Контакт

Македонија

Османи: НАТО е незаменлив фактор за нашата безбедност

Објавено пред

Министерот за надворешни работи, Бујар Османи, учествуваше на видеоконференција на состанокот на министри за надворешни работи на Северноатлантскиот совет на НАТО.

„НАТО е незаменлив фактор за нашата безбедност заради што особено важно е приспособување на алијансата кон новите закани на начин што би ја зајакнал политичката кохезија, а демонстрирање единство и солидарност е од витално значење за справување со предизвиците што се производ на глобалните безбедносни промени“, истакна Османи.

Во своето обраќање министерот се осврна и на потребата од засилена соработка на НАТО и ЕУ во насока на градење регион на Западен Балкан отпорен на безбедносните закани и надворешни влијанија, што е особено значајно во контекст на гарантирање на неповратниот карактер на европските и евро-атлантските процеси.

„Јасната европска и евро-атлантска перспектива за земјите од Западен Балкан мора да биде континуиран двигател за иднината на регионот“, потенцира Османи.

Главна тема на министерскиот состанок беше агендата „НАТО 2030“, односно заокружување на преговорите поврзани со решенијата што треба да бидат усвоени на наредниот самит за идното адаптирање на алијансата кон новото стратешко опкружување, а со порака дека алијансата е обединета во пресрет на растечките предизвици на денешницата и геополитичкото ривалство, како и дека колективната одбрана останува врвен приоритет.

Инаку, министерскиот состанок на Северноатланскиот совет на НАТО се одржа во пресрет на НАТО-самитот закажан за 14 јуни во Брисел, што ќе претставува прво наше учество на лидерски состанок на алијансата во својство на полноправна земја членка.

Македонија

Средба Царовска – Ружиќ: Се стремиме кон создавање квалитетно образование

Објавено пред

Унапредување и зајакнување на соработката во образованието и науката помеѓу Северна Македонија и Република Србија беше тема на денешниот билатерален состанок во Белград на министрите за образование и наука Мила Царовска и Бранко Ружиќ. Во заедничката изјава за медиумите по состанокот, министерката Царовска истакна дека и двете земји се стремат кон создавање квалитетно образование, кое е во најдобар интерес на учениците. Затоа се неопходни соработка, поддршка и размена на искуства во остварувањето на оваа приоритетна цел.

„Северна Македонија засилено работи на подобрување на својот образовен систем. Во согласност со препораките на меѓународните организации и институции, како што се ОЕЦД, УНИЦЕФ, УСАИД, но и врз основа на домашните анализи, усвоивме нова концепција, со која почнуваме од идната учебна година во прво и четврто одделение. Наша цел е да обезбедиме образование достапно за секое дете и учениците да стекнат знаење, притоа оспособувајќи ги да го користат знаењето, да развијат социјални и емоционални вештини, умешност за критичко и креативно мислење, самодисциплина, љубопитност и чувство на припадност и цел. Главниот фокус на новата концепција се токму инклузивниста и поттикнувањето на полниот потенцијал на секое дете преку критичко и креативно мислење со кое очекуваме да ги подобриме резултатите на тестирањата и да се изедначиме со знаењата на учениците од регионот“, рече Царовска.

Една од темите за која се зборуваше е и дигитализацијата на образованието, нешто на кое забрзано работи и Република Србија. Дигитализацијата се спроведува и Република Северна Македонија, а пандемијата на Ковид-19 само уште повеќе го забрза овој процес.

„За реализација на учебната 2020/2021 година се одлучивме за хибриден модел на настава: со физичко присуство од 1 до 3 одделение, онлајн за погорните и средните училишта и емитување часови преку Националната телевизија, како и достава на печатени материјали до учениците што немаат ИТ-уреди. Овој модел се покажа како многу ефективен затоа што онлајн-наставата беше со успешност од над 98 %, а помалку од 1 % имавме активни случаи на Ковид-19 помеѓу наставниците и учениците со физичко присуство. На овој начин обезбедивме континуитет на наставата во текот на целата година и ја спречивме ширењето на заразата во училиштата“, рече Царовска. На состанокот се разговараше и за искуствата од дигитализацијата на услугите во образованието.

Република Северна Македонија за многу кус период успеа да ги дигитализира услугите за нострификација на дипломи, за аплицирање за степендии, како и за упис во прво одделение во основно образование. На овој начин се доближуваат услугите до граѓаните и се обезбедува поднесување документи без физичко присуство на шалтерите.

Една од темите беше и воведувањето на дигиталните учебници, нешто на што работи и Република Србија. Министерката истакна дека со оваа реформа се почнува следната учебна година во четврто одделение, каде што ќе се даде предност на користење дигитални и мултимедијални материјали за учење, кои ќе бидат дополнителна алатка во совладувњето на материјалот.

Исто така, се зборуваше и за наставата на српски јазик во Северна Македонија. „Нашата држава ги почитува правата на заедниците, со што создава мултиетничко и мултикултурално општество, тоа е и еден од основните столбови на новата образовна концепција. Во подрачјата и општините во кои живее претежно српско население наставата од 1 до 9 одделение се одвива на српски јазик. Исто така, овозможено е и изучување на предметот јазик и култура на Србите од 3 до 9 одделение“, рече Царовска.

Прикажи повеќе...

Македонија

Потпишан меморандум за соработка меѓу Националниот сојуз на слепите и Град Скопје

Објавено пред

Заради поефикасно остварување на социјална грижа за слепите лица, нивна поголема мобилност, вклучување во општествените текови и јакнење на социјалната сигурност, денеска во просториите на Град Скопје се потпиша меморандум помеѓу Град Скопје и Националниот сојуз на слепите на Република Северна Македонија.

„Со овој меморандум Националниот сојуз на слепите на Република Северна Македонија се обврзува да подготвува извештаи за потребите на Град Скопје за состојбите поврзани со економската и социјалната сигурност на слепите лица заради потребата од адаптација, со цел отстранувањето на пречките, обезбедувањето достапност до информациите, како и јакнење на правата на слепите лица во нашиот град“, рече градоначалникот на Скопје, Петре Шилегов.

Овие извештаи Град Скопје ќе ги користи за унапредување на своите програмски активности што се однесуваат на подобрување на условите на слепите лица во Скопје.

„Во изминатиот период Градот и Националниот сојуз имавме интензивна соработка во насока на поддршка на Сојузот. Во таа насока, со реконструкција на фискултурните сали во средните улилишта ‘Михајло Пупин’ и ‘Здравко Цветковски’ беа обезбедени спортски реквизити за слепи и слабовидни лица, при што во ‘Михајло Пупин’ беше изградена и тактилна патека. Обезбедивме поддршка за спортски манифестации, како што е традиционалниот 13. ноемриски шаховски турнир и натпреварот Goal ball. Дополнително, обезбедивме и бесплатни слободни легитимации за јавниот градски превоз за 320 корисници членови на Здружението за слепите на Град Скопје, а воедно организираме и групен превоз до излетнички места за членовите на ова здружение“, рече Шилегов.

Додаде дека Град Скопје посветено работи на унапредување на квалитетот на живот на слепите лица и лицата со оштетен вид, при што во континуитет презема мерки што ќе овозможат непречена комуникација, непречено движење, целосно вклучување на овие лица во општеството. За таа цел е отворен и првиот дневен центар за слепи лица и лица со оштетен вид, чие функционирање е помогнато од Градот како институција.

Претставникот на Националниот сојуз на слепите на Република Северна Македонија изрази благодарност до Град Скопје за поддршката што ја добиваат и нагласи дека дневниот центар за слепи лица и лица со оштетен вид е од суштинско значење за оваа категорија граѓани бидејќи им овозможува на нивните членови секојдневно да се обучат за најважниот сегмент за нив – ориентацијата во просторот, но ќе имаат можност да стекнат и други обуки и на македонски и на албански јазик.

Прикажи повеќе...

Македонија

Актерката Силвија Стојановска доби три и пол години затвор поради учество во шверц на кокаин

Објавено пред

Затворска казна од 3,6 години доби актерката Силвија Стојановска за транспортот на 700 килограми кокаин од Колумбија во Шпанија. Нејзиниот партнер, Воислав Будисављевиќ, доби седум години затвор.

Пресудата ќе ја обжалат пред Апелациониот суд во Скопје бидејќи двајцата сметаат дека не се виновни и дека не го сториле делото за кое беа гонети од Обвинителството против организиран криминал и корупција. До правосилноста на пресудата актерката Стојановска ќе биде на слобода, но со одземен пасош и повремено јавување во суд. Актерката Силвија Стојановска и нејзиниот екссопруг, Воислав Будисављевиќ, на првото рочиште пред судот рекоа дека не се чувствуваат виновни за делата за кои се гонат од Обвинителството.

Двајцата во воведните зборови се произнесоа дека не зеле учество во шверц на дрога – кокаин, како и нејзино купување и продавање во количина од речиси 700 килограми, како што стои во обвинението.

Според обвинението, Стојановска и Будисављевиќ организирале транспорт на 700 килограми кокаин од Колумбија во Шпанија. Актерката, нејзиниот партнер Воислав Будисављевиќ и неговиот брат, кој има исти иницијали В. Б., се дел од организирана криминална мрежа, која договорила набавка на кокаин во Колумбија, го пренеле преку Атлантскиот Океан во Шпанија, го скриле во магацин во Мадрид и договориле негова продажба.

„Во текот на истрагата Обвинителството утврди дека во периодот од јули до 18 декември 2019 година обвинетите, заедно со тројцата обвинети во Кралството Шпанија, од кои едниот е македонски државјанин, брат на првообвинетиот, како и повеќе лица, зеле учество во неовластено купување, пренесување и продавање кокаин во вкупна количина од 698.758,1 грама. Обвинетите подготвувале и организирале неовластено купување, превезување и сместување на кокаинот од Колумбија до Мадрид, Кралството Шпанија, и барале купувачи за него“, информира Обвинителството.

Обвинетите меѓусебно комуницирале со користење „енкрочат“ телефонски мобилни уреди, како и „енкрочат“ мобилни апликации со заштитени канали, а користеле и уред за детектирање евентуална полициска инсталација и дигитални преноси за примена на посебни истражни мерки.

Двајцата беа приведени на крајот на декември 2019 година.

Стојановска беше неколку месеци во куќен притвор, а Будисављевиќ во притвор. На акцијата координирано работеле полициски единици од Македонија, Шпанија и од Колумбија во координација со службата за борба против дрога на САД – ДЕА.

Прикажи повеќе...

Најново

Македонија1 час

Актерката Силвија Стојановска доби три и пол години затвор поради учество во шверц на кокаин

Затворска казна од 3,6 години доби актерката Силвија Стојановска за транспортот на 700 килограми кокаин од Колумбија во Шпанија. Нејзиниот...

Македонија2 часа

Филипче ја прими грчката донација од 20.000 дози вакцини од „Астра зенека“

Министерот за здравство, Венко Филипче, на социјалните мрежи објави дека денеска пристигнала донацијата од 20.000 дози вакцини на „Астра зенека“...

Свет3 часа

„Политико“: Има пет работи поради кои Бајден ја сака Европа, една од нив е Балканот

Малкумина американски претседатели стапиле на таа функција со толку многу поминати километри во меѓународни патувања како што е Бајден, пишува...

Македонија3 часа

Вчера се аплицирани 4.840 вакцини, прва доза примиле 3.222 граѓани

На вакциналните пунктови во државата заклучно со вчера вакцинирани се вкупно 259.935 граѓани. Прва доза вакцина вчера примиле 3.222 граѓани,...

Македонија3 часа

Кацарска: Ниту еден политичар не може да ми влијае за некој предмет

Претседателката на Уставниот суд, Добрила Кацарска, тврди дека врз неа не може да влијае ниту еден политичар ниту, пак, да...

Свет5 часа

Израел ги укина маските во затворено

Министерството за здравство на Израел објави дека од денеска веќе не важи обврската за носење заштитни маски во затворен простор....

Македонија5 часа

Владата ќе одлучува за укинување на полицискиот час

На седница што ќе почне денеска во 13 часот, според соопштение од владините служби, на дневен ред пред министрите за...

Свет6 часа

СЗО: Опаѓа бројот на новозаразени од коронавирус во последните седум недели

Генералниот директор на Светската здравствена организација (СЗО), Тедрос Аданом Гебрејсус, рече дека има пад на новозаразени од коронавирус во последните...

Свет6 часа

Бајден вети дека ќе му ја каже црвената линија на Путин

Американскиот претседател, Џозеф Бајден, вчера во Брисел вети дека ќе му каже на својот руски колега Владимир Путин каде е...

Свет6 часа

Кина возврати на обвинувањата на НАТО: Кажувате невистини, ние сме мирољубиви

Кинеската мисија во Европската Унија денеска ја осуди процената на НАТО од вчерашниот самит дека Кина претставува „системски предизвик“. Водачите...

Македонија20 часа

Заев од НАТО Самитот 2021: Трансатлантското семејство е силно како никогаш порано

Премиерот Зоран Заев, заедно со лидерите на земјите членки на НАТО, учествуваше во централниот работен дел на годинешниот Самит на...

Свет21 час

Бајден: Напад врз една членка на НАТО е напад врз секого

Американскиот претседател Џо Бајден денеска во Брисел рече дека колективната одбрана на НАТО, принципот дека нападот врз една членка се...

Свет24 часа

Земјите од НАТО заеднички ќе се бранат и од напади во вселената

Проширувањето на членот 5 од договорот за основање на НАТО, кој денеска ќе биде продолжен, им овозможува на членките на...

Македонија1 ден

Четири нови случаи на Ковид-19, починал 66-годишен скопјанец

Министерството за здравство информира дека во последните 24 часа направени се 1.337 тестирања, а регистрирани се четири нови случаи на...

Европа1 ден

Во Германија најнизок број на новозаразени во последните 9 месеци

Во Германија е регистриран најмал број на новозаразени од коронавирус на дневно ниво во последните девет месеци, па официјалните лица...

Економија1 ден

Од полноќ се зголемуваат цените на горивата

Регулаторната комисија за енергетика донесе одлука од полноќ да се зголемат малопродажните цени на нафтените деривати во просек за 1,15%...

Македонија1 ден

Груби и Мерко за рушењето на платформите во Струга: Зелената агенда е веќе во акција

Првиот вицепремиер и министер за политички систем, Артан Груби, заедно со министерот за информатичко општество и администрација, Јетон Шаќири, и...

Регион1 ден

Хрватска ги промовира ковид-автобусите

Министерот за здравство на Хрватска, Вили Берош, и директорот на Хрватскиот институт за јавно здравје, Крунослав Цапак, промовираа вакцинација со...

Македонија1 ден

Бројот на ковид-пациенти во македонските болници падна под 100

Вкупната бројка на пациенти позитивни и суспектни на коронавирусот што се лекуваат на инфективните оддели во главниот град и во...

Македонија1 ден

Кризниот штаб предлага да се укине полицискиот час, на свадба да може да има повеќе од 100 гости

Кризниот штаб ги прифати препораките на Комисијата за заразни болести, меѓу кои е и укинување на полицискиот час од среда,...

Досие