Контакт

Македонија

Опозицијата обвини дека се кријат докази за случајот „Рекет“

Објавено пред

Од април обвинителката Вилма Русковска располага со сите докази за инволвираноста на власта во рекетот, а досега се приведени само двајца извршители и никој друг, велат од опозициската ВМРО-ДПМНЕ преку соопштение, од каде што обвинуваат дека постои намера да се кријат докази и да се одолжува истрагата за случајот „Рекет“.

„Заев се наоѓа на врвот од октоподот. Очите нè заболеа од блескање во криминално-рекетарскиот октопод кој го штити Зоран Заев. Јанева е обвинителката која заедно со Боки 13 и Зоки Кичеец изнудувала пари од бизнисменот Орце Камчев за потоа да каже дека ѝ бил изгубен мобилниот телефон, кој подоцна форматиран беше пронајден кај девојката на нејзиниот син, која денеска во улога на сведок ќе ја замајува македонската јавност дека немала никаква врска со овој случај. Знаеме дека биле рекетирани десетици бизнисмени од страна на криминалната мрежа и биле земени десетици милиони евра, власта не запрела само кај Орце Камчев и за сето тоа бил информиран Зоран Заев“, велат од ВМРО-ДПМНЕ.

Опозицијата додава дека манипулацијата и вмешаноста на власта во работењето на судовите и постапките што ги водат одредени обвинители е повеќе од јасна и никој повеќе не верува во оваа власт.

„Заев има одговорност да си поднесе оставка, но нема храброст да се соочи со револтот на граѓаните што ќе го казнат на следните парламентарни избори затоа што никој не сака да живее во држава во која власта е на врвот од криминалната мрежа, во која организирано се рекетира и во која правдата е концепт што ги штити криминалците.

Предвремените парламентарни избори се нужност што треба да се случи, порано или подоцна на Заев и на власта ќе им биде испорачана казната од граѓаните, обновата на Македонија ќе се случи кога Зоран Заев ќе си замине од власт“, додава ВМРО-ДПМНЕ во соопштението.



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија

Мицкоски: Ако не се одржат предвремените избори ќе ги преиспитаме односите со Пендаровски

Објавено пред

Одложувањето на предвремените парламентари избори кои беа договорени да се одржат на 12 април, според ВМРО-ДПМНЕ ќе ја втурнат државата во нова политичка криза. Тие потенцираат дека доколку дојде до вакво одложување, тогаш тие не се сигурни дека во иднина ќе соработуваат со Пендаровски. Лидерот Христијан Мицкоски тврди дека друга алтернатива, освен избори на 12 април нема да има.

„Пендаровски продолжува да се однесува како гласноговорник на СДСМ и Зоран Заев, се обидува да изнајде одредено алиби за катастрофата да не се случи во април туку во друг период. Од друга страна, му остава простор на СДСМ за маневри, односно за тие со збунувачки изјави поврзани со Законот за јазици, да ги става на преговарачка маса со коалиционите партнери при евентуално одложување на предвремените парламентарни избори“, рече Мицкоски.

Првиот човек на ВМРО-ДПМНЕ смета дека Пендаровски е свесен за последиците ако договрените избори на 12-април не се одржат.

„Доколку Пендаровски не е сигурен за тоа што е договорено во негова организација, а тоа се предвремени парламентарни избори на 12 април, тогаш ВМРО-ДПМНЕ и коалицијата навистина ќе ги преразгледа односите кои ги има со Пендаровски и во такви околности, ние сме сигурни дека соработката на Коалицијата за подобра Македонија и претседателот ќе функционира како до сега. Јас сум убеден дека тие се свесни за последниците ако го напуштат договореното, свесни се за политичката криза во која ќе ја втурнат Македонија“, додаде Мицкоски.

Реакцијата на опозицијата следува откако Пендаровски во изјава кажа дека не е убеден дека изборите ќе се одржат на 12 април, бидејќи тоа не зависело од него.

Прикажи повеќе...

Македонија

(Видео) Мицкоски: Заев не одговори на моите предложени закони за чистење на криминалот

Објавено пред

Лидерот на ВМРО-ДПМНЕ, Христијан Мицкоски на прес конференција изјави дека ќе поднесат амандмани за измени на Законот за јазици, согласно забелешките на Венецијанската комисија. Тој побара прифаќање на предлозите од власта и албанските партии.

“ВМРО-ДПМНЕ ќе поднесе амандман за Законот за јазиците, заедно со забелешките од Венецијанската комисија, за еден неуставен закон да стане уставен. Очекуваме поддршка од Заев. Нека прифати за законот да биде применлив, уставен и недискриминирачки”, истакна Мицкоски.

Забелешките на Венецијанската комисија мора да се почитуваат доколку како држава сакаме да сме дел од ЕУ, додаде Мицкоски, потенцирајќи дека содржината на амандманите ќе биде објавена веднаш штом бидат поднесени.

“Доколку сакаме владеење на правото, а не да правиме компромиси со Уставот за сметка на политиканството, тогаш сите политички партии треба да ги поддржат амандманите кои ќе ги поднесеме. Не можеме да бидеме со двојни стандарди пред граѓаните. Ајде да направиме и да ги поддржиме овие амандмани. Да го направиме овој закон согласно Уставот и забелешките од Венецијанската комисија” рече Мицкоски.

Тој смета дека премиерот Заев не ги прифаќа предлозите на опозицијата бидејќи СДСМ се плаши и ги штити криминалот и корупцијата. Мицкоски повторно повика Заев да го прифати законот со кој политичарите нема да можат да бидат амнестирани, како и да се испита потеклото на имотот кој тие го имаат.

“Имаме коцкање со државните и национални интереси. Владата на Заев стана заложник на своите неуспеси. Без многу голема промисленост и само со една цел а тоа се повеќе лични бизниси. Затоа државата е влезена во слепа улица. Заев за само десет дена излезе дека брани и штити амнестија и не сака проверка на имот на функционери”, рече Мицкоски.

Според лидерот на опозициската партија, молкот на премиерот е штитење на криминалот и корупцијата.

“Дадов неколку предлози, а од другата страна има молк. Тој молк не е никако поинаку освен штитење на криминал и корупција. Го повикав да повика измени на законот со кој тој што е амнестиран, нема да може да се бави со никаква функција. Одговорот беше дека секој што направил криминал ќе одговара. Објавив дека ќе предложиме закон за да се провери потеклото на имотот на политичарите, бидејќи се направија империи на грбот на граѓаните. Од Заев не добив одговор”, вели лидерот на опозициската ВМРО-ДПМНЕ.

Прикажи повеќе...

Македонија

Министерство за здравство: Нема нов тендер, уништен е турски инсулин без проверен ладен ланец и без сертификат

Објавено пред

ВМРО-ДПМНЕ да престане да манипулира сакајќи да собере политички поени на сметка на здравјето на пациентите, реагира министерството за здравство на обвинувањата на опозициската партија ВМРО-ДПМНЕ, во врска со инсулинот, кој според нив бил уништен пред да му помине рокот, предвиден од производителот.

„Во врска со повторно изнесените невистини, Министерството за здравство го потенцира следново:

Прво, уништен е турски инсулин од стоковите резерви и станува збор за инсулин набавен со паралелен увоз во време на претходната влада, без проверен ладен ланец, без познато потекло и без оригинал сертификати. ВМРО-ДПМНЕ знаеле за ова. Должни се да одговорат зошто си играле со здравјето на пациентите?

Второ, инсулинот од паралелен увоз е од времето на претходната Влада предводена од ВМРО-ДПМНЕ. Граѓаните памтат и знаат, манипулациите нема да пројдат ни сега.

Трето, нов тендер за набавка на инсулини НЕМА, затоа што за тендерот од 2018 година веќе се склучени договорите. Количините од стоковите резерви не се никако поврзани со количините за тендер.

Четврто, воведени се три нови типови на инсулин, кои се најнова генерација на лекови – оригинални, со сертификат за квалитет и не се од паралелен увоз. Сега граѓани примаат оригинални инсулини. Не е како порано, да примаат инсулин без проверен ладен ланец и без оригинал сертификати.

Петто, во 2018 година се донесоа измените и дополнувањата на Законот за лекови и медицински средства. Оттогаш, сите лекови во нашата држава се со сертификат за квалитет. Нема повеќе инсулини од паралелен увоз.

Шесто, претходната Влада им го скрати буџетот на пациентите со дијабетес. Во 2016 година буџетот за оваа ставка изнесувал 730 милиони денари, а 2017 година го намалиле и изнесувал 562 милиони денари. За 2020 година, предвидено е да изнесува 750 милиони денари. Зошто покрај инсулините од паралелен увоз го намаливте и буџетот? Тоа не е вистинска грижа за пациентите!“ велат од СДСМ.

Оттаму велат дека уништувањето на инсулинот е од стоковите резерви и станува збор за инсулин набавен со паралелен увоз во време на претходната влада. Според нив, ВМРО-ДПМНЕ многу добро знаела што значи уништен инсулин од паралелен увоз од стокови резерви.

„Прашајте ги пациентите дали биле задоволни од паралелниот увоз на инсулин. И прашајте ги сега, колку се задоволни.
Апелираме до политичката партија да престане со манипулациите. Колку повеќе манипулира, толку повеќе вистината излегува на виделина. Уништениот инсулин од стоковите резерви е од времето на претходната Влада“ се наведува во реакцијата на министерството.

Прикажи повеќе...

Најново

Македонија1 час

(Видео) Мицкоски: Заев не одговори на моите предложени закони за чистење на криминалот

Лидерот на ВМРО-ДПМНЕ, Христијан Мицкоски на прес конференција изјави дека ќе поднесат амандмани за измени на Законот за јазици, согласно...

Македонија3 часа

Приведен 49-годишен скопјанец кој на Фејсбук му се заканувал на Заев

Секторот за компјутерски криминал ќе поднесе кривична пријава против 49-годишен скопјанец, поради објавени сериозни закани по животот на Фејсбук, насочени...

Регион4 часа

Градоначалникот на Нови Сад поднесе кривична пријава против претседателот Вучиќ

Градоначалникот на Нови Сад и потпретседател на владејачката Српска напредна партија, Милош Вучевиќ поднесе кривична пријава, со цел, како што...

Спорт4 часа

Русија исфрлена од Олимписките игри и светското фудбалско првенство

Извршниот одбор на Светската анти-допинг агенција (ВАДА) го прифатил предлогот на независниот комитет на Агенцијата, руските спортисти поради кршење на...

Свет5 часа

(Видео) Веб-камера снимила туристи во кратер на вулканот, секунди пред ерупцијата

Веб-камера открила најмалку десет туристи во кратерот на вулканот на Вајт ајленд на Нов Зеланд, во момент пред ерупцијата, пренесуваат...

Македонија6 часа

Пронајдени 27 килограми марихуана, приведени две лица од Албанија 

Полицијата пронашла 27 килограми марихуана во автомобил кај селото Кажани-на патот за битолското село Ѓавато. Уапсени се две лица, возачот...

Свет6 часа

Избрана новата премиерка на Финска, најмлада во светот

Владејачката социјалдемократска партија на Финска ја избра новата премиерка 34-годишната министерка и пратеничка Сана Марин. Таа ќе биде најмладата претседателка...

Свет7 часа

Тежок понеделник во Франција, продолжува штрајкот и сообраќајните проблеми

И денеска продолжува штрајкот во Франција, а со тоа и хаосот во сообраќајот. Вчера, во четвртиот ден од штрајкот на...

Свет7 часа

(Видео) Ерупција на вулкан на Нов Зеланд, има и жртви

Едно лице загина, а 20-на се повредени во ерупција на вулкан на новозеландскиот Бел остров (White Island), популарна туристичка дестинација...

Регион19 часа

Во Хрватска годишно се фрлаат повеќе од 300.000 тони храна

Повеќе од 300 илјади тони храна се фрла годишно во Хрватска, додека бројни здруженија и организации истовремено бараат да се...

Топ21 час

(Видео) Страотна сообраќајка во Бутел – излетал oд патот, ја пробил оградата и се превртел на булеварот

Страотна сообраќајка се случи вечерва во скопската населба Бутел. Момче и девојка кои се наоѓале во возило со тетовски регистарски...

Регион22 часа

Поради густата магла откажани сите летови во Сараево

Речиси сите летови до и од главниот град на Босна и Херцеговина од меѓународниот аеродром во Сараево се откажани поради...

Топ1 ден

Девојче повредено во тешка сообраќајка на Качанички пат

Во тешка сообраќаjна несреќа која попладнево се случила на Качанички пат повредено е девојче кое во инцидентот добило скршеница на...

Топ1 ден

Напаѓачот кој прободе момче во Бутел има 12 години, кривична ќе добие и неговиот татко

Скопската полиција ќе поднесе кривични пријави против четворица малолетници од Скопје (двајца од 16 години, еден 15 и еден 12...

Македонија1 ден

Се запали стан на „Рузвелтова“, пожарот избил при готвење

Скопската противпожарна бригада денеска интервенираше при пожар кој изби во стан во зграда на улицата „Рузвелтова“. Според информациите од терен,...

Македонија1 ден

Османи: Венецијанската комисија не вели да се отфрли двојазичноста во судството, туку да се создадат услови

Секој обид за еднострано поместување на балансот во македонско-албанските односи кој е постигнат со многу труд, со многу жртва од...

Култура1 ден

Две престижни признанија за документарецот „Медена земја“ во Лос Анџелес

Документарецот „Медена земја“ освои две престижни признанија на 35. Интернационални документарни награди (ИДА), што се одржаа вчеравечер (7. декември) во...

Свет1 ден

Оружје пронајдено кај демонстранти во Хонгконг, еден од нив имал и пиштол

Во полициска акција спроведена пред почетокот на денешните протести во Хонгконг, уапсени се 11 лица кај кои е пронајдено оружје....

Топ1 ден

Кривична против дилер од Арачиново во чиј автомобил бил пронајден хероин

Кумановската полиција поднесе кривична пријава против 27-годишник од скопското село Арачиново, откако во автомобил кој го управувал бил пронајден хероин....

Македонија1 ден

Пендаровски: Делото на Свети Климент Охридски е од значење за севкупната европска култура

Претседателот, Стево Пендаровски, по повод христијанскиот празник Свети Климент Охридски упати честитка до поглаварот на Македонската православна црква – Охридска...

Досие