Контакт

Македонија

Николовски го презентира планот за борба против корупцијата во Кочани: Со исполнување на мерките од планот се зголемува транспарентноста на општините

Објавено пред

Денеска, заменикот на претседателот на Владата задолжен за борба против корупцијата и криминалот, одржлив развој и човечки ресурси, Љупчо Николовски, во Кочани одржа работен состанок со градоначалникот на Кочани, Николчо Илијев, на кој присуствуваа регионалниот координатор на канцеларијата на Обединетите нации за борба со дрога и криминал, Вирџинија Меркез, координаторот на проектната канцеларија на Обединетите нации за борба со дрога и криминал во Скопје, Бил Вуд, и претставници од Општина Кочани.

dobivaj vesti na viber

На состанокот беа презентирани мерките од усвоениот план за борба против корупцијата, со посебен акцент на оние мерки со кои е опфатена локалната самоуправа. Вицепремиерот Николовски посочи дека планот содржи нови начини и соодветни механизми за спречување и искоренување на корупцијата, а во имплементацијата е неопходно активно да се вклучат сите фактори, вклучително и општините.

„Борбата против корупцијата и криминалот е заедничка и затоа од исклучителна важност е во целиот процес да се вклучат сите фактори, вклучително и локалната самоуправа. Само заедно можеме да ја сузбиеме корупцијата. Редот, дисциплината и законот мора да важат за сите. Мора да бидеме држава во која системот функционира, а тоа ќе го постигнеме со сите овие механизми и политики од усвоениот план. Секој од нас што ја добил довербата од граѓаните треба да ја потврди, ние сме сервис на граѓаните и мора така да се однесуваме“, рече вицепремиерот Николовски.

Тој појасни дека поради детектираните слабости во делот на комуникацијата помеѓу надлежните антокорупциски институции, независните тела, од почетокот на мандатот се воспостави пракса на редовна меѓуинституционална комуникација и размена на информации. Една од мерките што се презентира на состанокот беше токму мерката за активно вклучување и поврзување на седумте антикорупциски институции на платформата за интероперабилност, која обезбедува навремена размена на податоци по електронски пат, за предмети поврзани со корупција, што е важно за ефикасни и брзи резултати во решавањето на случаите за кои постои сомнеж за корупција.

Во однос на мерките со кои се опфатени општините, вицепремиерот Николовски појасни дека некои од предвидените мерки и активности општините треба директно да ги исполнат, а преостанатите се законски измени, кои ќе ја опфатат и локалната самоуправа.

На состанокот се разговараше за мерката од усвоениот план со која општините треба да назначат овластено лице за прием на пријави доставени поради заштитено внатрешно пријавување во согласност со Законот за заштита на укажувачите. Во насока на подигање на свеста за препознавање коруптивни дејства и за пријавување постоење корупција, вицепремиерот информира дека планот предвидува активирање систем за следење предмети и претставки од граѓаните за ненавремено постапување на нивните барања и пријавување корупција.

На состанокот беше презентирана мерката за подобрување на процесот на јавни набавки во локалната самоуправа, при што Николовски посочи дека општините треба да донесат интерни процедури за спроведувањето на постапките за јавни набавки и за реализација на договорите и јавно да ги објават на своите веб-страници, што ќе резултира со квалитетни, транспарентни процедури на јавни набавки и договори.

Со оглед на тоа дека во општинските јавни претпријатија има управни одбори, вицепремиерот Николовски информира дека со планот за борба против корупцијата е предвидено намалување на бројот на членовите на управните одбори, условите за именување на членови во управни и надзорни одбори и нивна одговорност, висината на надоместокот да биде во согласност со одржаните седници. Воедно, беше посочено дека ќе им се препорача на општините да подготват годишна антикорупциска програма, што крајно ќе резултира со воспоставување ефикасен систем на мерки што ќе овозможат превенција и борба со корупцијата.

Градоначалникот на општина Кочани, Илијев, порача дека за борбата против корупцијата потребно е јакнење и градење на јавната свест за целокупната одговорност, а граѓаните да пријавуваат доколку забележат случаи на корупција. Регионалниот координатор на канцеларијата на Обединетите нации за борба со дрога и криминал, Меркез, наведе дека тесната поврзаност меѓу службениците и граѓаните претставува ризик за корупција и судир на интереси, па затоа за да може една локална самоуправа добро да се справи со корупцијата, првично потребно е ​да направи анализа на ризиците поврзани со работењето на општината, особено во делот на постапките за јавни набавки, издавањето градежни дозволи, вработувањата во јавниот сектор и слично. Притоа да се изготви стратегија за јакнење на интегритетот на засегнатите страни. Меркез и Вуд потенцираа дека ги поддржуваат заложбите и новите политики на Владата во борбата против корупцијата.

Македонија

Маричиќ: Реформите се многу повеќе од нови ЕУ-закони, тоа се промени во функционирањето на институциите

Објавено пред

Заменик-претседателот на Владата задолжен за европски прашања, Бојан Маричиќ, на денешниот објаснувачки скрининг-состанок за функционирање на демократските институции, во своето воведно обраќање рече дека ова е област што е од суштинска важност за секое демократско општество и дека ќе бара максимална посветеност на реформската агенда, која ќе помогне да се забрза напредокот во оваа важна област.

dobivaj vesti na viber

„Реформските процеси не се само за воведување нова легислатива, туку и за промена на менталитетот и на стилот на владеење. Знаеме и имаме искуство за тоа колку е важно владеењето на правото, како и тоа да имаме независни и ефикасни институции, кои го гарантираат тоа“, рече Маричиќ.

Вицепремиерот за европски прашања и главен преговарач, Маричиќ, на состанокот истакна дека Северна Македонија има постигнато огромен напредок во последните години, особено во однос на владеењето на правото и враќањето на демократијата со градење силни и функционални институции, кои работат на принципите на отчетност, транспарентност и инклузивност, со што успешно одговорила на назадувањето, кое е нотирано и во последниот извештај на Европската комисија.

„Во изминатите неколку изборни циклуси покажавме способност да организираме фер и конкурентни избори, како што беше потврдено од ОБСЕ/ОДИХР. Во однос на изборната реформа беа направени неколку измени на Изборниот законик за да се адресираат препораките што чекаат од извештаите за набљудување на изборите на ОБСЕ/ОДИХР, како и препораките и најдобрите практики на Венециската комисија“, потенцира Маричиќ додавајќи дека продолжувањето на изборната реформа е меѓу приоритетите како Влада преку инклузивен и транспарентен да се донесе нов Изборен законик.

Вицепремиерот Маричиќ уште еднаш истакна пред претставниците на Европската комисија дека е важно во Северна Македонија да имаме национален консензус за пристапниот процес и опозицијата да игра конструктивна улога во исполнувањето на нашата стратешка цел за полноправно членство.

„Собранието ја подобри својата улога како примарен форум за конструктивен политички дијалог. Сите партии придонесоа за две успешни рунди на дијалогот ‘Жан Моне’ со Европскиот парламент. Оваа соработка е високо ценета како и континуираната поддршка на нашите напори за натамошно зајакнување на улогата на парламентот. Со усвојувањето на преговарачката структура предвидуваме клучна улога на Комисијата за европски прашања и Националниот совет за евроинтеграции во процесот на усвојување на усогласената легислатива и организирање дебати и консултации за реформите поврзани со ЕУ“, посочи Маричиќ.

Денеска, се одржа објаснувачкиот скриниг-состанок за уште една област што првпат се воведува во пристапните преговори – функционирање на демократските институции во рамките на кластерот „Темели“, која е основна вредност врз која функционира Европската Унија.

Утре, ќе се одржи скрининг-состанок за Поглавјето 23, „Правосудство и фундаментални права“, со кој завршуваат објаснувачките скрининг-состаноци за кластер 1, „Темели.

Прикажи повеќе...

Македонија

(Видео) Спасовски: 45 години високо образование за безбедност, со научни резултати до заеднички одговор на безбедносните предизвици

Објавено пред

Министерот за внатрешни работи, денеска, во Струга ја отвори 13. меѓународна годишна конференција на Факултетот за безбедност – Скопје, која оваа година е во чест на 45 години високо образование во областа на безбедноста и постоење на Факултетот за безбедност, на тема што се занимава со образовните предизвици и перспективите за безбедноста.

dobivaj vesti na viber

„Четири и пол децени егзистирање на оваа високообразовна институција, од оваа дистанца, барем за мене, значат: голем самопрегор, истрајност, научно љубопитство, истражувачка дејност и, секако, воспитување и образование на генерации и генерации академски граѓани. Но, ваквиот курикулум, сепак, не би бил целосен доколку не се споменат мноштвото научни и стручни трудови од областа на безбедноста или, пак, активната експертска партиципација во многуте нормативни и практични решенија според кои денес функционира институционалниот дел на системот што ја третира проблематиката на безбедноста“, потенцира министерот Спасовски на почетокот на своето обраќање.

Тој како особено важен го истакна податокот дека во изминатите 12 години на конференцијата присуствувале повеќе од 850 професори, истражувачи и практичари од сите континенти во светот, од повеќе од 40 држави, а објавени се повеќе од 1.000 научни труда, а само оваа година се објавени 45 научни труда од автори од 12 земји.

„Неоспорно е дека науката е мотор на практиката, стожер без чии научни докази и достигнувања е невозможен каков било прогрес. Безбедносната сфера, пак, по својата општествена, цивилизациска, па ако сакате и техничка интерактивност, претставува посебен научен предизвик. Специфичноста и неоспорната динамичност на овој сегмент, кои се тесно поврзани со севкупниот брз општествен развој, произведуваат нови прашања и дилеми. Не само од аспект на процена и превенција на безбедносните ризици туку и од аспект на организациското и нормативното устројство, техничката и едукативната поставеност, соработката и координацијата, како институционална така и регионална и глобална, во спротивставувањето кон безбедносните предизвици“, рече Спасовски додавајќи дека одлуките што не се базирани врз стручните експертизи по правило се лоши одлуки, а времето тоа секогаш го докажува.

Министерот Спасовски го истакна фактот што на годинешната конференција се присутни научни работници и истражувачи од повеќе од 20 земји, кои низ мноштвото добри практики и искуства ќе придонесат за доаѓање до заеднички одговори на заедничките безбедносни предизвици, а научните резултати и заклучоци до кои ќе дојде конференцијата ќе бидат разгледани со должно внимание од страна на МВР, со цел нивна имплементација во секојдневното полициско работење.

Спасовски, како посебен доказ за партнерството на Министерството и Факултетот за безбедност, покрај континуираната соработка на голем број проекти, го истакна и возобновувањето, по прекин од повеќе од две децении, на меѓународното научно списание на МВР – „Безбедност“, во кое се објавуваат истражувачки трудови преку кои научно се насочуваат плановите и приоритетите за работата на полициската служба во државата.

Прикажи повеќе...

Македонија

Утре променливо облачно со локален дожд и грмежи

Објавено пред

Утре времето ќе биде променливо облачно и нестабилно со локален пороен дожд, грмежи и засилен јужен ветер. Минималната температура ќе биде во интервал од 10 до 17, а максималната ќе достигне од 19 до 25 степени.

dobivaj vesti na viber

Во Скопје променливо облачно со сончеви периоди, попладне во делови од котлината нестабилно со пороен дожд, грмежи и засилен ветер. Минималната температура ќе се спушти до 15, а максималната ќе достигне 24 степени.

Од среда ќе има повеќе сончеви периоди, ќе дува умерен до засилен јужен ветер, а дневната температура ќе биде во пораст. В четврток и в сабота попладне се очекуваат локални врнежи од дожд.

Прикажи повеќе...

Најново

Регион11 минута

Србија со жесток одговор за Брисел – Вучиќ ќе го соопшти во следните 72 часа

Српскиот претседател, Александар Вучиќ, подготви дециден и жесток одговор до Брисел, а одговорот на јавноста ќе ѝ биде соопштен најдоцна...

Спорт2 часа

Милевски го објави составот: Трајковски и Тодороски меѓу стартерите на Македонија

Селекторот Благоја Милевски направи две замени, во стартниот тим се Александар Трајковски и Тодор Тодороски. Тоа значи и поофанзивен тим....

Свет3 часа

Путин му додели руско државјанство на Сноуден

Рускиот претседател Владимир Путин потпиша указ и му додели руско државјанство на поранешниот советник на американската Национална разузнавачка агенција, Едвард...

Свет3 часа

Убиецот од Русија боледувал од шизофренија: лекарите се борат за животот на девет деца

Артем Казанчев (34), кој денеска уби 15 луѓе во училиштето „88“ во Ижевск, Русија, а рани уште најмалку 20 други,...

Економија6 часа

БЕГ тврди дека нема обврска да ги грее скопјани, Владата смирува дека парно ќе има

„Балкан енерџи груп“ (БЕГ) објави дека нема правен основ да располага со топланите, ниту обврска да продолжи со вршење на...

Македонија9 часа

Османи: Македонија нема да ги признае референдумите за присоединување на украински територии со Русија

Министерот за надворешни работи Бујар Османи истакна дека Македонија нема да ги признае референдумите за отцепување на украинските територии и...

Македонија9 часа

Судска медицина: Доколку Тот немал повреда на ‘рбетниот мозок, би имал многу поголеми шанси да преживее

Доколку ракометарот Денис Тот немал повреда на ‘рбетниот мозок, ќе преживеел. Ова го покажува вештачењето на Александар Станков, директор и...

Спорт9 часа

Македонија против Бугарија: Сега е наш ред, европски да ги пречекаме Бугарите

Фудбалската репрезентација на Македонија вечерва ќе го одигра последниот натпревар, во овој циклус во Лигата на нации. Македонија во Скопје...

Европа10 часа

Го фалеше Мусолини, а го критикуваше Тито – која е идната премиерка на Италија?

Италија ја добива најдесничарската влада од Бенито Мусолини. Според привремените резултати, десничарскиот блок предводен од „Браќата на Италија“, партијата предводена...

Македонија10 часа

(Видео) Митева: Наместо нови учебници, МОН платило 530.000 евра за привремени материјали за учење

Во Министерството за образование и наука сè е сведено на импровизации што скапо се плаќаат. Јавноста добро е запознаена дека...

Свет11 час

(Видео) Пукање во гимназија во рускиот град Ижевск, најмалку шест лица загинаа меѓу кои и деца

Најмалку шест лица, меѓу кои и деца, загинаа во престрелката што се случи утринава во училиштето 88 во Ижевск, Русија....

Свет12 часа

Кадиров до Русите кои не сакаат да војуваат: Немаат право да се нарекуваат мажи

Чеченскиот лидер Рамзан Кадиров се осврна на Русите кои бегаат од војната и жестоко ги прозва. – Дали имаат право...

Свет12 часа

(Видео) Зеленски: Ако ги одземете животите на нашите деца, нема да останете живи

Претседателот на Украина, Володимир Зеленски, синоќа ѝ се обрати на јавноста, велејќи дека Киев постигнал позитивни резултати на повеќе фронтови....

Свет13 часа

Блинкен: Бевме во контакт со Русија поради заканите со нуклеарно оружје

Американскиот државен секретар Ентони Блинкен изјави дека Вашингтон е во директен контакт со Москва во врска со заканите за употреба...

Свет13 часа

(Видео) Шефот на воениот оддел во Русија застрелан во глава од младо момче кое било мобилизирано

Шефот на воениот оддел во Уст-Илимск, Русија, е тешко повреден кога бил застрелан од млад човек кој требало да биде...

Македонија1 ден

Арсовска со реакција до премиерот: Поради континуирано задоцнетите мерки, сите плаќаме поскапа електрична енергија и парно

Градоначалничката на Град Скопје, Данела Арсовска вечерва со реакција по изјавите на премиерот Димитар Ковачевски. Тој порача „ВМРО-ДПМНЕ да се...

Европа1 ден

Трас: Украинците го надмудрија Путин

Британската премиерка Лиз Трас ја коментираше најавата за руска мобилизација и инвазијата на Украина во своето прво интервју за американската...

Европа1 ден

Рускиот патријарх Кирил со повик до Русите: Одете во војна, ако умрете, ќе бидете со Бога

Поглаварот на Руската православна црква, патријархот Кирил ги повика руските граѓани да не се плашат од смртта поради одлуката на...

Регион1 ден

Трка на пијани возачи кобна за семејството Крстиќ кај Мостар

Тешката сообраќајна несреќа што се случи синоќа во близина на Мостар, во која четири лица загинаа, а четворица се тешко...

Европа1 ден

Има рак на кожа, не гледа и не слуша добро, а го мобилизирале во руската војска

Виктор Дјачок – 59 годишен началник на хируршкото одделение на болницата во Азбест, град во руската област Свердловск во источното...