Контакт

Македонија

МНР: Одбиените кандидати за дипломати имале непотполна или грешна документација

Објавено пред

Министерството за надворешни работи соопшти дека на конкурсот за вработување дипломати објавен во декември минатата година имало пријавено одлични кандидати, но тие не биле избрани затоа што имале непотполна или грешна документација. Ваквото соопштение следува откако неколку кандидати кои се пријавиле на конкурсот не биле одбрани, иако тврдат дека имаат соодветно образование и квалификации. Одбиените кандидати се сомневаат дека не биле примени со цел да се вработат други кандидати поврзани со партија. Министерот Никола Димитров, пак, вели дека зад целата кампања во која МНР се обвинува дека вработува партиски кадри стои ВМРО-ДПМНЕ.

„Министерството потсетува дека потребните документи, како потврда за исполнетост на општите и посебните услови, согласно Законот за административни службеници, не се невообичаени, и истите се бараат во постапките за вработување во кој било државен орган. За жал, во фазата на административната селекција увидовме дека има одлични кандидати со непотполна или грешна документација, иако на интернет-страницата на Агенцијата за администрација има насоки кои документи се потребни и како треба истите да се подготват“, велат од МНР.

Од таму наведуваат дека одлучувачка улога при избор на кандидатите има Агенцијата за администрација. Од Министерството признаваат дека законската рамка за вработување е комплицирана и дека не е соодветна за избор на најквалитетни кандидати и поради тоа МНР подготвува ново законско решение.

„Во однос на првата фаза на постапката по конкурсот за вработување од 29.12.2018 во Министерството за надворешни работи, укажуваме дека предметната постапка се спроведува согласно Законот за административни службеници и истата ја води Агенцијата за администрација. Иако МНР учествува во сите фази на постапката, одлучувачка улога има Агенцијата. МНР е должно да го почитува Законот за административни службеници. Министерството согледува дека вака поставената законска рамка за вработување во МНР, преку Агенцијата за администрација, е комплицирана и не е соодветна за избор на најквалитетните кандидати за специфичните потреби на дипломатската служба. МНР подготвува нов Закон за надворешни работи, кој треба да биде lex specialis, и со кој се очекува да се надминат, меѓу другото, и проблемите кои произлегуваат од примената на Законот за административни службеници за регулирање на постапката за вработување во Министерството за надворешни работи, и што треба да овозможи Министерството самостојно да ја креира политиката и постапката за вработување во МНР“, се вели во соопштението.

Министерството наведува дека од јуни 2017 година не е вработен ниту еден дипломат. „Тргнувајќи од потребите на МНР за континуирано обновување на човечкиот потенцијал со млади, високо и соодветно едуцирани лица, МНР го отвори овој конкурс токму со таква цел – на најтранспарентен начин, но и со почитување на постојната законска постапка да бидат избрани најдобрите од пријавените кандидати“, велат од таму.

Министерот Димитров смета дека зад целата кампања во која МНР се обвинува дека вработува партиски кадри стои опозицијата.

„Болеста се жали на лекувањето. Човек не смее да престане со растерувањето на маглата. Во спротивно, ноќта може да се преправи во ден, и покрај темнилата. Здружението што се занимава со оваа црна алхемија, во улога на опозициска партија, денес пред МНР јавно обвинила за партизација, користејќи го актуелниот конкурс за вработување млади дипломати“, напиша Димитров на „Фејсбук“ и најави дека ќе одржи прес-конеференција кога ќе се врати во земјава.

Македонија

Во Бутел инклузивно игралиште за деца со и без попреченост

Објавено пред

Инклузивното игралиште во дворот на ОУ „Живко Брајковски“, кое Град Скопје го направи во соработка со Општина Бутел, денеска  скопскиот градоначалник Петре Шилегов го пушти во употреба.

„Пред десетина дена во Општина Бутел отворавме сензорска соба, а денеска го пуштаме во употреба инклузивното игралиште чиишто реквизити се соодветни за користење од децата со и без попреченост“, нагласи Шилегов.

Игралиштето се простира на површина од 720 квадратни метри и е инвестиција вредна околу 3.900.000 денари дадени од Градот, а партерното уредување од околу 1.500.000 денари го обезбедила Општина Бутел.

„Ги охрабрувам и градоначалниците на другите општини да влегуваме во вакви заеднички реализации на проекти коишто се битни и покажуваат дека секој во нашиот град е важен“, рече Шилегов, кој потсети дека исто инклузивно игралиште Град Скопје направи и во Карпош, а тоа беше пуштено во употреба претходниот викенд.

Прикажи повеќе...

Македонија

Пауновски: Поднесени се 26 кривични пријави против угостители

Објавено пред

Директорот на пазарниот инспекторат, Стојко Пауновски, рече дека од четвртокот до сега издале 856 опомени за угостителите кои не ги почитувале протоколите, а откако по вторпат биле прекршени, инспекторите поднеле 26 кривични пријави.

Пауновски повика сите да се придржуваат до протоколите, за кои кажа дека е можно да се изменат со цел поголема контрола.

„Во четвртокот издадовме 856 опомени на угостителските субјекти, а во врска со спроведувањето на протоколите за работа. Од денот кога почнавме да ги казнуваме тие кои ќе ги прекршат протоколите, Пазарниот инспекторат има поднесено 21 кривична пријава и пет се во фаза на постапка, односно денеска или утре ќе бидат доставени. Во викендот и вчера поднесени се 26 кривични пријави. Во истиот тој период констатирано е дека дел од угостителите кои почнале со работа во летните тераси, имаше и такви кои се нерегистрирани. Во текот на овие контроли, регистрирани се прекршувања по тој основ на 41 субјект за кои се изречени прекршочни пријави и издадени се платни налози“, рече Пауновски.

Според него, голем дел на угостителите ги почитуваат протоколите.

„Не сакаме по два и пол месеци затворени угостителски објекти, повторно да прибегнуваме кон мерката на затворање на оние кои нема воопшто да ги почитуваат протоколите. Сите овие протоколи, кои ги носи Владата, се пред сè за заштита на тие кои го организираат угостителството, здравјето на оние кои ги посетуваат угостителските објекти. Ништо не е тешко ако сакаме нешто да спроведеме, бидејќи се работи за здравјето на сите“, додаде Пауновски.

Прикажи повеќе...

Македонија

Бухова: Завршени се 100 од 485 тестови на вработени во конфекциските фабрики во Штип

Објавено пред

Директорката на Државниот здравствен и санитарен инспекторат Ирина Бухова вели дека будно се следи состојбата со кластерите на новозаразени од коронавирусот што се појавија во конфекциските фабрики во Штип и во одредени правни субјекти во Тетово.

До вчерашниот ден од планираните 485 тестирања нa вработени во петте конфекциски фабрики, завршени се 100.

„Во Штип се издадени 55 решенија на лица кои се позитивни на коронавирусот за домашно лекување и самоизолација и 169 решенија на лица за здравствен надзор и изолација по однос на контакти“, рече Бухова.

Во Тетово, пак, од планираните 150 тестирања на лица вработени во одредени фирми, завршени се 70.

„Во Тетово, осум решенија се издадени по основ дека се инфицирани со коронавирусот за домашно лекување и самоизолација и 54 решенија по основ на контакти. Напоменувам дека овие бројки кои ги кажав се однесуваат само на позитивните и контактите кои се изолирани во конфекциите и правните субјекти во овие два града. Во оваа бројка не се внесени кластерите во фамилии или другите позитивни лица. Правните субјекти и текстилните фабрики покажаа исклучително почитување на протоколите со што веднаш по појавување на еден позитивен вработен сами престанаа со работа“, вели Бухова.

Таа го повика Министерството за внатрешни работи да врши контроли на лицата за кои се издадени решенија за изолација и за домашно лекување.

Бухова ги демантира информациите кои ги објавиле одредени медиуми, дека конфекциските фабрики во Штип сè уште работат.

„Во моментов таму се земаат брисеви од вработените и присуството на вработените е исклучиво врз таа основа“, вели таа.

Прикажи повеќе...

Најново

Македонија27 минути

Бухова: Завршени се 100 од 485 тестови на вработени во конфекциските фабрики во Штип

Директорката на Државниот здравствен и санитарен инспекторат Ирина Бухова вели дека будно се следи состојбата со кластерите на новозаразени од...

Регион3 часа

Цело одделение во Марибор во карантин, еден ученик позитивен на коронавирус

Сите ученици од една паралелка од трето одделение во основно училиште во Марибор, Словенија, се во 14-дневен карантин, откако на...

Македонија3 часа

Портпаролката на СДСМ во самоизолација

Портпаролката на СДСМ, Богданка Кузеска, е во самоизолација затоа што имала средба со директорката на УЈП, Сања Лукаревска, која е...

Регион4 часа

Црна Гора 28 дена без нови случаи, исполнети се условите за крај на епидемијата

Во Црна Гора се исполнети условите за прогласување крај на епидемијата на коронавирус, изјавил Сенад Бегиќ, помошник-директор на Институтот за...

Свет5 часа

(Видео) Четворица полицајци ранети во пукање во Сент Луис, во Бафало возило влета во полициски кордон

Насилните протести во САД продолжија откако минатата недела во полициско апсење беше убиен Џорџ Флојд, а Би-би-си јавува дека имало...

Свет5 часа

Чешка на 15 јуни ги отвора границите за 29 земји

Чешката влада соопшти дека од 15 јуни на граѓаните на таа земја ќе им биде дозволено да патуваат во 29...

Спорт6 часа

Барселона криела дека во тимот има заразени со коронавирусот

Шпанците се подготвуваа за ре-старт на сезоната, која беше прекината поради пандемијата на вирусот Ковид-19. Клубовите пред три недели добија...

Европа6 часа

Во Шпанија првпат од март нема нови смртни случаи од коронавирус

Во Шпанија во последните 24 часа не се пријавени смртни случаи од коронавирус, првпат од март, соопштија здравствените власти на...

Свет6 часа

(Видео) Трамп најави дека ќе испрати илјадници тешко вооружени војници на улиците

Претседателот на САД, Доналд Трамп, се закани дека ќе испрати војска на улиците за да ги задуши граѓанските немири во...

Свет18 часа

(Видео) Се огласи братот на Џорџ Флојд: Тој беше џин со нежно срце, немаше да поддржи насилни протести

Теренс Флојд, помладиот брат на Џорџ Флојд, се обидува да ја смири ситуацијата по жестоките и масовни портести кои избувнаа...

Свет18 часа

СЗО: Нема докази дека коронавирусот сега е послаб

Нема докази дека коронавирусот ја сменил формата на пренесување или дека се променила тежината на болеста што ја предизвикува, велат...

Македонија18 часа

Судниците и просториите во зградата на Кривичниот суд се подготвуваат за продолжување на судењата

Основниот кривичен суд Скопје, по добивање на одлуката на Судскиот совет за судење на сите насрочени судења, која беше објавена...

Македонија23 часа

Филипче: Бројки како вчерашните и денешните очекуваме и во следните неколку дена

Министерот за здравство, Венко Филипче, вели дека се очекува бројката на новодијагностицирани од Ковид-19 и во следниве 2-3 дена да...

Македонија24 часа

Филипче: Над 70 отсто од новите случаи се од познати кластери

Министерот за здравство, Венко Филипче, вели дека 70 отсто од новозаболените од Ковид-19 од Скопје се од веќе познати општини...

Македонија1 ден

Османи: Засега нема предлог за воведување полициски час во одделни скопски општини

Засега нема предлог до Кризниот штаб и Владата за воведување полициски час во одделни општини низ Скопје, каде бројот на...

Македонија1 ден

Седум починати и 89 нови случаи на коронавирус во Македонија

Во изминатите 24 часа во државава се потврдени 89 нови случаи на коронавирус и седум смртни случаи, соопшти Министерството за...

Економија1 ден

Горивата поевтинуваат

Бензините и дизелот од ноќеска на полноќ ќе поевтинат за половина денар, соопшти Регулаторната комисија за енергетика. Од вечерва на...

Македонија1 ден

(Видео) Заев: Датумот е завршена работа, избори ќе има на 5 јули

Поради заштита, изборите се решение, а датумот е завршена работа, тие ќе се случат на 5 јули за да добиеме...

Регион1 ден

Словенија официјално прогласи крај на епидемијата на Ковид-19

Словенија официјално прогласи крај на епидемијата на коронавирус. Од денеска се олеснети рестриктивните мерки, а со работа почнуваат фитнес-центрите, салоните...

Македонија1 ден

Директорката на УЈП, Сања Лукаревска, позитивна на Ковид-19

Директорката на Управата за јавни приходи, Сања Лукаревска, објави на Фејсбук дека е позитивна на коронавирус. Таа вели дека по...

Досие