Контакт

Македонија

МТСП: Со социјалната реформа не се кратат, туку се унапредуваат правата на лицата со попреченост

Објавено пред

Министерството за труд и социјална политика ја демантира изјава од „Хендикеп плус“ дека со предложениот закон за социјална заштита се кратат правата на лицата со попреченост. Напротив, со новата законска регулатива се унапредуваат правата, и тоа преку неколку основни начела: член 15 – начелото на еднаков третман и недискриминација, член 17 – начелото на партиципативност; член 18 – начело на индивидуализација и член 22 – начело на најдобар интерес, тврди Министерството.

„Со социјалната реформа се воведуваат две целосно нови услуги за лицата со попреченост – лична асистенција и услугата домашна нега. Правото за попреченост се проширува и за лицата со интелектуална попреченост, а додатокот за надоместок за плата за скратено работно време за родител што чува дете со попреченост се зголемува до 50 отсто од просечна нето-плата.

Како поддршка на биолошките семејства што имаат деца со попреченост, 15 отсто се зголемува износот на утврдената висина на правото на посебен додаток. Воедно, се воведува и таканаречениот траен надоместок за родител што се грижел за детето со попреченост до неговата 26-годишна возраст, без да го смести во институција, кој е невработен и не користи право на пензија по наполнување 62 години за жена, односно 64 години за маж. Исто така, се развива и услугата за одмена на семејна грижа, која ќе обезбедува краткотрајно згрижување зависни членови од семејството заради одмор, лични и професионални потреби на членови на семејството што се грижат за нив, што е исто така дел од новиот Закон за социјалната заштита“, соопшти МТСП.

Владата изминатата година ја усвои Националната стратегија за деинституционализација 2018-2027 „Тимјаник“, која предвидува 66 милиони евра за 10-годишна реформа на системот за социјална заштита. Веќе се направени првите чекори за воспоставување индивидуализирани социјални услуги во заедницата – првпат во земјата се воведе услугата персонална асистенција, финансирана од буџетот на МТСП. По завршувањето на подготовките, вклучувајќи обука на идните персонални асистенти, вкупно 69 лица во 7 општини добија можност да ја користат услугата лична асистенција. За оваа година се предвидува 200 лица со попреченост од целата земја да ја користат оваа услуга вклучувајќи ги лицата со интелектуална попреченост. Ова е доказ дека оваа Влада во целост ги има предвид одредбите на Конвенцијата за правата на лицата со попреченост, особено нејзините одредби за независен живот и независно одлучување, кои се основата на развојот на сите нови индивидуални услуги што во минатото не постоеле.

„Уште еднаш, МТСП најостро ги демантира тврдењата дека со новиот Закон за социјалната заштита се кратат прават за лицата со попреченост. Напротив, за разлика од досегашната практика, со која само се трансферираа финансиски средства до крајните корисници, без притоа да добијат соодветна услуга, со сите овие новини се става акцент на развојот на услугите што ќе ги подобрат поддршката и негата, но и ќе ја зголемат независноста на лицата со попреченост и нивната вклученост во општеството“, се додава во реакцијата.

Бранкица Димитровска од здружението „Хендикеп“ на прес-конференција пред Министерството за труд и социјална политика порача дека лицата со попреченост ќе протестираат ако треба секој ден со количките доколку не се земат предвид нивните барања, пред сè, подигање на висината на помошта што се издвојува од буџетот.

Македонија

(Видео) Невреме кај Кичево – град ги прекри патиштата, сообраќајот отежнат

Објавено пред

Силно невреме проследено со пороен дожд и град го зафати подрачјето во близина на Кичево.

На патот после Кичево, кога се оди кон Скопје, паѓа крупен град и врне пороен дожд и речиси е невозможно да се вози. Патници кои во моментов се наоѓаат на местото велат дека покрај патот има колона возила кои чекаат да помине невремето за да го продолжат патувањето.

Попладнево и Струмица беше зафатена од силно невреме. Нестабилната облачна маса се движеше кон југ во правец на Валандово, Дојран и Богданци. Нестабилно беше во повеќе места во источниот и во планинските подрачја во западниот дел од земјата, како и над Преспанското Езеро. Подоцна нестабилна воздушна маса со поголеми размери ја зафати околината на Битола, а нешто помала и Кичевско. Доцна попладне во Дебар имаше невреме проследено со пороен дожд, грмежи и појава на град.

Во вечерните часови сè уште на повеќе места ќе биде нестабилно со пороен дожд, грмежи и засилен ветер, локално во форма на невреме, особено во западните делови.

Времето утре претпладне сончево и топло со умерена облачност, попладне на повеќе места нестабилно со пороен дожд, грмежи и засилен ветер. Локално процесите ќе бидат во форма на невреме со пообилни врнежи, силен ветер и појава на град.

Прикажи повеќе...

Македонија

Утре умерено облачно време, попладне пороен дожд

Објавено пред

Времето утре претпладне ќе биде сончево и топло со умерена облачност, попладне на повеќе места нестабилно со пороен дожд, грмежи и засилен ветер. Локално процесите ќе бидат во форма на невреме со пообилни врнежи, силен ветер и појава на град, соопшти УХМР.

Утринската температура ќе се движи од 11 до 19, а дневната од 27 до 34 степени. УВ индексот ќе биде 7.

Во Скопје, сончево со мала до умерена облачност, попладне нестабилно со пороен дожд, грмежи и засилен ветер. Температурата ќе се движи од 17 до 32 степени.

Во следните денови во попладневните часови ќе има честа појава на пороен дожд, грмежи и засилен ветер. Локално процесите ќе бидат во форма на невреме со пообилни врнежи, силен ветер и појава на град. Максималните температури до средината на наредната седмица ќе бидат во благо опаѓање.

Прикажи повеќе...

Македонија

Почна седницата на Централниот одбор на СДСМ

Објавено пред

Деветтата седница на Централниот одбор на СДСМ почна пред малку во Охрид. Претседателот на Социјалдемократскиот сојуз, Зоран Заев, денеска од Преспа најави, како што рече, пријатни изненадувања на состанокот.

„Централниот одбор денеска треба да го избере Извршниот одбор на партијата, секретарите….. Имавме консултации пред состанокот со заменик-претседателот и генералниот секретар, но мислам дека ќе има пријатни изненадувања кои се типични за левичарските партии и верувам дека тоа ќе биде убава кадровска импликација за да можеме да ги мотивираме и другите политички партии и општеството да се менуваме кон подобро“, рече Заев.

На седницата ќе се дебатира за суштинските промени во партијата, новиот систем на делување и работа на партијата, напредокот на државата, а се очекува и заокружување на внатрепартиските промени и избор на ново партиско раководство.

На седницата ќе се разговара и за политичката ситуација во државата како и за позитивниот извештај од ЕУ и ветувањето и гаранциите кои ги даде Германија дека Бундестагот во септември ќе даде позитивен сигнал за преговори со Унијата.

Минатиот месец по барање на Заев беа разрешени сите претседатели на општиниски организации, шесте потпрестедатели на партијата и генералниот секретар Александар Кирацовски. За нов генерален секретар беше назначен министерот за земјоделство Љупчо Николовски, а минатата недела беа избрани и 30 претседатели на општински организации.

Од СДСМ најавија дека по завршување со промените внатре во партијата промени ќе има и во централната и локална власт. Сметаат дека нема потреба од предвремени парламентарни избори, сепак не се исклучува можноста да се дискутира за тоа. Партијата очекува во септември датум за преговори со ЕУ, а истите да почнат до крајот на годината.

Прикажи повеќе...

Најново

Македонија27 минути

(Видео) Невреме кај Кичево – град ги прекри патиштата, сообраќајот отежнат

Силно невреме проследено со пороен дожд и град го зафати подрачјето во близина на Кичево. На патот после Кичево, кога...

Македонија1 час

Почна седницата на Централниот одбор на СДСМ

Деветтата седница на Централниот одбор на СДСМ почна пред малку во Охрид. Претседателот на Социјалдемократскиот сојуз, Зоран Заев, денеска од...

Вести3 часа

Сопругата на премиерот на Израел со државни пари јадела во луксузни ресторани

Сопругата на премиерот на Израел, Бенјамин Нетанјаху, Сара Нетанјаху, е казнета со 15.000 долари за злоупотреба на државни фондови. Судот...

Спорт4 часа

Рекорд – дрес на Бејб Рут продаден за 5.64 милиони долари!

Дрес на американската безбол легенда Бејб Рут го сруши рекордот за најскапо продадена спортска „меморабилија“, откако на аукцијата во Њујорк...

Свет5 часа

Електричен дефект ги остави Аргентина и Уругвај без струја

Голем дефект во електричната мрежа ги остави Аргентина и Уругвај без струја, соопшти главната електродистрибутивната мрежа на Аргентина. Според информациите,...

Топ7 часа

Мотоциклист удри во 83-годишна жена на „Партизанска“ и побегна

Непознато лице со мотоцикл синоќа на бул.„Партизански Одреди“ во Скопје удри во 83-годишна жена пешак и побегна од местото. Жената...

Свет8 часа

Трамп повторно го нападна градоначалникот на Лондон поради насилствата

Американскиот претседател Доналд Трамп уште еднаш го критикуваше градоначалникот на Лондон, Садик Кан, нарекувајќи го „катастрофа“, кој го уништува главниот...

Свет9 часа

Се судрија два мали авиони во Нов Зеланд, загинаа двајцата пилоти

Два лесни авиони се судрија при слетување на аеродромот „Худ“ на Нов Зеланд, двајцата пилоти загинаа, соопшти полицијата. Според информациите,...

Свет9 часа

Силно невреме во Швајцарија и Франција, има и загинати

Една жена загинала кога на неа паднало дрво, а друга жена загинала во несреќа на езеро во источна Франција, кое...

Свет9 часа

Вонредна состојба на Нов Зеланд по земјотрес во океанот, се очекува силно цунами

Новозеландската цивилна заштита издаде предупредување после земјотресот со интензитет од 7,4 степени, регистриран во Тихиот океан кај островот Кермадек, ненаселена...

Бегството на Груевски23 часа

Груевски: Напамет не ми паднало да влегувам во багажник за какви било цели

Експремиерот Никола Груевски се огласи на Фејсбук по изјавата на премиерот Заев за германски „Франкфуртер алгемајне цајтунг“(ФАЦ), каде тој рече...

Економија1 ден

ММФ: Најголемиот проблем на Западен Балкан е лошата инфраструктура и невработеноста

Недостигот на капитал и ниската вработеност се најголемиот проблем на земјите од Западен Балкан, изјавил високиот регионален претставник на Меѓународниот...

Македонија1 ден

(Видео) Заев до Хан: Добивањето датум ќе биде потврда дека се што направивме вредело

Претседателот на Владата, Зоран Заев денеска во Австрија се сретна со еврокомесарот за проширување и добрососедска политика, Јоханес Хан. На...

Македонија1 ден

(Видео) Раководството на МВР врши мобинг врз Независниот синдикат на полицијата

Портпаролот на Независниот синдикат на полицијата, Дејан Саздов, обвини дека раководството на Министерството за внатрешни работи врши мобинг врз членовите...

Македонија1 ден

Туристичката кампања „Македонија вечна“ стана „Северна Македонија вечна“

Северна Македонија го корегира името на туристичката кампања „Македонија вечна“ во „Северна Македонија вечна“, во согласност со Преспанскиот договор, објави...

Македонија1 ден

АСОМ: Законот за игрите на среќа де факто значи бришење на една цела стопанска гранка

Асоцијацијата на спортски обложувалници (АСОМ) присуствуваше на јавната расправа во Собранието за предлог-измените и дополнувањата на Законот за игрите на...

Економија1 ден

Тевдовски: Агенцијата „Фич“ после 13 години го зголеми кредитниот рејтинг на земјата

Aгенцијата „Фич” го зголеми кредитниот рејтинг на Северна Македонија од ББ на ББ+, со стабилен изглед. Ова е прво подобрување...

Топ1 ден

Убиената жена во Шутка го спасила сопругот, застанала пред него и била избодена до смрт

Скопјанец до смрт избоде своја братучетка во населбата Шуто Оризари. Според информациите од МВР, скопјанецот со нож го нападнал сопругот...

Македонија1 ден

Изминатава недела 70 нови случаи на мали сипаници

Министерството за здравство информира дека во текот на изминатава недела се регистрирани 70 нови случаи на мали сипаници што е...

Македонија1 ден

Казнети 77 возачи и 11 мотоциклисти за еден ден во Скопје

Сообраќајната полиција во Скопје вчера казнила 77 возачи кои возеле со брзина над дозволената, и 11 мотоциклисти кои возеле без...

Досие