Контакт

Македонија

Опозицијата вечерва на протест, Владата утре на координација

Објавено пред

Опозициската ВМРО-ДПМНЕ за вечерва најави антивладин протест во Скопје, на кој повторно ќе биде упатена пораката за предвремени парламентарни избори, додека владината коалиција утре ќе се состане за да ги потврди ставовите дека редовни избори ќе се одржат за две години.

dobivaj vesti na viber

Претседателот на ВМРО-ДПМНЕ, Христијан Мицкоски повика на масовен протест во 20 часот со цел, како што рече, обединување против лошата власт која ги загорчува животите на илјадници луѓе.

„Кога државата се соочува со предизвици, удари, со понижувања, со сиромаштија, одрекувања и порекнувања ВМРО-ДПМНЕ природно и разбирливо е предводник на знамето кое обединува, и тоа е обврската која јас ја прифаќам со чест и со целото мое срце. И ако праша некој зошто? Затоа што ВМРО-ДПМНЕ и јас нема да молчиме кога народот страда, кога чувствува несигурност, гнев и трпи понижувања. Тоа се работите кои без малку ги чувствува секој еден човек без разлика на верата и нацијата. Нема да молчиме бидејќи сега треба да бидеме гласни. И ние таа битка ќе ја водиме. И за таа цел вратите на народот се широко отворени. ВМРО-ДПМНЕ е партија на народот, но и главната сила која во периодот што следи ќе ги предводи промените“, вели Мицкоски.

Toj синоќа на социјалните мрежи објави дел од подготовките за вечерашниот протест.

„Дел од подготовките за големиот масовен собир. Осветлено Скопското Кале. Скопје пулсира. Протест за промени! Затоа што навистина премногу е. Се гледаме Македонијо…Пред Влада, 20 часот!“, напиша Мицкоски.

Од друга страна, премиерот Димитар Ковачевски најави дека в недела ќе има средба на коалициските партнери кои се дел од Парламентот и од Владата, на која меѓудругото ќе се реафирмира ставот за одржување редовни избори во 2024 година заедно со претседателските.

На таа средба, вели Ковачевски, секој ќе го каже своето мислење, а целта е да се направи рекапитуалција на се тоа што беше направено во однос на справување со кризата во изминатите месеци од формирањето на новата Влада.

Додаде оти ќе се осврнат и на важноста на водењето севкупни политики во државата во насока на задржување на стандардот на населението и унапредување на системот на Република Македонија и усогласување со системот на ЕУ.



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија

ВМРО-ДПМНЕ на трибина заклучи дека власта ги нарушила националните интереси и повика на одговорност

Објавено пред

Опозициската ВМРО-ДПМНЕ на трибина повика на одговорност и ја обвини власта дека ги нарушила националните интереси во преговорите со Бугарија.

dobivaj vesti na viber

Портпаролката на опозициската партија Марија Митева рече дека власта одбила експерти на ВМРО-ДПМНЕ во тимот на надворешни работи, затоа што ќе се откриело за што преговараат со Бугарија.

„Причината поради која што се случуваат сега овие какафонични изјави лежи во тоа што планот на Социјалдемократскиот сојуз по однос на предлогот бил малку поразличен од тоа што сега се обидуваат да го презентираат во јавноста. Односно, при оние телефонски разговори или договарања јасно кажале дека ги прифаќаат сите услови кои што се предвидени во предлогот само да се отпочне првата меѓувладина конференција. Со тоа што од Социјалдемократскиот сојуз се надевале дека истиот ќе биде брзо изгласан во бугарското Собрание. Но, меѓутоа во бугарското Собрание состојбите тргнаа во друга насока, имено му се изгласа недоверба на премиерот Петков, И заради тоа имаше повеќе време јавноста да се запознае со предлогот кој што всушност Ковачевски, Бујар Османи и Маричиќ сами го договарале и го создале“, истакна Митева на денешната трибина насловена „Ќе има ли владина одговорност за трајното нарушување на националните интереси?“.

Митева рече власта се обидувала да го сокрие предлогот од јавноста.

„Времето е најдобар показател за состојбите, па чувствувам обврска да ги потсетиме граѓаните дека како политичка партија понудивме четири тима во четири клучни области, меѓу кои една од нив беше и надворешната политика каде што луѓе се добри познавачи на надворешната политика ќе бидат дел и ќе помогнат на оваа Влада во преговорите. Меѓутоа од денешна перспектива можеме да заклучиме зошто истиот беше веднаш одбиен, најверојатно од власта не сакале одблиску да ги видиме состојбите за што тие лично преговараат и договараат“, заклучи Митева.

Таа посочи дека националните интереси се нарушени од страна на власта и своите соговорници ги запраша кои се можните решенија што Македонија треба да ги преземе за да ги подобри преговарачките позиции и да ги поткачи на едно прифатливо ниво за разлика од тоа на кои позиции е денес државата.

„Тоа што е карактеристика на Владата на СДСМ и ДУИ е што тие почетокот на преговорите со ЕУ и тој фамозен датум не го претставуваа само како свој политички приоритет туку го претставуваа и го издигнаа на едно ниво на фаталност. Од самиот момент ние имаме реклами за ЕУ, имаме референдум на кој што едно од прашањата е дали сакате да го усвоиме тој и тој договор со цел да станеме членка на ЕУ, имаме фотографија од премиерот, од Бујар Османи и од клучните актери кои што ја соопштуваат на јавноста како историски успех за патот на Македонија кон ЕУ и дека сме добиле датум. Па дури и имавме разно разни билборди за бесплатно здравство, бесплатни вакцини, бесплатно образование во ЕУ за секого итн.“, потсети Антонијо Милошоски, пратеник и член на ИК на ВМРО-ДПМНЕ.

Милошоски посочи дека новиот концепт треба да биде инклузивен и доколку се случи смена на премиерот со сегашното мнозинство или смена на премиерот и неговиот тим преку нови избори со ново раководство и ново мнозинство кое што би добило доверба од граѓаните, тогаш треба сите партии без разлика кој е на власт и кој е на опозиција заеднички да одговорат на прашањето врз основа на податоците кои што ги има во телеграмите на МНР, кога ќе се случи следното полноправно членство и проширување на ЕУ.

„Мора да се стави крај на фаталистичкиот однос. А, кон фатализам посегаат или не се имуни на фатализам фрустрирани политичари, политичари кои го гледаат сопствениот, а не државниот и националниот интерес, политичари кои политиката ја сфаќаат како бизнис сфера, политичари олигарси, политичари кои се уморни веќе од товарот на моќта мислам особено на политичарите кои што произлегуваат од ДУИ. И тука би ги спомнала и политичари кои ЕУ ја доживуваат како Ел Дорадо, како совршена заедница догма иако врни политиколози зборуваат за проблемите внатре во ЕУ“, појасни Гордана Силјановска Давкова, пратеник од редовите на ВМРО-ДПМНЕ.

Таа потсети дека сегашната власт ги доби претседателските избори, парламентарните избори па дури и се обидуваше на локалните избори со реториката за ЕУ и Брисел, дека Македонија само што не добила датум.

„Во контекст како понатаму, јас сметам дека Македонија сама по себе претставува сопствен автентичен вредносен систем со сите недоследности, со сите слабости, цивилизациски градени низ вековите, хармоничен спој на просторот и времето и сега го имаме како таков. Тој не е идеален, и има многу проблеми, но проблемите произлегуваат од тоа кога политичката интерпретација навлегува во категории во кои што не е дозволено политиката да ги интерпретира. Тука е проблемот. Ние мораме да го надградуваме нашиот македонски вредносен систем. Мораме да создадеме амбиент и тоа во институциите, да продолжиме со стриктна поделба на власта – претседател, извршна власт, законодавна власт и судска власт. Реформи се потребни во правосудството, во здравството, градење на економскиот систем во смисла на нова инфраструктура. И сето тоа претставува наша македонска автентична домашна задача и таа мораме да си ја сработиме“, нагласи Марјан Ѓорчев.

Ѓорчев додаде дека целта на Македонија е наградување на вредносниот систем.

Прикажи повеќе...

Македонија

„Брисел ја поддржа бугарската позиција“ – Петков образложи што ќе се случува ако Македонија го прифати францускиот предлог

Објавено пред

Бугарскиот премиер Кирил Петков рече дека Скопје веќе има избор за сопствената иднина, а Бугарија успеала да ги заштити своите национални интереси по гласањето „за“ францускиот предлог во бугарскиот законодавен дом и натаму Софија не може да сноси одговорност за сите.

dobivaj vesti na viber

„Направивме нешто неверојатно. За првпат Брисел ја поддржа бугарската позиција“, рече Петков додавајќи дека и самите, како што ги нарече, северномакедонски партии излегле на голем протест против предлогот.

Според Петков, тоа што бугарските позиции се заштитени од Брисел укажало на неверојатно успешна дипломатија која лично ја поздравил.

Во интервју за БНР.бг тој образложи што ќе се случува доколку Македонија одлучи да го прифати предлогот.

„Ако Северна Македонија се согласи со францускиот предлог, во Уставот на Северна Македонија ќе влезат Бугарите пред да почне преговарачкиот процес. Второ, имаме јасни контролни механизми за говорот на омраза и дискриминацијата. Трето, имаме многу јасни дефиниции за историските факти и образованието во училиштата во Северна Македонија“, рече Петков повторно повторувајќи дека зад спроведувањето ќе стои Брисел, а дека Македонија треба да биде дел од Европската Унија.

Тој ги коментираше и односите со претседателот Румен Радев заклучувајќи дека тој нема државен пристап во решавањето на важните прашања за државата.

„Моите последни остри забелешки против претседателот беа на следнава основа – кога имате гласање за недоверба и предлог кој го штити бугарскиот интерес, кога истиот ден како премиер ќе го исполнам моето ветување дека ќе поминам низ Народното собрание, нема смисла да зазема остар став. Чувството беше: што мисли овој претседател во моментов, не гледа ли дека има политичка нестабилност? Беше изненадувачки и запрепастувачки“, рече Петков.

Во програмата „Политички некоректно“ на БНР, Кирил Петков изрази загриженост дека идната преодна влада би можела да ја врати Бугарија на Гаспром .

Во врска со политичката криза во земјата Петков повтори дека се додека поединци од опозициските партии се инволвирани во корупција , ПП нема да води дијалог со нив.

„ПП нема да преговара со Слави Трифонов, Бојко Борисов, Дељан Пеевски и Костадин Костадинов . Имаме дијалог со ДБ и БСП. Мојот сон е да видам влада и парламент што не се контролирани од марионетски луѓе, а лидерите се независни. Луѓето кои имаат проблем со ПП, со мене како премиер, со Асен Василев како министер за финансии се тие на кои им застанавме на патот за да не ги трошат јавните средства на стариот начин “, рече Петков.

 

 

Прикажи повеќе...

Македонија

Силјановска: Да се бара промена на нечиј Устав е тажна и чудна балканска приказна

Објавено пред

„Суверенитетот според нормативниот текст извира и припаѓа на граѓаните. Се знае кој може да иницира промена на Уставот, може да иницира шефот на државата, може да иницира Владата, може да иницираат пратениците, но исто така и граѓани. Ова ми личи мене како да треба да напишеме во Преамбулата суверенитетот извира од граѓаните, потоа од етничките заедници, и сега и од меѓународната заедница. Прво, не само што се бара промена на Уставот туку и роковите на постапување се одредуваат, но тоа не е за прв пат, тоа е се случуваше и со Преспанскиот договор. Значи тоа е тажна, чудна, балканска приказна, но за жал поддржана и од ЕУ“, истакна Гордана Силјановска Давкова, пратеник од редовите на ВМРО-ДПМНЕ на денешната трибина насловена „Ќе има ли владина одговорност за трајното нарушување на националните интереси?“ организирана од ВМРО-ДПМНЕ.

dobivaj vesti na viber

Силјановска Давкова додаде дека со секоја промена на Уставот во Македонија се менува и именката.

„Точно е дека Бугарија има поинаков концепт од нас, но имавме сличен концепт со Уставот од 1991 година, и концептот беше граѓански, либерален. А, во 2001 година кај нас се смени концептот. Но, начинот на кој што сега Бугарија тоа го прави не е во ред. А, Бугарија во нејзиниот Устав не споменува малцинства и заедници ама е потписник и ја ратификувала Рамковната конвенција за заштита на правата на малцинствата. А, пописите од 1946-та година и од 1956-та година има јасна импозантна бројка на Македонци во Бугарија која била околу 178.000. Да не говорам и за Бледскиот договор, да не говорам за автономијата. Да не говорам ноторен факт е дека таму се отворале училишта на македонски јазик, библиотеки, имало културни центри, но каде се сега тие“, запраша Силјановска Давкова.

Силјановска Давкова посочи дека Бугарија со последниот предлог издејствува и барањата да се вметнат во преговарачката рамка.

„Значи, кога го читате последниот документ на Советот пред предлозите има една приказна, еден наратив, каде што од јасно стои во податоците што се наведени дека Македонија ги исполнува условите за почеток на преговорите. Оти кога гледате како се развивала оваа приказна па и ако сакате и во поглед на првиот кластер во поглед на човековите права, малцинските права, мислам ако некому ЕУ не може да замери за почитување на малцински права и тоа во поглед на стандардите, тоа е Македонија. Но, сега за жал гледаме еден друг наратив. Значи ние ќе го отвориме Уставот кога ќе сметаме дека е потребно, не може да се уценува со прво тоа па потоа почеток на преговори бидејќи така ќе не втурнат во сличен тунел како што е Преспанскиот договор“, појасни Силјановска Давкова.

Таа укажа дека Бугарија она што го прави во моментов е реприза на она што се случуваше во спорот со Грција. И тоа Бугарија го прави на Македонија бидејќи спроти нејзе нема државници и политичари кои што ќе ги бранат цврсто македонските национални интереси.

„Јас сум шокирана од речникот на премиерот за хистеријата на експертите оти јас мислев дека и тој е експерт бидејќи има титула професор. Како може премиерот така да зборува за оние кои укажуваат на политичката хистерија на сегашната власт? Оти на науката и требаат документи и податоци за да размислува. А, затоа нивните институции се тинк тенкови. Ама ако тоа завршило само во две партии, па дури и не кај коалиционите партнери и ако вие излегувате пред народот и велите дека не сте го виделе документот, тогаш тоа е политичка хистерија, а не експертите“, нагласи Силјановска Давкова.

Пратеничката додаде дека експертите сократовски се однесуваа. Експертите гласно рекоа дека предлогот од Франција не заслужува внимание и не заслужува да биде прифатен.

„Замислете министерот за надворешни работи вели дека за нас овој документ е прифатлив. Прво, кого подведува тој? Под нас. Кои сме ние? Ние кои излеговме на протестите првиот ден, вториот ден, оние кои што зборуваа за неофашистички говор, постапки. Кои се тие нас? Очигледно дека мисли на себе министерот, на министерот Маричиќ и на премиерот Ковачевски. Епа, извинете ние не сме под тие ние, туку сме некои други. А, тие се тие кои заборавиле на нас, на народот, на пратениците, на Парламентот“, рече Силјановска Давкова.

Прикажи повеќе...

Најново

Македонија2 часа

„Брисел ја поддржа бугарската позиција“ – Петков образложи што ќе се случува ако Македонија го прифати францускиот предлог

Бугарскиот премиер Кирил Петков рече дека Скопје веќе има избор за сопствената иднина, а Бугарија успеала да ги заштити своите...

Топ2 часа

(Видео) Фатени дилери кои сакале да внесат кокаин, хашиш и марихуана преку граница

Доцна синоќа на  граничниот премин „Табановце“ полицијата и мобилен тим од Царинската управа, фатиле тројца дилери од кои две се жени...

Свет4 часа

Самит Г7: Во фокус војната во Украина и цената на нафтата

Во Германија денеска почнува самитот на Г7, а главна тема е војната во Украина и цената на нафтата. Авионот на...

Свет5 часа

(Видео) Би-Би-Си во база на странските борци во Украина, ги има околу 20.000 од повеќе од 50 земји

Повеќе од 20.000 странски борци од повеќе од 50 земји се приклучиле кон украинската армија од почетокот на конфликтот во...

Свет7 часа

Вирусот добива ново име – „Да бев мајмун, би протестирал, тоа навистина не е мајмунска болест“

Мајмунските сипаници наскоро би можеле да добијат ново име бидејќи постоечкото поттикнува дискриминација и стигматизира. Светската здравствена организација минатата недела...

Европа8 часа

Зеленски: Ќе ги вратиме сите наши градови

Украина ќе ги врати сите градови што ги зазедоа Русите, вклучително и Северодонец, изјави украинскиот претседател, Володимир Зеленски. Како што...

Македонија19 часа

Парада на гордоста во Скопје под мотото „Излези за љубов! достоинство, еднаквост, правда“

Под мотото „Излези за љубов! достоинство, еднаквост, правда“ во Скопје се одржува третото издание на „Скопје прајд“. Учесниците на парадата...

Свет23 часа

Норвешкото разузнавање: Пукањето во Осло е терористички акт на радикален исламизам

Норвешките разузнавачки служби задолжени за борба против тероризмот објавија дека го третираат како акт на радикален исламизам пукањето во кое...

Регион1 ден

Радев: Францускиот предлог можеше да биде многу поуспешен

„Таканаречениот ‘француски предлог’ содржи многу основни бугарски барања, но воопшто можеше да биде многу поуспешен, вклучително и бугарско-македонскиот протокол, доколку...

Македонија1 ден

Осуда од македонското МНР за написите „Македонија е Бугарија“ во парламентот во Софија

Македонското Министерство за надворешни работи најостро ги осудува вчерашните написи „Македонија е Бугарија“, кои можеа да се видат во рацете...

Македонија1 ден

Францускиот предлог е голем напредок во наша корист, смета партијата на Љубчо Георгиевски

ВМРО-Народна партија оценува дека со вчерашната одлука на бугарскиот парламент со кој се поддржа францускиот предлог и даде согласност да...

Свет1 ден

Џонсон: Се плашам дека Украина ќе биде принудена да направи лош мир

Британскиот премиер Борис Џонсон изјави дека стравува дека Украина може да се соочи со притисок да преговара за мировен договор...

Македонија1 ден

Преведувач од Македонија: Добив понуда од ЕУ за превод од „северномакедонски“ јазик

Преведувач од Македонија на социјалните мрежи сподели дека добил понуда за превод на материјали од „северномакедонски“ јазик. „Кој е тој...

Свет1 ден

(Видео) Возач удри во демонстрантите за право на абортус во Ајова, едно лице повредено

Во вториот по големина град во американската сојузна држава Ајова, Сидар Рапидс, возач влетал кон мирни демонстранти за правото на...

Македонија1 ден

Пендаровски за „Скопје прајд“: прифаќањето на различностите е показател на зрело, демократско и отворено општество

Претседателот Стево Пендаровски посети волонтери и организатори на парадата на гордоста Скопје прајд 2022, со кои имаше можност директно да...

Македонија1 ден

ВМРО-ДПМНЕ: Владата да каже за каков хибриден напад обвинуваат и зошто не бил спречен

Владата да каже за каков хибриден напад обвинуваат и зошто не бил спречен, дали се прави дефокус од одговорноста за...

Свет2 дена

Путин го нарече Западот циничен: Ако нема леб, јадете колачиња

Рускиот претседател Владимир Путин изјави дека светот нема да има проблем да добие жито од Источна Европа, особено од Русија....

Свет2 дена

Ватикан: Одлуката на американскиот Врховен суд за абортусот е предизвик за светот

Папската академија за живот денеска ја пофали одлуката на Врховниот суд на САД да им дозволи на федералните држави да...

Свет2 дена

(Видео) Бајден за одлуката на Врховниот суд: Ова е тажен ден за нашата земја

Американскиот претседател Џо Бајден се обрати по одлуката на Врховниот суд да дозволи забрана на абортусот. Тој на почетокот рече...

Македонија2 дена

Маричиќ: Достоинствено ќе чекориме на патот кон полноправно членство на ЕУ

Нашата Влада направи сериозни напори и во изминатите години но особено во овој состав во изминатите неколку месеци на повеќе...