Протестот пред Собранието против уставните измени и промена на името почна со македонската химна пуштена на звучници, а во изведба на Игор Дурловски, кој е обвинет за упадот во Собранието на 27 април. По химната, присутните дадоа аплауз за организаторите на протестите „За заедничка Македонија“.

„Нема да го повториме 27 април 2017 година, нема да бидеме жртви на предавството и невини жртви кои со политички монтирани случаи лежат во затвори. Пратениците да ги прифатат нашите барања против уставни измени“, порачаа организаторите на протестот.

На протестот присутни се членови на повеќе здруженија меѓу кои „Христијанско братство“, како и на партијата „Единствена Македонија“. Организатор на протестот е Тодор Петров од Светскиот Македонски Конгрес, а меѓу говорниците е и отец Ивица.

Присутните пред Собранието извикувааат: „Оставка“ и со ласер на зградата на Собранието испишуваа: „Оставка“ и „Предавство“.

Тие бараат „итно и безусловно запирање на процесот на уставни промени, еднострано правно поништување на октроираниот преспански договор кој беше јасно отфрлен од народот на референдум, стриктно почитување на домашното и меѓународното јавно право, трајна заштита на името на државата и распуштање на делегитимизираното собрание и распишување вонредни парламентарни избори“.

Обилни врнежи од снег попладнево ги прекрија патиштата низ државава. Од АМСМ информираат дека на повисоките места е воведена забрана за камиони. Од 18:10 часот, пак, патниот правец Берово-Виница е во прекин за сите возила.

„Сообраќајот на државните патишта се одвива по влажни коловози. На планинските премини Стража, Ѓавато, Буково и Пресека има остатоци од кашест снег на коловозот, но нема забрана за движење на возилата. Препорачуваме намалена брзина на движење и исклучително внимателно управување со возилата“, информира АМСМ.

Поради интензивни врнежи од снег во 16:30 часот е воведена забрана за движење на тешки моторни возила на планинскиот превој Плетвар, а во 16.50 часот е воведена забрана за камиони и на планинскиот превој Стража.

Патниот правец Дреново – Прилеп и патниот правец Делчево према граничен премин се во прекин за камиони.

Сообраќајот на патот Куманово – Крива Паланка е пуштен наизменично за сообраќај.

Интензитетот на сообраќај на патните правци надвор од градските средини е умерен. На граничните премини нема подолги задржувања за влез и излез од државата.

Од 15 ноември стапи на сила законската обврска за задолжително поседување на зимска опрема во возилата, без оглед на временската состојба. Оваа обврска ќе трае до 15 март 2019 година.

Поради обилни врнежи од снег е воведена забрана за камиони на Плетвар и Стража, информира АМСМ.

„Денес во 16:30 часот е воведена забрана за движење на тешки моторни возила на планинскиот превој Плетвар, поради обилни врнежи од снег“, велат од АМСМ.

Првично на Стража беше воведена задолжителна употреба на зимска опрема (ланци) за сите моторни возила, но во 16 и 50 часот е воведена и забрана за движење на камиони поради снежните врнежи.

Исто така, воведена е забрана за камиони и на патниот правец Дреново – Прилеп.