Контакт

Македонија

„На секое дете му треба семејство“ – кампања на Министерството за труд и Уницеф

Објавено пред

Министерството за труд и социјална политика и Уницеф ја почнаа кампањата „На секое дете му треба семејство“, која има за цел да ги поттикне граѓаните да станат згрижувачи на деца без родителска грижа и да им овозможат да растат во безбедно и грижливо семејно опкружување исполнето со љубов. Кампањата има за цел и да мобилизира поддршка за решенија за грижа во семејно опкружување на ниво на заедницата, наспроти институционално згрижување.

Почетокот на кампањата го означија млади луѓе со флешмоб, пеејќи ја познатата песна „Галебе мој тажен“ – песна која е дел од видеото на кампањата – и испратија едноставна и силна порака „Дали имате љубов за давање?“.

„На секое дете му е потребно семејство. Слоганот на оваа кампања најдобро го опишува процесот на деинститционализација. Термин кој е сложен и тежок за разбирање, но означува реформа која е крајно хумана и насушно потребна во нашата земја”, рече министерката за труд и социјална политика, Мила Царовска, и додаде:  „Преку деинституционализацијата, до 2020 година сите деца на возраст од 0 до 3 години ќе ги извлечеме од институциите и ќе ги сместиме во мали групни домови, згрижувачки семејства или друга форма на соодветно сместување.”

Целта на кампањата е да поттикне поддршка за алтернативна грижа за децата наспроти сместувањето во големи институции и да даде поддршка да се стави крај на сместувањето деца помали од три години во големи институции до 2020. Во моментот над двеста деца – бебиња помали од три години, деца со попреченост и деца кои се одделени од своите родители поради злоупотреба или насилство – се згрижени во големи институции во земјава.

„Кога грижата на семејството ја нема, на детето му препукнува срцето и му штети на растот и на развојот затоа што без оглед колку добронамерен и обучен е персоналот и без оглед колку е добро опремена големата институција, таа никогаш не може да ја замени љубовта и поддршката на семејната средина“, рече Бенџамин Перкс, претставник на Уницеф. „ Со оваа кампања сакаме да помогнеме да се мобилизираат доволен број згрижувачки семејства кои имаат љубов за давање на децата кои се во моментот сместени во големи институции и да обезбедиме создавање широка мрежа семејства што се подготвени да ги отворат своите срца и домови за децата на кои може да им треба згрижување во иднина. “

Кампањата беше изработена да го одбележи Светскиот ден на семејството и Националниот ден на згрижувачки семејства. Преку познатата македонска песна телевизискиот спот со порака „Дали имате љубов за давање“ ќе се емитува на националните телевизии и на девет регионални телевизии. Покрај радио, печатен материјал, билборди и дигитални материјали, кампањата вклучува и други начини на вклучување на луѓето во оваа иницијатива. Над педесет познати лица ќе ѝ се приклучат на кампањата и ќе ја дадат поддршка преку своите профили на социјалните медиуми.

Во текот на наредните два месеца ќе се организираат отворени денови во триесет града преку локалната самоуправа, центрите за социјална работа и СОС Детско село за да им се даде на граѓаните низ целата земја можност да дознаат повеќе и да станат згрижувачки семејства.

Иницијативата е дел од заложбите на Владата да обезбеди услови за секое дете без родителска грижа во земјата да расте во безбедна и грижлива семејна средина. Тоа се постигнува преку вложување во превентивни активности и поддршка на биолошките семејства; развивање нови форми на згрижување и проширување на мрежата на згрижувачки семејства; инвестиции во подобрување на квалитетот на алтернативни решенија за грижа преку нивна стандардизација и вложување во рана детекција и рана интервенција на тешкотии во развојот кај децата.



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија

(Видео) Арсовски: Заев на штета на граѓаните ги крие Кики и Фрики зошто веројатно рекетирале со негова дозвола

Објавено пред

Катица Јанева заедно со нејзиниот син Лазар Јанев и Боки 13 рекетирале, уценувале и вршеле притисоци врз бизнисмени и политичари, посочи денеска на прес-конференција, портпаролот на ВМРО-ДПМНЕ, Димче Арсовски.

Тој нагласи дека и ВМРО-ДПМНЕ и нејзиниот претседател Христијан Мицкоски биле предмет на уцени и притисок од Катица Јанева.

„За тоа како што рековме има и сведок кој може да посведочи доколку биде повикан претседателот во обвинителството“, рече Арсовски.

Портпаролот додаде дека Боки 13 заедно со врвот на власта, односно со врвот на СДСМ преку најблиските соработници на Зоран Заев, кои, како што рече, ја уживаат неговата доверба, се стекнале со изнуден рекет во вредност од десетици милиони.

„СДСМ и Заев по цена на штета на сите граѓани, ги кријат и се обидуваат да ги заташкаат раководните луѓе од врвот на СДСМ што рекетирале преку СЈО или таканаречените Кики и Фрики на кои што се уште им го кријат идентитетот. Дали затоа што и Зоран Заев знаел и затоа тој самиот ги штити бидејќи со негова дозвола рекетирале“, запраша Арсовски.

Тој исто така уште еднаш го отвори прашањето каде е Катица Јанева и дали е направен распит на неа и на нејзиниот син.

„Зошто не се соопштува колку прислушувани и снимани разговори таканаречени ‘бомби’ се најдени кај рекетарите наменети за приватни цели и дали истите тие во моментот се уште кружат и се пуштени во промет за да може и други да ги рекетираат истите оние лица кои што биле предмет на уцена“, запраша портпаролот на опозициската партија.

На крајот тој порача дека Зоран Заев и СДСМ кои, како што рече, се мозоците на оваа афера за рекетирање, веднаш треба да си поднесат оставки и да распишат предвремени парламентарни избори.

Прикажи повеќе...

Македонија

На „Табановце“ за влез, на „Богородица“ за излез од државата се чека по 30 минути

Објавено пред

Сообраќајот на државните патишта се одвива по суви коловози, велат од Авто-мото сојузот на Македонија (АМСМ) во своето пладневно соопштение.

Од таму додаваат дека интензитетот на сообраќај на патните правци надвор од градските средини е зголемен.

На граничниот премин „Богородица“ времето на чекање за излез од државата е околу 20 минути, додека на „Табановце“ за влез во земјава се чека околу 30 минути.

На останатите гранични премини, од македонска страна, нема подолги задржувања за влез и излез од државата.

АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.

Прикажи повеќе...

Македонија

(Видео) Жителите на Аеродром против центар за зависници, бараат тие да се лечат на периферијата

Објавено пред

Жители на скопската населба Аеродром излегоа на протест, по иницијативата за преместување на зависниците од центарот во Кисела Вода, во поликлиниката „Јане Сандански“.

„Сметаме дека одлуката е скандалозна бидејќи објективно проблемот на Кисела Вода ќе биде решен, но ќе биде префрлен на други три места. Тоа секојдневие кое го има во Кисела Вода ќе се префрли тука. Бараме одлуката да се повлече. Решението треба да го најде Филипче. Масовноста ќе се зголемува од ден на ден ако одлуката не се промени. Нема расположение ниту зависниците привремено да останат тука“, рече поранешниот градоначалник на Аеродром, Ивица Коневски, кој беше присутен на протестот.

Како што изјавија дел од учесниците, собирот е во однос на тоа дека поликлиниката „Јане Сандански“ нема услови да ги прими зависницте.

„Не сме против луѓето кои собрале храброст да се лечат од дрога и апсолутно го имаат правото да го добијат својот третман, но не вака. Со ова не се решава проблемот со центарот за зависници во Кисела Вода, туку само се продлабочува. Тука има основно училиште, градинка со најголем капацитет во градот, станува збор за густо населено место“, кажа Мартин Клинчаров, еден од незадоволните жители.

Тој коментирајќи ги изјавите на жителите од Кисела Вода кои кажуваат дека наоѓаат шприцеви расфрлани низ тревата, запраша кој гарантира дека тоа нема да биде така и на оваа локација.

„Ова не е центар за зависности, мислам дека е покомплицирано од тоа. Овие ад хок решенија создаваат проблеми, во оваа населба има голем број деца. Овие луѓе нема да дозволат“, додаде тој.

„Ние сме граѓани, што ние да понудиме. Има три објекти на Водно, зошто не се преселат таму каде нема густа населеност? Такво решение треба да се бара, ова не е решение“, рече Клинчаров.

Според, друг жител, Огнен Герасимовски, проблемот треба да се реши со изградба на објекти на периферијата.

„На ова место има црква, згради, градинки, училишта. Во паркот кај црквата ние до денес сме наоѓале шприцеви од дрога. Ние не сме против зависниците. Наместо да се градеа објекти кои ништо не значат, да се изградеа објекти на периферија и така да се решеше проблемот“, рече тој.

Оливера Стефановска, учесничка на протестот, смета дека нови простории за лицата кои се лечат од зависност, на соодветна локација може целосно да се изградат за три месеци.

„Овој протест е револт по одлуката на министерот Филипче тука да се лечат зависници од дрога. Мислам дека моите деца ќе бидат нападнати од зависници, бидејќи кога сум била во клиника сум видела како се лечат, бараат пари. Во Драчево, Лисиче, таму нека се лечат, таму каде нема население. Три простории можат да се напраат за три месеци“, вели таа.

Прикажи повеќе...

Најново

Македонија2 часа

На „Табановце“ за влез, на „Богородица“ за излез од државата се чека по 30 минути

Сообраќајот на државните патишта се одвива по суви коловози, велат од Авто-мото сојузот на Македонија (АМСМ) во своето пладневно соопштение....

Македонија2 часа

(Видео) Жителите на Аеродром против центар за зависници, бараат тие да се лечат на периферијата

Жители на скопската населба Аеродром излегоа на протест, по иницијативата за преместување на зависниците од центарот во Кисела Вода, во...

Свет3 часа

(Видео) Иран објави снимка од заземањето на британскиот танкер

Иранската револуционерна гарда објави видеоснимки за кои тврдат дека ги покажуваат моментите кога нејзините припадници го заробиле британскиот танкер „Стена...

Свет4 часа

Шест лица починаа поради жешкото време во САД

Најмалку шест лица го загубиле животот поради рекордно високите температури во САД, објави „Гласот на Америка“. Според властите, жртвите се...

Македонија4 часа

Речиси 300 возачи санкционирани во Скопје поради брзо возење и алкохол

Сообраќајната полиција во Скопје, почнувајќи од синоќа, спровела акциски контроли за откривање на возачи кои возат под дејство на алкохол,...

Свет5 часа

(Видео) Нобеловка му зборуваше на Трамп за мртвите родители, а тој ја праша „Каде се тие сега?“

Американскиот претседател, Доналд Трамп, предизвика бурни реакции на социјалните мрежи поради неговите прашања за време на разговорот со добитничката на...

Свет18 часа

Половина век од првото слетување на Месечината

Во Америка со низа манифестации денеска се одбележува 50-годишнината од слетувањето на Месечината на американските астронаути, Нил Армстронг и Баз...

Свет19 часа

Путин: Го симпатизирав Трамп на изборите во 2016, што има тука лошо?

Рускиот претседател, Владимир Путин, изјави дека го „симпатизирал“ Доналд Трамп како кандидат на претседателските избори во 2016 година, бидејќи Трамп...

Македонија1 ден

Заев го промени телефонскиот број, дел од неговите соработници ќе бидат отпуштени

Премиерот Зоран Заев и неговиот Кабинет воведуваат мерки за зголемување на безбедноста и ефикасноста во спроведувањето на агендата и комуникациите....

Македонија1 ден

За ВМРО е прифатливо припојувањето на СЈО и ЈО, но не се согласуваат со предлогот за Русковска

Портпаролот на ВМРО-ДПМНЕ, Димче Арсовски изјави дека спојувањето на СЈО во ЈО во едно обвинителство, на некој начин е практично прифатливо...

Македонија1 ден

Охрид нема да ги враќа ингеренциите, туку проблемот со дивоградбите ќе гo решава заедно со Владата

Општина Охрид соопшти дека досега нема испратено официјално барање до Владата во врска со изземање или отстапување на ингеренции во...

Македонија1 ден

Возило со 34 лица од Авганистан се превртело кај Демир Капија

Товарно возило во кое имало 34 лица од Авганистан, се превртело вчера на патниот правец Демир Капија – Неготино, кај место викано...

Македонија1 ден

Подметната бомба во кафуле во Прилеп за време на „Пивофест“

Во кафе барот „Кафе Ин“ синоќа околу 23.30 часот била подметната бомба. Од Јавното обвинителство соопштија дека во присуство на...

Регион1 ден

Мета: Горд сум на Харадинај и убеден во неговата невиност

Aлбанскиот претседател Илир Мета, по неотповикливата оставка на косовскиот премиер Рамуш Харадинај нагласи дека не постоeел притисок кој може да го скрши,...

Македонија1 ден

Објавен новиот предлог-закон: СЈО и ОЈО за организиран криминал ќе се спојат во ново јавно обвинителство

Министерството за правда подготви нов Предлог-закон за Јавно обвинителство во кој се здружуваат постојните капацитети на СЈО и Основното јавно...

Македонија2 дена

Мицкоски на состанок со Беса: „Ја договоривме заедничката борба против актуелната власт“

Претседателот на ВМРО-ДПМНЕ, Христијан Мицкоски, заедно со генералниот секретар Игор Јанушев оствари средба со претседателот на Движењето Беса, Биљал Касами,...

Македонија2 дена

(Видео) За премиерот Заев, Кики и Фрики не постојат

Кики и Фрики за мене не постојат, објавете ги со име за да може да ве тужат, рече премиерот Заев...

Македонија2 дена

Власта предлага СЈО да се интегрира во Обвинителството за гонење организиран криминал и да го води Русковска

Владата ќе достави нов предлог-закон за Јавното обвинителство според кој специјалното јавно обвинителство ќе се интегрира во Обвинителството за гонење...

Македонија2 дена

(Видео) Просветниот инспекторат има 7 дена да одлучи за дисциплинската мерка за инспекторот Илиевски

Дисциплинската комисија му предложи на директорот на Држaвниот просветен инспекторат да одлучи во рок од 7 дена дали ќе го...

Македонија2 дена

Градоначалникот на Струга се откажа од ингеренциите за издавање дозволи за градба

Градоначалникот на општина Струга, Рамиз Мерко, ѝ ги отстапи на Владата ингеренциите во делот на издавање дозволи за градба, легализација...

Досие