Контакт

Македонија

Николовски во Брисел: Заложбите за борба против корупцијата се препознаени

Објавено пред

Заложбите за борба против корупцијата се препознаени, Северна Македонија во 2022 година ќе може да аплицира за најновата заедничка програма на Европската Унија за борба против измами. Ова го истакна заменикот на претседателот на Владата задолжен за борба против корупцијата и криминалот, Љупчо Николовски, кој во Белгија одржа состанок со директорот на канцеларијата на Европската комисија за борба против измама (OLAF), Вили Итала.

Ова е прв официјален состанок на вицепремиерот Николовски и директорот Итала, на кој Николовски ја презентира улогата на кабинетот, пред сѐ, во процесот на координација и заедничко дејствување на институциите во борбата против корупцијата, како и тековните и идни мерки за сузбивање на корупцијата.

Воедно беше посочено значењето на соработката со ОЛАФ како единствен и главен орган на ЕУ, кој е овластен да открива, истражува, застанува на патот на измамите поврзани со фондовите на ЕУ, да ги истражува корупцијата и прекршувањето на законите од страна на персоналот на ЕУ и членовите на институциите на ЕУ. Вицепремиерот Николовски посочи дека активната борба против организираниот криминал и корупцијата останува фундаментална во сузбивањето на криминалната инфилтрација на политичките, правните и на економските системи.

„За нас, како земја кандидат за членство во ЕУ, од особена важност се поддршката и соработката со сите органи на Европската Унија, особено со ОЛАФ, со цел ефикасно исполнување на препораките во делот на политиките и мерките за борба против корупцијата и организираниот криминал. Водејќи се од основните вредности на ЕУ, кои вклучуваат владеење на правото и почитување на човековите права, како Влада остануваме силно посветени на трасираниот пат за искоренување на корупцијата и криминалот, во што од огромно значење се препораките и искуствата што ги добиваме од Европската Унија и органите во нејзин состав“, рече вицепремиерот Николовски на средбата со директорот на ОЛАФ.

Генерaлниот директор на ОЛАФ, Итала, го запозна вицепремиерот Николовски со новите регулативи на ОЛАФ за Европското јавно обвинителство (ЕППО), како и за заедничката програма на Европската Унија за борба против измами. Посочи дека ОЛАФ максимално ја цени и поддржува заложбата на државата, особено на вицепремиерот во борбата против корупцијата со сите системски и превентивни мерки. На средбата се потенцира дека соработката ќе продолжи и ќе се зајакне.

Директорот на ОЛАФ, Итала, порача дека Северна Македонија во 2022 година ќе може да аплицира и да биде дел од најновата заедничка програма на Европската Унија за борба против измами (2021-2027), која за овој период има буџет од речиси 181 милион евра. Целта на оваа програма е заштита на финансиските интереси на Европската Унија преку поддршка на акциите за борба против нерегуларностите, измамите и корупцијата што влијаат врз буџетот на ЕУ, поддршка на меѓусебна помош помеѓу административните органи во земјите членки на ЕУ и обезбедување правилна примена на законот за царински и земјоделски прашања преку поддршка на соработката помеѓу административните органи во земјите членки на ЕУ и Европската комисија.

Програмата обезбедува финансирање, особено за опрема за техничка и оперативна истрага, специјализирани активности за обука и истражување, за поддршка на заштитата на финансиските интереси на ЕУ. Финансирањето е обезбедено во форма на грантови и набавки.

Македонија

(Видео) Нелоски: Како Шилегов со чиновничка плата успеал да стигне до четири стана, две куќи, злато?

Објавено пред

Шилегов сака да зборува за неговата имотна состојба. Тогаш ајде да зборуваме јавно, рече на денешната прес конференција, Владимир Нелоски, претседател на Градски комитет на ВМРО-ДПМНЕ

„Шилегов како градоначалник на градот Скопје пријавил дека поседува: Стан од 68 квадрати во Скопје, втор стан од 64 квадрати исто така во Скопје, потоа трет стан од 72 квадрати исто во Скопје, четврт стан од 87 метри квадратни исто така во Скопје. Една куќа во Тафталиџе од 306 квадратни метри во која што деновиве гледаме дека се прави и лифт, втора куќа во Маврово од околу 300 квадрати, 8 милиони денари златен накит, 3 милиони денари уметнички слики, Ххртии од вредности“, посочи Нелоски.

Главното прашање како што рече е како Петре Шилегов со чиновничка плата успеал да стигне до четири стана, две куќи, злато и уметнички слики вредни неколку стотици илјади евра.

„Како Петре Шилегов како градоначалник успеа да гради зграда среде Скопје дивоградба и со се разбира неоткупено дворно место? Како Шилегов има вилает од 300 квадратни метри на два ката, во Маврово додека е градоначалник на Скопје? Потоа како успеа да купи коли од марката ауди и да не ги пријави во имотниот лист? Ова се прашањата кои даваат одговор на дилемата колку Петре Шилегов е чесен“, истакна Нелоски.

Го повика јавно да каже кои се компаниите кои во овој момент му ја градат зградата во Скопје, и јавно да објави документ дека тој лично им платил?

„На само два дена пред изборите Шилегов склучил договор во четири очи со 3 кафеани за услуги од над 30 илјади евра. На Шилегов сите знаеме дека приоритет му се кафеаните, наместо Скопје. Објаснувањето на Шилегов дека тоа преставувало континуитет во неговото работење е нешто за кое што единствено не излажа. Ние се согласуваме со тоа. Шилегов од кафеана не е излезен, за тоа за жал го плаќаат граѓаните, додека градоначалник на градот Скопје е кој што назадува“, истакна Нелоски.

Според него, Шилегов, треба да одговори на каков начин стигнал со чиновничка плата до 4 стана, 2 куќи, и злато и слики вредни неколку стотици илјади евра?

Прикажи повеќе...

Македонија

Села на средба со Мицкоски- потврдена заемна поддршка во вториот круг

Објавено пред

Претседателот на Алијанса за Албанците, Зијадин Села, во просториите на Собранието на Република Северна Македонија, се сретна со претседателот на ВМРО-ДПМНЕ, Христијан Мицкоски, со кого разговараше за текот на изборниот процес и понатамошните чекори.

На средбата беше потврдена заемната поддршка во вториот круг, за општините за кои имавме договор за првиот круг, информираат од Алијанса за Албанците.

Известуваат дека коалицијата меѓу Алијанса за Албанците и Алтернативата е стабилна и дека работат заедно на создавање ново парламентарно мнозинство во, како што наведуваат, многу краток период.

„И покрај манипулациите, притисоците, купувањето гласови и злоупотребите, граѓаните докажаа дека се против Владата, и сегашната власт веќе нема легитимитет да ја води земјата ниту на локално ниту на централно ниво“, потенцираат во соопштението од оваа партија.

Прикажи повеќе...

Македонија

35 Авганистанци ја напуштија земјава и заминаа за Грција каде што ќе добијат траен престој

Објавено пред

35-мина граѓани на Авганистан кои привремено престојуваа во Северна Македонија денеска заминаа за Грција, која им обезбеди трајно прибежиште, информираа од Владата.

Групата ја сочинуваат активисти за човекови права и женски права и членови на нивни семејства.

„Во изминатиот период нашата земја им обезбеди привремено засолниште како дел од големата меѓународна операција за помош на вработени во хуманитарните, демократски и миротворни меѓународни мисии, активисти од организациите за човекови права, преведувачи, студенти и стипендисти и нивни семејства, а се под закана на новиот талибански режим во земјата“, соопштија владините служби.

Во земјава престојуваат 407 граѓани од Авганистан.

Институциите, како што е посочено, во текот на нивниот престој им ја пружаат целата потребна поддршка додека не се обезбеди трансфер до нивната крајна дестинација. Трошоците во целост се покриени од меѓународните организации.

Прикажи повеќе...

Најново

Македонија1 час

35 Авганистанци ја напуштија земјава и заминаа за Грција каде што ќе добијат траен престој

35-мина граѓани на Авганистан кои привремено престојуваа во Северна Македонија денеска заминаа за Грција, која им обезбеди трајно прибежиште, информираа...

Македонија3 часа

Единствениот лек против Ковид-19 ќе биде достапен и во Македонија

Министерството за здравство ја информира јавноста дека ќе го набави лекот „молнупиравир“, единствен лек против Ковид-19. Министерството стапило во контакт...

Европа3 часа

(Видео) Силно невреме ја парализира Западна Европа – 250.000 луѓе во Франција останаа без струја

Околу 250.000 француски домови останаа без струја, а поради силните ветрови сообраќајот е во прекин во делови од северна Франција,...

Македонија5 часа

Во текот на вчерашниот ден се вакцинирале над 2.000 граѓани

Во текот на вчерашниот ден аплицирани се вкупно 2.919 дози вакцини, од кои 565 се аплицирани како прва доза, 1.286...

Топ6 часа

Пресечен меѓународен транспорт на дрога од Албанија за Грција, вреден 200.000 евра

Во заедничка полициска акција на полициски службеници од Одделот за криминалистичка полиција – Сектор за недозволена трговија со дрога, оружје...

Свет6 часа

(Видео) Експлозија на гас уништи цел ресторан во Кина, има загинати и повредени

Најмалку тројца луѓе загинаа, а повеќе од 30 се повредени во експлозија на гас во ресторан во градот Шенџијанг во...

Свет7 часа

Трамп го возвраќа ударот – најави отворање на нова социјална мрежа

Поранешниот претседател на САД, Доналд Трамп објави дека ќе отвори своја социјална мрежа наречена Truth Social, откако во јануари беше...

Свет7 часа

Мелбурн се подготвува да излезе од најдолгиот „локдаун“ во светот

Милиони луѓе во Мелбурн се подготвуваат да излезат од најдолгото затворање поради Ковид-19 во светот, иако бројот на случаи сè...

Економија18 часа

Биткоинот достигна досега највисока цена

Биткоинот денеска достигна рекордна цена, во моментот е над 66.000 долари. Криптовалутата се зголеми над претходниот максимум од 64.889 долари...

Свет20 часа

Ужас во Франција – пронајдено обезглавено тело на маж со извадена утроба

Тело на маж без глава и отстранета утроба е пронајдено во малиот француски град Болен. Полицијата интензивно трага по Алекс...

Македонија21 час

Мицкоски: Заев ништо не разбрал, народот е веќе обединет, но против него

Зоран Заев ништо не разбрал. Зоран Заев само ја повторува истата прес-конференција од лани кога исто така лажеше дека ја...

Македонија22 часа

(Видео) Заев: Свесни сме дека повеќе нема толеранција за повторување на истите грешки

Претседателот на СДСМ и премиер, Зоран Заев, смета дека не може да влечат назад, а Владата да води напред. Затоа...

Топ23 часа

Со ремен ја тепал сопругата, замавнал со нож кон ќерката, гостиварец вршел семејно насилство

43-годишен гостиварец е обвинет за семејно насилство, информираа надлежните. Основното јавно обвинителство Гостивар поднесе Обвинителен предлог против 43-годишен гостиварец за...

Македонија24 часа

Починати 15 лица, регистрирани нови 487 случаи на Ковид-19

Министерството за здравство информира, согласно податоците од Институтот за јавно здравје дека во последните 24 часа се направени 3.491 тестирањe,...

Македонија1 ден

Борел и Блинкен бараат без одлагање почеток на преговори за Македонија

Во заедничката изјава за Западен Балкан, европскиот министер за надворешни работи, Жозеп Борел, и американскиот државен секретар, Ентони Блинкен, повикаа...

Македонија1 ден

Гир: Европската комисија очекува прва Меѓувладина конференција до крајот на годинава

Извештајот доаѓа во контекст на неодамнешниот Самит на Европската Унија за Западен Балкан, каде се даде недвосмислена поддршка за европерспективата...

Свет1 ден

Во Израел откриена мутација на делта-сојот од коронавирус, момче сместено во карантин

Израел го потврди првиот случај со мутација на делта-сојот на коронавирус, кој претходно беше откриен во некои европски земји, објави...

Македонија1 ден

Со една доза вакцинирани се 49,4% од населението над 18-годишна возраст

Заклучно со 17 октомври со една доза на вакцина против Ковид-19 вакцинирани се 49,4% од населението над 18-годишна возраст. Кај...

Македонија1 ден

Пендаровски: Извештајот на ЕК претставува објективна слика за состојбите во државата

Претседателот Стево Пендаровски денеска имаше средба шефот на делегацијата на Европската Унија, амбасадорот Дејвид Гир, кој му го предаде извештајот...

Македонија1 ден

До ДИК поднесени 13 приговори за изборните резултати

До Државната изборна комисија се поднесени 13 приговори за постапката за гласање и за постапката за сумирање и утврдување на...

Досие