Контакт

Македонија

Неждет Мустафа: Толку ли вреди интелектуалниот потенцијал на Амди Бајрам за да биде дел од секоја владина коалиција

Објавено пред

По одлуката на Амди Бајрам по 11 години поддршка за власта на ВМРО-ДПМНЕ, сега да влезе и во Владата на Зоран Заев, со остра реакција се јави претседателот на Обединетата партија за еманципација на Ромите (ОПЕР), Неждет Мустафа.

„Тоа е човекот што речиси 25 години ги злоупотребува политиката и чувствителните ромски прашања за свои лични цели и интереси, неконзистентен партнер без политичка идеологија, чија максима се само личниот бизнис и богатење газејќи по грбот на уценетите и купените ромски граѓани во сите досегашни изборни циклуси. Личност што изминатите две и пол децении служеше и сè уште служи за потсмев, инспирација за хумор кај медиумите, инспирација за карикатуристите и забавните шоу-емисии. Сликата за него многумина ја изедначуваа со сликата за најголем дел од ромската заедница, што претставува неоправдано понижување на цел еден народ. Нема да биде никаква навреда или критика ако кажеме дека тој всушност беше дворски шут на сите досегашни влади. Почнуваше со додворување кон естаблишментите, пофалби за нивната политика, а целата негова политичка приказна завршуваше со добро познатиот – гол со петица. И тоа не еднаш, туку неколкупати досега. Неговото дејствување никогаш не било политичко, туку манипулативно и измамничко.

Неговите интриги ги почувствуваа Црвенковски, Тупурковски, Груевски, а верувајте, ќе ги почувствува и неговиот нов партнер, актуелниот македонски премиер. Се прашуваме – толку ли вреди интелектуалниот потенцијал на Амди Бајрам за да биде составен дел на секоја владина коалиција? Толку ли е важен неговиот глас во македонското Собрание, без да се процени колку тој чин значи срам, понижување, потценување и деградирање на современата политичко-општествена мисла на Ромите?

Се прашуваме дали со вакви квазиполитичари ќе ги спроведуваме неопходните реформски политики кон кои се стремиме? Класична утопија! Денес сакаме да го пренесеме големото разочарување од овој потег не само на ромските политички партии туку и на најголемиот дел од ромската етничка заедница во Македонија. Каква порака им испраќаме на младите генерации денес? Пораката е дека само со политичка манипулација, со лаги, со вулгарности, со квазиписменост, криминално минато и нечесни постапки можеш да успееш во животот и вечно да опстојуваш на владејачкиот трон.

Денес имаме високообразовани млади генерации Роми кои познаваат странски јазици, кои сакаат да се интегрираат во современите општествени текови, но само доколку им се даде можност и доколку државата сака да го исползува нивното знаење и вештини. Ваквите потези ги обесхрабруваат. Со избор на вакви кадри во највисоките тела на државната политика ние процесите ги враќаме назад наместо да ги туркаме напред. Во 2018 година европските стандарди и вредности никако не можеме да ги постигнеме и спроведеме со ликови како Амди Бајрам. Тоа секому треба да му стане јасно, а пред сè на оние политичари и органи што го направиле изборот токму тој да биде нивни политички партнер.

Гневот и разочараноста од ваквиот потег деновиве е широко распространета во јавноста, кај новинарската фела, кај политичките елити. Да не ги заборавиме неговите свесни реторички испади во јавноста: им се закануваше со затвор и ќотек на новинарите што ја следеа работата на македонското Собрание; искажуваше пцости од собраниската говорница без грам совест за последиците од таа реторика; на митинзите се споредуваше со ловџија кој иронично со морков во раката се закануваше дека ќе го улови сегашниот премиер, а тогашен опозиционер Зоран Заев. „Кока-кола“ личности, како што гордо и без срам себеси се нарекуваше, нам повеќе не ни требаат, ниту на Ромите како етничка заедница, а уште помалку на Република Македониja, вели Неждет Мустафа.



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија

Словенечкиот министер за надворешни работи, Миро Церар утре во посета на Македонија

Објавено пред

На покана на министерот за надворешни работи, Никола Димитров, утре потпретседателот на Владата и министер за надворешни работи на Република Словенија, Миро Церар, ќе престојува во официјална посета на Република Македонија.
 
„На средбата предвидено е да бидат разменети мислења за севкупните билатерални односи меѓу двете пријателски држави, како и за можностите за зајакнување на соработката во повеќе области од заемен интерес“ информираат од МНР.
 
Двајцата министри ќе присуствуваат и на свечен настан по повод отворање на новите простории на Амбасадата на Република Словенија во Република Македонија.

Прикажи повеќе...

Македонија

Беса: Во елитната единица „Тигри“ нема ниту еден Албанец

Објавено пред

Етничката дискриминација продолжува иако речиси 3 години имаме нова влада, и тоа со политичари кои додека беа во опозиција, повикуваа на правда и еднаквост за сите граѓани, реагираат од Беса. 

„Во елитната единица “Тигри”, од нејзиното основање, ниту еден Албанец немал можност да ја носи униформата на оваа единица, иако истите се дел од некои слични единици, кои исто така, поминуваат низ истите тестови, што е доказ дека и кај Албанците, имаат професионално обучени лица кои можат да бидат дел од оваа единица“ се наведува во реакцијата.

Движењето Беса цени дека иако министерот Спасовски сака да го оправда неучеството на ниту еден Албанец во единицата “Тигри” со фактот дека етничката припадност не е критериум и причина да се биде дел од единицата, минатото владеење, но за жал и сегашното владеење кое дојде со мотото “живот за сите” продолжува со истиот пристап каде што етничката припадност се чини дека е пречка за учество во овие елитни единици.

„За жал, исто така мора да констатираме дека албанските партии кои се дел од владината коалиција, со своите пасивни ставови помогнаа Албанците да продолжуваат да бидат дискриминирани како што е случајот со специјалната единица “Тигри”. Го прашуваме министерот за внатрешни работи Спасовски, дали постои неформална заклетва дека некои од единиците треба да останат етнички чисти без присутни Албанци“ додаваат од Беса.

Движењето Беса, бара од министерот за внатрешни работи и владата, вклучувајќи албанските претставници во коалицијата, со нивниот капацитет да се ангажират во борба против етничка дискриминација во секоја сфера, за да имаме мултиетнички институции кои ќе ја отсликуваат општесвената реалност во земјата. Исто така, бараме од албанските претставници во владината коалиција да го дадат својот придонес во интерес на Албанците, а не само за нивните лични и групни интереси.

По промената на режимот, продолжувањето на статус кво и стариот менталитет е неприфатлив за Движењето Беса и граѓаните на земјата, бидејќи патот кон НАТО и ЕУ, не може да се постигне со ваква дискриминација кои им се прави на Албанците.

Прикажи повеќе...

Македонија

Рангелова: Ни треба проевроатлански ориентирано ВМРО-ДПМНЕ, а не изолирано

Објавено пред

Денес го чествуваме денот на Македонската револуционерна борба, денот на основањето на историското ВМРО чиј сон денес ние го живееме.
Она што во моментот нас ни треба е едно ВМРО ДПМНЕ, силно, сплотено и единствено, а не поделено и раскарано“, порача Даниела Рангелова.

„Проевроатлански ориентирано а не изолирано!
Ни треба разум и храброст а не очај и паника!
Ни треба просветлување и чекорење напред а не прочистување!
Ни треба визија за иднината на партијата и државата а не страв од неочекуваното!
Ни треба зајакнување а не недоверба!
Ни треба слободна и демократска мисла а не едноумие и ретроградност!
Ни треба политичко делување а не послушност и сервилност!
Ни треба соочување и решавање на проблемите а не пак креирање на лажни очекувања и повторно разочарување кај членството!
Ни треба ПОБЕДА а не ПОРАЗ!
Нека ни е честит и вековит денешниот голем државен празник преку чие одбележување искажуваме почит и ги воспеваме големите дејци на македонска идеја на самобитност!
Честит 23-ти Октомври – Денот на Македонската револуционерна борба!“ напиша Рангелова.

Прикажи повеќе...

Најново

Македонија47 минути

Јанчев: Барам јавно извинување и од Христијан Мицковски и од Александар Николовски или ќе ги тужам за клевета

На вчерашната прес-конференција на ВМРО-ДПМНЕ до мене беа упатени неосновани обвинувања. Обвинувањата беа насочени кон мене како потпретседател на ВМРО-ДПМНЕ...

Македонија2 часа

СЈО не добило барање од Мијалков за судот да му го врати пасошот

Кривичниот суд во Скопје ги демантира информациите кои се појавија во одредени портали, дека му бил вратен пасошот на ексдиректорот...

Македонија2 часа

МНР ги демантира тврдењата на Русија дека мнозинството во македонскиот парламент е обезбедено со уцени и закани

Министерството за надворешни работи на Република Македонија категорично ги отфрла вчерашните наводи и квалификации изнесени во коментарот на Департманот за...

Свет3 часа

Ердоган: Имаме силни докази дека убиството на саудискиот новинар било со денови планирано

Турскиот претседател Реџеп Таип Ердоган денеска во турскиот парламент рече дека постојат силни докази дека убиството на новинарот Џамал Кашоги...

Свет4 часа

Пронајдено телото на убиениот саудиски новинар

Телото на саудискиот новинар Џамал Кашоги е пронајдено во бунар на територијата на резиденцијата и конзулатот на Саудиска Арабија во...

Македонија4 часа

Софија Куновска: И мене ме разреши СДСМ зашто реагирав дека слават во барокниот театар

Немаше да го напишам овој текст ако не почуствував дека сега е моментот да бидеме искрени до крај ако навистина...

Свет5 часа

Караван мигранти од Хондурас се движи кон САД и покрај заканите на Трамп

Илјада мигранти од Хондурас ја преминаа границата со Мексико и се упатија кон американската граница наспроти предупредувањата на мексиканските власти...

Свет5 часа

Мексико се подготвува за удар на ураганот Виља, се евакуираат илјадници луѓе

Мексиканските власти започнаа евакуација на илјадници граѓани во подрачјето на ниска надморска височина, поради исклучително опасниот ураган Виља, кој се...

Македонија15 часа

(Видео) ЦК предложи Мијалков и Тодоров да бидат исклучени од ВМРО-ДПМНЕ

За ексдиректорот на УБК и поранешен висок функционер во ВМРО-ДПМНЕ, Сашо Мијалков, како и поранешниот министер за здравство, Никола Тодоров,...

Македонија18 часа

Јанчев и Богданов исклучени од функциите во ВМРО-ДПМНЕ

Потпретседателот на ВМРО-ДПМНЕ, Митко Јанчев, и членот на Извршниот комитет Костадин Богданов, кој дојде од редот на реформаторите, се разрешени...

Македонија21 час

(Видео) Палмер: Не се сретнавме со Мицкоски зашто ми ги кажа ставовите во писмото

Заменикот на помошник-државниот секретар на САД, Метју Палмер, на заедничка прес-конференција со премиерот Зоран Заев изјави дека не остварил средба...

Македонија21 час

(Видео) Да дозволиме помирувањето од Собранието да продолжи во институциите, порача Заев

Помирувањето започна во Собранието, да дозволиме да продолжи во институциите, порача првиот човек на Владата, Зоран Заев, на заедничката прес-конференција...

Економија22 часа

Општините со три милијарди денари ќе ги покриваат долговите

Владата го усвои законското предлог-решение со кое на општините им се ставаат на располагање 3 милијарди денари за покривање на...

Македонија23 часа

Ѕанакопулос очекува договорот од Преспа да помине во грчкиот парламент

Со гласањето за почеток на уставните промени беше направен историски чекор што ќе ги однесе двете страни поблиску до стапување...

Македонија1 ден

Поддршка за Мицкоски или барање за негова смена на состанокот на ЦК?

Од обвинувања за изолација на партијата и избрзани одлуки на раководството со исклучувањето на пратениците до поддршка за лидерот на...

Македонија1 ден

Кирацовски: Ќе видиме дали националното помирување ќе биде само за 27 април или пошироко

Пратеникот на СДСМ, Александар Кирацоски, ги повика пратениците на ВМРО-ДПМНЕ да се приклучат кон иницијативата за национално обединување бидејќи, како...

Македонија1 ден

Беса може да го условува спроведувањето на уставните измени во Собранието

Пратеникот Фадил Зендели, дел од крилото на Беса со кое предводи Биљал Касами, вели дека во процесот на уставните измени...

Крвав четврток1 ден

Сакаме да ги поддржиме храбрите пратеници што гласаа, рече обвинетиот Вилијам Михајловски

На почетокот од судењето за 27 април обвинетиот Вилијам Михајловски рече дека сака да им даде поддршка на храбрите пратеници...

Крвав четврток1 ден

(Видео) Пратениците што гласаа за уставните измени се појавија на судско рочиште за 27 април

Пратениците што во петокот гласаа за уставните измени во Собранието утрово се појавија на судско рочиште за настаните што се...

Свет1 ден

Екстремно опасeн ураган од петта категорија му се заканува на Мексико

Новоформираниот ураган Виља бргу прерасна во крајно опасна бура од речиси петта категорија во областа на источен Пацифик, која во...

Досие