Претседателот на СДСМ на денешната граѓанска трибина „Најдоброто за мојата општина ‘‘ пред арачиновци вети дека развојот на Арачиново ќе продолжи како и досега, бидејќи СДСМ е партија која не ги дели ниту луѓето, ниту, пак, општините и додаде дека Арачиново ќе биде европска општина, како и сите други општини.

„ И освен што го унапредивме Арачиново за 2 века, одржавме лекции по заедништво на оние другите кои глумат разбудени од деценискиот сон – демек ја разбрале вредноста на заедништвото. А сите знаеме, не се одамна тие времиња, во коишто истите овие кадри од криминалната банда на Груевски, меѓу кои и Мицкоски, го подриваа соживотот, за да го одвлекуваат вниманието на јавноста и слободно да крадат. А потоа други да одговараат. Е тоа го има само во режимот, ама режимот денес го нема, ниту ќе дозволиме да се врати“- рече Зоран Заев.

Заев потенцирање дека Арачиново е пример дека сите заедно можеме да живееме, да се сакаме и да се почитуваме, што претставува клуч за успехот и напредокот не само на општинити, туку и на државата.

„ Нашата сила е во заедништвото. А заедништвото е најдоброто и за Арачиново и за Република Северна Македонија. И затоа – си знаете и вие – на 17 октомври: пенкалото в рака и како што заедно срушивме режим, да не оставиме ни зрак ‘светла иднина на режимот’, да му го запечатиме местото во минатото, а ние, заедно, повторно со пекналото в врака, да го донесеме НАЈДОБРОТО“ – додаде Заев.

Заев го поздрави досегашното менаџирање на градоначалничката Миликије и даде поддршка да продолжи да работи како и досега и повеќе, и од доброто и подоброто, да го сработи најдоброто за Арачиново.

„ Миликије памети од детството, како вашите, нашите предци тука, сакале да живеат во мирна, спокојна средина, со сите потребни услови за квалитетен живот. Од запоставено Арачиново, поделено, без елементарни услови за живеење, Миликије сплоти и сработи. Ете вакви луѓе ни требаат, кои соработуваат, кои градат мостови и најважното – работат, се грижат – се грижат за сите“, рече Заев и побара од арачиновци на 17  октомври да победи заедништвото, проектите, напредокот и демократијата, да победи Најдоброто за Арачиново.

Претседателот на ВМРО-ДПМНЕ, Христијан Мицкоски, на вечерашниот предизборен митинг во Свети Николе упати повик до разочараните гласачи и тие кои досега ги бојкотирале изборите процеси да излезат и да го дадат својот глас затоа што сите граѓани во Македонија имаат заеднички противник, а тоа е Зоран Заев.

Мицкоски до оние кои досега бојкотирале и не го давале гласот за ниедна партија им порачува да не дозволуваат да пропадне нивниот глас.

„Некогаш неодговорната власт не е само последица на лошите особини на челните луѓе и првенците на власта, туку и поради игнорирањето и незаинтересираноста на добрите луѓе да учествуваат во политиката, тоа се луѓето кои одбрале да молчат кога требало да бидат гласни, да викаат“, изјави Мицкоски.

Мицкоски ги повика да излезат за да се уверат дека не се сите исти, дека ВМРО-ДПМНЕ се бори за подобра иднина и против криминалот на Зоран Заев, затоа што останувањето дома не дава плод.

„Излезете на овие избори, излезете в недела, на 17 октомври, и поддржете нè, поддржете го бројот 7, гласајте се ВМРО-ДПМНЕ и најголемата коалиција, коалицијата со народот“, нагласи Мицкоски.

Претседателот Стево Пендаровски за време на работната посета на Кралството Шведска денеска во Стокхолм се сретна со претставници на Шведската агенција за меѓународна соработка и развој – СИДА, претставници на Нобеловата фондација, како и на водечките политички организации и институти и тинк – тенк организации.

На средбата со Марие Отесон, заменик генерален директор на Шведската агенција за меѓународна соработка и развој – СИДА, претседателот Пендаровски беше запознаен со приоритетите на новата седумгодишна стратегија за реформска соработка на Кралството Шведска за земјите од Западен Балкан. Целта на програмата е доближување на овие земји со Европската Унија и надополнување на активностите на ЕУ фокусирани на основните реформи. Во таа насока, претседателот Пендаровски изрази благодарност до Владата на Кралството Шведска за помошта којашто нашата држава ќе ја добие за унапредување на повеќе области меѓу кои се човековите права, демократија, владеење на правото и родова еднаквост, одржлив еколошки и климатски развој и инклузивен економски развој.

Претставниците на Нобеловата фондација, пак, со претседателот Пендаровски разговараа за активностите од годинешното доделување на Нобеловата награда. Видар Хелгесен, извршен директор на Нобеловата фондација го информираше претседателот Пендаровски за едукативните програми за ученици и наставници чија цел е да послужат како инспирација за идните генерации да се стекнат со знаења и да го разберат и подобрат светот.

На средбата со претставници на водечки политички организации и институти и тинк – тенк организации претседателот Пендаровски изрази благодарност за континуираната развојна соработка и поддршка од Кралството Шведска за зајакнување на капацитетите на институциите на Северна Македонија, особено во областа на демократијата и владеењето на правото.

Претседателот Пендаровски, исто така, ја нагласи и улогата на шведските политички фондации, институти и тинк – тенк организации во институционалниот развој и внатрешната демократизација на политичките партии и политичкото образование.