали да го тужам

Премиерот Заев најави дека ќе разговара со својот адвокатски тим дали да поведе тужба против Мицкоски во однос на вчерашната...

Топ9 часа

Исчезнатиот Атанасовски пронајден мртов

Денеска околу 13 часот е пронајдено безживотно машко тело во Нерези, на патот кон вила „Веранда“, потврдуваат од МВР. Неофицијално,...

Македонија9 часа

Касами: Сакаме кандидат кој нема за едни да биде мајка, а за други маќеа

По средбата со Зоран Заев, лидерот на Беса, Биљал Касами, изјави дека за нив како партија пред изборите во игра...

Крвав четврток10 часа

Кољо: Политичарите нè изманипулираа со „тиранската платформа“

Обвинетиот Никола Митревски Кољо на денешното рочиште за крвавиот четврток во своите завршни зборови истакна дека жали за случувањата во...

Македонија11 час

(Видео) Градоначалникот на Пехчево го пријавил во полиција грозоморното убивање кучиња

По поморот на кучиња во Пехчево, а откако комуналните служби со багери ги собираа и фрлаа додека сè уште се...

Топ11 час

Пинг-понг со барањето за одземање на имунитетот на Вељаноски

Собранискиот спикер Талат Џафери го вратил во кривичниот суд барањето за одземање на имунитетот на пратеникот Трајко Вељаноски кое претпладнево...

Топ12 часа

Барањето за одземање на имунитетот на Вељаноски стигна кај Џафери

Барањето за одземање на имунитетот на пратеникот Трајко Вељаноски од кривичниот суд стигнало до претседателот на Собранието, Талат Џафери, потврдуваат...

Крвав четврток13 часа

(Видео) Русковска: Груевски ја ставил во функција партијата за крвавиот четврток

На прес-конференција за јавноста во Јавното обвинителство беа изнесени информации за истрагата за организаторите на насилствата од 27 април 2017...

Македонија13 часа

(Видео) Јовески за несреќата кај Ласкарци: Возачот на автобусот добива закани, засега не е утврдена одговорност

Обвинителството сè уште нема податоци дали и кој ја има одговорноста за сообраќајната несреќа кај Ласкарци каде што загинаа 15...

Крвав четврток13 часа

Груевски на „Фејсбук“: Прородлжува политичкиот прогон против мене и против многумина од ВМРО-ДПМНЕ

Експремиерот Никола Груевски се огласи на „Фејсбук“ за вчерашните приведувања на поранешни функционери од ВМРО-ДПМНЕ, како дел од истрагата на...

Македонија14 часа

(Видео) Манчевски бара оставки од сите роднини на функционери од опозицијата

Министерот за информатичко општество и администрација, Дамјан Манчевски,  побара да се повлечат од работните места сите роднини на функционери, не...

Досие