Контакт

Македонија

(Видео) Неказнивоста за трошење државни пари е причина за скандалот со членовите на ДКСК, тврди Михајлова

Објавено пред

Незаконското однесување на членовите на антикорупциската комисија поврзан со скандалот што го откри Управата за јавни приходи е последица на воспоставената пракса на незаконско трошење на народните пари и на неказнивоста во однос на тоа, рече експертката за антикорупција, Вања Михајлова, по што додаде дека фрапантно е тоа што УЈП и порано констатирала ваква повреда на правото, но тоа било сокриено од јавноста, ниту, пак, некој покренал постапка за одговорност.

-Јавноста беше известена за скандалот откриен од УЈП за незаконско работење на членовите на Комисијата за антикорупција кои треба да превенираат од коруптивни случаи. Пет члена си дадоа оставка од комисијата, додека, пак, кај останатите 2 не проработеа совеста, срамот и моралот, имаме блокирана комисија и нејзината стручна служба, вели Михајлова.

Во однос на реформите во антикорупциската комисија, Михајлова стави акцент на потребата од кадровско зајакнување, како и зајакнување на критериумите за избор на членови на антикорупциската комисија. Според неа, потребно е да се промени и самиот назив, наместо комисија да биде агенција за спречување на корупција.

-Од составот на комисијата зависи колку таа ќе биде независна, треба да се надмине досегашната практика на именување на анонимни членови коишто немаат ниту познавања ниту, пак, кредибилитет за вршење на оваа јавна функција. Во одреден момент беа именувани и членови коишто не ги исполнуваат основните критериуми во однос на бараниот степен на образование, вели Михајлова.

Поранешниот член на ДКСК исто така препорачува бројот на членови да се намали на 5, со тоа смета дека ќе се заштедат буџетски пари, а од друга страна нема негативно да влијае на работата на комисијата бидејќи, како што кажа, доколку ги изберете членовите на комисијата коишто имаат професионален капацитет, комисијата многу ефикасно ќе ја извршува функцијата.

-Со цел да се зголеми транспаретноста во изборот на членовите бидејќи јавноста мора да биде запознаена при изборот каде треба да се бираат луѓе кои имаат капацитет и познавање во областа, предлагаме да се спроведе јавно интервју со секој од кандидатите, а како мониторинг да бидат етаблирани претставници на невладиниот сектор кои се борат против корупцијата и новинари кои се занимаваат со истражувачко новинарство, вели Михајлова по што додаде дека неприфатливо е опозицијата да предлага претседател на комисијата бидејќи со тоа уште од почеток ќе се гледа како партиски човек.

Виктор Јованов



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија

На Табановце се чека околу половина час за влез во земјава

Објавено пред

На Граничниот премин Табановце за влез во државата се чека околу 30 минути, соопшти Автомотосојузот на Македонија.

На останатите граничните премини, од македонска страна, нема подолги задржувања за влез и излез од државата.

Инаку, сообраќајот на државните патишта се одвива по суви коловози.

 

Прикажи повеќе...

Македонија

СДСМ: Неприфаќањето на предлогот за Рускоска е алиби на Мицкоски за неприфаќање на новиот закон

Објавено пред

Зад наводното неприфаќање обвинителката Рускоска да продолжи да го води Јавното обвинителство се крие само уште едно алиби на ВМРО-ДПМНЕ за неприфаќање на новиот предлог закон, велат од СДСМ преку соопштение, коментирајќи го ставот на опозицијата.

Од владејачката партија сметаат дека единствената цел на Христијан Мицкоски е да го брани криминалот на Никола Груевски.

„Во амандманите што ВМРО-ДПМНЕ ги имаше дадено на претходниот текст на Законот за јавно обвинителство во работните групи предлагаа спојување на СЈО во ОЈО. Во ниту еден амандман не се бараше прекин на мандатот на обвинителката Рускоска, односно, како што е и со сегашниот предлог, да продолжи да ја врши функцијата. Тоа што не им сметало сега одеднаш им смета, со што се потврдува дека само бараат алиби за неприфаќање на законското решение“, велат од СДСМ.

Додаваат дека обивнителите ги бира Советот на јавни обвинители, а предлог-законот предвидува спојување и оттука логично е мандатот да го продолжи обвинителката којашто веќе ја извршува оваа функција.

 

Прикажи повеќе...

Македонија

Заев: Мицотакис е политичар кој размислува за доброто на неговата земја и соседите

Објавено пред

Мицотакис е искусен политичар кој секако размислува за доброто на неговата земја и неговите соседи, како и на целиот балкански регион, изјави премиерот Зоран Заев, во интервју за грчката „Алфа“, направено три дена пред изборите во Грција.

Во интервјуто објавено во два дела, Заев зборува за Преспанскиот договор, за зближување на народите, за економска соработка, како и за неговото пријателство со поранешниот грчки премиер Алексис Ципрас.

Според Заев, во Македонија тој ќе остане запаметен како човек под чиешто лидерство се сменило името на земјата. Тој нагласува дека, во зависност од тоа како се гледа договорот низ призмата на двете земји, може да се каже дека истиот е подеднакво добар или подеднакво не е добар, но верува оти сите заедно ќе гледаат напред кон иднината.

Заев истакна дека внимателно ги следи изјавите на Мицотакис и бил свесен за неговиот коментар дека договорот не бил добар.

„Мицотакис е искусен политичар и секако размислува за доброто на неговата земја, неговите соседи и целиот балкански регион“, рече Заев.

Македонскиот премиер коментираше дека Грција е нов пријател и стратешки партнер, а тоа не е мала придобивка од договорот.

„Јас сум човекот кој ќе остане запаметен во Северна Македонија, дека под негово лидерство се сменило името на нашата земја. Но, како што е во семејството, понекогаш во животот треба да направите некои чекори, не толку среќни што ќе бидат за доброто на децата, за добрата иднина на семејството, но исто така и за соседите. Ги преземате овие чекори заедно. Сега имаме нов пријател и стратешки партнер Грција. Дали е ова мала придобивка? Тоа е голема работа за мене“, рече Заев.

Како доказ за придобивките од Преспанскиот договор, македонскиот премиер истакна дека трговијата во двете земји е зголемена за 20,5 проценти за само една година.

„Доколку досега граѓаните на Македонија направиле еден милион посети на Грција годишно, годинава ќе има повеќе од еден милион и пол посети“. Во интервјуто, Заев се осврна на неговото пријателство со претходниот грчки премиер и истакна дека пријателството треба да постои меѓу народите на двете земји.

Прикажи повеќе...

Најново

Регион35 минути

Мицотакис ја претстави владината програма, на соседите им порача дека соработката ќе го одреди нивниот пат кон ЕУ

Грчкиот премиер, Киријакос Мицотакис денеска во грчкиот Парламент ја претстави владината програма, во рамки на  тридневната расправа за добивање доверба на...

Топ2 часа

Маж почина во сообраќајка кај Радовиш

Триесет и тригодишен маж од радовишко починал во сообраќајна несреќа што се случила синоќа на патот Струмица-Радовиш. Тој удрил во патничко...

Македонија2 часа

Заев: Мицотакис е политичар кој размислува за доброто на неговата земја и соседите

Мицотакис е искусен политичар кој секако размислува за доброто на неговата земја и неговите соседи, како и на целиот балкански...

Македонија3 часа

Запленет глисерот на Зоран Кичеец

Запленетиот глисер во Охрид, е во сопственост на второосомничениот во случајот „Рекет“, Зоран Милевски познат како Зоки Кичеец, потврдуваат од...

Македонија3 часа

„Анима мунди“: Познат е сторителот кој свирепо уби куче во Стојаково, бараме најстрога казна

Монструозниот чин на кој сведоци беа жителите на селото Стојаково во Богданци, кога куче беше запалено со бензин е пријавен...

Македонија7 часа

(Видео) Жителите на Аеродром против центар за зависници, бараат тие да се лечат на периферијата

Жители на скопската населба Аеродром излегоа на протест, по иницијативата за преместување на зависниците од центарот во Кисела Вода, во...

Свет7 часа

(Видео) Иран објави снимка од заземањето на британскиот танкер

Иранската револуционерна гарда објави видеоснимки за кои тврдат дека ги покажуваат моментите кога нејзините припадници го заробиле британскиот танкер „Стена...

Свет8 часа

Шест лица починаа поради жешкото време во САД

Најмалку шест лица го загубиле животот поради рекордно високите температури во САД, објави „Гласот на Америка“. Според властите, жртвите се...

Македонија8 часа

Речиси 300 возачи санкционирани во Скопје поради брзо возење и алкохол

Сообраќајната полиција во Скопје, почнувајќи од синоќа, спровела акциски контроли за откривање на возачи кои возат под дејство на алкохол,...

Свет9 часа

(Видео) Нобеловка му зборуваше на Трамп за мртвите родители, а тој ја праша „Каде се тие сега?“

Американскиот претседател, Доналд Трамп, предизвика бурни реакции на социјалните мрежи поради неговите прашања за време на разговорот со добитничката на...

Свет22 часа

Половина век од првото слетување на Месечината

Во Америка со низа манифестации денеска се одбележува 50-годишнината од слетувањето на Месечината на американските астронаути, Нил Армстронг и Баз...

Свет23 часа

Путин: Го симпатизирав Трамп на изборите во 2016, што има тука лошо?

Рускиот претседател, Владимир Путин, изјави дека го „симпатизирал“ Доналд Трамп како кандидат на претседателските избори во 2016 година, бидејќи Трамп...

Македонија1 ден

Заев го промени телефонскиот број, дел од неговите соработници ќе бидат отпуштени

Премиерот Зоран Заев и неговиот Кабинет воведуваат мерки за зголемување на безбедноста и ефикасноста во спроведувањето на агендата и комуникациите....

Македонија1 ден

За ВМРО е прифатливо припојувањето на СЈО и ЈО, но не се согласуваат со предлогот за Русковска

Портпаролот на ВМРО-ДПМНЕ, Димче Арсовски изјави дека спојувањето на СЈО во ЈО во едно обвинителство, на некој начин е практично прифатливо...

Македонија1 ден

Охрид нема да ги враќа ингеренциите, туку проблемот со дивоградбите ќе гo решава заедно со Владата

Општина Охрид соопшти дека досега нема испратено официјално барање до Владата во врска со изземање или отстапување на ингеренции во...

Македонија1 ден

Возило со 34 лица од Авганистан се превртело кај Демир Капија

Товарно возило во кое имало 34 лица од Авганистан, се превртело вчера на патниот правец Демир Капија – Неготино, кај место викано...

Македонија1 ден

Подметната бомба во кафуле во Прилеп за време на „Пивофест“

Во кафе барот „Кафе Ин“ синоќа околу 23.30 часот била подметната бомба. Од Јавното обвинителство соопштија дека во присуство на...

Регион1 ден

Мета: Горд сум на Харадинај и убеден во неговата невиност

Aлбанскиот претседател Илир Мета, по неотповикливата оставка на косовскиот премиер Рамуш Харадинај нагласи дека не постоeел притисок кој може да го скрши,...

Македонија1 ден

Објавен новиот предлог-закон: СЈО и ОЈО за организиран криминал ќе се спојат во ново јавно обвинителство

Министерството за правда подготви нов Предлог-закон за Јавно обвинителство во кој се здружуваат постојните капацитети на СЈО и Основното јавно...

Македонија2 дена

Мицкоски на состанок со Беса: „Ја договоривме заедничката борба против актуелната власт“

Претседателот на ВМРО-ДПМНЕ, Христијан Мицкоски, заедно со генералниот секретар Игор Јанушев оствари средба со претседателот на Движењето Беса, Биљал Касами,...

Досие