Македонија

Обвинителството испитува кој ги објавува аудиоснимките поврзани со „Рекет“

Објавено пред

1 месец

- 11 декември, 2019

Од

Основното јавно обвинителство за гонење организиран криминал и корупција оформи предмет и веќе проверува кое е лицето што ги објавува снимките поврзани со „Рекет“. Оттаму велат дека преку постапка ќе се утврдува дали во содржината на разговорите има елементи на кривично дело.

„Во моментот се испитуваат сите околности во врска со идентификација на лицето што ги објавува снимките. Со постапката треба да се утврди дали во содржината на разговорите и нивното јавно објавување има елементи на кривично дело, кој снимал, како и идентитетот на лицата што разговараат“, велат од Обвинителството.

Засега никој не е повикан да даде исказ во Обвинителството, велат дека е прерано за тоа.

„Кога ќе биде прибран и анализиран доказниот материјал, Обвинителството ќе донесе одлука дали и кое лице ќе биде повикано да даде исказ пред обвинител, за што во моментот е прерано да се зборува“, додаваат оттаму.

Досега до Обвинителството нема пристигнато пријава која се однесува на снимените разговори. Тие велат дека нема да ја коментираат содржината на разговорите, туку работата ќе ја темелат врз докази.

„Обвинителството како и во изминатиот период нема да коментира изјави, туку својата работа ќе продолжи да ја темели врз докази. Во насока на тоа, Обвинителството веднаш, како и во случајот на објавените документи од предметот ‘Рекет’, отвори постапка во насока на расветлување на случајот“, известија од Обвинителството.

©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Поврзани Артикли:

Следно

Дескоска: Проверката не може да заврши пред изборите

Претходно

„Конект“ ги додели признанијата за одговорен бизнис „Мамфорс стандард“

Македонија

Без струја делови на Кисела Вода и Ѓорче Петров

Објавено пред

1 час

- 20 јануари, 2020

Од

Макфакс

Заради технички зафати во дистрибутивната електро мрежа, без електрична енергија ќе останат делови на Кисела Вода и Ѓорче Петров.

Од 8:30 до 15:30 часот, без струја ќе бидат корисниците од дел од улиците: Иван Хаџиниколов ( поранешна Ратко Митровиќ), Скендербег и Радое Дакиќ во населбата Драчево (Општина Кисела Вода), а од 9 до 15 часот, корисниците од дел од улиците: Ибе Паликуќа, Кичевска и Зејнел Ајдини (Општина Ѓорче Петров).

Прикажи повеќе...

Македонија

МАН: Очекуваме разрешница на последните случаи на закани до новинари

Објавено пред

13 часа

- 19 јануари, 2020

Од

Макфакс

Македонската асоцијација на новинари (МАН) ја поздравува брзата реакција на Министерството за внатрешни работи за разрешница на последните закани до новинари.

„Министерот Чулев вети дека ќе се грижи за безбедноста и сигурноста на новинарите и медиумските работници и затоа МАН ја поздравува брзата разрешница на заканите кон новинарките Искра Коровешовска и Мери Јордановска. Ваквиот чекор ја зголемува безбедноста при извршување на новинарската професија, а истовремено придонесува да се зголеми уверувањето дека сите мора да ги почитуваат законите и Уставот.

Истовремено, потсетуваме дека постојат десетици нерешени случаи на насилство, закани и напади кон новинари и медиумски работници со цел да им се ограничи слободата на изразување, кои очекуваме во следниот период да бидат разрешени, се вели во соопштението.

Според МАН, правото на слобода на изразување не го вклучува само индивидуалното право на слобода на изразување, туку и остварувањето на истото од страна на медиумите. „Нашата земја ги има ратификувано меѓународните правни акти и инструменти, гарантирајќи и регулирајќи ја заштита на правото на слободата на изразување. Со тоа Република Македонија има обврска за почитување, гарантирање и заштита на слобода на изразување кое во исто време е инкорпорирано во член 16 од Уставот“, се додава во соопштението.

Прикажи повеќе...

Македонија

Густа магла на патот за Попова Шапка

Објавено пред

13 часа

- 19 јануари, 2020

Од

Макфакс

Сообраќајот на државните патишта се одвива по наместа влажни коловози. Интензитетот на сообраќај на патните правци надвор од градските средини е умерен. На граничните премини, од македонска страна, нема подолги задржувања за влез и излез од државата.

Поради појава на магла видливоста е намалена до 50 метри од слото Лисец до Попова Шапка.

АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има појава на утринска магла и можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.

Прикажи повеќе...