Државниот секретар за европски прашања во Министерството за надворешни работи на Германија, Михаел Рот, доцна вечерва на својот твитер-профил напиша „Унгарија ги отвори границите за мигрантите, неверојатно“, по инфорамциите дека експремеирот на Македонија, Никола Груевски избега токму во Будимпешта, Унгарија.

#Hungary opens its borders for #refugees. Amazing… https://t.co/bSIK6ljMmi

— Michael Roth MdB 🇪🇺 (@MiRo_SPD) November 14, 2018

Статусот на социјалната мрежа „Твитер“ на Рот е поврзан со линк од вест на ‘политико.еу’ во која се наведува дека македонскиот екс премиер во понеделникот на социјлната мрежа „Фејсбук“ соопштил дека си заминал од Македонија и дека ќе бара политички азил во Унграија.

Груевски во Унгарија бара азил, бидејќи како што напиша вчера во својата порака не се чувствува безбедно во Македонија, бидејќи во последните неколку денови , вели тој добил безброј закани по живот. Груевски во земајва е обвинет за случајот со набавкката на луксузниот мерцедес од 600 илјади евра и е осуден на казна затвор во време траење од две години. Покрај овој случај тој е обвинет и во уште неколку други случаи кои ги води СЈО.

Мерните станици и вечерва покажуваат високо ниво на ПМ10 честички во воздухот. Според мерењата и резултатите објавени на страната на Министерството за животна средина и просторно планирање, во Центар концентрацијата во воздухот со ПМ10 честички изнесува 119 микрограми.

Воздухот е загаден и во Миладиновци и Бутел, каде што се измерени 118 и 114 микограми.

На листата на табелата први, со највисоки концентрации на ПМ10 честичките во воздухот вечерва се Карпош и Ректорат, каде што се измерени 142 микограми и 156 микограми на метар кубен.

Воздухот вечерва не е загаден само во главниот град во земјава.

И мерната станица во Тетово вечерва мери висока концентрација на ПМ10 честички во воздухот, односно измерени се 108 микрограми на метар кубен. Понатаму во Гостивар имаме 127 микрограми, во Струмица 121, Кочани 72, Кавадарци 115, Куманово 147 микрограми и Битола 159 микрограми.

Актерката Ирена Ристиќ, која денеска беше дел од протестот пред Владата, побара од власта да го врати Никола Груевски, како што рече таа, како што ни го вети зад решетки.

„Ве молам да станете сериозни и да си ја бркате работата онака како што ветивте. Вратете го да лежи“, им порача Ристиќ на властите од протестот пред Владата.

Таа паролата што ја носеше со себе, а на која пишува „Вратете го!“, му ја остави на премиерот Зоран Заев пред портите на Владата, почарувајќи дека тие чекаат Владата да си ги исполни ветувањата.

Протест пред Владата, според најавите, ќе има и утре со почеток во 18 часот.