Контакт

Македонија

Османи во Штип: Во компаниите ќе има ковид-координатори кои ќе го следат спроведувањето на мерките

Објавено пред

Вицепремиерот задолжен за европски прашања, Бујар Османи, во улога на главен координатор на кризните штабови за одбрана од Ковид-19, оствари посета на Штип, во рамките на која се сретна со претставници на локалниот кризен штаб на чело со градоначалникот Благој Бочварски.

„Денеска имавме одличен и продуктивен состанок – оформена е директна комуникација меѓу локалната самоуправа, здравствените власти, претставниците на бизнисот и претставниците на вработените. Се донесе заклучок за поставување на т.н. ковид-координатори во компаниите, но и во државните институции, кои ќе имаат директни овластувања да го следат спроведувањето на мерките и препораките во рамките на организациите и институциите, како и да овозможат нивна полесна меѓусебна комуникација“, посочи Османи.

Тој нагласи дека кај сите постои и сериозност и волја за надминување на проблемот, поради што верува дека набргу ќе создадат услови за безбедно одвивање на работните процеси.

Според вицепремиерот, благодарение на брзата реакција на локалната самоуправа и на централните институции, патеката на вирусот во Штип е оформена и предвидлива.

„Токму брзиот раст во овој втор бран на епидемијата покажува дека нема игра со коронавирусот и ако навистина сакаме да обезбедиме услови за работа и на фабриките, но и на останатите економски субјекти, едноставно треба сите да сфатат дека мора да се почитуваат мерките и препораките за физичко растојание, за самозаштита, за носење маски и секако одржување на личната хигиена и навремена дезинфекција“, истакна Османи, предупредувајќи на лажните вести и пропагандата кои, како што рече, имаат за цел да ја манипулираат јавноста преку сомнежи за постоењето на вирусот.



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија

Струмица – нудел ваучери за гориво за глас за определена политичка партија

Објавено пред

До 13 часот во основните јавни обвинителства и преку електронската адреса [email protected], пристигнати се неколку известувања за евентуални изборни нерегуларности.

„Во Основното јавно обвинителство Струмица е доставено известување за лице кое на бензиска станица во село Василево, нудел ваучери за гориво за да се гласа за определена политичка партија. Обвинителството издаде наредби за обезбедување на видео камери, видео записи и преземање дејствија во насока на утврдување на фактите“, се наведува во соопштението од Јавното обвинителство.

Во струмичкото обвинителство примени се известувања за уште два настани, случени вчера вечер.

Едниот во с. Добрадинци каде околу 21.00 часот лице нудело пари за да се гласа за определена политичка партија. Вториот настан се случил во с. Дражево, каде околу 21.50 часот лице вработено во Центарот за социјални работи вршело агитација со закани за да се гласа за определена политичка партија.

Во Основното јавно обвинитлство Кочани се преземаат дејствија за расчистување на вкупно шест настани пријавени до овој момент. Се однесуваат на наводен изборен поткуп и за агитирање со организирано носење гласачи до избирачките места. Се преземаат дејствија за расчистување на настаните.

Во Основното јавно обвинителство Скопје добиено е известување за настан во избирачко место во ОУ Петар Поп Арсов. На лице со истечена лична карта не му било дозволено да гласа, по што тој започнал вербална расправија и со мобилен телефон ги снимил членовите на избирачкиот одбор. Јавен обвинител презеде дејствија за расчистување на настанот.

На електронската адреса на која граѓаните можат да пријават сомненија за изборни нерегуларности денеска се пристигнати вкупно пет известувања. Преставници на една политичка партија испратија четири известувања за наводен поткуп на гласачи кои се вршеле во избирачки места во Кочани. Известувањата се итно проследени во надлежното Основно јавно обвинителство Кочани и по нив се постапува.

Основач на граѓанска организација испрати известување за наводни изборни нерегуларности кои се вршеле преку агитирање на социјалните мрежи. Известувањата се проследени и се предмет на постапување во надлежните обвинителства.

По сите известувања се постапува итно и со приоритет.

Прикажи повеќе...

Македонија

Пријавени случаи на организиран превоз, гласање во туѓо име и еден приведен на изборниот ден

Објавено пред

Од отварањето на гласачките места до сега е регистрирано едно нарушување на јавниот ред и мир, соопшти на прес-конференција портпаролот на МВР, Тони Ангеловски.

„Во 9:50 часот пријавено е дека во избирачко место во ОУ ‘Петар Поп Арсов’ во Скопје В. Ш. (47) го нарушил јавниот ред и мир со тоа што почнал расправија со претставници на избирачкиот одбор и во еден момент ја потегнал за чантата претставничката на избирачкиот одбор и со неговиот мобилен телефон ја фотографирал просторијата. Лицето е лишено од слобода, за што е известен дежурен јавен обвинител од Основно јавно обвинителство од Скопје“, соопшти Ангеловски.

Тој кажа дека гласањето на другите избирачки места се одвива мирно, со почитување на протоколите на гласачките места, а од неправилности што се пријавени во МВР има неколку случаи на агитирање, испишани графити на избирачки места, организиран превоз на гласачи до гласачки места, а има и неколку пријави за наводно нудење пари за глас.

„Потенцирам, ова се добиени пријави по кои постапува МВР, односно ја утврдува фактичката ситуација и откако ќе ги утврдиме фактите соодветно ќе ве информираме“, рече Ангеловски.

Во 7:30 часот во Полициската станица Бит-пазар во Скопје било пријавено дека пред избирачки места во основните училишта „Цветан Димов“ и „Даме Груев“ биле испишани графити во врска со изборите, а графити биле испишани и на основни училишта на ул.Коста Абрашевиќ ,на ул. Браќа Реџепагиќ  и на ул. Петре Ѓорѓиев, кои се во надлежност на ПС Чаир. Исто така, во СВР Велес било пријавено дека во близина на избирачко место во с. Сирково, Кавадаречко, биле испишани графити во врска со изборите.

„Во полициската станица Крива Паланка се пријавени два случаи на организиран превоз за гласање, а има и четири пријави за агитирање кон гласачи, и тоа на ул. 8 Октомври, на ул. Јоаким Осоговски, како и во с.Узем и с. Нерав. Агитирање е пријавено и во СВР Струмица, во с. Пиперево и во Нов Дојран, а во село Самоилово наводно едно лице упатувало закани кон друго лице да гласа за политичка партија. Во Полициското одделение Ново Село граѓанин пријавил дека едно лице од Ново Село одзело лична карта на друго лице и гласало во негово име“, соопшти Ангеловски.

Во Полициската станица Радовиш, Ф.В. од Радовиш пријавил дека Б.И. од Радовиш му нудел пари за глас, а во СВР Битола, Е.Е. пријавила дека непознати лица ѝ нуделе пари за глас. Во СВР Битола било пријавено и дека полициски службеник, кој обезбедува избирачко место во училиште во село Дебреште, им кажувал на граѓаните кој број да го заокружат на избирачкото ливче. Веднаш е известен Одделот за внатрешна контрола.

„Во СВР Тетово, пак, било пријавено дека во ОУ ‘Коста Рацин’ во с.Брвеница, Тетовско, имало неколку непознати лица кои ги запишувале граѓаните. За сите овие настани се преземаат мерки за расчистување и по утврдување на фактите ќе ја известиме јавноста“, рече Ангеловски.

Прикажи повеќе...

Македонија

ДИК: До 11 часот одѕивот е над 11 отсто, најголем во Демир Хисар – 21,33 отсто

Објавено пред

До 11 часот одѕивот на гласачите на предвремените парламентарни избори е 11 проценти, соопшти претседателот на Државната изборна комисија, Оливер Деркоски. На 3.134 избирачки места од вкупно 3.480 до 11 часот гласале 199.495 граѓани.

Најголем одѕив има во Демир Хисар каде што до 11 часот на гласање излегле 21,33 отсто од граѓаните.

„Во ИЕ 1 висок одѕив има во Аеродром, над 17,6 отсто од граѓаните гласале до 11 часот, висока е одѕивот и во Карпош 17, 07 отсто, Кисела Вода 16, 81 отсто. Од ИЕ 2 висок одѕив има во Бутел, 14,76 отсто. Во ИЕ 3 висок одѕив има во Градско 19,03 отсто, Крива Паланка 17 отсто, Лозово 17.03 отсто, Пробиштип има 20.69 отсто , што е навистина одлично. Во ИЕ 4 висок одѕив има во Дојран 17,83 отсто Демир Капија 20,77 отсто, Новаци 20,52 отсто, Прилеп 16 , 55 отсто до 11 часот. Од ИЕ 5 во Битола одѕивот е 16.91 отсто, во Демир Хисар 21,33 отсто и во Охрид 13,16 отсто. Во ИЕ 6 одѕивот во Тетово е 8,13 отсто“, соопшти претседателот Деркоски.

Во ИЕ – 1 одѕивот бил 13, 7 отсто, во ИЕ – 2  9,64 отсто, во ИЕ – 3 одѕивот до 11 часот бил 13,08 отсто, во ИЕ – 4 одѕивот на гласачите бил 13,46 отсто, во ИЕ – 5 одѕивот бил 10,55, и во ИЕ – 6 изборна единица 6,04 отсто.

Право на глас на предвремените парламентарни избори имаат еден милион 814 илјади и 613 гласачи во шест изборни единици.

Деркоски рече дека гласањето се одвива без проблеми и ги предупреди членовите на избирачките одбори да ги почитуваат процедурите и правилата како и досега за изборниот ден да помине како што треба.

Прикажи повеќе...

Најново

Македонија26 минути

Пријавени случаи на организиран превоз, гласање во туѓо име и еден приведен на изборниот ден

Од отварањето на гласачките места до сега е регистрирано едно нарушување на јавниот ред и мир, соопшти на прес-конференција портпаролот...

Регион29 минути

Нови мерки во Србија: Забрана за собирање на повеќе од 10 лица, задолжително носење маски и на отворено

Српските медиуми јавуваат дека Кризниот штаб во Србија донел одлука за забрана на собирање на повеќе од 10 лица на...

Свет1 час

Индиската компанија „Зидус“ го почна тестирањето на вакцина против коронавирус врз луѓе

Индиската фармацевтска компанија „Зидус“ потврди дека нејзините експерти почнале клинички да тестираат можна вакцина против Ковид-19 врз луѓето. „Првите дози...

Македонија2 часа

ДИК: До 11 часот одѕивот е над 11 отсто, најголем во Демир Хисар – 21,33 отсто

До 11 часот одѕивот на гласачите на предвремените парламентарни избори е 11 проценти, соопшти претседателот на Државната изборна комисија, Оливер...

Македонија3 часа

МОСТ: Гласањето се одвива непречено

Според потврдените информации добиени од набљудувачите и регионалните канцеларии на МОСТ, на гласачките места покриени од МОСТ нема неправилности, а...

Македонија4 часа

МОСТ: Избирачките места се отворени и гласањето се одвива безбедно

Граѓанската асоцијација МОСТ го следи денешното гласање со 900 набљудувачи. На 696 гласачки места, избрани според случаен и репрезентативен примерок,...

Регион5 часа

Црна Гора со најмногу активни случаи на Ковид-19 по глава на жител во регионот

Откако црногорскиот Институт за јавно здравје во системот ги внесе резултатите од 2.000 тестови кои претходно поради малиот капацитет во...

Македонија6 часа

Граѓаните може да пријавуваат прекршувања на избирачкото право во Хелсиншкиот комитет

Со оглед дека веќе почна гласањето во рамки на предвремените избори за пратеници во Собранието, Хелсиншкиот комитет за човекови права...

Македонија7 часа

Бесплатна телефонска линија на Народниот правобранител за пријавување повреда на избирачкото право

Во канцеларијата на Народниoт правобранител денеска во периодот од 7 до 21 часот ќе функционира беслатната телефонска линија: 0800-54321, на...

Македонија7 часа

Во Македонија се одржуваат десеттите парламентарни избори

Под специфични услови денеска во Македонија се одржуваат десеттите парламентарни избори, петти предвремени парламентарни избори од независноста, на кои право...

Македонија14 часа

На вториот ден гласаа околу 86 отсто од пријавените гласачи

На вториот ден од гласање своето избирачко право го искористиле 9.330 гласачи, соопшти вечерва портпаролот на Државната изборна комисија, Адмир...

Свет16 часа

Американска компанија почнува со завршни испитувања на вакцината против коронавирусот

Американскиот фармацевтски концерн „Модерна“ објави дека завршните клинички испитувања за вакцината против Ковид-19 ќе почнат на или околу 27 јули....

Македонија21 час

Регистрирани 135 новозаразени од Ковид-19 и четири смртни случаи

Министерството за здравство информира дека во последните 24 часа се направени 1.259 тестирања, а регистрирани се 135 нови случаи на...

Македонија22 часа

Се бара со потерница експретседателот на кривичниот суд Владимир Панчевски

Експретседателот на кривичен суд, Владимир Панчевски, се бара со национална потерница што ја распиша МВР по наредба на Основниот суд...

Македонија22 часа

Во полициска станица повикани лица кои објавиле статус да се чкртне „Северна“ на гласачкото ливче

И други лица ќе бидат повикани на разговор за објавување статуси на социјалната мрежа „Фејсбук“, по примерот на директорот на...

Македонија24 часа

Две телевизии го прекршиле изборниот молк

Агенцијата за аудио и аудиовизуелни медиумски услуги при проверка на начинот на известување на радијата и телевизиите за време на...

Топ1 ден

Kривична пријава за скопјанецот осомничен дека ја убил невенчаната сопруга, а телото го фрлил покрај пат

Полицијата поднесе кривична пријава против 36-годишен скопјанец кој е осомничен дека ја убил невенчаната сопруга. Според информациите на МВР, И.Е.(36)...

Македонија1 ден

Австрија забрани летови од Македонија и другите земји од Западен Балкан

Со цел да се избори со пандемијата на коронавирус, Австрија го прошири списокот на земји на кои им е забрането...

Македонија1 ден

Најголем дел од заболените изминатата недела се лица над 60 години

Минатата недела, односно за седум дена, регистрирани се вкупно 1.073 нови позитивни случаи на коронавирус од вкупно направени 9.995 тестови....

Македонија1 ден

Во Македонија досега се излечени над 4.000 пациенти од коронавирус

Од почетокот на пандемијата, бројката на оздравени пациенти изнесува 4.326 лица. Во текот на вчерашниот ден надлежните соопштија за 123...

Досие