Македонија
Османи и Филипче ги информираа амбасадорите за состојбата со коронавирусот во земјата

Министерот за надворешни работи, Бујар Османи, организира заеднички видеобрифинг со министерот за здравство, Венко Филипче, со претставниците на сите дипломатско-конзуларни претставништва и мисии акредитирани во Скопје.
Целта на брифингот беше да се информираат амбасадорите за здравствено-епидемиолошката состојба во државата, но истовремено и за разните сетови мерки што ги презема Владата за справување со пандемијата.
„Министерството за надворешни работи е во постојана комуникација со владите од сите земји и со нивните акредитирани претставници во земјата и остануваме на располагање како главен столб со цел навремени и точно информирање за состојбата во земјата во контекст на Ковид-19“, истакна Османи.
„Особено сме благодарни до земјите и демонстирањето на заедништвото како чин на солидарност имеѓудржавната соработка бидејќи пандемијата нè научи дека во ова време ни е потребна многу повеќе интеграција отколку изолација и само преку координирана акција ќе излеземе многу посилини и отпорни на оваа глобална закана“, нагласи Османи.
Министерот за здравство, Филипче, ги информира амбасадорите подетаљно за последните случувања во однос на справувањето со Ковид-19, мерките преземени од страна на Владата за здравствена заштита на граѓаните, како и понатамошните планови за справување со предизвиците предизвикани од пандемијата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
(Видео) Арсовски: СДСМ и Заев ветиле во пописот да наштелуваат над 32 отсто албанско население

Пописот што го подготвуваат СДСМ и ДУИ ќе биде попис единствено на две партии, а не попис на сите граѓани и Република Македонија како статистичка операција, изјави портпаролот на ВМРО-ДПМНЕ, Димче Арсовски.
„Овој попис, кој го турка СДСМ, е политички попис, а не статистички, како што треба да биде и како што е секаде во светот и во развиените земји.
За жал, ова брутално силување на оваа статистичка операција – попис е единствено затоа што Заев има веќе договорени бројки на тоа колку жители има Република Македонија од одредени етнички заедници. Ова е цена на коалицискиот договор помеѓу Заев, СДСМ и ДУИ, кој мора да го исполни СДСМ.
Заев, СДСМ, Али Ахмети и ДУИ веќе имаат договорено и ги знаат резултатите и бројките што треба да ги даде резултатот од пописот. Попишувањето на населението само со издиктиран матичен број на одреден човек е услов поставен затоа што Заев има ветено дека бројката на Албанци во Република Македонија според пописот ќе биде над 32 % од населението.
Затоа, веќе пописот не е статистика, туку е гола политика и затоа ВМРО-ДПМНЕ бара повлекување на овој закон и носење нов со консензус, кој ќе им биде од корист на Република Македонија и на граѓаните, а не на одредени политички партии, конкретно парламентарното мнозинство.
Доколку СДСМ го изгласа на сила, ние ќе собираме потписи од граѓаните за да го поништиме овој закон и да донесеме сите заедно нов закон“, порача Арсовски.
Македонија
Нови 403 заболени и 10 починати од коронавирус во Македонија

Министерството за здравство информира дека во последните 24 часа се направени 2.118 тестирања, а регистрирани се 403 нови случаи на Ковид-19, и тоа во: Скопје-165, Куманово-30, Дебар-9, Штип-4, Прилеп-10, Тетово-14, Струга-11, Велес-25, Битола-10, Охрид-19, Кавадарци-22, Гостивар-11, Гевгелија-8, Струмица-13, Радовиш-3, Крушево-4, Кочани-14, Пробиштип-1, Демир Хисар-1, Македонски Брод-2, Берово-3, Виница-2, Делчево-2, Свети Николе-1, Кичево-4, Ресен-4, Неготино-11.
Денеска, Институтот за јавно здравје регистрира 339 оздравени пациенти, и тоа од: Скопје-106, Куманово-22, Дебар-14, Штип-14, Прилеп-28, Тетово-10, Велес-13, Битола-15, Кавадарци-24, Гостивар-6, Гевгелија-8, Струмица-12, Крива Паланка-5, Радовиш-2, Кочани-12, Пробиштип-3, Демир Хисар-3, Македонски Брод-1, Пехчево-1, Берово-13, Валандово-1, Виница-6, Свети Николе-1, Кичево-4, Ресен-4, Неготино-11.
Починати се 10 лица – двајца од Скопје (54 и 90), еден од Куманово (73), двајца пациенти од Прилеп (59 и 56), еден од Охрид (72), пациент од ПЕ Гевгелија/Богданци (76), од Струмица (71), од ПЕ Делчево/ Македонска Каменица (74) и еден пациент од Кичево (76). Сите пациенти се починати во болнички услови.
Вкупната бројка на ковид-дијагностицирани во нашата земја од почетокот на епидемијата изнесува 88.389, бројката на оздравени пациенти е 69.476, на починати е 2.682, а бројот на активни случаи изнесува 16.231. Според досега завршените епидемиолошки анализи, во моментот дистрибуцијата по градови е следна:
• Скопје 38.330, активни 9.985
• Куманово 4.981, активни 477
• Дебар 704, активни 134
• Штип 3.421, активни 194
• Прилеп 4.440, активни 305
• Тетово 4.939, активни 706
• Струга 2.126, активни 196
• Велес 2.933, активни 392
• Битола 3.162, активни 366
• Охрид 2.633, активни 443
• Кавадарци 2.372, активни 463
• Гостивар 3.515, активни 444
• Гевгелија 1.242, активни 206 (81 лице од ПЕ Гевгелија се жители на Дојран, 214 на Богданци и 12 се странски државјани)
• Струмица 2.456, активни 453
• Крива Паланка 697, активни 94
• Радовиш 668, активни 77
• Крушево 188, активни 35
• Кочани 1.687, активни 155
• Пробиштип 472, активни 34
• Демир Хисар 240, активни 27
• Македонски Брод 236, активни 16
• Пехчево 173, активни 24
• Берово 557, активни 55
• Валандово 323, активни 31
• Виница 474, активни 58
• Делчево 710, активни 230 (188 лица од ПЕ Делчево се од Македонска Каменица)
• Кратово 206, активни 14
• Свети Николе 1.061, активни 71
• Кичево 1.645, активни 190
• Ресен 692, активни 125
• Неготино 1.106, активни 231 (176 лица од ПЕ Неготино се жители на Демир Капија)
Направените 2.118 теста се преку: ИЈЗ – 531, ЦЈЗ Скопје – 48, „Авицена“ – 263, „Биотек“ – 195, МАНУ – 97, „Жан Митрев“ („Филип Втори“) – 120, „Систина“ со PCR-метода – 171, лабораторија „Лаор“ – 103, Судска медицина – 48, ЦЈЗ Битола – 46, Инфективна клиника – 0, ГАК – 0, „Синлаб“ – 21, „Ремедика“ – 16, лабораторија во болницата во Козле – 0, ЈЗУ (рапид-тест) – 457, УК Пулмологија со алергологија – 2, лаборатории од странство – 0. Досега во земјата се направени вкупно 428.006 тестирања на Ковид-19.
Македонија
(Видео) Милошоски: Пописот треба и мора да се реализира, но не ваков каков што сака да го направи СДСМ

На денешната седница на Собранието се обрати пратеникот од редовите на ВМРО-ДПМНЕ, Антонио Милошоски, кој зборуваше за законот за попис, методологијата за неговото донесување, како и моментната ситуација со пандемијата на Ковид-19, која директно влијае врз одржувањето на пописот.
Во однос на донесувањето на законот за попис, Милошоски вели дека тој не само што има обид да се донесе на сила, туку и законот каков и да се донесе, не е исто што и неговото реализирање. Според Милошоски, пописот е операција што не треба да се спроведе за само да му пројде редот, туку да има значење и граѓаните да ги знаат точните информации во однос на населението во државата.
„Република Македонија сè уште се соочува со пандемијата на Ковид-19 и тоа е огромна причина да се размисли дали во моментот е потребен попис, кој ниту ќе биде релевантен ниту ќе придонесе за прецизирање одредени податоци“, изјави Милошоски, според кој голем број земји ги одложиле пописите што требало да се направат кај нив оваа година, само поради лошите и поразителни бројки на починати и заболени од Ковид-19.
„Не е нормално во време кога навистина се бориме со пандемија да ризикуваме дополнително со животите на граѓаните. Германија, Бугарија и уште низа земји ги одложија пописите што беа предвидени за оваа година и ги преместија за 2022 година. Политичарите кај нас, доколку размислуваат зрело, треба да ги направат истите чекори и пописот да не биде избрзан и фингиран, а потоа да се чекаат нови 20 години за нов попис“, додаде Милошоски.
Тој потенцира дека пописот треба и мора да се реализира, но не сега во овој момент и под вакви услови. Со мало пролонгирање на пописот, ќе се избегнат лоши ситуации во однос на пандемијата и ќе се изработи модел преку кој пописот ќе го добие своето вистинско значење и неговото реализирање ќе придонесе со нови точни статистички податоци за населението во државата, заврши Милошоски.
- Книги4 недели
Македонски лекар ја објави последната исповед на Јосип Броз Тито
- Македонија3 месеци
Излезе од затвор Панче Ангелов, напаѓачот на Шекеринска од 27 април
- Македонија2 месеци
МЖСПП: Мечкиното грозје важен ресурс, кој треба грижливо да го собираме
- Црна хроника2 месеци
Млада девојка од Штип пронајдена мртва во нејзиниот дом
- Економија3 месеци
(Видео) Младите од Струмичко порачуваат – ако не проработи рударскиот комплекс, ќе се иселиме сите
- Македонија1 месец
(Видео) Отстранети два нелегално изградени објекта во општина Центар
- Македонија3 недели
Возачот на „бентлито“ што „влета“ на плоштад казнет со 45 евра, објавена фотографија од записникот
- Спорт3 месеци
Гетџи: По мечот со Хабиб, мојата мајка конечно ќе може да се пензионира