Контакт

Македонија

Нов зелен сквер за граѓаните од Карпош 2

Објавено пред

На аголот помеѓу булеварот Илинден и улицата Никола Тесла, до гимназијата „Орце Николов“, редизајнирана е зелената површина и целосно е уреден првиот сквер во согласност со потребите на граѓаните за одмор, релаксација и дружење. Целиот простор е облагороден со разни видови листопадни и зимзелени садници. Во едниот дел од скверот е оформено детско катче со разни реквизити за игра, а во другиот дел се формирани патеки, поставени се клупи и маси, чешмичка за вода, паркинг за велосипеди и ново осветление.

Покрај редизајнот на зелената површина на оваа локација, годинава во тек е редизајн на уште 3 од овие локации, една кај Поликлиниката „Идадија“ во општина Центар и две на булеварот Јане Сандански во Аеродром.

„Денеска сме на првата од 7-те локации што ги реализиравме заедно со УНДП за уредување микросредини, процес што е инклузивен, процес во кој се вклучени сите структури на граѓани што гравитираат кон јавниот простор што го уредивме. Овде имавме релативно запуштен тревник, а сега можете да видите дека е адаптиран и е едно пристојно место, каде што имаме повеќе од 36 нови садници од шест вида. Во процесот на уредување беа вклучени и локалните жители, станува збор за население со претежно мали дечиња, меѓутоа беа вклучени сите возрасни групи во анкетите и овој простор е всушност адаптиран преку ‘Скопје лаб’ и УНДП на потребите и желбите на граѓаните“, рече Шилегов.

Инклузивноста во овој процес подразбира директно вклучување на граѓаните не само во изборот на локациите туку и во идентификување на нивните потреби на секоја од овие локации одделно. Вклучени беа разни возрасни групи граѓани во процесот преку користење квалитативни и квантитативни методи – онлајн-прашалници, теренски интервјуа, опсервација, фотодокументација. Се идентификуваа потребите на граѓаните што живеат на локациите, гравитираат или поминуваат тука.

Дополнително, мапирани се дневните и ноќните активности и програмата, однесувањето на луѓето и природата, физичката микро и макрооколина, со цел подобро разбирање на постојниот социо-културен контекст. Како резултат од процесот „Скопје лаб“ изработи 7 концепт-дизајни за 7 локации, подоцна разработени во елаборати за изведба, кои се водилка за нивното понатамошно уредување од Град Скопје и од општините.
На промоцијата на новиот зелен сквер во Карпош 2 присуствуваше и градоначалникот на општина Карпош, Стефан Богоев.

Македонија

(Видео) Мицкоски и Николоски во Унгарија: Проблем за граѓаните се сиромаштијата и корупцијата

Објавено пред

Значаен проблем за граѓаните се сиромаштијата и корупцијата, земјата чека предолго пред портите на ЕУ, истакнаа претседателот на ВМРО ДПМНЕ, Христијан Мицкоски и потпретседателот Александар Николоски во Будимпешта.

Во рамки на посетата на земјата, двајцата остварија работен ручек со Претседателот на комитетот за надворешни работи на Парламентот на Унгарија, Золт Немет и пратеникот на Фидес, Габор Домос.

Немет е и еден од основачите на сестринската партија на ВМРО-ДПМНЕ, унгарската Фидес, во два наврати државен секретар за надворешни работи, актуелен пратеник и шеф на делегацијата на Унгарија во Советот на Европа.

На средбата се разговараше за актуелните предизвици на државата на патот кон ЕУ, парламентарната соработка на ниво на сестринските партии, како и актуелната здравствена и економска криза.

Од страна на претседателот на ВМРО ДПМНЕ Мицкоски беше истакнато дека граѓаните на Македонија премногу долго чекаат на забележителен напредок на патот кон ЕУ, а сето тоа покрај евидентираниот недостаток на реформи, лош стандард и недостаток на правда, е отежнато и со ветото од Бугарија. Друг значаен проблем, вели Мицкоски, е катастрофата што се случува во економијата и исклучително високиот степен на корупција која поминува неказнето што е една од причините кочничар за напредок на државата на патот кон ЕУ.

Мицкоски ја изрази загриженоста од лошата економска состојба и рецесијата во која се наоѓа нашата земја. Рече дека граѓаните очекуваат посигурна иднина и можности за развој, наместо тапкање во место.

Од страна на потпретседателот на ВМРО ДПМНЕ во делот на работата на Парламентот беше истакнато дека се прават злоупотреби од власта во повеќе сфери, како и во делот на употребата на законите со европско знаменце како начин да се замолчи опозицијата и без консензус да се протуркаат клучни законски решенија, како што е законот за попис.

Николоски истакна дека сите конструктивни предлози на ВМРО ДПМНЕ врзани за пописот се одбиени и нема таков случај во Европа каде влада без консензус со опозицијата турка попис што е јасен показател дека власта нема чесни намери.

„ВМРО ДПМНЕ е за објективен попис кој треба да се спроведе согласно професионалните стандарди применети во напредните европски државни“, истакна Николоски.

На средбата беа констатирани добрите односи помеѓу двете сестрински партии како и можноста тие дополнително да се продлабочат.
Мицкоски се заблагодари за досегашната поддршка и побара од унгарските пријатели да ги искористат своите позиции за поддршка на европските интеграции на државата.

 

Прикажи повеќе...

Македонија

Шилегов: Не спиеме, Скопје ќе има автобуско метро

Објавено пред

Скопје дефинитивно ќе има БРТ – Бас Рапид Транзит, објави синоќа градоначалникот Петре Шилегов.

Тој вели дека автобуското метро станува реалност годинава и дека екипите на Град Скопје деноноќно работат на овој скопски сон.

„Не спиеме 😉, Скопје дефинитивно ќе има БРТ – Бас Рапид Транзит. Популарното наречено #АвтобускоMетро годинава почнува да станува реалност. Екипи на Град Скопје деноноќно работат на овој долгогодишен скопски сон ! Со Бас Рапид Транзит ќе овозможиме траса која ќе биде физички издвоена од останатиот сообраќај“, напиша Шилегов на социјалните мрежи.

Шилегов додава дека ова е проект на Град Скопје, коj е финансиран од Владата, а обезбедува многу побрз и побезбеден транспорт, и со тоа и намалување на загадувањето во воздухот.

Не спиеме 😉, Скопје дефинитивно ќе има БРТ – Бас Рапид Транзит 💪.
Популарното наречено #АвтобускоMетро годинава почнува…

Posted by Петре Шилегов on Monday, January 18, 2021

Прикажи повеќе...

Македонија

Алијанса и Алтернатива промовираа кампања за добивање на државјанство

Објавено пред

Коалицијата Алијанса за Албанците и Алтернативите во Скопје, пред најавениот попис на наслението што се очекува да се случи на пролет, ја промовираа кампањата и платформата „shtetesia.mk“, чијашто цел, како што посочија од партијата, е граѓаните да го претстават својот проблем за добивање на државјанство.

„Целта на оваа платформа е да соберат информации од граѓани кои се соочуваат со проблем за добивање државјанство, сега веќе 30 години од независноста на Северна Македонија“, истакна Башким Бакиу, раководител на Аналитичкиот центар на Алијансата за Албанците.

Според него Република Северна Македонија ги спречува жителите на нејзината територија да имаат пристап до основните граѓански, политички, економски, културни и социјални права.

„И покрај фактот дека Република Северна Македонија е потписник на важни конвенции преку системот на човекови права на Советот на Европа, како и Универзалната декларација за човекови права на Обединетите нации, кои предвидуваат дека секој има право на државјанство соодветно, на ниту едно лице не треба да му биде одземено правото на државјанство, денес на територијата на земјата има лица кои се законски невидливи, односно лица без државјанство“, додаде тој.

Бакиу додаде дека нивниот политички блок ќе ги собира преку платформата основните податоци од лица без државјанство, за да можат потоа да вршат политички притисок за решавање на овој проблем.

Претседателот на Алијансата за Албанците, Зијадин Села, изјави дека државјанството е минимална државна обврска кон секој граѓанин на нашата земја и не може да се дозволи државата со банални причини да им го ускратува на граѓаните ова основно човеково право.

Во дискусијата се вклучи и претседателот на Алтернатива, Африм Гаши, кој додаде: „Државата конечно мора да се ослободи од стравот дека расте бројот на една етничка заедница и со тоа да го попречи правото на граѓаните да имаат документ за државјанство“.

Прикажи повеќе...

Најново

Македонија3 часа

Угостителските објекти од четврток ќе работат до 21 часот

Донесена е одлука угостителските објекти да работат до 21 часот, наместо до 18 часот како што беше претходно. За ова...

Македонија3 часа

Влада: Нема да се гради ски-центар на Галичица, ќе се донесе и ДУП за охридското крајбрежје

Нема да се гради ски-центар на Галичица, а ќе се донесе и ДУП за охридското крајбрежје, велат од Владата по...

Македонија6 часа

Повеќе нема да се лекуваат пациенти со коронавирус на очна и на клиниката за уво, нос и грло

Ковид центарот на Клиниката за Очни бочести од вчера е затворен. Од Министерството за здравство информираат дека во текот на денешниот...

Македонија6 часа

Вучиќ: Помошта со вакцини за Северна Македонија е братски и пријателски потег

Сепскиот претседател, Александар Вучиќ, денеска истакна дека не вреди за Србите да бидат здрави, ако луѓето во околината имаат милион...

Свет7 часа

Истражување: Една третина од излекуваните од коронавирус повторно се разболуваат

Една третина од луѓето кои се лекувале од коронавирус по пет месеци морале повторно да бидат згрижени во болница, според...

Македонија8 часа

Водици годинава без скокање по крстот

Православните верници денеска го слават празникот Богојавление – Водици кој се празнува уште од вториот век. Поврзан е со крштавањето...

Македонија8 часа

Не е исклучена можноста жените да одат во пензија и на 62 години

Во однос на дилемите во јавноста за задолжителното пензионирање на 64 години возраст и 15 години стаж, Министерството за труд...

Свет23 часа

Објавено ново видео од упадот во Конгресот на САД

Објавено е ново видео од упадот на приврзаниците на американскиот претседател во заминување Доналд Трамп во зградата на американскиот Конгрес...

Спорт24 часа

Чиле „падна“, Македонија во главната рунда на Светското првенство

Македонската ракометна репрезентација по двата високи порази во пресметките со Шведска и домаќинот Египет, ја забележа првата победа на Светското...

Македонија1 ден

Во Македонија 63 нови случаи на коронавирус, 13 лица починаа

Во последните 24 часа во Македонија се потврдени 63 нови случаи на коронавирус, 13 лица починаа, а 176 оздравеа, соопшти...

Свет1 ден

Судот во Москва му одреди притвор на Навални

Рускиот суд му одреди притвор од 30 дена на опозиционерот Алексеј Навални. Притворот ќе трае до 15 февруари, соопшти неговиот...

Македонија1 ден

Мицкоски побара поддршка од Орбан и Сијарто за деблокирање на Македонија на патот кон ЕУ

Претседателот на ВМРО-ДПМНЕ, Христијан Мицкоски, и потпретседателот Александар Николоски, денеска во Будимпешта имаа работна средба со премиерот на Унгарија, Виктор...

Свет1 ден

Пристапот „прво јас“ нè турка кон катастрофален пад во дистрибуцијата на вакцините, вели директорот на СЗО

Светот е на работ на катастрофален морален пад во дистрибуцијата на вакцини против Ковид-19, изјави денеска генералниот директор на Светската...

Македонија1 ден

Бектеши смета дека кафулињата треба да работат до 23 часот

Министерот за економија, Крешник Бектеши, смета дека работното време на угостителските објекти ќе биде продолжено до 23 часот. „Продолжување на...

Топ1 ден

Детали за инцидентот во врска со прилепчанецот убиен на лов

Во полициската станица во Прилеп во претпладневните часови на 17 јануари било пријавено дека во атарот на прилепското село Витолиште...

Македонија1 ден

Заев: Од Србија ќе добиеме 8.000 вакцини на „Фајзер“

Србија ќе ни отстапи 8.000 вакцини од „Фајзер“, a потоа можеби и ковид-вакцини од другите производители. Премиерот Зоран Заев соопшти...

Македонија1 ден

Институтот за трансфузиологија апелира: Донирајте крвна плазма, помогнете им на оние што се борат со Ковид-19

Од Институтот за трансфузиона медицина информираат дека се обезбедени 802 единици конвалесцентна плазма за третман на пациенти заразени од Ковид-19...

Европа1 ден

Во Германија откриена досега непозната мутација на коронавирусот

Според германските медиуми, на клиниката „Гармиш-Партенкирхен“ е пронајден нов, досега непознат вид коронавирус. Во болницата во Гармиш-Партенкирхен 73 пациенти и...

Свет1 ден

Захарова им порача на критичарите на апсењето на Навални да се занимаваат со своите проблеми

Портпаролката на руското Министерство за надворешни работи, Марија Захарова, се јави по повод пораките од политичарите за итно ослободување на...

Регион1 ден

Во Хрватска вакцинирани речиси 46.000 лица, кај 80 забележани лесни несакани ефекти

До овој викенд вакцинирани се речиси 46.000 граѓани во Хрватска, а 80 од нив имаат претежно лесни несакани ефекти, изјави...

Досие