Контакт

Македонија

МТСП: 421 лице добива неповратни средства за самовработување

Објавено пред

Министерката за труд и социјална политика, Мила Царовска, директорката на Агенцијата за вработување, Билјана Јовановска, и постојаната претставничка на УНДП во Северна Македонија, Нарине Сахакјан, денеска во Тетово се сретнаа со невработени лица коишто се селектирани за користење неповратни средства од програмата за самовработување.

Од вкупно 421 дополнително селектирано лице за кои се обезбедија средства од ребалансот на годинашниот буџет најголем број, односно 81 се од Тетово. Овие лица по успешно изработениот бизнис-план набрзо ќе може да ги регистрираат своите фирми и ќе почнат со работа.

Министерката Царовска истакна дека самостојните корисници добиваат грант предвиден со Оперативниот план за 2019 година до 5.000 евра или ако се двајца содружници до 10.000 евра.

„Навистина ми е драго што меѓу вас има многу млади луѓе коишто имаат идеја за бизнис. Верувам дека вашите бизниси ќе станат одржливи и ќе растат со што ќе имате потреба од нови вработувања. Оваа година навистина бележиме огромен интерес за програмата за самовработување и затоа Владата водејќи се пред сè од интересот на невработените лица да се активираат на пазарот на трудот, одвои рекордни речиси 8 милиони евра како поддршка на поголем број идни претприемачи од првично предвидените средства“, изјави Царовска.

Од МТСП информираат дека во последните 3 години средствата за програмата за самовработување се зголемени повеќе од двапати во споредба со периодот од 2007 до 2016 година.

Постојаната претставничка на УНДП Сахакјан го истакна задоволството од многугодишното успешно партнерство со Владата и другите национални партнери при имплементацијата на програмата за самовработување.

„Поради огромниот интерес за мерката што постојано расте, навистина можеме да кажеме дека самовработување е бренд-програма на секој оперативен план. Посебно ни е драго што младите стануваат движечка сила на оваа мерка со своите нови и иновативни бизнис-идеи кои во иднина ќе генерираат и нови работни места“, рече Сахакјан.

Директорката на АВРСМ, Билјана Јовановска, потенцираше дека освен самовработување отворени се и други активни мерки од оперативниот план за 2019, и тоа за ИТ-обуките и за субвенционирање на платите.

„На ниво на цела држава за годинава предвидено е потпишување на вкупно 1.484 договори за самовработување. Од нив вкупно 557 лица, односно 38% се млади лица, до 29 години, а 518, односно 35% се жени“, рече Јовановска.

Во последните неколку години околу 15 % од вкупно регистрираните приватни бизниси во државата потпаѓаат под програмата за самовработување. Од 2007 година се формирани над 30.000 бизниси со самовработување од кои 65 % сè уште се активни.

Македонија

141 новозаразени од Ковид-19, почина пациент од Скопје

Објавено пред

Министерството за здравство информира дека во последните 24 часа се направени 1.559 тестирања, а регистрирани се 141 нови случаи на Ковид-19 во Скопје-51, Куманово-12, Штип-6, Прилеп-6, Тетово-2, Струга-2, Велес-2, Битола-5, Охрид-3, Кавадарци-5, Гостивар-2, Гевгелија-5, Струмица-10, Крива Паланка-2, Кочани-5, Пробиштип-1, Валандово-3, Виница-3, Делчево-2, Свети Николе-8 и по двајца во Кичево, Ресен и Неготино.

Денеска Институтот за јавно здравје регистрира 94 оздравени пациенти од:Скопје-25, Куманово-5, Дебар-1, Штип-6, Прилеп-5, Тетово-8, Струга-3, Велес-5, Битола-7, Гостивар-4, Гевгелија-5, Крива Паланка-1, Радовиш-3, Кочани-5, Берово-1, Виница-1, Делчево-1, Кратово-1, Кичево-6 и еден од Свети Николе.

Во болнички услови е починат пациент од Скопје на 79 годишна возраст.

Вкупната бројка на ковид дијагностицирани во нашата земја од почетокот на епидемијата изнесува 17.483, бројката на оздравени пациенти е 14.516, на починати е 722, а во моментов бројот на активни случаи изнесува 2.245. Од вчера се регистрира еден контролен тест, а според завршените анализи во моментов статистиката по градови е следна:

• Скопје 6.832, активни 650
• Куманово 1.741, активни 183
• Дебар 282, активни 40
• Штип 1.249, активни 57
• Прилеп 658, активни 123
• Тетово 1.413, активни 166
• Струга 664, активни 60
• Велес 317, активни 33
• Битола 290, активни 57
• Охрид 421, активни 49
• Кавадарци 230, активни 44
• Гостивар 926, активни 108
• Гевгелија 124, активни 52 (8 лица од ПЕ Гевгелија се жители на Дојран, 17 на Богданци и 12 се странски државјани)
• Струмица 226, активни 147
• Крива Паланка 104, активни 28
• Радовиш 75, активни 19
• Крушево 20, активни 3
• Кочани 323, активни 139
• Пробиштип 110, активни 21
• Демир Хисар 61, активни 2
• Македонски Брод 92, активни 13
• Пехчево 43, активни 3
• Берово 91, активни 27
• Валандово 30, активни 21
• Виница 108, активни 29
• Делчево 159, активни 85 (35 лица од ПЕ Делчево се од Македонска Каменица)
• Кратово 24, активни 0
• Свети Николе 335, активни 31
• Кичево 319, активни 34
• Ресен 164, активни 16
• Неготино 52, активни 5 (12 лица од ПЕ Неготино се жители на Демир Капија)

Досега се направени вкупно 184.097 тестирања на Ковид-19. Нема тестирања во рамките на скринингот.

На Инфективната клиника во изминативе 24 часа примени се 10 пациенти. Вкупно се хоспитализирани 67, од кои на кислородна поддршка се 27 пациенти.

Во болницата во Козле хоспитализирани се 5 деца и 3 мајки позитивни на Ковид-19, како и дете и мајка суспектни на вирусот.

Во болницата „8 Септември“ примени се 3, а вкупно хоспитализирани се 37 пациенти, од кои петмина се на респиратор.

Во болницата во Битола се хоспитализирани 18, а во болницата во Штип 44 пациенти. На инфективните одделенија во Тетово, Охрид, Велес, Куманово, Прилеп, Гостивар, Струмица и Струга се хоспитализирани 166, позитивни и сомнителни на Ковид-19.

Статистиката за активни случаи по скопските општини денеска е следна:

• Чаир – 62
• Гази Баба – 80
• Аеродром – 97
• Карпош – 83
• Центар – 91
• Кисела Вода – 69
• Ѓорче Петров – 47
• Бутел – 29
• Шуто Оризари – 17
• Студеничани – 8
• Сарај – 12
• Арачиново – 5
• Илинден – 25
• Сопиште – 3
• Чучер Сандево – 5
• Петровец – 7
• Зелениково – 2
• Странец – 8
• Нераспределен-1

Прикажи повеќе...

Македонија

Засилени сообраќајни контроли во Гостивар, за 60 минути напишани 60 казни

Објавено пред

Само за еден час во денешната акциска контрола на сообраќајната полиција во Гостивар изречени се 60 санкции, пред се за нерегистрирани возила и возење без возачка дозвола, соопшти портпаролот на МВР Тони Ангеловски на денешната прес-конференција во овој град.

Тој истакна дека покрај во Скопје, полицијата почнала со спроведување на засилени акциски сообраќајни контроли и во другите градови.

„Се санкционираат сите сообраќајни прекршоци, а особено оние кои што се најчеста причина за сообраќајни незгоди со тешки последици, како што се управувањето на возило под дејство на алкохол, возење со брзина над дозволената, недавањето првенство на минување на возила и пешаци,а се санкционираат и возачите на мотори кои не ги почитуваат правилата“, рече Ангеловски.

Тој апелираше до граѓаните на Гостивар да ги почитуваат сообраќајните правила и прописи и порача дека акциските контроли ќе продолжат и во наредните денови.

Целосните податоци од денешната акциска контрола во градот ќе бидат презентирани утре.

Прикажи повеќе...

Македонија

(Видео) Протест против полициската бруталност во Битола: „Сакаме правда, и Ромите се граѓани“

Објавено пред

Со извикување на паролите „И Ромите се граѓани“, „Нема правда, нема мир“, „Правда за Ромите“, „Роми полицајци“ денеска во Битола се одржа протест против полициската бруталност, откако пред два дена битолчани Роми беа претепани од полициски службеници.

Протестот започна попладне, а група граѓани се движеа по Главната улица во Битола, до седиштето на битолската полиција. Тие побараа правда за Ромите, наведувајќи дека е доста со манипулации.

„Денешниот собир е со цел да го изразиме нашето незадоволство спрема одредени полицајци кои на ваков дрзок и кукавички начин претепаа Роми, дел од нив и хендикепирани и немале можност да удрат на едне од службениците. Ги молам сите засегнати институции да преземат поголеми мерки, за во иднина да нема вакви случаи. Многу млади луѓе секојдневно се малтретирани од полиција, но тоа не излегува во јавноста. Бараме помирување со полицијата, не сме против неа, но во иднина да нема вакви инциденти. Ги молиме институциите да се вработуваат повеќе Роми во полицијата“, истакна еден од активистите.

Протестот беше организиран од иницијативата „Аваја“ заедно со здруженијата Ромалитико, Романо Авази, Ромаверзитас, Баирска Светлина, Сумнал, Ромско Јато.

„Аваја го сподели видеото на кое се гледа полициската бруталност на социјалните мрежи, кое предизвика бројни реакции во јавноста. Министерот за внатрешни работи, Оливер Спасовски, вчера информираше дека полицаецот кој на видеото се гледа како тепа еден од граѓаните добил кривична пријава и суспензија од работното место, додека полицаецот кој го придружувал и не преземал никакви мерки за да го спречи насилството исто така е суспендиран и против него ќе биде покрената дисциплинска постапка.

Невладините и вчера тврдеа дека по обелоденувањето на полициската бруталност врз тројцата Роми во изминатите неколку дена, одредени лица шират и побудуваат говор на омраза кон ромската заедница. На денешниот протест во Битола наводно биле сликаше граѓански активисти кои беа дел од протестот и им биле упатувани закани дека јавно ќе бидат објавени дека учествувале на протестот.

Прикажи повеќе...

Најново

Економија5 часа

Најбогатиот Британец и заговорник за брегзит се пресели во Монако

Сер Џим Ретклиф, најбогатиот Британец и еден од водечките поборници за брегзит, ја напушти Велика Британија и се пресели во...

Европа7 часа

(Видео) Лондон: Илјадници луѓе протестираа против рестриктивните мерки, полицијата принудена да интервенира

Британската полиција денеска ги растури демонстрациите во центарот на Лондон против рестрикциите наметнати поради коронавирусот. Полицијата интервенираше откако насобраните ги...

Македонија9 часа

141 новозаразени од Ковид-19, почина пациент од Скопје

Министерството за здравство информира дека во последните 24 часа се направени 1.559 тестирања, а регистрирани се 141 нови случаи на...

Македонија10 часа

(Видео) Протест против полициската бруталност во Битола: „Сакаме правда, и Ромите се граѓани“

Со извикување на паролите „И Ромите се граѓани“, „Нема правда, нема мир“, „Правда за Ромите“, „Роми полицајци“ денеска во Битола...

Свет11 час

Астронаутка ќе гласа од вселената на изборите во САД

Астронаутката на НАСА, Кејт Рубинс, рече дека ќе гласа од вселената, на повеќе од 300 километри над Земјата, на претстојните...

Македонија11 час

(Видео) Пендаровски и Пахор во Кампот за обука на вода во Охрид

Претседателот и врховен командант на вооружените сили, Стево Пендаровски и претседателот на Република Словенија, Борут Пахор денеска во Охрид го...

Свет12 часа

Украинскиот претседател бара објективна истрага за падот на авионот

Украинскиот претседател Володомир Зеленски изјави дека ќе се испитаат брзо и непристрасно причините за падот на воениот авион во кој...

Топ13 часа

Приведени 10 лица поради нападот на полицајци во Прилеп

ОВР Прилеп до Основното јавно обвинителство Прилеп поднесе кривична пријава против 10 лица, и тоа: Е.Е.(28), Е.И.(30), Ф.Ќ.(37), С.А.(40), Ф.Ќ.(43),...

Топ13 часа

Приведени двајца скопјани – удриле во полицаец додека мерел со радар

Двајца скопјани се приведени откако удриле во сообраќаен полицаец во Скопје. Како што информира МВР, приведени се А.Д.(19) и К.М.(21)...

Македонија14 часа

МОН: Националната платформа достапна за учениците и родителите

Веб-страницата на Единствената национална платформа за онлајн учење од полноќ е веќе достапна за корисниците преку адресата www.schools.mk. Со цел...

Свет15 часа

По терористичкиот напад во Париз – уапсен главниот осомничен, приведени уште 6 лица

Седум лица се приведени за нападот пред поранешните канцеларии на сатиричниот неделник „Шарли Ебдо“, соопштија официјалните лица. Маж вооружен со...

Свет16 часа

(Видео) Се урна воен авион во Украина – загинаа 25 лица

Воен авион АН-26 се урна во близина на градот Чугуев во регионот Харков, јавува агенцијата Депо Харков, повикувајќи се на...

Македонија17 часа

Протест против полициската бруталност во Битола

Повеќе граѓански организации за денеска во Битола најавија протест против полициската бруталност, за кој повод е завчерашниот инцидент во кој...

Европа17 часа

Франција бара Брисел да ја принуди секоја членка на ЕУ да прими мигранти

Франција побара секоја земја членка на ЕУ да биде принудена да преземе дел од илегалните мигранти што пристигнуваат на европска...

Свет18 часа

Институт „Гамалеја“: Некои вакцинирани лица развиваат заштитни антитела по првата доза

Александар Гинтсбург, директор на рускиот институт „Гамалеја“, кој ја разви првата регистрирана вакцина против Ковид-19, изјави за „Спутник“ дека вакцинираните...

Топ1 ден

Тројца осомничени за производство и продажба на марихуана, едниот фатен додека ги кастрел стеблата во Визбегово

Скопското Обвинителство донесе наредба за спроведување истражна постапка против тројца 38-годишници за неовластено производство и продажба на марихуана. За таа...

Економија1 ден

Четвртиот пакет мерки е во вредност од 350 милиони евра

Вкупната вредност на четвртиот пакет изнесува околу 350 милиони евра од кои 264 милиони се од Буџетот на државата и...

Европа1 ден

СЗО: Во Европа се зголемува заразата со коронавирусот

Брзината на пренесување на Ковид-19 и хоспитализацијата растат во Европа, предупреди директорот на Светската здравствена организација за вонредни ситуации, Мајкл...

Македонија1 ден

Пахор со поддршка за членството во ЕУ: „Не смее да има одложување на меѓувладината конференција“

Словенија ќе продолжи да ја поддржува Северна Македонија на патот кон полноправно членство во Европската Унија, истакна претседателот на Словенија,...

Македонија1 ден

Починаа 9 лица, регистрирани 143 новозаразени

Во последните 24 часа се направени 1.504 тестирања, а регистрирани се 143 нови случаи на Ковид-19, и тоа во: Скопје...

Досие