Контакт

Македонија

Николовски со антикорупциските институции: Градиме систем кој превенира корупција и ја враќа довербата во институциите

Објавено пред

Заменик-претседателот на Владата задолжен за борба против корупцијата и криминалот, одржлив развој и човечки ресурси, Љупчо Николовски, ја одржа редовната координација со седумтте надлежни институции за борба против корупција. На работниот состанок присусутвуваа министерот за внатрешни работи Оливер Спасовски, директорката на Управата за јавни приходи Сања Лукаревска, директорот на Царинската управа Горан Сугарески, директорот на Управата за финасиско разузнавање Блажо Трендафилов, директорот на Управата за финасиска полиција Арафат Муареми, претседателката на Инспекцискиот совет Магдалена Филиповска-Грашковска и преставници од Министерството за правда.

На состанокот, од страна на вицепремиерот Николовски беше презентиран степенот на реализација на мерките од Планот за борба против корупција, како и идните активности што надлежните институции треба да ги преземат според задолженијата од Планот. Се констатираше дека реализацијата на Планот за борба против корупција е во напредна фаза, но и дека е потребно дополнување со нови мерки во делот на борбата против корупцијата.

Вицепремиерот Николовски посочи дека во однос на дигитализацијата на процесите, сите институции надлежни за борба против корупција веќе се поврзани на платформата за Интероперабилност и започнуваат со размена на информации и податоци преку оваа платформа. Во следната фаза следува и поврзување на овие институции со Централниот регистар на население, со цел брзи и ефикасни постапки.

До втората половина на август сите министерства треба да извршат анализа на законите во нивна надлежност, односно мапирање на одредбите кои ги содржат процесите што треба да се дигитализират, услугите, условите, доказите, начинот на комуникација и начинот на достава. Се работи за крупна реформа, којашто бара измена на 150 закони, но истовремено се работи за процес којшто е од исклучително значање пред сè за граѓаните, но и механизам кој значително ќе придонесе во спречувањето корупција, преку елиминирање на човечкиот фактор.

На состанокот се отвори дискусија за предлог мерки кои надлежните институции за борба против корупција, треба да ги воведат се со цел ефикасно постапување и сузбивање на ситната коруцпија со која се соочуваат граѓаните. Една од предложените мерки беше воведување на аудио и видео надзор на специфични работни места во институциите, кадешто постои ризик од корупција. Исто така, беше предложено во Јавните обвинителства во државата да се импелментира посебен систем за распределба на предмети. На овој начин, распределбата на предметите би била електронска, со што се потигнува минимизирање на човечкиот фактор и субјективното одлучување при распределување на предметите кај обвинителите.

Една од мерките коишто беше посочени и на која веќе се работи е за проширување на опсегот на лицата коишто треба да поднесуваат изјава за имотна состојба и судир на интереси, со која се зајакнуваат механизмите во борбата против корупцијата и судирот на интереси во јавниот сектор на повеќе нивоа, односно лица кои вршат посебни овластувања, контроли и инспекциски надзор.

Македонија

Словенечките пожарникари распоредени во Берово, помош најави и ЕУ

Објавено пред

Словенечките пожарникари се веќе во Берово, каде што се распоредени да помогнат во гаснењето на пожарите во регионот, објави министерката за одбрана, Радмила Шекеринска, на својот профил на „Фејсбук“.

Во земјата се пристигнати 16 противпожарни возила и 46 пожарникари од Словенија за да помогнат во гаснењето на пожарите.

Помошта од Словенија се реализира по телефонскиот разговор меѓу министерката за одбрана, Радмила Шекеринска, и нејзиниот словенечки колега Матеј Тонин.

„Се надевам дека ќе ги скротите огновите што е можно побргу“, ѝ напишал министерот Тонин на Шекеринска информирајќи ја за брзата реакција на сојузничката земја, соопштија од Министертсвото за одбрана.

Шекеринска на „Фејсбук“ напиша дека се зголемува и ангажманот на Армијата во регионот на Делчево и Пехчево – 400 припадници на Армијата во моментот го гаснат пожарот кај селата Истевник, Робово и Умлена.

Денеска, и Јанез Ленарчиќ, шефот на европската Комисија за управување со кризи, најави дека Унијата ќе испрати помош од возила и капацитети што ќе помогнат со справувањето на пожарите на територијата на земјава, но и во Грција.

„Помошта доаѓа од Шведска, Франција, Австрија, Бугарија и од сателитите за набљудување на ЕУ“, напиша Ленарчиќ.

Прикажи повеќе...

Македонија

Нов извештај за активните пожари во земјата – најкритично кај Делчево, Пехчево и во Прилепско

Објавено пред

Од Центарот за управување со кризи (ЦУК) на својата фејсбук-страница информираа за состојбата со активните пожари во државата, заклучно со 13 часот.

Штипски Регион

Пожарот што почна на 2 август во атарот на сeлото Нов Истевник, маало Пасјак, сѐ уште е активен и е во дијаметар од 9 километри. До овој момент опожарени се околу 750 хектари борова шума и нискостеблести растенија. Екипите за гаснење пожар се на терен од раните утрински часови, од 4 часот. Интервенираат 200 припадници на АРМ; 25 вработени во ШС Голак – Делчево со 4 теренски возила; ТППЕ Делчево со 13 пожарникари, 2 цистерни и теренско возило; 5 припадници на Граничната полиција со 5 теренски возила; 3 припадници на ПС Делчево со 1 теренско возило; ЈПКД Брегалница со 10 вработени со 2 ровокапачи, теренско возило со 1 тон вода и 1 џип; РЦУК Делчево со 1 вработен, ТППЕ Македонска Каменица со 4 пожарникари со теренско возило; ЈП Камена Река – Македонска Каменица со 10 вработени и 1 комби; и дел од пожарникарите од Бугарија. Волонтери од Црвениот крст – Делчево се на терен и им доставуваат вода за пиење на ангажираните сили.

Во гаснењето на пожарот ангажирани се и 4 хеликоптери.

На територијата на општина Пехчево, кај местото наречено Бајаз Тепе, пожарот сѐ уште е активен и се шири кон селата Робово, Умлена и Чифлик. Опожарена е високостеблеста дабова и борова шума, нискостеблести растенија, смрека, стрништа и пасишта. Интервенираат хеликоптери, 100 припадници на АРМ, 20 ренџери, дел од екипата од Бугарија; ШС Равна Река – Пехчево со 30 вработени со 2 теренски возила со цистерни и 4 возила за превоз; ШС Малешево – Берово со 15 вработени со 2 теренски возила со цистерни и 2 теренски возила за превоз; ТППЕ Берово со 3 ПП-возила и 7 пожарникари; ТППЕ Скопје, Штип и Струмица со по 2 пожарникари со 1 ПП-возило; ДЗС со 1 теренско возило со цистерна и 4 вработени; РЦУК Берово со 1 вработен; ЕВН со 6 теренски возила за превоз; 35 луѓе од месното население.

Се очекува во секој момент да пристигне специјална ПП-единица од Словенија.

Пожарот на потегот Костин Дол – Ново Село (Кочани и Македонска Каменица) од ноќеска повторно е активен. Интервенираат ТППЕ Кочани со 15 пожарникари; ШС Осогово – Кочани со 10 вработени; „Водостопанство“ – Кочани со 20 луѓе; и МЗШВ со 5 лица.

Струмички Регион

Пожарот кај местото наречено Погана, кој почна на 1 август, е со намален интензитет, односно нема активно горење. Досега опожарени се околу 1.200 хектари нискостеблеста шума (даб, габер, прнар, јасен). На терен интервенираат: ТППЕ Валандово со 2 ПП возила и 7 пожарникари; ШС Саланџак – Валандово со 14 вработени; ПО ДЗС Валандово со 7 припадници; АРМ со 30 припадници; ЕВН Битола со 7 вработени, едно теренско возило и 1 цистерна и Здружението од Битола со 9 припадници. Има и 2 трактора за пренос на храна и вода за учесниците во гаснењето на пожарот. Поради намалениот интензитет на пожарот, денес ќе се врши контролирање и гаснење на недогорениот материјал.

Од страната на општина Гевгелија пожарот е под контрола. Опожарени се околу 200 хектари мешана шума и сува трева. На терен се 13 лица од ШС Кожув – Гевгелија.

Битолски Регион

Во општина Прилеп пожарот во атарот на селата Ракле, Никодин, Топлица е активен на еден крак кон рудникот „Козјак“ и еден крак кон високиот дел на селата Крстец и Никодин. Опожарени се околу 2.000 хектари нискостеблеста дабова шума и листеста постилка. На потегот Крстец – Никодин гори нискостеблеста дабова шума.

Под контрола е кракот кон селото Топлица, кракот кон црквата и викенд-куќите во селото Ракле.

На кракот од магистралниот пат Прилеп – Градско гори чалија, сува трева, грмушки и деградирана дабова шума. Интервенираат 17 војници на АРМ и ТППЕ Прилеп со 9 пожарникари со 2 ПП-возила.

Од ноќните часови меѓу 4 и 5 август почнат е пожар на потегот Дрен – Смолани (Прилеп) во кој горат сува трева, смрека, чолија и листеста постелка на површина од 0,5 хектари. На истиот локалитет има и еден приземен пожар на местото Мањов Дол, каде што гори нискостеблеста дабова шума. Интервенираат 13 војници на АРМ, 3 пожарникари на ТППЕ Прилеп и 2 лица од месното население, како и 7 работници на ШС Црн Бор – Прилеп.

Охридски Регион

Пожарот во атарот на селото Девич (Македонски Брод) во 18 часот на 4 август е ставен под контрола. Од утрово на терен се ТППЕ Македонски Брод со 4 пожарникари и 5 вработени од ШС Македонски Брод заради контрола на просторот.

Тетовски Регион

ТППЕ Тетово од 9.40 часот со 3 пожарникари и 1 ПП-возило интервенираат поради запалена сува трева кај сточниот пазар во селото Голема Речица.

Кумановски Регион

ТППЕ Куманово со 4 пожарникари и 1 ПП-возило од 7 часот интервенираат поради запалена сува трева во атарот на селото Јачинце.

ТППЕ Старо Нагоричане со 3 пожарникари со 1 ПП-возило во 9.30 часот е упатена на терен кон атарот на селото Жељудино заради контрола.

Пожарот во атарот на селото Коњух (Кратовско) е изгаснат, а на терен, заради контрола, се наоѓа екипа на ЈП „Македонски шуми“.

Прикажи повеќе...

Македонија

Попладнево силен ветер и услови за невреме

Објавено пред

Во пладневните часови, како што инофмираат од УХМР, на повеќе места во државата дува засилен ветер, а во 12 часот најсилен е ветерот во Битола, кој повремено достигнува брзина до 40 километри на час.

Засилен ветер исто така дува во Штип, Ѓуриште и во Тополчани.

Попладне ќе продолжи да дува умерен до силен ветер претежно од југозападен правец, повремено и со брзина од над 70 километри на час.

Од крајот на денешниот ден, преку ноќта и утре претежно претпладне ќе има локален пороен дожд, грмежи и на места со поројни врнежи и засилен ветер од променлив правец. На места процесите ќе бидат поинтензивни и во форма на невреме, со пообилен пороен дожд за кратко време, силни електрични празнења и појава на град. Утре и в сабота температурите ќе опаднат за 4 до 5 степени.

Засилен, претежно северен ветер, ќе има и во текот на утрешниот ден, особено по должината на Повардарието.

Во случај на појава на електрични празнења се препорачува поголема внимателност, да не се престојува на отворен простор и под дрвја.

Прикажи повеќе...

Најново

Македонија57 минути

Нов извештај за активните пожари во земјата – најкритично кај Делчево, Пехчево и во Прилепско

Од Центарот за управување со кризи (ЦУК) на својата фејсбук-страница информираа за состојбата со активните пожари во државата, заклучно со...

Македонија2 часа

Ангелов најави акциски план за справување со пожарите

Откако Владата денеска прогласи кризна состојба во траење од 30 дена поради пожарите кои ја зафатија Македонија, директорот за Центарот...

Македонија4 часа

Владата прогласи кризна состојба во траење од 30 дена поради зголемената појава на пожари

Владата на денешната 95. седница, која се одржа изутринава, донесе одлука за постоење кризна состојба на територијата на Република Северна...

Топ4 часа

72-годишен битолчанец извршил полов напад врз десетгодишно девојче

Маж од Битола на возраст од 72 години е осомничен дека сторил полов напад врз дете што не наполнило 14...

Топ5 часа

Татко си ја малтретирал својата ќерка, ја удирал со тупаници и ѝ се заканувал на сопругата дека ќе ја убие

38-годишен жител од Брвеница, татко и сопруг, е осомничен за малтретирање на својата ќерка и за семејно насилство над блиски...

Европа6 часа

(Видео) Пожарите во Грција не стивнуваат, населението се евакуира, огнената стихија уништи куќи

ЕУ испрати помош за Грција и другите земји од Југоисточна Европа, кои се борат со големи пожари. Помошта дојде еден...

Македонија6 часа

Ангелов: Пет хеликоптери го гаснат пожарот кај Пехчево, ако дозволат условите, ќе емитувам во живо

Пет хеликоптери, три српски и два македонски, полетаа од скопскиот аеродром кон Пехчевскиот Регион, соопшти утрово директорот на Центарот за...

Македонија7 часа

Владата ќе го разгледува предлогот за воведување кризна состојба во државата поради пожарите

Владата, денеска, во 8.30 часот треба да одржи седница за предлогот на Управувачкиот комитет за воведување кризна состојба во траење...

Македонија19 часа

Стојанче Ангелов од вршител на должност стана директор на ЦУК

Владата на денешната 94 седница донесе одлуки во однос на повеќе кадровски решенија. Така, Стојанче Ангелов кој досега беше вршител...

Македонија21 час

Награди од по 10.000 денари за пожарникарите кои го гаснеа пожарот кај Кочани

Владата на седница одлучи да ги награди сите пожарникари вклучени во гаснењето на пожарот кој го зафати Кочани и околината....

Македонија21 час

Албански државјанин приведен за подметнување на пожар, има осомничен и за оној во Старо Нагоричане

Попладнево од страна на полициски службеници од полициското одделение Галате уапсен е 32-годишен албански државјанин со иницијали Л.А, кој илегално...

Македонија23 часа

Владата ја разреши директорката на инспекторатот за животна средина

Владата ја разреши директорката на Државниот инспекторат за животна средина, Ана Петровска, по барање на нејзината матична партија ДОМ. Од...

Македонија1 ден

Регистрирани 164 нови случаи на Ковид-19, пријавени се три починати лица

Министерството за здравство информира дека во последните 24 часа се направени 5.276 тестирања, а регистрирани се 164 нови случаи на...

Топ1 ден

Камион излетал од патот во близина на ГП Блаце, возачот починал од срцев удар

Товарно возило со косовски регистарски ознаки вчеравечер излетало од патот во близина на Граничниот премин Блаце соопштија од МВР. Возачот...

Регион1 ден

Почина Мирослав Лазански

Почина српскиот новинар, воен аналитичар, политичар и дипломат Мирослав Лазански на 71-годишна возраст. Лазански починал во својот дом во Белград...

Европа1 ден

(Видео) Две загинати лица и десетици повредени во судир на два воза во Чешка

Две лица загинаа, седум се во критична состојба а 31 лице се повредени во судир на два патнички воза во...

Македонија1 ден

Македонија е во портокалова фаза – да се почитуваат мерките за заштита од топлотниот бран, порачуваат надлежните

Министерството за труд и социјална политика ги повикува работодавците, негувателите и воспитувачите во градинките, вработените во центрите за социјална работа...

Македонија1 ден

Две дози вакцина во државата примиле 401.336 граѓани

Прва доза вакцина вчера примиле 3.909 граѓани, а вчера вкупно се вакцинирале 12.939 граѓани. Во државата вкупно се аплицирани 920.442...

Регион1 ден

(Видео) Грчките пожарникари цела ноќ се бореа со пожарите, гори и предградие на Атина

Вкупно 81 пожар избувнаа во Грција во последните 24 часа, а пожарникарите сѐ уште се борат со 40 од нив, кои...

Свет1 ден

Њујорк воведе ковид-пасоши – во ресторан и театар може само вакцинирани

Во Њујорк нема да може да се влезе во ресторан, спортска сала и во театар без потврда за вакцинација, изјави...

Досие